炯記餐室 (美麗閣)

營業中

休息中

自從上次吃過後，朋友就念念不忘，經常問我哪天有空再來吃。終於大家都有空，今天再來，但因為2人套餐的份量對我們來說實在是太多，所以這次決定單點。🍽醬皇叉燒（例牌）肥瘦適中，表面燒的焦焦的，每一塊都很厚，大概有2cm，咬下去很Q彈，口感很好，配上蜜汁，很下飯。（可惜沒點白飯😔）上次2人套餐沒有叉燒，沒想到做的很出色。🍽海蜇手撕雞小食雞嫩滑，調味剛好，雞皮去的挺徹底；海蜇清爽，有咬口。🍽醬皇豬手撈麵豬手煮的軟嫩，輕輕一咬就與骨頭分開，另外豬手處理的很乾淨，沒有毛髮在皮上。撈麵根根分明，色澤光鮮，不會黏在一起，咬下去爽口彈牙。🍽酸辣蒜香雲耳/ 菜心雲耳是冷吃，口味偏向酸的，很開胃；菜心則是甜甜的，沒有渣，2款我們都愛吃，很對我們的口味。

見到呢間餐廳價錢幾抵，又同棋哥有關係，質素應該有保證，決定入去試一試。我同朋友叫左個二人套餐 ($188)，呢個餐真心好抵食，份量多到兩個人根本唔會食得哂，我覺得應該係三人份量🤣鹽焗手撕雞 - 份量超多，嫩滑有雞味，調味唔會過鹹😋醬皇豬手 - 呢間豬手整得相當唔錯，炆得軟淋入味，咬落充滿骨膠原，亦唔油膩麻辣雞腎 - 麻味比辣味重，雞腎好爽口酸辣雲耳 - 酸辣味道比麻辣更出色，酸酸地好開胃鵝油撈粗 - 鵝油味超香，爽彈唔油膩，好少會食到咁高質既撈粗，必食😍除左上面幾款菜式外仲有湯、油菜同飲品，最後食唔哂打包左豬手同手撕雞，完全係超值，下次黎要試埋佢地既燒味😆

好耐無食港式燒味，捕捉最後晚市嘅機會係公司附近嘅「炯記餐室」食餐好🤤 同傳統燒味舖唔同，哩度除左有啖啖肉嘅燒味外，仲有腸粉、麻辣小食等，款式多樣化👍🏻《 燒鵝腩仔飯 》 $56 4.5 / 5燒味中最好食一定係燒鵝🤤 加埋腩仔成最多肉組合😂 腩仔半肥瘦，肥膏同肉比例剛好，豬皮脆卜卜但唔會好油🤤 燒鵝咁岩係胸位，厚實得黎肉質好綿，好香鵝羶味😋《 海蜇手撕雞腸粉 》 $46 4.5 / 5估唔到燒味店嘅腸粉咁好食😍😍😍甜、麻醬好足，腸粉較闊圓碌碌，又滑溜又彈牙！😋 海蜇手撕雞份量多，同樣惹味😋《 冬菇豬手撈粗 》 $52 5 / 5 🌟🌟🌟🌟🌟炯記主打嘅太子鵝油撈粗😍 冬菇豬手另上，更食到撈麵嘅鵝油香🤤綿密嘅鵝油包覆住每一條爽口嘅麵條，筋度十足👍🏻 豬手同冬菇炆得好入味，豬手嘅膠質仲黏住口腔添😋《 阿華田雪山 》 + $8 3.5 / 5由五穀麥芽堆成雪山，增加爽脆嘅口感👍🏻 但略嫌阿華田較淡🥲

除了燒味之外，還有好幾款撚手菜式，例如手撕雞和鵝油撈粗，一個二人餐($188)可以試曬兩款，每一碟分量都好多，而且已經包咗例湯、飲品和油菜鹽焗手撕雞份量有半隻雞，非常抵食，雞肉入口滑溜，雖然鹽焗味唔算好重， 但係好有麻油香，食到停唔到口冬菇醬王豬手有四大件豬手，肉比較少皮厚，冬菇炆得入味主食可以點太子鵝油撈粗或者白飯，咁就梗係揀撈粗啦， 二人餐有兩碗，每一碗都係超多麵，有鵝油香，但唔覺得油膩前菜有麻辣雞腎和酸辣雲耳，兩樣都係大大碟，前者麻味唔算好重，不過夠辣勁，後者夠酸

有朋自遠方來，不亦樂瞳，一向都知炯記同棋哥本身都拍住上，不過今次我淨係同炯記單刀卦會，今晚就係「炯記餐室」試煉一下條條大門通羅莽，舉頭三尺有姚明呢個人生哲學。👇📌炯 記 二 人 套 餐 - $188▪️ 醬 皇 豬 手 -▪️ 鹽 焗 手 撕 雞 -▫️ 最抵食莫過於呢個二人套餐呀，基本上兩條友一定食唔哂，D份量夠到呢！ 第一個打頭陣就係「鹽焗手撕雞」同埋「醬皇豬手」。手撕雞大概有半隻雞既份量咁多，食落啖啖肉得黎鹹香十足，口感岩岩好；豬手肉質夠哂嫩滑，食豬手最怕肥膩感太勁，但呢個調味適中，唔錯。▪️ 麻 辣 雞 腎 - ▪️ 酸 辣 雲 耳 - ▫️ 涼菜黎講呢個「麻辣雞腎」絕對係世一，口感爽彈之餘仲非常入味，完全感受到果種麻辣香味，好食；同樣夠哂爽口既「酸辣雲耳」調味亦係相當出眾，佢酸得黎又會返少少甜度係到，呢點要大讚！▪️ 太 子 鵝 油 撈 粗 -▪️ 郊 外 油 菜 -▪️ 是 日 靚 湯 - ▫️ 仲有不得不試既人氣招牌「太子鵝油撈粗」，撈粗夠哂爽彈，配上鵝油帶住陣陣既油香，食落質感夠乾身，幾好食；而套餐仲包埋「醬油菜心」同埋是日餐湯，今日餐湯係「蓮藕雞腳湯」，溫暖心窩呀。

突然好想食燒味，就係openrice搵下附近有咩好推介, 見到呢間炯記燒味價錢公道, 食客影既食物相好豐富好吸引, 就去馬嘞!招牌大好易搵, 去到燒味店必點: 叉燒同燒腩仔; 相信都係最多香港人中意食既燒味, 我地每人一碟加埋瀨粉, 唔洗爭。menu都好多菜式叉燒燒得好靚, 味道適中唔會過咸, 有小小燶燶哋, 我幾中意!! 燒腩仔, 層皮脆卜卜, 切得大小適中, 一舊一啖, 提供黃芥末醬, 肉唔咸, 唔硬,好食!! 瀨粉個上湯唔錯, 清清淡淡, 唔會搶左主菜既味。醬皇豬手: 大大件, 醬汁好香, 好入味，好好食, 炆得好腍，色香味俱全, 呢個我比最高分 !鹽焗手撕雞腸粉: 腸粉好滑, 好完整而且唔會好黏, 麻醬好香, 加埋甜醬好好食! 雖然叫鹽焗手撕雞但唔咸, 好適中均勻。至於飲品，叫左個特飲: 阿華田雪山, 上層係五穀麥芽, 都隻係加$8!

繼上次去左尖沙咀食火鍋燒肉飽到頂住頂住 今次決定食簡簡單單既茶記 點知都勁飽慶幸約左朋友今日食 如果遲多兩日就食吾到了 聽人講深水埗個間好full 所以試下book北角既 得左 北角呢間 可能我地早食 吾太多人 座位都好寬鬆 所以疫情期間黎食都系安心既睇完枱上面既野 覺得完全系三人餐既份量 （對女仔黎講） 朋友講笑話下次要搵條仔黎食第一眼見到碗撈面 諗起以前媽媽帶我反鄉下食豉油拌面 諗住佢會好快痴埋一舊 所以拿拿聲食 但後尾啲餸到齊 我就慢左 但佢又無痴喎 食落好爽口👍🏻👍🏻我同朋友都吾食得太辣 叫左鹽焗版既手撕雞 雞肉好嫩 吾會太肥 正😋 但建議佢既雞腳可以剪左啲腳甲先上枱🤣🤣因為朋友吾太好豬手 所以叫冬菇醬皇豬手 豬手勁肥美 感覺滿滿骨膠原😻😍涼伴小菜叫左 麻辣雞腎同雲耳 雞腎好辣😂😂 但食完佢再食雲耳 啲酸中和到 又幾好喎😚😚個例湯超爆多料 味道好足 可惜我吾太食湯渣🙈🙈 不過味道系good good Ge😝懷疑佢既菜都系用上湯/鴨油浸過 雖然無落豉油但好好味😂😂重點！！！佢既特飲系套餐包埋吾使另外加錢 有一個阿華田特飲擺左系側邊 可惜見吾到 吾系叫個個試下都好🤭Cp 值👍🏻👍🏻

今日懶得煮飯，外出簡單吃個麵就算一坐低就上例湯飲唔出咩湯，只知道係肉湯裡面好多肉絲呀骨呀咁都幾鮮甜，飲完之後又無口渴應該都真材實料蝦子老粗上面既蝦子都唔少食落都香冬菇蝦子老粗同蝦子老粗差唔多係多左冬菇咁解例牌煙燻燒鵝超級好味超級推薦！！！我第一次食到燒鵝係有陣淡淡清香既煙燻味，真係無誇張我平時唔會點食皮，但今次都忍唔住，實在係太香啦！呢個叉燒燒腩仔雙拼就不過不失叉燒唔夠肥，燒腩仔脆皮層次分明我見到仲有麻辣小食叫本身都想試下，覺得會幾香口但係同檯既啊嗎唔食得辣，所以就算啦

第一次去炯記，係深水埗的一間，試過味道唔錯，價錢又唔貴，再去OP搵下香港區會唔會有，嘩，原來分店都有好多，放工即刻去砲台山炯記試試，海蜇燻蹄飯，飯餸分開上，海蜇爽脆，燻蹄爽滑，超好味道👍🏻👍🏻棋哥燒鵝撈粗，棋哥燒鵝近馳名，皮脆肉嫩，味道好甘香，配埋個鵝油撈粗麵，簡直完美嘅組合😍😍小食：醬皇豬手，豬手都好多肉喎，醬汁又入味，皮爽肉滑，又多骨膠原，食多幾嚿都唔怕😋😋海蜇手撕雞嘅雞肉都滑溜，啖啖肉，啱晒我😜😜

呢間手撕雞同撈粗一直好出名，今次終於有機會試😍基本上每個餐都會附送一碗無味精是日靚湯🥰今晚就喺粉葛煲瘦肉湯*太子鵝油撈粗 配醬香豬手 $50 +蝦籽 $8🍝每條麵條染上醬油，彈牙有咬口，不過略鹼水味，而且鵝油太小，面底疊埋一堆😣豬手炆得入味，皮爽肉腍，有入口即溶嘅感覺🥰*煙燻燒鵝飯$50燒鵝帶有光澤，骨肉分離，皮脆肉嫩，脂肪與肉均勻*鹽焗手撕雞🐤 $32手撕雞油脂適中，肉質嫩滑爽口🤤*阿華田雪山 (跟餐$8)五殼麥芽包括黑白芝麻、麥芽、大豆、小麥胚芽、薏仁，味道唔會太甜👍🏾

炯記餐室 (美麗閣) :地址: 北角英皇道376-380號美麗閣地舖電話: 26625088====================臨近聖誕節，街上都多了人，猜想是買聖誕節禮物及出街食飯慶祝的人們。今日都去了買禮物，$188 2人餐超多野食首先要了手撕雞，係呢度最出名架菜式之一，個鹹味剛剛好仲有好香麻油味。另一碟是醬皇豬手，煮得入味，豬手皮夠曬腍身，個汁撈埋白飯。小食是酸辣雲耳同麻辣雞腎，雞腎爽口附油菜一碟白飯兩碗飲品兩杯極之抵食架二人餐，也可嚐到出名架菜，推薦第一次來學我點二人餐，抵食又豐富。

晚餐時間係北角街頭，打算食個燒味飯，發現炯記餐室，門口燈光明光，玻璃櫥窗內掛滿引人入勝的各種燒肉，決定入去試下，果然令人驚喜。一入到去，侍應叔叔便招呼我地到舒適的位置坐下，餐簿選用了深藍皮革質地，簡單又有特色，餐牌上很多選擇，有燒味、撈粗、豬手及一些小食，最後決定揀個豐富既炯記二人套餐，就無需考慮太多選擇。落單後幾分鐘，馬上送上兩碗中湯，濃郁的湯，味道令人感覺用料豐富。主食可以選擇白飯或者撈粗，我和友人都揀了撈粗。撈粗沾滿了充滿鵝油及秘製鼓油的香味，色澤均勻，味道十分濃郁，麵質爽彈，一碗份量都很多。鹽焗手撕雞 （半隻)雖然半隻雞，但份量十足，二人絕對足夠甚至食唔曬，雞肉味美嫩滑，有點沙薑味道，十分不錯！冬菇醬皇豬手（例牌)店員介紹例牌醬皇豬手有6件，而冬菇醬皇豬手則有 4件豬手及冬菇配搭，最後決定選有冬菇。果然冬菇與豬手配搭非常合適，香菇充滿蠔汁香味，而豬手色澤深厚，肉質非常軟腍入味，吃完滿口濃香味。麻辣雞腎 及 酸辣雲耳 兩款小食十分點精，酸辣雲耳非常開胃，爽脆可口，麻辣雞腎亦口感彈牙，完全沒有腥味，辣度中等。郊外油菜一碟簡單的菜心，軟硬度適中，配合其他肉類菜色，完美平衡營養，亦可以

經開北角都唔知食咩好，之前聼人講呢間既鵝油撈粗出名，既然黎到就試下見到有個2人餐勁多野食 每人$100都唔洗鹽焗手撕鷄鷄肉嫩滑 好入味 鷄皮都好滑 會食鷄皮既人會中意 分量超多 真。半隻 覺得可以四個人share lol冬菇醬皇豬手見到墻上有poster 推介豬手熬左3-4個鐘果然名不虛傳豬手色澤深肉質炆既時間夠軟腍入味，滿滿骨膠原外皮都好有咬口冬菇都好香甜入味完全唔係配菜 要試！ 麻辣鷄腎及酸辣雲耳鷄腎&雲耳非常爽口 辣味十足太子鵝油撈粗今餐重點面不糊口撈左鵝油同秘製甜豉油甜甜既醬香幾惹味郊外油菜叫左生菜食左甘多重口味野食 要食反菜中和下先得跟餐重要包特飲&湯食完真係捧住個肚走食完先醒起冇試d燒味 下次要再黎試下燒鵝脾先得

茶餐廳都係 都市人最愛.快靚正今日同HONEY 去北角 拍拖見到間好簡潔燒味店炯記餐室Honey 想食.我就 一般只諗食快d叫左5樣美食.估不到有南瓜例湯送蝦子撈麵醬皇义燒醬皇豬手,蒜  香 雲耳冬菇 扒生菜涷檸茶蝦子撈麵色澤較深,不是濃味, 放心.爽口麵, 如果 蝦子多些.更可口.醬皇义燒以梅頭為主,肉一定較嫩同滑肉比 肥多.依然滑口,HONEY 愛有燒焦邊位.我愛肥义多點.醬皇豬手,必食老闆好人.得2個人食例牌 有3隻好”淋”,又滑, 豬手之間的 根位好”淋” 入晒味,如果用豬手汁配白飯. 仲正.蒜香雲耳Honey 最愛放心, 蒜香味不會太濃冬菇扒生菜如果冬菇熱D.效果仲好.加多杯涷檸茶都不用200蚊絕對超值下次會再食其他美食。

突然有個好耐冇見既中同係ig dm我，仲話一齊食飯，聚下舊、傾下計都好。還掂得閒就約左放工係北角等，見面之後沿英皇道行，行到呢間「炯記燒味」，佢就停咗落黎，係咁望個餐牌。「你想食茶記？」我問。「呢間好x 好食㗎！不如就食呢間啦！」然後就一個箭步入咗去。我忍唔住笑咗出黎，因為佢真係同以前一啲都冇變。坐低冇耐中同就想叫呢個炯記二人套餐，話可以一次過試齊佢三大招牌：手撕雞、醬皇豬手同鵝油撈粗。我望一望個餐牌，原來仲包兩款小食（雞腎同雲耳）、油菜、例湯同野飲。正當我猶豫食唔食得晒既同時，佢已經落緊單，仲問我飲咩…餐廳好快就上晒菜，每碟都好企理，我地都不約而同拎手機出黎係咁影。小食（麻辣雞腎、酸辣雲耳）雞腎幾有嚼勁，我好鍾意佢麻，但又唔係好辣，簡直Perfect池。雲耳就爽口既，酸酸辣辣都幾開胃。鹽焗手撕雞首先，雞有雞味！肉質出奇地嫩滑，一啲都唔老，真係好少食手撕雞係會有咁既口感。份量就一大碟，然後碟上面全部都係雞。冬菇醬皇豬手豬手超級入味，越嚼越香，真係食到人jap jap聲（利申平時唔會）。而豬皮就算好厚既位置食落都好嫩。側邊啲冬菇更加唔洗講，幾乎俾我一個清晒。鵝油撈粗我當初以為會好油好膩，