牛丼新造

營業中

休息中

位置希慎廣場urbanhood 既slowcow 餐廳主打係傳統日式生雞蛋牛丼可按個人喜好自由搭配喜愛既口味可自選肉類,醬汁,配料同份量肉類有慢煮熟成牛肉,頂級美國三角脊扒牛肉,日本A5和牛,慢煮極上熊本豚,日式炸雞另可揀珍珠白米飯, 蒜香醬油炒飯, 淡麗蛋白炒飯, 拉絲芝士蕃茄醬意粉, 有機水耕菜沙律, 日式炒雜菜 醬汁有紅酒照燒汁,砵酒黑椒昆布汁,芥末籽肉汁,霹靂辣椒醬,咖喱蛋黃醬試左慢煮熟成牛肉飯 採用美國進口優質牛肉 再自家熟成21日熟成後再慢煮一小時肉質軟嫩牛味濃 搭配炒得粒粒分明既蒜香醬油炒飯好好味加上濃郁既紅酒照燒汁同日本蘭王蛋 撈勻食更滋味😋

心思思想食好耐, 尖沙咀分店一早我已經bookmark左今日過希慎開見到有, 梗係試試佢啦我地2個人見到佢有套餐Slow Cow 招牌分別係自選肉類+食+醬汁+自家製忌廉慢煮熟成牛肉+蒜香醬油炒飯+紅酒照燒汁+自家製鮮忌廉+日本蘭王生雞蛋黃味道: 🌕🌕🌕🌕🌕評價: 賣相吸引, 牛肉分量蓋過炒飯, 而炒飯岩晒重口味人士, 好香好惹味, 令人一口接一口．鮮忌廉第一次試, 配合一齊食, 味道更出。紅酒照燒汁, 我個人覺得可以自行決定加唔加, 因為炒飯配牛肉已經好夠味。日本蘭王生雞蛋黃係加分加分慢煮極上熊本豚+淡麗蛋白炒飯 +咖喱蛋黄醬+自家製鮮忌廉+半熟日本溫泉蛋味道:🌕🌕🌕🌕🌗 評價: 熊本豚比牛肉會柴少少, 不過口感唔錯。蛋白炒飯相對蒜香醬油炒飯會比較清淡, 可以加點醬汁調味。📌 牛丼新造 (銅鑼灣)銅鑼灣軒尼詩道500號希慎廣場B2樓B217號舖

哩間藏身希慎廣場的日式食堂，88蚊起慢煮牛丼-開放式廚房裡，主廚像老朋友般專注料理你的晚餐，看著粉紅和牛慢慢變換著顏色，紅火噴射燃起劈啪節奏-哩碗以低溫慢煮的烹調方式鎖住粉紅肉芯-琥珀色醬汁係熬足8小時的關東風味，一定要➕10蚊日本蛋戳破溫泉蛋瞬間的流心瀑布，儀式感直接拉滿！重點係份量精準拿捏女性食量，完食剛好七分飽一定要➕6蚊升級蒜香醬油炒飯🧄蛋白炒飯相對就比較中規中矩-L型吧檯完美切割社交距離。-

喺希慎廣場B2嘅food court想搵咗餐廳食晚飯😋比呢一間slowcow牛丼吸引咗，試吓係咪真係同張圖一樣咁吸引！慢煮熟成牛肉+珍珠白米飯+日本蘭王生雞蛋黃+紅酒照燒汁 ($94)出到嚟基本上同張相一模一樣咁吸引🤪 白飯上面鋪滿中間有粉紅色嘅牛肉片，加埋黃色蛋黃，完全係睇到都超想食🥰 牛肉片煮得好腍，肉質嫩滑，食落好重牛肉味👍🏻 拮開個蛋黃，包住一粒粒嘅日本珍珠米飯，撈埋牛肉同照燒汁，口感豐富，每一啖都係幸福嘅味道🥳 紅酒照燒汁雖然唔係好食到紅酒味，但係甜甜地嘅照燒汁撈埋蛋黃，簡直係絕配😋最有驚喜嘅係佢嘅自家製忌廉，忌廉食落口感好smooth帶少少甜🫨 同呢一個牛丼，簡直係出奇地夾👍🏻個飯真係幾好食，雖然價錢唔算平，望落分量都唔大，不過正常人應該啱啱好夠飽👍🏻 Foodcourt 都可以食到真係幾驚喜🫨

呢間🐮慢煮熟成牛肉飯專門店開到銅鑼灣啦！就喺希慎嘅 B2 food court 入面~menu 簡單易揀，落完單就可以拎個必必機等食了~（不過都係 food court 通常會發生嘅麻煩事就係硬係有啲人唔係食齋坐，一係就啲凳比啲袋坐都唔比人坐）嚟到一定要叫佢哋嘅招牌牛肉飯啦！牛肉經過21日自家熟成後，再以60度慢煮1小時口感柔滑~混合自家製鮮忌廉，再追加埋日本蘭王蛋令個口感更加香濃濕潤。加咗秘製熟成牛辣肉醬，雖然有兩隻辣椒仔但呢款辣肉醬食落又唔會好辣~ 滿滿嘅熟成牛肉碎肉香濃厚，加埋個蒜香醬油炒飯食落個感覺好似西部牛仔飯！！！嘩啦啦回憶返曬嚟！！！慢煮極上熊本豚配拉絲芝士蕃茄醬意粉 + 蘭王蛋 + 芥末籽肉汁唔係佢哋最 signature 嘅豚肉估唔都都好出色，豬味濃而且肉質紮實又嫩滑~同酸香嘅蕃茄底意粉同埋個芥末籽肉汁好夾，食落更加清爽。而芝士個份量都好多又令個味道更加濃郁夠 balance~

📍SLOW COW#5🫶🏻係最高環境：🫶🏻🫶🏻🫶🏻🫶🏻食物：🫶🏻🫶🏻🫶🏻🫶🏻回頭率：🫶🏻🫶🏻🫶🏻🫶🏻服務態度：🫶🏻🫶🏻🫶🏻🫶🏻-慢煮熟成牛肉+蒜香醬油炒飯+日本蘭王生雞蛋黃 -$118牛肉用火槍輕輕燒過 將牛油迫出嚟 飯就用左蒜香醬油 所以食落好香 牛肉同飯再配埋蛋黃 即刻有多種層次 蛋黃食落好香 又帶到牛肉嘅油脂慢煮激上熊本豚+淡麗蛋白炒飯+咖哩蛋黃醬+留心香煎日本蛋 -$130豚肉食落比較滑 炒飯配埋蛋白 更加有層次 咖喱蛋黃醬相對味道唔出

今次去咗銅鑼灣希慎廣場B2層嘅牛丼新造 SLOW COW，呢個位於Food Court入面嘅特色丼飯專門店，屬於開放式嘅格局，坐喺附近可以清楚睇到廚師即場炙燒牛肉嘅過程。拎住枝火槍噴牛肉嗰下真係好吸引，睇住都覺得食慾大增。但因為喺Food Court 入面，都要等一等位，最好有位先買飯，雖然Slow cow多人，但出餐好快。我同男朋友各自叫咗個Slow Cow 招牌（＄88），可以自由配搭主食、肉類同醬汁，選擇多元化，真係幾照顧唔同人口味。1. 慢煮熟成牛肉+蒜香醬油炒飯(+$6)+紅酒照燒汁+自家製忌廉+流心香煎日本蛋(+$10)牛肉大大片鋪滿丼飯，入口嫩滑好滿足。蒜香醬油炒飯味道濃郁，飯粒粒粒分明，香氣十足。牛肉同紅酒照燒汁一齊食，紅酒嘅香味帶一點微酸，完美中和咗牛肉嘅油香，層次非常豐富。流心嘅煎蛋再加埋甜甜地自家製忌廉，呢一啖真係又係別有一番風味，好正！2. 慢煮極上熊本豚+淡麗蛋白炒飯(+$6)+芥末籽肉汁+自家製忌廉+日本蘭王生雞蛋黃(+$6)熊本豚嘅口感好似拉麵啲叉燒，不過更嫩絕對唔會覺得膩。蛋白炒飯比蒜香嗰款清淡少少，但同酸甜嘅芥末籽肉汁一齊食又幾清新開胃。蘭王雞蛋黃嘅濃

希慎新開左間牛丼專門店，睇圖好吸引，主打熟成牛，日本米，日本蛋，多款自家醬汁& 自家製忌廉，試左個並盛份量都好足夠。♡慢煮熟成牛肉+蒜香醬油炒飯+紅酒照燒汁+日本蘭王生雞蛋黃 $100黎到同張相一樣咁靚，醬汁自己調節加配，熟成牛肉好好食，大片得黎都有6片，包住成個飯，必點！ 蒜香醬油炒飯好香，但太重味掩蓋蘭王嘅蛋味，建議配白飯或者淡麗蛋白炒飯～♡慢煮極上熊本豚+淡麗蛋白炒飯 +芥末籽肉汁+流心香煎日本蛋 $104慢煮豚似拉麵叉燒，配煎太陽蛋好靚，流心蛋比生蛋多左塊蛋白😂 芥末肉汁唔會好辣，叉燒同醬汁好夾～淡麗蛋白炒飯 & 拉絲芝士蕃茄醬意粉都好受歡迎，好快就買完，下次可以再試～♡道地玄米茶 $18♡可口可樂 $18

落班陪friend去銅鑼灣買東西，順便覓食，發現原來希慎B2層也開了🆕food court！有好多靚靚餐廳🍴我們選擇了慢煮牛丼飯【slow cow】💰88蚊就食到慢煮牛，仲要系成個set，雖然系food court但質素冇得談，要俾個大大的👍🥩慢煮牛肉好嫩滑，朋友upgrade和牛再加肥美😋調味上只有簡單鹽味，搭配自選醬汁，就是自己喜歡的味~🍛除肉之外，呢碗丼飯各個部分都可以自己選擇，就是這麼有個性！我選的蛋白炒飯是清淡口，而醬油炒飯就有日式風味d主食👉炒飯 意粉 蔬菜底topping👉各種形態的雞的兒子醬汁👉偏日式，好多款可以自己選

Slow Cow 尖沙咀分店真係火到爆！成條街都係人龍，銅鑼灣店少人啲，希慎廣場店仲唔使排隊！！😍平靚正到痹！餐廳採用日式裝潢，喺美食廣場裡頭特別突出，仲有開放式廚房，可以睇住廚師煎牛扒，啲牛肉滋滋聲聽到都流口水～一碗已經好多牛扒，慢煮嘅熟成技術將油脂香味完全逼出嚟！仲可以自由配搭肉類、飯底、配料同醬汁，最推介招牌牛扒配蒜香豉油炒飯，加埋蘭王生雞蛋同紅酒照燒汁，正到暈！咁平靚正食唔到呢種質素嘅牛扒飯，性價比真係算好高！

慢煮熟成牛肉飯★ $88 (+$6蛋)牛肉係慢煮完再煎表皮，切一片片，再用火槍燒。肉仲有粉嫩色，肥瘦分布平均，加埋日本生蛋黃+甜cream，排得好整齊，影相配色就好靚♡，令人有食慾。但吾知係咪cwb希慎新開舖，牛肉一般，較難咬又做唔到慢煮好腍嘅感覺，冇入口即溶，但幾有肉味，有少少失望TT 個人推介芥末籽肉汁>紅酒照燒汁！酸酸甜甜，可以解漏🤍📍SLOW COW 銅鑼灣軒尼詩道500號希慎廣場B2樓尖沙咀河內道18號K11購物藝術館2樓201B號舖#牛肉飯 #慢煮牛 #希慎廣場 #銅鑼灣

呢間喺K11好紅嘅牛丼迅速喺希慎food court開咗分店見唔使排隊就即刻試咗🙂‍↕️▫️ 慢煮熟成牛肉-特盛($88+$48) 日本蘭王生雞蛋黄 (+$6)慢煮熟成牛肉標準份量只係$88 目測都唔算細碗我就加$48叫咗最大嘅size牛肉即場火炙再舖喺飯面燒過嘅牛牛味更香口👍🏼肉質偏有嚼口但唔會硬生雞蛋黄係必加的！🍳加埋忌廉令牛肉入口更滑另外有唔同醬汁可以揀 推薦紅酒照燒汁 夠濃味又香口 同牛肉好夾┄┅┄┅┄┅┄┅┄┅┄┅┄┅┄┅┄

The restaurant opening time is till 10pm as stated here in Open Rice. I tried to order at 20:50 and was told by the server that last orders had finished. Too bad, went to another outlet and ordered my food at 20:54. Their last order was 21:15pm.

賣相係靚仔，和牛飯然後上面加隻日本蘭王蛋喎。首先，呢間嘢單其實唔係咁多，不過由落單到有得食我都等咗接近30分鐘。第二，職員其實好多時都喺度傾計，唔知係咪啲嘢其實好簡單。第三，終於有得食不過發覺碟嘢係凍嘅。雖然啲牛肉有用火槍燙過，不過只係微暖。啲飯更加唔使講，係凍嘅。第四，見到有食客嚟攞餐嘅時候似乎係同第二個客嘅餐調亂咗，原來係因為有兩張單嘅號碼一樣。唔知做乜。最後，加埋蘭王蛋碟嘢接近$100，不過就絕對俾唔到$100嘅質素你。總括嚟講，睇得住間嘢新開，所以員工需要時間熟習。不過，態度（例如掛住傾計同埋凍飯）就應該唔關新開唔新開事。唔在意就係唔在意。