燈籠滷味 (新都會廣場)

真係唔明點解要用咁舊咁霉嘅筷子，其實間餐廳啲嘢食系唔錯，環境都好有台灣夜市特色，由小食到甜品選擇都多嘅，有時飯時生意都算唔錯，但餐具用到咁樣殘舊仲拎出嚟比人用，望落去已經冇胃口，如果管理者仲有心經營落去，系咪應該注意同改善吓呢啲細節？！

燈籠自選滷味，白蘿蔔越黎越細舊，2舊都未有以前1舊大，算系入味；大豆皮充滿豆香，有嚼勁；鵪鶉蛋入味香口。

台式甜品芋丸芋泥仙草幾有誠意，值得一試。
炸豬扒香口大舊都算抵食。