燈籠滷味 (新都會廣場)

營業中

休息中

餐廳在新都會廣場L1層，半開放式，牆上放了台灣特色的燈箱招牌做裝飾，有街頭小食檔的氣氛。時間正值下午茶時段，我便點了兩個下午茶套餐和台灣特色一個小食。這裏用QR CODE掃碼下單，雖然選項繁多，但也清晰易用，快捷方便。“香菇滷肉飯”配祕傳滷雞翅膀、黃金甜不辣香菇滷肉飯非常香口，啖啖滋味。滷水雞中翼，肉質鮮嫩多汁，滷水入味。黃金甜不辣，甜中有鹹，外脆內軟，蔫靭口感，味道不錯。“招牌燈籠滷味（自選4款）”+手工烏龍麵有多種滷味可供選擇，我選了“雞翅膀”、“豬耳朵”、“麻吉燒”、“香菇”四款，豬耳朵爽脆而入味，麻吉燒是釀了麻薯餡的炸豆腐，口感特別。手工烏龍麵麵質爽滑彈牙，十分可口。“人氣蔥抓蛋餅卷”（火腿、玉米、起司）我最喜愛的台灣美食：蛋餅，外皮香脆有咬口，餡料有火腿、玉米、起司和蔥等，多重口感。“台式奶茶”，味道比較清香，不如港式奶茶般濃烈。“古早冬瓜茶”，甜甜的冬瓜茶，夏日消暑佳品。

一入到環境見到好似台灣夜市嘅霓虹招牌，Menu都用夜市style，餐廳環境播住台灣流行曲，打卡之餘亦都非常有台灣氣氛✨秘製滷鮑魚好優惠$38就有一隻鮑魚，用配方滷湯煮法非常入味自選滷味可以配拌麵/古早滷肉飯，或者簡單海苔醬拌飯，淨係麵類都有台灣冬粉、王子麵、手工烏龍麵、QQ刀削麵等，非常多種類選擇✨麻吉燒✨豬耳朵✨雞翅膀✨凍豆腐✨玉米筍✨高麗菜✨白蘿蔔全部滷味都用自家秘製滷湯，用桂皮、花椒、甘草等等10多種材料熬成，入味回甘之餘都唔會過鹹味✨冷泡四季春茶好有驚喜，望落清清地但係飲落好甘香好重茶味

三點三未食晏，搵食途中被幾個燈牌吸引到，轉個彎就見到呢間「燈籠滷味」，一於黎嘆返個台式下午茶。餐廳裝潢充滿台灣傳統小店風味，台式燈牌、懷舊木桌椅、懸掛燈籠燈泡佈滿全店，仿似去咗舊台式餐廳，下午茶可以揀吐司、飯或麵，夠晒多選擇。自選招牌燈籠滷味 :揀咗蜂巢肚、大腸、麻吉燒及高麗菜，再加三蚊轉手工烏龍麵。滷水汁好香濃，牛肚同大腸都滷得好淋好入味，麻吉燒煙煙靭靭，手工烏龍麵夠彈牙，吸收晒滷水汁份外好味。麻辣醬香滷豬耳朵 :另外加24蚊要咗一份豬耳，豬耳好入味，淋得黎不失咬口，配上秘製麻辣醬，辣辣地好惹味。值得一讚嘅係伴碟有少量沙律菜，食完濃味嘅豬耳，食返d沙律菜無咁膩。台味奶茶 :可以加錢要珍珠或仙草等等，茶味香濃，味道唔會太甜，珍珠口感Q彈。

話說星期日去完做運動，認住同女友人食間好食啲既野，諗起朗豪坊店好食，咁黎到葵坊食多次，叫左牛滋味，芋泥蛋餅，細滷肉飯，珍奶。先講服務，啲侍應好搞笑，傳菜果陣，明明張枱一邊好多位放，但就幾次都唔肯行多兩步，要叫我地比個位佢放野。食物方面，簡單講個蛋餅就係一早整好左，凍晒，到我地叫，佢就叮返熱佢，因為一邊凍一邊就好熱，廚房hea 到爆。滷肉飯就啲飯好硬。面就啲蘿蔔有啲縮味。飲品就似化學水。價錢仲要唔平。奉勸大家食前要三思。

燈籠滷味這家餐廳名稱已告訴你是主打滷水食物。我和朋友叫了一個二人套餐，二人套餐包括兩個主食、一個小食及兩杯飲品。其中一個主食是醉翁酒浸滷豬手便當，它的豬手軟腍，搭配高麗菜的爽口，再加上紫菜飯，每一口都充滿著滿滿的滿足感。而伴菜中的醃蘿蔔、雪菜和木耳等小菜，可以讓你在濃濃的滷水中減輕油膩感覺。另一道主食是「內在之美」滷味，包含大腸、豬耳朵、麻吉燒、金針菇和黑木耳等配料。金針菇和黑木耳都充滿滷水味道，而豬耳更是滷得外腍卻保持著軟骨的脆度，展現出滷味的精髓，這個主菜吾自選麵底，朋友選了冬粉，可以吸盡滷水湯底十分滿足。除了滷味，小食方面我們選了蔥抓蛋餅。這道菜搭配奶油芋泥、肉鬆和起司。芋泥軟綿可口，芝士拉絲誘人，外脆的蛋餅更是讓人滿意。在飲品方面，我們分別選了冷泡白桃烏龍和茉香奶綠。白桃烏龍清新淡雅，搭配上烏龍茶帶來的清新口感。而茉香奶綠則濃郁香醇，茉香的清香與奶味的濃厚完美融合，讓人一試難忘。

每次去到台灣夜市，我都有個必食清單，一嚐地道風味。而家近近地黎到葵芳新都會廣場都能食到。#燈籠滷味  最近推出全新MENU，咁就緊系入內一試喇!✅牛滋味- 牛筋肉、蜂巢牛肚、百頁豆腐、白蘿蔔、唐生菜 配冬粉各滷味精心調配，滷水味十足，口感豐富。尤其是牛筋肉肉質幼嫩，蜂巢牛肚韌中帶嚼勁，白蘿蔔爽脆可口，即使經過一段時間熬煮嘅過程，並沒有難吞同鞋口，每種滷味都值得一試。✅七味爆米花蝦（8件）炸至黃金外皮，熱辣辣亦出煙，細細粒入口，非常香脆。✅媽媽的蒜香醬油手工餃子-玉米豬肉屬於湯餃子，咬開手工餃子，內裡玉米豬肉緊接流出，口感豐富又清爽。✅麻辣香滷豬耳朵辣度得十足，外皮軟，軟骨夠爽口，必食小吃！✅海苔醬香拌飯（輕量）有少量甜醬油點綴，加點海苔拌飯，增加左白飯嘅層次。

「燈籠滷味」餐廳內部裝潢極具台灣特色，處處可見傳統元素的融合。古色古香的木製桌椅、懸掛於天花板的白色燈泡，以及牆上掛著的台式霓虹燈招牌，營造出溫馨怡人的用餐氛圍。餐廳主打以慢火悶煮的經典滷味，搭配秘製滷汁及多種香料，入口即化的軟嫩口感令人難忘。不論是作為開胃小菜或是主菜，這裡的滷味必定能滿足您對台灣風味的嚮往。今晚跟跟同事各點了一款一人套餐，一款主菜，一款小食另外再包飲品，性價比非常高。 💙滷味台灣至尊材料包括有雞翅膀、黑輪條、凍豆腐、鳥蛋、大豆皮、空心菜，另外加四元配QQ刀削麵，麵質煙韌，口感不錯。至於鹵水味道入味，尤其是雞翼，肉質仍然嫩滑，而鹵水味道香口又不會過鹹，各款材料互相配合，口感層次豐富。 💙滷味牛滋味至於這款由牛配料主打的麵食就有牛筋肉、蜂巢牛肚、百頁豆腐、白蘿蔔、唐生菜。另外加 一元配上台灣王子麵，王子麵麵質有少許似福麵，香口又煙韌，至於其他配料質素亦很不錯，白蘿蔔炆得軟熟腍身，而牛肚就索滿鹵水汁，口感不錯。 💙黃金甜不辣拼起司麻薯甜不辣酥脆的外皮包裹著軟嫩的內餡，入口即化。淡淡的甜味與微辣的風味交織，令人意猶未盡。起司麻薯外層酥脆，內裡綿密濃郁。入口即化的麻薯糯軟香甜

麻辣鴨血粉，鴨血干到癲，仲要完全無辣。講真唔預一個品牌可以質控甘差，我係其他分店吃好佢10倍，但最過分係呢間明明係最差，但係係小數要排隊的分店，真係唔理解。只可以話環境，服務唔問題，食物就收啦

滷水麵味道幾好，不過飲品好奇怪，有1杯野飲剔咗「少甜少冰」，嚟到係勁多冰同勁甜😰。另外order 2杯野飲正常（冰同甜度都無特別要求），嚟到2杯都無冰，杯底仲暖暖哋😱價錢都唔平，Tea time 都要百幾蚊1個人

燈籠滷味行過新都會商場地下傳來陣陣嘅滷水香味，俾佢嘅香味吸引咗入去試吓，下午茶時段🥢吉列豬扒厚切多吐司.脆炸粗薯條$5️⃣8️⃣⏩️吉列豬扒比較鞋，炸粉過厚，並非厚切多士，薯條唔脆🥲🥢秘傳老雞翅膀.香菇滷肉飯.黃金甜不辣$6️⃣2️⃣⏩️滷水雞翼好入味，香菇滷肉飯唔錯，甜不辣就唔太啱我心水～💰是日消費$1️⃣3️⃣5️⃣已加一（食後評分💯為滿分）食物6️⃣5️⃣環境7️⃣0️⃣服務7️⃣0️⃣抵食度7️⃣0️⃣回頭機會微😆#食在葵芳 #葵芳美食 #新都會廣場#kwaifong #hkfood #香港美食 #相機食先 #hkfoodie #heleninocean

我從來未試過，因為難食而寫食評。 呢間係第一間令我忍唔住要寫。 我食過銅鑼灣店，係好有水準。 雞扒飯無味，連雞味都沒。 撈面唔知似咩。 出去掃家都無咁騮。 一個字 「好Q差」！！！！！！！！！！！！！！！！！！！！

去開新都會廣場行街，行完已經到晚飯時間，呢日唔知點解好似寧舍多人咁，本來想食另一間餐廳不過要等50張枱左右，唔想等咁耐，經過燈籠滷味見排幾張咁就等呢間啦☺️等咗十分鐘左右就有位啦燈籠自選滷味鳥蛋(鵪鶉蛋)大腸豬耳朵台灣王子麵豬耳爽口👍🏻👍🏻鳥蛋好入味👍🏻我最期待嘅大腸反而覺得一般麵略嫌煮耐咗少少,不過配搭返酸菜香蔥用味道搭救燈籠自選滷味大腸蜂巢牛肚凍豆腐QQ刀削麵牛肚都幾稔👍🏻刀削麵煙韌度啱啱好好正👍🏻👍🏻燈籠古早滷肉飯(輕量)味道ok,不過滷肉份量較少,食咗一半已經無乜醬汁燈籠黑糖珍珠奶茶最好味竟然係呢杯黑糖珍珠奶茶👍🏻👍🏻👍🏻黑糖味夠突出,珍珠煙韌台味奶茶味道較淡,無乜甜味

終於一試朋友推薦嘅台灣美食，都幾有驚喜😋😋餐廳設計以台灣特色燈牌及懷舊為主題，台灣地道風味，滷味款式都幾多，價錢相宜👍同朋友叫咗個二人套餐❇️六款精選滷味，有豬耳、蜂巢牛肚、麻吉燒、豆腐、白蘿蔔、黑木耳、通心菜配到庭烏龍麵。都幾大碗，好有份量，滷水湯汁幾香幾惹味，牛肚好有嚼勁好好食，其他配料調味都恰到好處，清爽可口🤤🤤❇️海苔鹽酥雞❇️台式香蒜腸小食做到台灣夜市嘅味道，鹽酥雞揸得好香脆，外脆內嫩但唔會太厚粉😋👍👍❇️茉香奶綠❇️蜂蜜荔枝紅茶❇️九份經典芋圓芋圓Q彈有咬口，濃烈嘅芋頭香味，為整頓晚餐完美作結❣️❣️

今日去到葵涌行街，嚟到新都會廣場，燈籠滷味，原來都係呢度有分店，佢哋嘅餐廳每一間都裝修得好有台灣特色，呢間都唔例外，舖頭裝修上掛上了燈籠和霓虹燈館，令人感覺置身於台灣中。我哋今日點咗個二人餐，$238，包兩個主食，一個小食和兩杯飲品。主食方面，點了台灣滷味至尊配烏龍麵，呢碗台灣滷味撈麵，非常足料，餸嘅份量非常多！烏龍麵彈牙有嚼勁，再加埋滷水雞翼，滷水嘅醬汁非常入味，雞翼滑嫩多汁，黑輪條亦夠彈牙，凍豆腐鮮嫩涼爽，鵪鶉蛋香滑嫩口，豆皮吸收咗滷水醬汁，咬落去香軟多汁，同埋爽脆嘅空心菜，每一口都令人回味無窮。滷水的醬汁滲透每一條麵條和每一片食材，亦非常入味，麵同食材之間嘅完美配搭，非常滿足！台灣嘢又點可以缺少滷肉，所以另一款主食點了蜂巢牛肚配古早香菇滷肉醬烏龍麵。烏龍麵搭配上滷肉醬的鮮香和香菇的濃郁，令人回味無窮，滷肉散發出濃郁嘅香氣，味道濃郁而且溫潤，入口之後有微微嘅甜味同埋鹹香，牛肚則帶來獨特的嚼勁和鮮美口感，每一口都充滿驚喜。滷肉醬的醬汁滲透了每一條麵條，香氣四溢，與牛肚的結合更顯得相得益彰。加上青瓜絲，醃蘿蔔，和薑絲，令整體味道帶來豐富嘅層次同濃郁嘅味道。鹽酥雞外脆內嫩，鹹香酥脆的外皮

位於葵芳新都會廣場附近的台式滷味店，讓我回味起台灣夜市的美好時光。走進店裡，熟悉的台灣夜市氛圍立刻包圍著我，店內各種的裝潢都充滿台灣夜市的特色，例如店家寫著菜式名字的招牌、一顆一顆的燈泡等等。海苔鹽酥雞，外脆內嫩的口感讓我一口接一口停不下來，雞的肉質細膩，而且一咬下去，雞肉的油香便滲出，相當開胃。蔥抓蛋餅，裡面混合著芋泥、肉鬆和起司，其中的芋泥濃郁香甜，配上半溶化的起司，再加上肉鬆的咬口，簡直是絕配，吃起來口感豐富。而最讓我著迷的是他們的滷味，可以自由配搭不同的材料，我用上我最愛的甜不辣、通菜和豬耳製成，滷的剛剛好，入口香氣四溢，整個用餐過程中，店內的環境設計也是用心之作，讓人感受到一種舒適放鬆的氛圍。總的來說，這家台式滷味店讓我彷彿置身於台灣夜市，讓我回味起那些美好的時光。