燈籠滷味 (新都會廣場)

營業中

休息中

這間燈籠滷味位於葵芳新都會廣場1樓舖，係一間食台灣道地小食糖水店舖，同時店面環境好有台灣風格🤔，好像至新其中感覺，尤其是佢嘅食物款式都有好多選擇!.自選招牌燈籠滷味推介呢一款係店家招牌滷味，一份裹面有三款滷味：大腸 $14大腸口感帶點腍口好香滷汁味道😙，食到入口又有咬口都幾好食😋!牛筋肉 $25牛筋肉賣相色澤望著都唔錯🤔，肉筋分明肉質腍鬆味道十足😋恰恰好，又有咬口完全入哂味好香牛筋味!甜不辣 $15呢款甜不辣名字好特別🤔，望著賣相色澤都幾好，食入口口感煙煙韌韌又有咬口，我覺得都幾好食😋!.奶油芋泥肉鬆蛋餅 $56呢一款肉鬆蛋餅賣相都好吸引😍，金黃香脆嘅外皮🤤望著都好想食，包著香滑帶點甜口嘅芋泥😋，同埋香鬆脆口嘅肉鬆，兩者咸咸甜甜口感味道都好夾🤔，配埋件蛋餅食相當之正👍!.燈籠芋見你 $48呢一款芋見你名字真的幾特別🤔，有芋圓 、地瓜圓 、仙草 、芋泥、 紅豆 、黑糖同埋花奶，份量十分之豐富😮，佢嘅芋圓口感煙韌，地瓜圓帶點腍而咬口，芋泥十分之軟滑帶點甜口，紅豆又夠腍甜😋帶點沙沙，配埋D黑糖花奶甜之中帶點滑口!.蜂蜜荔枝紅茶 $30呢一杯荔枝紅茶茶味都好清香😙，飲入口聞到清香荔枝味，飲到

今日同朋友到葵芳食飯，去到餐廳不需要等位就可以入座。我們叫了一個滷鴨胗，奶油芋泥、肉鬆、起司蛋餅，Shake Shake 海苔鹽酥雞，台灣紅燒牛筋肉滷肉飯和兩杯飲品，香烤炭焙烏龍奶茶和燈籠黑糖珍珠奶茶。首先來的是滷鴨胗，滷水汁味香而且不會好鹹，鴨胗滷入味，口感爽。之後是紅燒牛筋肉滷肉飯，牛筋肉的肉質爽滑，另外飯的份量都很多。接住是鹽酥雞，加上海苔粉更香更好味，外皮香脆而入面有雞有肉汁且滑。再來是蛋餅，整體鹹中帶甜，又不會太乾口，入口味道剛剛好，非常之好味。另外一提珍珠奶茶的珍珠有咬口，不會太硬或太軟。整體來講，性價比高的餐廳，份量多而且味道不錯。

每次經過新都會都嗅到濃濃的滷水味。每次想食都沒耐性排隊。今次因為不用上堂就排第一入內食個brunch (11:30開始）。即叫了豬大腸、豬耳和排骨滷肉飯。還叫了外賣，賣單341元。滷水唯獨是八角好似落得不夠，滷水要食落咸咸甜甜然後回甘。總覺得食完後無了那種回味感。但是食品份量好夠，好底食。

你地葵芳分店服務十分過份！本人在11月10日6:45分左右拎飛排隊，然後就行下附近商場，到我用手機睇叫號情況，已經過了2個號碼，當時我再回到你地店鋪門前，查問收銀帶位職員，請問要不要重新拎一張新飛，當時職員說不用，你等我再叫你過號碼飛，我手上飛是A044 ，跟住我一直等！等到收銀職員都未有叫我補飛，我就再問問呢位收銀職員，請問我張飛係唔係要再拎新飛號，她再說我會補飛，不用再拎飛！我再等你！跟住我見網上飛號A060我就拎左網上飛再等，點知呢位收銀姐姐一直叫號到A060 !我就當面同佢講有沒攪錯你地公司咁樣安排！要我白等你說給我的補飛！我重新拎張飛仲快！

今晚同媽咪撐枱腳，我哋揀咗新開嘅台式餐廳—燈籠滷味，上網睇返原來佢哋喺中環、銅鑼灣同旺角都有分店。餐廳座位乾淨企理，有少少台灣夜市風味，好快已經座無虛席。招牌燈籠滷味（水蓮、白蘿蔔、牛筋肉、大腸同鴨胗）$86滷湯味道濃郁，中間帶有陣陣嘅藥材香味，鮮甜回甘，忍唔住飲咗幾啖。我同媽咪都特別鍾意水蓮同大腸，同酸菜一齊食，滋味加倍。人氣蔥抓蛋餅（奶油芋泥、肉鬆、起司） $56哩個好食🤤！餅皮煙韌香口，奶油芋泥清甜香滑，加入惹味肉鬆同從不會令人失望嘅芝士，真係絕配！點都諗唔到哩三樣嘢擺埋一齊味道會咁好。九份經典芋圓伴QQ蕨餅 $46裡面有芋圓、地瓜圓、蕨餅、紅豆🫘、珍珠、黑糖同花奶，全部都係我嘅最愛❤️。珍珠非常煙韌Q彈，加入黑糖真係令人難以抗拒。抹茶蕨餅都好食，清爽香甜，抹茶味清香。凍清新冬瓜仙草檸檬 $31飲品相對無咁出色，冬瓜味唔夠濃，不過仙草就好好味😋。

最近葵芳開了一間新的台灣鹵水小店，今晚我都同爸爸來幫襯一下。呢間餐廳係其他地區都有分店，我都係第一次食呢間餐廳。沒想到平日晚上都如此人山人海，只是七點左右，門口已有多人等位，好熱鬧。餐廳裝修得好有台灣風味，好多燈泡、餐牌，感覺好似置身於台灣夜市之中。我跟爸爸點了幾款食物。首先當然要必點台式鹵肉飯。呢碗鹵肉飯果然色香味俱全。雖然細細碗，但上面既鹵肉同醬汁絕對不少。鹵肉香噴噴，豬肉粒又香又好味，每一啖飯都足夠有鹵肉同醬汁，所以吃起來絕對唔會乾、硬，完全沒有呢種感覺。只會好味到令人不自覺一啖又一啖地食。呢度鹵水都相當有名，有好多款唔同既鹵味、小食可以點選，仲可以配埋麵，款式多元化。但我們就沒有配麵，只點了幾款鹵味當餸食。點了蹄膀、豬大腸、豬耳，呢三款鹵味都好好味。鹵味味道岩岩好，香甜的鹵水汁，而且肉類都醃同炆得相當好食。鹵水汁又唔會令人口渴，味道岩岩好。蹄膀啖啖肉，豬肉腍身，而且仲有滿滿的膠質，正。豬大腸夠曬地道，洗得乾淨，彈牙入味，呢款鹵味好吸引。豬耳爽口好咬口，過下口癮，唔錯唔錯。除了鹵味外，仲點了台式鹽酥雞。呢度既鹽酥雞仲拌隨shake shake海苔粉。把又熱又香既鹽酥雞倒入紙袋中，

葵芳新都會廣場燈籠滷味的裝修加入台灣夜市的特色，令顧客仿如置身於台灣夜市中。食物的選擇有滷味、飯、麵、小吃、台式飲品等等…我們今次2個人叫了紅燒牛筋肉滷肉飯、 麻辣鴨血野菜冬粉、花生醬火腿起司及台味奶茶。奶茶沒有奶茶的質感，只是有奶茶味的水; 起司的花西醬也太甜，甜到吃不出其他饀料的味道。滷肉飯的牛筋肉又腍又美味，大大碗好夠食。鴨血夠煙韌彈牙，可惜實在太辣，鴨血及冬粉(粉絲)染滿辣椒油，食到噴火。

好耐前有youtuber介紹過呢間，咁啱又滷水癮癮起，一於食下。平日晚都多人，好彩等枱都唔算好耐，就可安排入座。幾得意喎，有啲似車仔麵模式，揀餸揀麵底，或者淨餸也可。我要左蹄膀、雞翼、蘿白、大腸，加個王子麵。 可能王子麵好索湯，我點了多湯都仍然很少湯。蘿蔔好清甜，索左湯汁，更添層次，好好食。雞翼同大腸都不錯，大腸冇臭味，加分。可惜蹄膀有點乾鞋。葱抓蛋餅有芋泥、起司和肉鬆。份量好足，好飽肚。起司和肉鬆都好出色，芋泥的芋頭味就正常，加了糖所以有些甜。牛荕肉滷肉飯我很喜歡。午肉軟淋入味，而滷肉飯調味啱我口味，而且這家你滷肉不肥，感覺健康一些。吃得飽飽出嚟,價錢又唔算貴，都可以再食。

等左三年，仲未可以去台灣旅行🥹心思思好想食台灣地道野～點知有日朋友同我講燈籠滷味係葵芳開左！好近office所以放工即刻去食🤩7點鐘去到都幾多人下，勝在鋪位幾大，好快就可以坐底👍🏻💎 $78 台灣紅燒牛筋肉滷肉飯有五大片牛筋肉，仲要係厚架筋同肉既比例適中滷肉撈飯係一流大大碗如果我一個人食可能食唔曬🙈.💎 $56 人氣蔥抓蛋餅（奶油芋泥、肉鬆、起司）蛋餅皮本身煎到脆身入面包住甜甜地既芋泥+咸咸地既肉鬆同起司，超好食一咬落去就有好滿足既感覺🥰.💎 $48 Shake Shake 海苔鹽酥雞上台時係有埋一盒海苔粉同埋shake shake袋有得自己shake幾有趣😆鹽酥雞唔會好鹹，撈埋海苔粉就岩岩好熱辣辣咁好香口🤤.💎 $31 清新冬瓜仙草檸檬有青檸～酸酸甜甜幾開胃😋冬瓜又係清熱既所以唔怕熱氣👍🏻仙草份量有成三分之一杯咁多～.💎 $48 燈籠芋見你勁足料碗底有齊芋圓、地瓜圓、仙草、紅豆，紫米仲有兩大球芋泥🫶🏻上面撒左啲燕麥都幾夾！呢到係用QR code落單，記得係落甜品個陣揀「叫起」，就可以甜品後上架啦😏.餐牌上既兩款甜品都係限量供應本身兩款都想試曬佢但係九份經典芋圓伴QQ蕨餅已經賣曬😭大家

除日本外，台灣可算是第三故鄉，濶別了三年，好掛住台菜；台式火鍋就唔難揾，街頭小食就極罕見！同事話新都會有間台式滷味，一於尋味葵芳！店面是開放式，格局極像台灣夜市，好感動呀！睇埋菜牌，原來搬咗個滷水檔過嚟，一於食個夠本！先來碗台式滷味，基本上有手指公嘅都有叫，另加雞翼同烏龍麵上桌大大碗，琳瑯滿目，不見麵只見餸；滷水香氣撲鼻，第一時間呷啖滷汁，醇厚芳香、不鹹不膩，應該是浸熟過極多食材，所以充滿肉香，忍不住再呷多兩啖！各樣配料均十分出色，入味得嚟唔過鹹、軟淋得嚟唔會散、也不會靱，雞翼、鴨胗相對易處理嘅，好味唔在講，最愛佢嘅豬大腸，夠淋夠入味，肥瘦適中，超正！仲有勁推介白蘿蔔，見到顏色便知其入味，索哂滷汁、入口即化、清甜得嚟又帶點鹹香，雖則坊間有相同口感嘅蘿蔔，但大多數用清水煮，淋甜得來冇尼味道，呢度嘅係超級好食，不可不試！滷蛋煮得啱啱好，流心富蛋香，加埋滷水汁，絕配！麻辣鴨血粉絲係我嘅至愛，鴨血爽滑入味，粉絲口感就非常爽彈，兩樣都吸收咗麻辣醬汁，香濃小麻辣非常之好味！鹽酥雞脆醬薄薄、炸得又夠透，勁脆口夾好食！內裏雞肉嫩嫩的，𡁻得出有肉汁，越𡁻越好味！黑糖珍珠奶茶，茶香夾滑、珍珠甜夾煙靱、奶味

之前去台灣旅行最鍾意喺夜市食吓滷味,貪佢選擇夠多,自己鍾意食咩配搭都得。之前一向都有喺朗豪坊食開燈籠滷味,但係原來新都會廣場都開咗分店,見佢難得唔使排隊就食返個lunch。嚟到當然要食佢哋招牌嘅滷味啦,我就揀咗牛筋肉,白蘿蔔,甜不辣同經典嘅台灣王子麵。幾款配料都滷得入晒味,牛筋肉入口軟淋,白蘿蔔清甜得嚟仲要冇根,必食。見到隔籬枱食緊人氣蔥蛋手抓餅好似幾吸引所以忍唔住都嗌咗個試吓,我就揀咗奶油芋泥,肉鬆,芝士嘅配搭,手抓餅煎得香脆,內裏嘅芋泥同埋肉鬆餡料一D都唔孤寒,不過略嫌芋泥甜咗少少。眷村懷舊排骨滷肉飯上枱嗰陣時真係俾佢嚇親,因為都幾大碗,除咗有大大塊嘅排骨同滷肉之外,配料仲有椰菜,粟米,半隻滷水蛋同酸菜。

燈籠滷味台灣滷味餐廳裝修佈滿台灣夜市風味，自己掃QR code 落單，方便快捷✔️🔸大腸+雞胗+王子麵滷味自由組合配搭，每款$11-$25不等….我當然點左最愛嘅王子麵喇🤭每逢去台灣必食推介🔸古早滷肉飯（小碗）$35我個人認為比較一般，滷肉比較硬身，不夠淋身，切得比較大粒（真係粒粒分明😂）🔸芋泥肉鬆蔥抓蛋餅$56 配料有奶油芋泥、肉鬆、起司蛋餅外層香脆，勁厚嘅芋泥配搭肉鬆，口感出乎預期好味（起初以為會好奇怪配搭）🔸大甲濃厚香芋鮮奶（砂冰）$35 比較淡味，香芋味不夠濃厚推薦指數：🍚🍚🍚/5 燈籠滷味（葵芳店）📍葵芳新都會廣場一樓181號鋪#foodie #美食 #美食blogger #美食探店 #人生活得精彩 #生存就是食 #香港 #美食分享 #我的美食日記 #香港飲飲食食

燈籠滷味源於台灣師大夜市，跟香港車仔麵概念好似，最鍾意叫唔同配料食，好滿足。最近附近開了分店，晚市長期爆滿，加上好掛住台灣滷味既味道，吸引我專程黎試下燈籠滷味。店舖採用開放式設計，燈光足夠，上菜速度都非常快。人氣蔥抓蛋餅配料有奶油芋泥、肉鬆、起司外層用上手抓餅，口感鬆脆，跟平常吃到的軟糯台式蛋餅又有不一樣感覺，餅上加上醬汁更惹味。芋泥同芋頭粒份量都超多，大概佔了7成空間，甜度都適中。整體口感一流!台灣紅燒牛筋肉滷肉飯牛筋肉偏淋又入味，配上滷肉飯是不會失準的經典口味招牌燈籠滷味每款配料價錢相宜，忍唔住每樣都想叫少少。個人推介鴨珍、大腸、豬耳朵、百頁豆腐同冬粉。全部滷味都好入味，最好就配埋清甜既白蘿蔔平衡返。

平時放工想食得平平地又好味，今日同大家介紹燈籠滷味呢間餐廳。除左口味大眾化外。佢地既滷汁更系由台灣直送。唔似潮州式那麼鹹鹹的。餐廳的裝修滿有台灣夜市風味，牆上掛左大字餐牌，五顏六色，真係令人回味。以掃QR code落單，數分鐘內就會送到，高效率!!打卡位之一Shake shake海苔鹽酥雞(人氣之選) $48每粒鹽酥雞都沾有滿了海苔粉，唔乾身又嫩滑，唔似預製或番炸嗰啲。的確惹味。奶油芋泥，肉鬆，起司…$56除左起多餡料，一大嚿幼滑既芋泥混埋D肉鬆，入口夾得好好！甜鹹度適中。唔似街外舖頭一味得果甜。蛋餅冇咩空心位，餡料十足!!滷味拼盤（牛肚、大腸、牛筋肉）$75滷水質素味道正宗香濃，必試蜂巢形牛肚，超入味兼勁夠淋。有酸菜同蔥花配埋個白飯食一流!!麻辣鴨血野菜冬粉$52歸類為小食，冬粉麵份量足夠一人份量。鴨血有四～五大件，入口已經有一陣麻辣味，搞到我標眼水。鴨血唔鬆散又彈牙, 食落都幾醒胃。

墟冚都不得了。12點半未夠，已經入座七成，並且開始有人流蜂擁而至，有外賣有等位。限時60分鐘。二人枱面均比較的式，自助手機落單，坐嘅89號比較適合一人，因為其中一張凳背靠電製醬料櫃，耐不耐就有侍應店長嚟攞嘢開櫃門，開櫃門多數會撞到椅背，相當不勝其煩。寧舍有選擇係$38「燈籠古早滷肉飯（小碗）」，size係平時住家飯碗白飯咁大，滷肉（東坡肉碎）肥瘦參半，預咗要自己加餸。牆上貼住仲係試業階段，選擇唔多，揀咗個另類送飯選擇——「奶油芋泥、肉鬆、起司之人氣蔥抓蛋餅」$56。覺得面頭浸章魚小丸子醬可以撇走，唔夾，蛋捲嘅餡料味道已夠豐富：鹹肉鬆、厚重夾滑甜芋泥，芝士下手不重，味反倒比蛋淡。飲品冇跟餐就有輕微乸脷。「（熱）清新冬瓜鮮草檸檬」單點盛惠$28。杯係某些茶記用嗰種半漏斗型熱飲杯，檸檬係台灣青檸，冇篤過都好夠檸檬味，可能加咗檸汁打底。仙草作為熱飲都唔怪異，以為會半溶其實依然呈塊狀。