影片
更多
2021-10-23
320 瀏覽
以任食台式火鍋黎講，牛大人簡直無得輸，性價比超高，只要有時間又想打便爐，就一定會同朋友黎食，平均每次排大約半粒鐘左右。係Storellet做牛大人既會員，仲可以有9折或免費鴛鴦鍋底。10個鍋底可以揀。今次我地嗌左麻辣鍋(少辣)同牛骨鍋，澳洲極上和牛套餐，嗌呢個餐，都會每位送2粒和牛丸，和牛丸肉味濃，汁多，其實食完2粒會想繼續食，但想再食，就只可以單點，自己俾錢lei。澳洲和牛，每碟肉既脂肪分布都有d 唔同，真係要講彩數，雖然係咁，但全部都係一d 都唔靭，亦好有肉味，以呢個價錢黎講，無得彈。牛小排，我同朋友都覺得比起澳洲和牛會稍為嚡口少少，但都唔錯，我地都只係嗌呢2款牛肉。海鮮種類唔多，只有幾款選擇，我地只係嗌左蝦and沙白。蝦唔算超新鮮，有雪藏味。反而沙白無沙，鮮甜，仲有海水味，但間唔中有1，2隻就差d。鴨血嗌左一份試下，以任食黎講，出其地出色，僅次於鼎王。本人係午餐肉控，忍唔住嗌左，不過失望，佢雖然炸過，但應該擺放左一段時間，所以口感比較差，只此一次勒。牛肚，一定要落係麻辣鍋底果邊，索曬啲湯底，正呀。👇👇必飲，金桔椰果少甜。之後掛住食就無再影相勒....👋👋其實除左手機點單既食物飲品
10個鍋底可以揀。
今次我地嗌左麻辣鍋(少辣)同牛骨鍋，澳洲極上和牛套餐，嗌呢個餐，都會每位送2粒和牛丸，和牛丸肉味濃，汁多，其實食完2粒會想繼續食，但想再食，就只可以單點，自己俾錢lei。
澳洲和牛，每碟肉既脂肪分布都有d 唔同，真係要講彩數，雖然係咁，但全部都係一d 都唔靭，亦好有肉味，以呢個價錢黎講，無得彈。
牛小排，我同朋友都覺得比起澳洲和牛會稍為嚡口少少，但都唔錯，我地都只係嗌呢2款牛肉。
海鮮種類唔多，只有幾款選擇，我地只係嗌左蝦and沙白。蝦唔算超新鮮，有雪藏味。反而沙白無沙，鮮甜，仲有海水味，但間唔中有1，2隻就差d。
鴨血嗌左一份試下，以任食黎講，出其地出色，僅次於鼎王。
本人係午餐肉控，忍唔住嗌左，不過失望，佢雖然炸過，但應該擺放左一段時間，所以口感比較差，只此一次勒。
牛肚，一定要落係麻辣鍋底果邊，索曬啲湯底，正呀。
👇👇必飲，金桔椰果少甜。
之後掛住食就無再影相勒....👋👋
其實除左手機點單既食物飲品外，外面仲有好多蔬菜，丸類，菇類等等食物...，亦有其他唔同既飲品選擇，完全唔怕食唔飽。
以為就咁就食完？last order 前10分鐘會有職員俾張甜品紙你揀要邊款雪糕，或仙草凍ga，但太可惜是日無提供仙草凍😥，唯有要左 Haagen Dazs既期間限定 - 蜜瓜味。
提外話~臨走時，職員見我有支未飲完既白桃烏龍，都有提我可以帶走👍👍，其實如果每個職員都可以咁窩心提一提客人，都真係唔錯。
張貼
