牛丼新造

之前食過尖沙咀分店，今次過嚟銅鑼灣試吓😙因為呢度都係以food court形式，不過位置都坐得舒服～我同朋友叫咗A4 日本和牛丼 同 慢煮熟食牛肉(大盛)加蘭王生雞蛋黃～😝兩款都有驚喜！先講 A4 日本和牛丼$168和牛一上枱，賣相已經好吸引，有蒜片同埋粒粒和牛粒配上日本珍珠米同招牌蘭王蛋😋食落口，牛肉粒外面脆，入口即化，肉味濃郁，帶點甜，充滿油脂感，配埋咖喱蛋黃醬(+$8)（我哋揀咗呢個醬），超級惹味！雖然醬汁有啲搶味，但係都有另一種風味～加蛋有得加醬汁又得，多種食法🤪慢煮熟食牛丼$88可以自己選擇份量，叫咗大盛（90g）(+$28)加埋粒必加既蘭王蛋🍳(+$6)牛肉用咗 21 日熟成再慢煮，120g 份量好足，肉片切得薄薄，顏色粉紅，望落已經好 juicy。配日本蘭王生雞蛋黃，仲有自家製忌廉，攪拌起來口感濕潤又滑溜，超滿足！🥰牛肉好嫩，入口有濃濃嘅肉香，蛋黃一爆開仲增添咗份 creaminess，jeng😋而且醬汁都係大大碗，秘製熟成牛辣肉醬(+$12)，超級多肉嚟撈飯🤣飲品依舊係我哋喜歡嘅可口可樂🥤(+$12)😆唯一小瑕疵係晚市高峰期可能要等一陣，建議早少少去～而家又多咗啲醬汁，唔同嘅米飯份量選擇，可以根據自己喜好，想食高質牛丼嘅朋友，slowcow真係值得一試😎…查看更多

牛丼新造food court 見到師傅即場烤牛肉, 牛肉丼睇落靚仔就試原來係我之前去過Cafe兼家具店HOW旗下, 丼都可以自選base, sauce 同topping A4+日本和牛丼 $168選左蒜香醬油炒泰國絲苗米+秘製熟食牛辣肉醬本身配左自家製鮮忌廉（奶油）同蛋黃和牛切粒, 油脂分布均勻火炙後牛脂香濃郁肉質軟腍, 邪惡嘅美味配左醬油炒飯, 炒得乾身帶蒜香, 搭配脆香蒜片同吉開滑溜蛋黃好好食秘製熟成牛辣肉醬🌶️帶微辣, 雖然個醬好味. 不過我覺得就咁炒飯加和牛組合已經好好食.慢煮熟成牛肉丼 $88日式野菜+砵酒黑椒昆布汁用美國進口牛肉, 熟成再以低溫慢煮肉味濃, 呢款無咁多牛脂食落無咁邪惡不過肉口感軟嫩, 配埋sauce 同微甜柔滑鮮忌廉都唔錯日式野菜以蒜同 醬油炒得都好好食. 唔想食得咁heavy 絕對可選菜菜子.@slowcow_beefbowl銅鑼灣軒尼詩道500號希慎廣場B2樓B217號舖尖沙咀河內道18號K11購物藝術館2樓201B號舖…查看更多

朋友話想試下間牛丼店 SLOW COW 佢 都幾出名!  之前次次去到佢尖沙咀店都太多人要等太耐, 緣慳一面.  今日去銅鑼灣見到原來希慎廣場地庫個FOOD COURT 有佢分店.  俾機會我地試下. 佢地係開放式廚房 , 清楚睇曬所有煮食工序, 一定係好乾淨衛生,  SLOW COW  係food court內嘅餐廳,  所以最好搵左位先.  好在我地6點到仲未係好多人, 搵左一陣就有位. 招牌 - 慢煮熟成牛肉丼 $116    自選主食+ 醬汁+ topping  慢煮熟成美國牛肉軟嫩, 厚度切得剛好牛味重. 有球鮮忌廉 我配個牛肉食又幾好食. 滑溜同牛肉幾MATCH .  個汁揀左芥末籽肉汁, 幾惹味. 蒜香醬油炒飯+$6：飯粒分明，蒜香突出半熟日本溫泉蛋 +$10    蛋黃配菅個飯同D牛肉 , 口感更佳. 日本A4 和牛丼A4 和牛油花豐富, 肉質嫩滑 , 切粒口感更好,  火喉煮得剛好. 每粒表面都焦香內裡粉嫩 , 入口馬上溶化, 牛味香濃 揀左紅酒照燒汁幾好味, 少少甜甜地幾開胃. 加埋自家製鲜忌廉 同 加了日本蘭王雞蛋黃, 蛋香味濃,   配埋脆香蒜片和 珍珠白米飯, 加埋一起,每口都有驚喜 ,  多重口感 香滑到不行.  牛丼新造 (銅鑼灣)銅鑼灣軒尼詩道500號希慎廣場B2樓B217號舖…查看更多

A4 日本和牛丼$168和牛賣相已經好吸引🤣連同蒜片同埋粒粒和牛粒配上炒菜(+$14)都有紅蘿蔔🥕椰菜😌配搭招牌蘭王蛋😋牛肉食落口入口即化😊肉味濃郁充滿油脂感☺️配埋紅酒汁😌更加帶出牛肉嘅鮮香😉果然和牛冇得輸招牌自選肉類主要食醬汁$88慢煮極尚熊本豚+蒜香醬油炒飯(+$6)+浩銘記沙爹醬(+$10)+煎蛋(+$10)佢個豚肉薄切到好似食緊牛咁😉配搭超級香嘅醬油炒飯😊其實唔使落醬汁都已經好夠味😂但係呢個醬汁昇華咗成個飯😉沙爹醬係同浩銘記Crossover真係好惹味😊同就咁撈個飯😂或者係配搭個豬肉都已經好正😊估唔到小小嘅food court竟然藏有咁好食嘅地方…查看更多

放工去開銅鑼灣，係希慎地牢搵食 💃 見到Slow Cow主打高質牛肉料理，好吸引呀❗️就決定去試吓 🤩 餐廳座位唔多，不過人流都快，等一陣就會有位 👍Open Kitchen 睇住師傅處理食材，過程好治癒 🤩 對牛肉控既我嚟講，主打和牛丼既menu 絕對好吸引 🤭❤️Slow Cow 招牌套餐慢煮熟食牛肉，師傅用赤燒方式輕輕烤過，肉味濃郁，肉汁鎖得好，口感紮實唔油膩，牛香四溢🐮蘭王蛋黃，配埋粒粒分明嘅珍珠白米飯，加埋特製嘅醬汁，飽肚之餘又食得豐富❗️❤️A4日本和牛丼原來加埋蒜片係咁好食❗️牛粒好濃牛味，加埋蒜片，口感豐富 😋 推薦加埋秘製牛辣肉醬，令本身豐富嘅口感，再加一層滋味 🌟依間銅鑼灣主打高級和牛丼飯的日式快餐店，食材新鮮又無偷工，值得牛肉迷專程去試❗️😋…查看更多

性價比超高嘅慢煮牛肉丼飯專門店，以Food Court嘅價錢，享受到餐廳級數嘅質素！佢哋個「Meat + Base + Topping + Sauce」自選概念好正，可以自由配搭出最啱自己口味嘅丼飯。慢煮熟成牛肉丼主打嘅慢煮熟成牛肉果然名不虛傳，肉質軟淋得嚟帶咬口，牛味濃郁。配咗日式炒雜菜，落足牛油同蒜蓉去炒，香氣撲鼻。最正係撈埋隻日本蘭王生雞蛋黃，蛋漿即時包裹每粒飯同牛肉，口感更滑溜。再加埋一勺秘製熟成牛辣肉醬，微辣惹味，層次即刻豐富晒！A4日本和牛丼升級試咗碗A4日本和牛丼，和牛油花均勻，入口即化，脂香滿溢。特別在個底係醬油炒飯，唔係白飯，鹹香惹味，同和牛嘅油脂超夾！跟足店員教路，撈勻日本蘭王生雞蛋黃，再加埋脆香蒜片同嗰勺自家製鮮忌廉——估唔到忌廉嘅奶香同和牛咁夾，真係令人食唔停口！店員極力推介試吓配「浩銘記」嘅港式香濃沙嗲醬，果然無介紹錯！每啖飯點少少沙嗲醬，濃郁花生香同牛肉出奇地匹配，帶嚟唔同風味。…查看更多

慢活系牛丼襲擊銅鑼灣！🐄✨ #SlowCow 呢個名已經話俾你聽，係要你慢慢享受～ 今次試咗佢哋嘅招牌✨A4日本和牛丼✨，真係一試難忘！🥩 主角A4和牛：油脂分布超靚，火候掌握得剛剛好，入口即化唔係講笑！滿口都係牛嘅香氣，超級滿足。🍳 邪惡溫泉蛋：篤穿蛋黃個刻真係治癒到不得了，蛋漿撈埋和牛，口感即刻昇華，又滑又香。🧄 畫龍點睛蒜片：加咗份脆香蒜片，咬落「咔哧」一聲，蒜香同牛香超夾，口感同味道都豐富晒！🌶️ 隱藏版辣醬：辣得嚟好香，鍾意食辣嘅朋友一定要試，幫成個丼飯解膩！仲試咗個 #PeriPeri 牛肉球，香辣惹味，咬開仲有肉汁，做小食一流！總結：係一碗好有誠意、細節位做得好好嘅和牛丼，雖然價錢唔算平，但質素對得住個價。鍾意食牛嘅你，絕對要嚟「慢」嚐一下！#銅鑼灣美食 #日本和牛 #和牛丼 #溫泉蛋 #食好西 #香港美食 #foodie #hkfoodie #slowcow #相機食先 #抵食…查看更多

叫咗個牛丼，加咗個流心蛋，同埋咖喱汁。我覺得個牛真係好好食，個飯雖然有啲細，但係因為個牛非常之多油脂，所以其實食起上嚟都幾飽肚。個餐本身送咗個cream，但係覺得個牛本身已經好好食，所以加咗隻蛋同埋個cream都好似唔係特別出，至於個咖喱汁就唔使加了，冇咩特別，仲要加$8都唔係好抵，我覺得係物有所值，不過就預咗個成本去咗個牛度多過係其他嘢，可以一試。…查看更多

銅鑼灣和牛丼推介🐮1. A4 日本和牛丼 $168和牛粒嘅份量都唔少 每一粒都燒得幾好味 一咬開啲肉汁就係咁咇出嚟 仲有啲和牛嘅油香 肉質厚嫩 個熟到啱啱好 唔會太嚡 亦都唔會太生 本身已經有啲甜甜地嘅燒汁味 再加埋個招牌紅酒照燒汁 食物特別惹味 再加埋個蘭王蛋 同埋炸得好香脆嘅蒜片 撈埋個飯食 好滿足2. Slow Cow 招牌 $104呢個招牌個set本身只要$88 加咗$6個蛋同埋$10嘅沙嗲醬 今期個沙嗲醬係同浩銘記合作嘅 食落好有港式嘅沙嗲香味 花生同甜味都比較突出 醬汁偏傑身 所以成個醬汁都好香濃 突然之間覺得有啲日式MIX港式嘅風味 個牛有大概五至六大塊 燒得都啱啱好 側邊有少少燶邊 但中間又唔會太熟 有啲牛嘅油脂香 加埋隻蛋 同埋秘製嘅忌廉 撈埋個日本米食 都幾和味+$12 汽水📍牛丼新造 銅鑼灣軒尼詩道500號希慎廣場B2樓B217號舖…查看更多

餐廳有2間分店 分別係尖沙咀同銅鑼灣 而今次去呢間係位於銅鑼灣希慎廣場B2層 集中美食既一層 位置係所有餐廳共用 自行搵位 今次試呢間牛丼新造人氣滿滿 6點多開始有人龍了😳-✨慢煮熟成美國優質牛肉丼· 蘭王蛋·秘質熟成牛辣肉醬呢款牛肉係慢煮 店員會即叫即整 慢煮肉程粉嫩狀態 食落幾嫩滑 一啲都唔會鞋 牛香味香濃 配埋秘質熟成牛辣肉醬一齊食味道更昇華 呢款醬超多牛肉粒 撈飯一流🥰✨A4+日本和牛丼·蘭王蛋·脆香蒜片·沙嗲醬飯本身係白飯 加左錢轉蒜香醬油炒飯 食落醬油味較重 唔會鹹 撈埋蘭王蛋、cream同沙嗲醬一齊食更惹味 充滿蛋香、順滑感同微辣鹹香味既沙嗲味出 而A4和牛有驚喜 充滿油脂感 入口超軟熟 份量足…查看更多

今日去咗銅鑼灣 Slow Cow，店舖位於希慎廣場B2 food court入面，環境乾淨企理⭐️A4 日本和牛丼用上A4級日本和牛，油脂分布靚，肉質嫩滑～配埋日本蘭王生蛋黃，拌飯食落香滑濃郁，仲有芥末籽肉汁，帶微微辛香，令整體味道更立體😌入口即融，奢華感滿滿。⭐️慢煮熟成牛肉丼牛肉經慢煮熟成，口感軟嫩但唔嚡，肉味更突出～配上半熟日本溫泉蛋，蛋液流心同牛肉混合，食落滑順又帶少少甘香🍳，啱晒鍾意柔和口感嘅人。…查看更多

A4 日本和牛丼，和牛油脂香十足，選了簡單Q彈的珍珠白米飯最適合不過，十分美味。日本蘭王生雞蛋黃搭配潔白的米飯，還帶來了視覺的享受。若想體驗和牛的極致風味，這道料理不容錯過！Slow Cow 招牌慢煮熟成牛肉，加上蒜香醬油炒飯，一點點的自家製鮮忌廉。香味濃郁，慢煮的上等的牛肉，誘人的肉質，非常柔嫩，入口即化，脂肪比例恰到好處，讓整體味道更加豐富而不膩。炒飯中香脆的碎香蒜，平衡了牛肉的油膩，使整體口感更加豐富。…查看更多

Slow Cow位於銅鑼灣希慎廣場B2 Food Court，雖然喺food court，但食物質素真心不錯，經過值得試試佢嘅日式牛丼飯。今次叫咗兩款丼—招牌牛丼同A4日本和牛丼，餐牌有多款選擇，可自選牛肉、豚肉及炸雞。除咗日本珍珠米之外，更可揀炒飯、沙律菜及日式炒雜菜，加$6就有日本蘭王蛋，呢個一定要加。Slow Cow 招牌牛丼（$116）呢款牛丼用上慢煮熟成牛肉，牛肉入口軟滑，油脂適中。沙嗲醬夠港式，真係幾有特色，冇一般日本牛丼咁單調。米用珍珠白米，入口煙韌。加埋日本蛋黃同鮮忌廉，撈埋飯，味道好豐富，超易入口。A4日本和牛丼（$180）第二款就點咗個高級啲嘅A4和牛丼，和牛入口超滑又有牛脂香，唔同平時食丼飯果啲普通牛肉。牛肉嘅份量亦都唔少，配埋自家鮮忌廉同日本蛋黃，再點埋紅酒照燒汁，真心好味。Slow Cow有港式特色之餘又保留日式丼飯精髓，就算係food court，用餐環境都相當舒適…查看更多

今晚在希慎廣場B2用餐，寬闊的環境以及美味的食物總是能讓人心情愉快。牛丼新造的食物選擇非常多樣化，無論是肉類、主食、Topping還是醬汁，都可以自由搭配。在價格最平的$88選擇中，我點了一碗大大碗的慢煮牛肉飯。熟成牛肉經過慢煮，脂肪少卻非常嫩滑，咬下去散發出陣陣香料的味道，我選擇了浩銘記的港式香濃沙嗲醬，搭配起來更加惹味。此外，我將主食改為日式炒雜菜，份量充足，口感令人滿意。流心香煎的日本蛋則煎得恰到好處，滴落的蛋黃更是為整個菜式增添層次感。如果想要更豪華的選擇，A4日本和牛丼只需$168，這道菜更是奢華。A4日本和牛質量上乘，搭配日本蘭王生雞蛋黃及脆香蒜片，口感極為細膩。我選擇了蒜香醬油炒飯作為主食，搭配砵酒黑椒昆布汁，牛肉入口即化，分量也相當充足。…查看更多

呢間隱身銅鑼灣商場嘅牛肉飯專門店，竟然將日式丼飯玩出驚喜混搭！🇯🇵每碗都係藝術品級數，未食已經相機食先📸🍖【慢煮熟成牛肉珍珠飯】用紅酒照燒汁慢煮嘅和牛，肉質纖維吸盡醬汁精華～頂層鋪滿流心溫泉蛋+自家製鮮忌廉，撈勻後每粒珍珠米都掛上奶油蛋香！🇯🇵【A4日本和牛丼】嚴選日本A4和牛薄切，粉嫩霜降油花靚到捨不得吃！戳破蘭王蛋黃那刻，撈埋脆蒜片同神來之筆嘅浩銘記港式濃沙嗲，濃郁花生醬香撞擊和牛油脂，竟然夾過傳統燒肉汁！最後淋上冰鎮忌廉降溫，冷熱交織口感似食緊牛肉版刨冰～#和牛丼飯新境界 #港日fusion #流心蛋控#慢煮牛肉 #A4和牛 #沙嗲新演繹牛丼新造 (銅鑼灣)銅鑼灣軒尼詩道500號希慎廣場B2樓B217號舖…查看更多