烏蠅館 (已搬遷) 新店位置

呢間烤魚半年前我同成班中同慶生既時候食過一次，因為我本身唔太食魚，所以開頭都有少少抗拒，但第一次食個陣覺得好好味，印象好深刻，所以今次去開尖沙咀決定再食一次。呢間餐廳既環境好舒服，行中國風既路線，見到有好多茶具擺係裝飾櫃，而且播既歌好好聽，又有特色感覺又舒服。今次我叫左香蒜烤多寶魚，本身有蓮藕、蘿白同木耳，另外加配左萵筍、海帶結同豆皮條。醬汁好香加埋香蔥同香蒜，魚肉岩岩好，夠曬嫩滑，連埋配料煮到入曬味，忍唔住夾完再夾，最後成盤都清曬咁濟。最值得一讚係佢既野飲，特別係茉莉峰蜜真係超好飲！黎到一定、一定、一定要點，重要既野講3次。試左一啖已經好驚喜，好快飲曬成杯。如果鐘意食魚既朋友，真係唔好miss呢間冒菜餐廳，服務態度一流，見到店員好貼心，成日會主動加熱水，仲會細心用手擋一擋，驚會彈親我地，所以真係好高質呀。

烏蠅館本身聽到佢個名我都卻步 但係聽朋友介紹好似唔錯咁今日我就去咗食烤魚 我就叫咗香辣味嘅烤魚 魚呢就有三仲要可以俾你揀我就揀咗多寶魚因為 魚嘅肉都比較滑雖然佢香辣味 但係佢上面落左好多蒜蓉 所以其實都唔算太辣 佢上面一蒜蓉係非常之香 佢隔離嘅配料都唔少 有紅洋蔥 白蘿蔔等等 啲配料入晒啲香辣味非常好食 食唔停口嘅感覺 食完烤魚仲可以叫其他嘢好似打邊爐咁 因為我地得兩個人所以可以叫嘅嘢都唔多 我哋就淨係叫咗炸魚皮同埋土豆片 炸魚皮平時其實都唔需要好淋先食 所以其實都幾啱烤魚食唔使落太多汁 同埋佢份量一啲都唔小 呢個價錢來講我覺得都算幾抵- [ ] 土豆片佢啲香辣味滲晒入去嘅時候非常入味 勁好食呀 如果我下次約多啲朋友一齊嘅話咁就可以嗌多好多嘢食 我見到有牛肉 午餐肉土豆粉等等

同屋企人食生日飯, 老豆媽子鍾意食海鮮, 所以就揀左間幾有名氣嘅魚煲 - 烏蠅館。<蒜香烤龍躉魚$338> (好味: 4.2/5) (抵食: 4/5)採用炸蒜蓉為基地, 配上洋葱同獨有醬料, 龍躉魚顯得更為鮮甜。<蒜泥白肉> (好味: 3.8/5) (抵食: 4.2/5)白肉採用切片豬腩肉, 無咩調味。但生蒜味道幾辣囗, 蒜味十足。配料<四川寛粉$28>四川寛粉應該有事先處理過, 好快就熟, 容易食用。<鮮脆響鈴$48><貢丸$48>貢丸分量幾多。<自家餃子雙拼$72>餃子有多款選擇, 可惜我哋嚟到嘅時候淨返西洋菜同埋韭菜。

對於一個成日都北上搵野食既吃貨當然食魚唔例外啦🙆🏻‍♀️最近係香港搵到間食魚既,所以今日就去試下-烏蠅館食物:⚪️招牌香辣烤龍𧄌叫左小辣.亦可以同店員講調配麻同辣量第一次食魚咁高級食龍躉.肉質好彈牙好滑.麻辣味岩岩好加上爽脆蓮藕吸哂啲湯底.好正⚪️蒜香烤多寶魚亦都係第一次食魚食多寶魚多寶魚本身肉質係好滑好多肉一啖放入口充滿蒜味.好濃食完一啖又一啖停吾到♥️.*食完魚後.店員就幫我地加水打邊爐!(火爐配料)🔻頂級安格斯牛肉肥瘦分佈平均.雪花紋好令放左去辣鍋煮.又麻又香牛肉味超好食🔻日本黑豚肉第一眼見到好令.都係肥瘦適中今次就放左去蒜香鍋煮估吾到就算加左湯.個蒜香味仍然好出吸哂蒜香味.又香又濃.豚肉口感好彈牙🔻脆脆午餐肉炸脆左既午餐肉放落去滾15秒吸到湯底之類.又食到香脆既口感無人會吾中意食.好邪惡吖👅.整體而言:終於係香港都可以食到咁高質既食魚餐廳湯底係店家全部自己炒食材又新鮮.魚又好食火爐配料仲有好多種保證食到岩心水既👍🏻👍🏻下次要同多啲朋友一齊叫多幾款食吖🙆🏻‍♀️

1.叫左蒜香龍躉烤魚，$398，其實十分唔值，因為條魚好細條，試過幾次食烤魚未食過咁細條，建議各位黎食時可以叫番平價果款魚。但係好味既，只係味道偏咸。不過烤魚我覺得辣既應該會更好食（可惜有朋友唔食得辣）2.眼見都多服務員既，但佢地自已做得好亂，明明前一日what’s app要求我落定order先，黎到又話我地冇落到，搞左一大輪show埋對話先話有落到😕呢間下次都會再試既，但期望佢地會改善下服務質素，唔係態度唔好，而係希望佢地會分工得均勻啲3.佢啲配菜既量都可以接受，其中特別好食既係四川寬粉，好易入味又好有口感，推薦。另外烤魚果身有啲木耳係度，都入晒味，好食！4.叫左杯檸檬百香果，近乎水既味道🤪下次叫可樂果啲穩陣

成日食都係一煲辣椒只食到辣味沒有辣椒的香味嘅四川重慶烤魚或火鍋｡ 其實一啲都唔好味，完全冇特色，但呢一間係做得與眾不同加特別出色好味加香味不停撲出來。一間特別出眾的烤魚喺佢鍋底裡面的選用香椒加蒜頭提煉出來的，所以特別香。我今次叫了 "招牌香辣三刀魚" 小辣，雖然我叫的是小辣但香味一啲都無缺少，三刀魚是預先烤好的，之後再加上特製醬汁配菜黑木耳，羅白片，雞屁菇片，洋蔥，等配菜在鍋底裡再放上三刀魚加熱，先食烤魚，烤魚的肉質非常幼滑，加上招牌香辣醬汁湯底突顯魚的味道，配菜叫了四川豆粉和雲南豆皮，豆皮是打了一個結非常特別，打結的原因是想豆味鎖在結裏，所以吃上去好重豆的味，以四川豆粉上枱時看似將烏冬一樣，但將它放入鍋內一段時間會變為半透明的，口感非常彈牙也能吸到鍋內的味道，不錯不錯，好味，期待下次再嚟。

自從係內地食完烤魚 就成日心思思想食烤魚！都試過唔少店 但總係搵唔到間可以一解相思之苦既烤魚店！！！早排朋友介紹左e間鋪！！今次就足埋佢一齊食！！首先 間野你係街係見唔到佢既任何招牌！實在係 匪夷所思！從佢既冇招牌可以感受得到！登登登！！！三刀魚做烤魚做係第一次！！！！麻辣烤魚！！！魚基本上冇咩細骨！進食都舒服！麻味勁重！！正爆！辣味又不是太勁 岩岩好！蒜香味都濃！當魚吸收左e三種味！一食！味蕾當堂等到滿足！一字記之為爽！！！脆脆午餐肉會幫你炸咗先令到佢可以索到更多嘅湯汁成條食到乾乾淨淨魚腐大大舊一咬落去都有啲鮮甜味！！！叫魚送嘅三角素菜之一蘿蔔片ok無渣！！！！自製水餃粒粒粟米同白菜餃！ 會幫你煮熟先等你唔使煮咁耐同埋唔會咁容易爛貼心位！！土豆粉！！！煙煙靭靭！！！吸收湯汁一流加水壺！！得意 似70年代野？？！？？價錢 都ok！可以接受用黎解解相思之苦貼心位！！！比粒！薄荷糖解一解口氣！

今日嚟到烏英，本身我都幾鍾意食烤魚，竟然香港都有間烤魚嘅鋪頭所以我特登嚟試吓。上網睇佢好似都幾正宗，所以都幾大期待。我哋今次就叫咗三刀魚， 叫左麻辣大辣，可能我哋比較食得辣所以大辣都唔係特別頂唔順。三刀魚嘅肉質就比較實啲，可能會比較容易入味。 不過我幾鍾意佢哋嘅蒜，佢哋除咗辣味重之外蒜都好重。另外我哋都叫咗幾個配菜，好似有豆皮，同埋超級推薦大家食佢哋土豆粉， 口感好似烏冬咁樣。不過呢係更加彈牙同埋有啲辣味超正

夏天一向唔系打邊爐的季節，所以小妹都有兩個月無打過邊爐喇今日母親大人生日，大人要求食邊爐，揾左幾間網紅店俾大人簡最後，簡左呢間港式「探魚」-烏蠅館中式style 的裝修，幾光猛，位置幾寬敞<蒜香烤魚(龍躉魚)$338>三個人點左一個魚煲，嗌左蒜香烤魚，送三個配菜，蓮藕、萵筍、木耳條魚好大條下，夠三個人食，龍躉不嬲多肉系人都知，小妹唔識啃骨食落都無問題肉質鮮嫩，龍躉無咩骨，用筷子輕輕夾就起到肉<雙拼水餃(西洋菜+白菜)$72>水餃🥟幾新鮮，皮薄餡靚，雖然七十二蚊系貴左D，系好食ge <貢丸$48>手打貢丸彈牙好味，唔會好似出邊打邊爐的咁結實<鮮脆響鈴$48>小妹打邊爐必叫，配埋蒜香味一流<四川寬粉$28>另一個打邊爐必備-寬粉，平時打邊爐寬粉通常都會妹早落，因為要滾好耐，呢個寬粉滾兩滾就好淋，好快食得，吸埋蒜香味正

之前翻過大陸食烤魚，一試難忘，但係又唔係成日得閒翻大陸，今次就約左朋友食呢間烤魚過下口癮。喺OpenRice 見到烏蠅館個名好得意，價錢又唔算太貴，所以特登約朋友嚟試。上到去餐廳人都唔少，好多人都叫左冒菜一碗碗嘅麵。招牌香辣烤魚 多寶魚 $228因為朋友食唔到太辣，所以叫左小辣，蒜味比較重，聞落去好香。多寶魚都唔算好多骨，啲肉幾滑。本身上枱其實條魚已經熟，店員話煮大約兩分鐘就食得，不過我個人鐘意食魚辣口，建議較大火煮多陣先食，辣口得嚟啲魚都滑，同埋會入味啲。食完魚仲叫左啲配菜，本身條魚啲配菜包左蘿蔔，雲耳同青瓜，我地叫多左粟米，蓮藕同寬粉。寬粉可以話係烤魚必叫，因為索哂啲汁又彈牙，好好食。野飲就叫左奶蓋玫瑰蜂蜜同奶蓋茉莉花茶，係真玫瑰同真茉莉，唔係普通茶包沖出嚟，幾有心思。

睇個名唔好以為食烏蠅haha， 原來係食烤魚架🐟，呢度嘅烤魚係采用長江三峽地區嘅烹調方法😮，食落的確係同之前係深圳食嘅烤魚味道有d分別，口味比較地道同濃郁，辣得黎唔係死辣，比較舒服嘅一種辣☺️😍。呢度有三種烤魚套餐，分別係配材數量唔同，烤魚口味有兩種，有蒜香同香辣，最後簡左6種配菜嘅香辣烤魚😋😋，辣度可以選擇嘅同加辣，另外加單叫左寬粉，跟套餐所配嘅配菜行健康路線，種類偏向蔬菜類🥬🍠，肉類要係另一個menu 度order, 個人覺得其實6種配菜加埋條魚已經好夠飽，而且好健康👍🏻，多d蔬菜可以減少油膩感！飲品方面order左佢嘅特色飲品 — 檸檬碟豆花，味道清新解渴，整體黎講好滿足好好味😆！

我最鍾意食車仔麵，呢間真係製作認真，淨係個湯底已經贏人成條街，平時出面叫清湯真係好清，最多咪用雞湯或豬骨湯，呢度個清湯有杞子的，清得黎味道濃厚，飲一啖已經知道熬咗一段時間，不是係咁二滾兩滾，第一印象十分良好，差不多成碗湯飲晒。跟住就係配料，有幾十款揀，真係有選擇困難症，最少揀六樣餸，豬大腸必點，好腍好入味，雞翼就麻麻，煮得太耐好嚡，肥牛熟咗啲，有小小靱，土豆片同蘿蔔片份量好足，粉麵都有好多選擇，下次再試其他款式。

唔洗北上都可以食到烤魚🐟😋仲係尖沙咀非常方便😆先讚一讚佢地既野飲選擇好多主打清熱 夏天食烤魚仲係辣既當然要飲返啲清熱野 我最鐘意佢地既蜂蜜茉莉花茶😍到主菜既烤魚有辣有唔辣 魚好新鮮好滑😽但我地試中辣其實都唔係好辣👍🏼推介食蒜香味同埋豉汁味 條魚入曬味食完條魚仲可以加水打邊爐一次過滿足你兩個願望🤤推介✅蒜香味烤魚✅炸午餐肉✅安格斯肥牛一大班朋友去食就岩曬🤣

聽個名都唔知道係食烤魚，但驚朋友介紹呢間食烤魚嘅味道好特別所以就嚟咗試吓，一上到去環境坐得好舒服，唔會太迫。一開始我啲就叫左個多寶魚，多寶魚既好處就係啖啖肉，最怕我呢d怕多骨既人，魚肉夾埋調左味既蒜一齊食真係好好味，魚肉好滑，醬汁個味都調得好好，至衰媽咪唔食辣，加返少少辣應該就更加好味。我哋兩個人食到一半已經開始有飽嘅感覺。於是乎就嗌咗杯凍嘅 茉莉蜂蜜。 茉莉蜂蜜清清甜甜，有陣淡淡嘅花香，飲落好舒暢。服務不錯。

今午同同事仔去左食烏蠅館，內裡很多人更要排隊，好在我地一到就見有位即坐，不過都等左成20分鐘先可食，不過味道是ok ge,但份量就真的少了點我點六個送食，50元 ，加5元就可再選面 或飯。