烏蠅館 (已搬遷) 新店位置

以前食烤魚多數都要返大陸，現在香港都愈來愈常見。呢間烤魚係正尖沙咀，方便就腳，最重要係暫時唔洗排隊，但相信之後就要排啦～呢間應該都係新店～覺得好食過大陸個d排隊名店！今次點了招牌香辣烤魚，要龍躉魚。店員好細心解釋各種湯底同魚類～多寶比較多細骨，而三刀就係一片片～龍躉就最滑！男友超中意食魚~所以一係唔叫，一叫就要最貴，果然無揀錯！條魚到個時d蒜味蔥味超香！我地揀咗中辣，覺得可以再挑戰辣D！條魚好滑，放入口d骨同肉就會分開，骨肉分離。食完條魚就打邊爐啦～唔夠辣可後加辣魚汁，細心！唔怕加咗湯就令湯底淡咗！重點要講個墨魚丸。佢唔同譚x個d,係黑色的，因為係有墨汁架墨魚丸，額外多左陣墨魚味。價錢都算平$48/10粒食到呢到都已經有d飽，份量好足，我地其實叫左個四川火鍋麵，原來係公仔麵黎！一份有2個！雖然飽但係都要食埋佢，因為個麵吸曬d汁，好邪惡。食到咁飽可以去行下星光大道，好少人好舒服。

have been here for their spicy noodles for many times, every time is great and satisfied!A lot of toppings to choose from, both veggies and meat. Also there are several noodle types to choose from, signature is the "hotpot thick noodles" (火鍋寬粉), very chewy and comes very well with the soup.their special drinks are great too, iced honey Chinese tea comes very well with the spicy soup!Price is very reasonable in Tsim Share Tsui. A bit difficult to find..

之前有朋友介紹呢間烤魚🐟好好食，所以Book左位放工就過黎食。我地叫左龍躉魚$338，因為吾食得辣，所以叫左蒜香烤魚，好岩吾食辣既朋友，勁重蒜香味，加上秘製醬，香味已經好惹味。龍躉魚肉嫩滑又新鮮，食落鮮甜，少魚骨，而且份量剛剛好，兩個人食岩岩好。另外配左三個時令，包括土豆片，羅白片同木耳，份量都吾少，最後食配菜會好食D，因為吸晒湯底既精華，真係無得頂😋！另外叫左稻庭烏冬$48，勁彈牙同滑，吸洗湯底食仲正，食烤魚真係不可缺少！因為吾可以飲凍飲，所以叫左玫瑰蜂蜜$48，甜度適中，係正常既蜂蜜，好飲！

今日咁岩經開尖沙咀 想食野又唔想咁貴 咪搵d價錢親民d既野食啦 大家都知市區食野幾貴咖啦 就搵到尼間聽名好似幾過癮既野但尼到個位置唔開google maps都真係幾難搵 終於上到去 見到張菜單就好似車仔麵咁叫 炸炸林圈兩圈搞掂 等左大約10分鐘 時間未算太耐就有得食 叫左個海鮮湯 因為聽待應講好似每日限量供應咁咪試試佢 味道都唔錯 另外加左辣椒之後重好食 配菜分量都可以 特別推薦魚腐同大腸 好正 賣單先60出頭 一個大男人都食得飽 性價比幾高 下次經開會再試埋其他湯底

食物質素下降都算。服務好差，未試過食碗粉要等50分鐘。我12點到，未係繁忙時間，只有幾枱客，同侍應反映左幾次，廚房又係出晒飲品先，連剛剛坐低落單嘅客人都有野飲喇，唔通我要等你間店坐滿人先有得食？好啦，終於比我地等到，個麵底唔係碎上就係黏埋一餅！咁點食啊？！唔會再幫襯。

今日驚經朋友介紹去了尖沙咀亞士厘道工廈中的餐廳食冒菜，本身都幾鍾意食麻辣，所以約朋友黎試下，黎到大概有20張枱左右，都唔算細，可能平日關係，所以都唔滿座。佢有幾款烤魚味度揀，有三款辣同三款唔辣選，而魚就有三款選擇（三刀魚，多寶魚，龍躉魚），今次我地揀左泡椒三刀魚，另外，我地叫左幾款配菜打邊爐，有午餐肉，安格斯牛肉，鱔片，寬粉，萵筍，西洋菜餃。因為有個朋未到，叫左侍應唔好起住，朋友到就叫佢起菜，都唔會等好耐。魚到左，侍應曾經都講過話條魚唔大條，建議可叫兩條，但因為我地全部女仔，所以都係叫左一條魚，再打邊爐。魚真的不大條，湯滾起就可食了，因魚是烤過的，侍應建議我地食完魚才加水打邊爐，好快就把魚食完了，就開始打邊爐。總括來說，係個湯味度較咸之外，其他食物都ok,幾好味😋

約好今日食烤魚，搵左呢間烏蠅館但位置有點不熟，好彩最後都搵到，Book左枱但早左半個鐘到都安排到位置。招牌香辣烤魚      ＄338          75分餐廳有六款烤魚味供選擇，而我就揀左應該算系basic既招牌香辣味，要左小辣但餐廳既辣度應該系算偏吾重辣，所以辣度上食落都接受到而不太辣。魚種類有三款，多寶魚系最為起步價既＄228，其次系三刀魚＄288，而我今次就order左龍躉魚。呢款魚吾覺有細骨，廚房將魚既熟度煮到岩岩好所以魚肉食落都仲好滑。個烤魚味既汁有好多蒜都有先煎炸，所以成條魚十分香口。唯獨個魚可以再大條少少咁就very good拉。另外有三款時令既素菜會加系烤魚底到，呢一日既時令系萵筍、蓮藕片 ＆ 金菇，完全入哂味

一坐低店員就同我地講解有本身聽個名都唔知道係食烤魚，但經朋友介紹呢間食烤魚嘅味道好特別所以就嚟咗試吓，一上到去環境坐得好舒服，唔會太迫，一坐低店員就同我地講解有烤魚餐同埋火鍋可以選擇烤魚餐同埋火鍋可以選。揀左個蒜香多寶魚，湯底本身包三款菜，雲耳，蓮藕，萵筍。湯底好香蒜味，魚肉都好嫩好滑，呢款魚比較多骨。之後埋單就逐個計錢，仲話已送係盤底，完全見唔到，如果一早講清楚，真係吾介意，最憎人做生意唔老實，以後都吾食呢間野。

今天到了烏蠅館嘗試了一個特別的烤魚，烏蠅館位於亞士厘道，交通方便，尖沙咀九龍公園出口大約行8分鐘就到達。我點了泡椒味三刀魚，肉質很多，湯底裏有很多配菜，特別配以酸菜令到非常開胃。我們亦點了鱔片，鱔片非常嫩滑，亦十分鮮味，另外，值得推介的是頂級安格斯牛肉，牛肉味濃郁，而且咬口柔嫩，是打邊爐最佳的配搭。此湯底配以寬粉，非常入味，把整個湯的精華帶出！飲品方面，我推介是玫瑰蜂蜜，茶中有很香的玫瑰味，亦是解渴之選！

今日經朋友介紹，黎左呢到食烤魚。之前都會去元朗食，但今次近近地黎左尖沙咀呢到。黎到呢到好似食私房菜甘，系一座大廈而樓下完全唔顯眼既地方。我朋友去尖東站個邊，因為佢系跟住openrice個地點去，其實尖東系遠左，只要系尖沙咀站九龍公園A出口，沿住海防道，會經過莎莎（不過莎莎而家執左），系個到穿過去就系架啦。 完全唔需要行去尖東站。揀左個蒜香多寶魚，湯底本身包三款菜，雲耳，蓮藕，萵筍。湯底好香蒜味，魚肉都好嫩好滑，呢款魚比較多骨。呢到配料好大份好抵食，叫左墨汁墨魚丸，有成十粒咁多仲非常彈牙。仲有豆卜同出前一丁都比外面餐廳多，有一大碟豆卜同兩個出前一丁。豆卜同麵都好掛湯好吸味。整體分數8/10 👍🏻👍🏻👍🏻👍🏻👍🏻最後留意番呢到只系收現金。

朋友選擇生日飯二人位置於亞士厘道最盡頭右手邊上樓裝修平凡價錢唔貴飯前一晩餐廳 what app 讓客人預先選擇烤魚到達後好快就可以食服務態度正常午餐麵食選擇都好多侍應建議先食完魚後食配菜其實似打邊爐盤大概一时半高魚新鮮味道要靠蔥蒜辣椒一齊成唔似水煮魚咁，只食塊魚都有味好Q好吸味好咸d 汁蒸發曬加水就變了好淡🤪響鈴唔係即炸大鑊勁吸油但d油又冇咸味預先煮熟放入盤略煮翻焯雲吞皮一定過林全晩最驚喜😍勁凍玫瑰同蜂蜜味都十足$18 非常超值茉莉蜂蜜都好正另有珍珠奶茶同其他茶朋友未飽再叫一盤三刀魚😅招牌香辣唔係太香麻辣較好食

晚飯黎食個車仔麵，嗌左後等左好耐都未有，催單後話冇幾隻材料，要轉其他，車仔麵上枱後味道普普通通，我覺得湯底有啲油，但係又唔夠辣，我嗌既係米線，啲米線有啲淋，配料份量好少，而且都轉左配料都仲要比漏左又比錯左！有點失望。

今日陪朋友喺對面大廈睇中醫查過OpenRice知道對面大廈有間樓上冒菜餐廳 因為冇食過 諗住都幾特別就決定試下冒菜其實係上海四川菜式其實有少少似麻辣燙咁樣 我哋上到嚟一開門香氣逼人 見到入面好多人佢地部分食緊一碗碗湯麵好似好吸引不過我哋兩個人決定要個烤魚套餐慢慢食呢度價錢嘅烤魚套餐大概$228至$328都有我哋就揀咗中間呢款280 三刀魚佢跟餐會配有三款素菜畀你 而我哋當日就係蘿白 木耳同埋蓮藕因為兩個人食一條魚都已經好夠飽所以我哋就唔再加肉類決定揀多少少配菜要埋萵筍 豆皮結 寬闊麵等咗一陣 主角黎啦員工好耐心介紹話條魚本身已經煮咗少少只需要等到火煮起就可以食用 開細火避免影響魚嘅鮮嫩度我哋選擇咗泡椒味道 呢到其實有好多種味道可以選擇 我哋就揀咗呢個泡椒湯底係冇咁辣嘅 唔會話一入口就辣到接受唔到嗰種佢反而係有種少少麻 慢慢滲出嚟因為呢啲湯底食物越煮越入味 之後萵筍同豆皮結都嚟㗎我哋就加曬落去吸晒味 好入味好好食最後食曬材料之後我哋就加咗個面落去分量超多一份兩個人食都好夠飽呢個粉麵非常好食 煙煙韌韌 吸埋味道 無敵煮熟後漲大超級彈牙好食好食呢度員工都好有禮貌 你哋知道啦呢排返唔到去上面食

大陸探魚就聽得多，想食既話，下下返內地都唔方便啦，朋友介紹話 尖咀一間食烤魚都好食，而且地點方便。位於亞士厘道盡頭，地鐵一出轉左直行就到。我地嗌多寶魚，麻辣、少辣，仲送多三個素菜，分別是蓮藕、白蘿蔔及木耳。我地另外再嗌多個墨汁墨魚丸及四川寬粉。職員詳細介紹魚已熟，所以等多兩三分鐘等湯底都滾，就可以先食魚，再加水打邊爐。多寶魚嫩滑，而且不多骨，方便鍾意食啖啖肉又懶既人，食魚時，再蘸一蘸個麻辣湯底，更滋味。食得七七八八時，職員主動加水，水滾後落墨汁墨魚丸及四川寬粉，四川寬粉好快熟，淥兩分鐘就林，林得黎又QQ彈牙，而且索哂D麻辣味好正。墨汁墨魚丸食落入面是充滿墨魚粒粒，口感一流。另外，朋友嗌了玫瑰蜂蜜，而我嗌了茉莉蜂蜜，兩杯都好飲玫瑰蜂蜜味道較濃郁，很香，而且飲落很舒服。茉莉蜂蜜相對比較清淡。

We were looking out for fish delicacies in Tsim Sha Tsui that could satisfy our crave! And turns out, this was the correct spot to go! Aside from the slightly long waiting time,蒜香烤龙趸鱼 $338 was definitely flavor-wise! The texture was on spot too, soft and tender! Besides, we had other ingredients to supplement! 白鱔was really good!!