影片
以上資料只供參考, 請與餐廳確認詳情
之前係尖沙咀已經試過【Slow Cow】既新式牛丼，今次再同朋友去銅鑼灣新開既分店。佢地人流非常多，一定需要耐心等候。Slow Cow 既招牌係自選肉類+主食+醬汁+自家製忌廉、另外仲可以加錢額外加topping.慢煮熟成牛肉並盛：蒜香醬油炒飯、咖喱蛋黃醬、自家製鮮忌廉、半熟日本溫泉蛋。呢個丼飯真係驚喜十足！牛肉慢煮到啱啱好，粉嫩嘅肉質入口即化，蒜香醬油炒飯鑊氣十足，每粒飯都沾滿蒜香同醬油香。咖喱蛋黃醬帶微辣，同鮮忌廉嘅滑溜形成完美對比。最正係篤穿溫泉蛋一刻，蛋漿混合所有材料一齊食，口感濃郁得嚟又唔膩，層次豐富到爆！慢煮極上熊本豚並盛：拉絲芝士蕃茄醬意粉、半乾茄芝士醬、自家製鮮忌廉、日本蘭王生雞蛋黃。熊本豚肉果然名不虛傳，慢煮後肉質超軟嫩，油脂分布均勻。拉絲芝士蕃茄醬意粉好香濃！半乾茄芝士醬帶煙燻香氣，配埋生雞蛋黃同鮮忌廉，撈勻後每一啖都creamy到不得了。蘭王蛋黃顏色鮮橙，蛋香濃郁，為成個意粉加分不少。道地玄米茶/道地烏龍茶
繼續閱讀
#20250401 📝銅鑼灣軒尼詩道500號希慎廣場B2樓B217號舖 🍽️尖沙咀河內道18號K11購物藝術館2樓201B號舖➖➖➖➖➖➖➖➖➖➖➖➖➖➖➖➖➖#慢煮熟成牛肉 $88 🥢 #蒜香醬油炒飯 +$6 🥢 #芥末籽肉汁 🥢 #流心香煎日本蛋 +$10💭 呢個飯基本配置係90g，大食既朋友可以加錢要120g或者150g，見呢度主打牛就梗係要試下啦，一塊疊一塊咁鋪滿成碗飯，所以份量都幾多🐮個醬油炒飯望落有啲似糯米飯，其實食落都有啲似😂撈埋個汁係可以幫手帶起更多牛味出尼，最正都係個蛋，唔鐘意食生既蛋白於是揀左煎蛋，但個蛋黃仍然有流心，簡直畫龍點睛🍳.#慢煮極上熊本豚 $88 🥢 #淡麗蛋白炒飯 +$6 🥢 #砵酒黑椒昆布汁 🥢 #半熟日本溫泉蛋 +$10💭 除左牛仲揀左款同樣唔使加錢既豬，係拉麵上面啲叉燒咁，但佢係高質版，食落口感超滑超淋，而且仲好香豬味🐷黑椒昆布汁甜甜辣辣幾得意，另外店員姐姐仲比左少少照燒汁試下，同個溫泉蛋一樣好夾個飯👍🏼而且呢度啲飯全部都會比pat自家製忌廉，真係蛋糕果啲甜甜地既忌廉，鐘意試新野既朋友可以試下撈埋佢尼食😝.#可口可樂 $18#烏龍茶 $18💭 啲罐裝或者枝裝野飲全部都$18，至於其他有酒精成份既都係$28🍹唔講唔知原來希慎個地底有個環境咁舒服既food court，絕對加分！.
繼續閱讀
喺銅鑼灣希慎地庫food court，有間主打慢煮牛丼的Slow Cow🥩 Menu好簡單，自選肉類、飯底、醬汁。一定要試吓佢哋嘅招牌，慢煮熟食牛肉🥩賣相好靚，開放式廚房可以睇到店員炙燒一片片牛肉，牛肉燒到大約七成熟，口感軟嫩，肉味香濃。記得加日本蘭王生雞蛋，撈飯食一流😍 唔食牛嘅朋友都可以揀慢煮極上熊本豚，豚肉冇咁多脂肪，食落口感會多啲。飯底有普通白飯、蒜香醬油炒飯、淡麗蛋白炒飯、拉絲芝士蕃茄意粉，如果想健康啲亦可以要有機水耕菜沙律或日式炒雜菜做底👍🏻我哋一個要咗蒜香炒飯，味道好香口，另一款淡麗蛋白炒飯都炒得幾香，粒粒分明。個飯仲可以自選醬汁，我哋要左紅酒照燒汁，味道鹹鹹甜甜，都好惹味！另一款芥末籽肉汁，我哋覺得比較襯豚肉飯。飯上面仲有自家製鮮忌廉，味道十分之豐富。
繼續閱讀
香港牛丼店不少，但用慢煮方式做的你又吃過未？牛丼新造 SLOW COW 主打創新風格牛丼🥢🐮牛肉會先經過21天熟成，然後再用慢煮手法烹調，還有特色醬汁。最初在尖沙咀K11，現在銅鑼灣希慎廣場都可以吃得到。因為是第一次吃，所以當然是點 SLOW COW 的招牌組合。自選肉類+主食+醬汁+自家製忌廉，還可加配料增加豐富度。🐮慢煮熟食牛肉 (HKD 122) 加大肉量👉 120g有12片(+HKD 28)，還有加顆蘭王生蛋黃(+HKD 6)拌飯吃超香濃，想每粒飯都沾到蛋黃那種，建議減飯會比較剛好。熟成+慢煮的肉每一口都充滿肉香與肉汁，肉質超嫩不乾柴。醬汁選了微甜的紅酒照燒汁，和牛肉都幾搭配。🐮慢煮熟食牛肉 (HKD 94) 沒加肉量的話有90g。主食的飯原本是珍珠白米飯，可加錢轉其他。蒜白醬油炒飯 (+HKD 6) 蒜香十足又不膩，是非常惹味的炒飯。醬汁選的是芥末籽肉汁，吃落有微微辛辣感但不算很突出。另外那一小球自家製忌廉是帶甜味的，建議拌在飯吃會比較融合。牛丼可以組合不同醬汁+主食，下次可以再試試其他😋
繼續閱讀
上年開始，希慎廣場地庫搖身一變成為美食廣場，對於住銅鑼灣嘅阿叔要搵食真係方便咗好多。呢度除咗有我最鍾意嘅本地手造雪糕外，仲有咖啡、日式定食、泰國船麵、漢堡包、生蠔意粉等，包羅萬有。今期阿叔趁住平日例休，終於有機會嚟幫襯呢間開咗無耐、見唔少foodie朋友都有介紹嘅慢煮熟成牛肉飯專門店。專門店位於B2層，全店採用開放式設計，大家既可一邊食飯，一邊睇住師傅即場炙燒牛肉。🐂慢煮熟成牛肉 ($88)熟成牛肉8大塊，塊塊都呈鮮嫩粉紅色，賣相好吸引！網上搵資料，原來餐廳採用嚟自美國嘅優質牛肉，喺指定溫度同濕度嘅環境下自家熟成21日，之後再以60度慢煮一個鐘，所以牛肉唔單止口感軟腍，而且仲會食到香濃嘅牛味。個人嘅私心推介，阿叔一向都係濃味仔，建議熟成牛加錢配蒜香醬油炒飯 (+$6) 同日本「蘭王」生雞蛋黃 ($6)。食之前，飯連蛋黃、餐廳自家製嘅鮮忌廉同紅酒照燒汁一次過撈均，跟住再以牛肉包住飯一齊食，濃厚醬汁、滑溜牛肉、惹味炒飯一次過品嚐，味道層次極之豐富，值得一試！
繼續閱讀
您可能會有興趣的...