烏蠅館 (已搬遷) 新店位置

之前翻過大陸食烤魚，一試難忘，但係又唔係成日得閒翻大陸，今次就約左朋友食呢間烤魚過下口癮。喺OpenRice 見到烏蠅館個名好得意，價錢又唔算太貴，所以特登約朋友嚟試。上到去餐廳人都唔少，好多人都叫左冒菜一碗碗嘅麵。招牌香辣烤魚 多寶魚 $228因為朋友食唔到太辣，所以叫左小辣，蒜味比較重，聞落去好香。多寶魚都唔算好多骨，啲肉幾滑。本身上枱其實條魚已經熟，店員話煮大約兩分鐘就食得，不過我個人鐘意食魚辣口，建議較大火煮多陣先食，辣口得嚟啲魚都滑，同埋會入味啲。食完魚仲叫左啲配菜，本身條魚啲配菜包左蘿蔔，雲耳同青瓜，我地叫多左粟米，蓮藕同寬粉。寬粉可以話係烤魚必叫，因為索哂啲汁又彈牙，好好食。野飲就叫左奶蓋玫瑰蜂蜜同奶蓋茉莉花茶，係真玫瑰同真茉莉，唔係普通茶包沖出嚟，幾有心思。