今次黎到屯門搵食 見店名有趣決定試試佢 叫左貓霸同加菲 貓霸係雙層牛肉菠蘿 而加菲係雙層豬肉芝士 貓霸真系配得上個霸字 好大份 手打牛肉好厚身 肉身較堅實 啖啖肉 醬汁味似千島醬 味道不錯 而加菲雖然無咁大 但都係一口勉強能咬到既size 好足兩 豬肉的肉汁很豐富，配上酸酸甜甜的將軍醬，十分惹味 兩款漢堡個人比較喜歡加菲漢堡 但缺點系好容易食到成手醬 有啲狼狽 跟餐分別選配了薯條及薯餅 先講薯條 好有心機咁整左波浪型 最掛茄汁 而且口感更好 薯餅有驚喜！咬一啖發現內裡有睇得見的薯仔粒 似自家製 總之咬的到的薯粒口感特別 好欣賞 茄汁店家用小圓兜裝起 點薯條好方便 飲品揀左店面推介的貓毛朱古力及伯爵茶朱古力 貓毛朱古力極濃郁 簡而言之就是特濃朱古力 喜歡朱古力既朋友不會失望 而伯爵茶朱古力，茶味很出，喜歡茶底既朋友應該好岩 雖然地點比較偏僻 去到附近要兜了一圈先發現店鋪 但以價值及食物質素 都值得走一趟的 可能因為外賣，薯條薯餅有點焗淋了，現場即食薯條薯餅應該更佳

今次黎到泰石邨一間街坊餐廳 港鐵車公廟站步行幾分鐘就到 門前的大招牌及霓虹燈裝飾都很吸晴店內空間非常空曠 天花掛滿一盞盞的燈籠燈好有特式 餐廳設有卡位同一張張大大細細既圓枱 適合吾同人數的顧客 非常貼心 餐廳除了有小菜/羊腩煲等等既選擇外 仲有兩款任食火煱放題 - 價錢分別系$228及$288 今次就試試價值$228既「雞煲/烤魚刺身片皮鴨火鍋任食放題」套餐 套餐有刺身（三文魚、北寄貝、希靈魚、甜蝦、螺片）、片皮鴨、烤魚及火鍋，份量相當豐富 麻辣烤魚辣度叫左微辣 辣度適中 烤魚打開煎炸過再配合麻辣味道幾香口 盤中有一些寬粉 都好入味彈牙 火鍋配料都相當多選擇 有大約36款 相當豐富 由於套餐火鍋配料任食 所以$228真系相當抵食 飲品方面 揀左王老吉同天天生榨椰子汁 另外仲有一個櫃既汽水啤酒比客人選擇 很不錯 食火鍋飲下王老吉同椰子汁可以清下熱 正～

朋友話系西環揀一間餐廳出黎聚下 咁岩openrice彈出黎 所以揀左呢間 到去既時候 餐廳比我想像中高😂 好彩有扶手電梯 所以還好 兩個人食 但吾覺意叫左三餸一湯 預左食吾哂但點知又真系比我地食哂 揀左豬肉炒飯 佢既豬肉好似腩肉但得肥個部分 但我後尾諗反應該系嫩口既豬頸肉🤔 味道吾錯 本身想叫馬拉盞通菜但賣哂🥺 所以退而求其次揀左芥蘭 又幾好喎 吾會好老 爽口 之後必叫既肯定系冬蔭公湯 佢系海蝦冬蔭公湯 湯入邊有兩隻大蝦 然後味道小辣 冬天飲完即刻好暖🥰 不過佢個湯匙太大 個爐中間咁樣 有點難用 建議可以比小匙羹 會有更好用餐體驗 我地叫完三個餸 店員推介我地再叫一個蛋蠔仔餅話好正 我地問會吾會太多 佢話吾會 所以我地就叫左啦 佢既蠔仔餅好鬆脆 入面既蠔仔亦吾腥 兩樣野食落去口感讚！本身已經好足味加埋辣椒油/醬 仲惹味🤓 整體黎講 小鋪比預想優質 不過賣單個時只收現金同八達通 有啲措手不及😂 如果有多啲收費工具會更好

去過北角分店食 味道優質 所以今次同友人黎旺角行過見到就決定入去食😋 拉麵店每隔一段時間就會有期間限定既拉麵供選擇 今期有聽過朋友講系牛骨湯 想試下 可惜佢話準備換 所以無得揀了 最後揀左人氣之選-🦀湯拉麵 湯底相對雞白湯杰啲 然後有一團蟹肉系中間 岩哂吾鐘意拆蟹既朋友 一啖拉麵一啖蟹肉 正😎 配菜既荀好爽口 溏沁蛋個火候剛剛好 優質 朋友叫左 極濃雞白湯拉麵 湯底相對比較清 好有雞味🫣 應該煮左好耐 配菜有炸牛蒡 湯以上既都脆身 但咬既時候有啲痴牙😶🤔 然後我地叫左一份小食 - 明太子雞翼 顏色吸引 脹卜卜 入面包左好大舊明太子 好抵食 $48有兩隻 整體味道好好 鐘情清少少既朋友可以揀雞白湯 鐘意重口味少少既就可以試下佢既蟹湯😚 食完之後有少許熱 第一次黎食既朋友可以join會員 即送100分 咁就可以有杯可樂降下溫啦 除左堂食 佢仲有得外賣自取😆😆 準備下次想試佢既鰻魚飯😎望落好吸引

最近睇YouTube見到介紹既呢間pizza店感覺好高質 所以決定同同事一試 去到店員問要咩水 然後我地要求左暖水 店員好細心咁斟既時候話佢盡量調左溫水 希望吾會太熱啦 呢個service真系有加分既 去到點菜時 因為友人有經驗四個人叫四個餐會食吾哂 好多打包 所以我地就五個人諗住叫四個就算 但店員一再叫我地加多份前菜 依家既分量吾夠分架😅 我地無奈之下加左個Parma ham 諗住少少地 吾會濟 點知原來個ham配四塊齋pizza😅 結果最後都變左叫五個pizza咁 前菜叫左田園沙律 同肉丸 味道好足 面包配肉丸醬 很優😋 由於我地無諗過佢會系我地食哂前菜先上pizza 所以得一個鐘午飯時間既我地 系最後十分鐘先有pizza上枱😅😂 一人一舊之後 打包左兩大盒 四款套餐pizza 最愛margherita 既味道🥰🥰 蕃茄醬水得黎加左芝士又好襯 其次系Porchetta 芝士好正 加辣椒油上去好特別同惹味😎 除左中段被迫加菜 整體都好好👍🏻 可惜吾記得影相

朋友講開之前成日經過開呢間餐廳 但都無試過 決定今次試試佢 去之前見Openrice既食評知道佢有買一送一既折扣 都幾抵🫡 所以最後叫佢個日既指定菜式 頂級封門牛柳😚 餐湯系西蘭花忌廉湯 味道濃郁 好creamy 主菜 封門柳 高質😍 食落口吾柴 嫩口 😋 餐飲 紅寶石朱古力 店員話系用左紅菜頭？配白朱古力 但飲落吾似 反而有股玫瑰味 懷疑我同朋友都聽錯左😅😂 味道吾會太甜 幾清新 重頭菜 可麗餅🤩 佢真心還原左apple crumble ge味道😂😂食住可麗餅但味道系蘋果批味 感覺吾錯😚

黎到北角附近搵食 見到有間餃子店 本身都喜愛食餃🤩 所以決定一試🥸 最後叫左一個前菜 一份湯餃 一份煎餃 兩碗酸辣湯 涼拌海蜇 好惹味 小辣 湯餃個湯聞到好香魚湯味 正 配埋韮菜鮮肉餃都妅襯 煎餃既黑松露味都好出 但食落又吾會濟 好香口 酸辣湯胡椒味好重 食落覺得暖洋洋 冬天飲真心暖身😌😌 不過如果胡椒同醋可以比顧客落反就更好😌 環境方面都舒適 坐落都吾會太迫 幾好 見到佢牆上面有粢飯同鹹豆漿 但menu無 下次有機會去食要問下佢有冇😂😂 望圖感覺幾好味咁

去到尖沙咀 友人話k11 musea 有間酸菜魚幾正咁 有海景 所以就決定去試下 晚餐時間去都仲有位 吾使排隊 環境好寬敞不過海景位已經無哂 可惜了 叫左個四人餐有前菜有湯有主打酸菜魚同小炒 米粉同甜品 $1380都算幾抵 湯比較淡味 同埋系一碗碗上 幾好 吾使系枱到再分碗 三款前菜味道都好好 最愛小黃瓜 似小時候食 用黎餸粥既香瓜 乳鴿都好嫩身加埋都入味😋😋😋 中間有啲辣粉可以自己揀辣定吾辣 酸菜魚入面有魚、冬瓜、寬粉 味道濃郁 又吾會太辣 魚香肉絲 實際上似萵筍炒肉絲 萵筍爽口但略嫌小辣 仲有一個乾鍋茶樹菇 本身中意食菇既我 愈食愈食吾落 好咸 吾知系疊加上去 所以咁咸定點 但食左幾條食吾落 珍菌米粉 入面得冬菇 同黃豆 都系一碗碗上 食完可稍微調淡左茶樹菇既咸 最後有四川冰粉 佢既冰粉吾系條狀而系一大舊 有啲難but 😂 但作為結尾系吾錯既

因為食評見有人話呢間好食然後排隊會排好長 所以我地決定反其道而行 食完甜品再搵晚餐食咩😌 6:30去到果然 非繁忙時段好正 環境鬆動 好舒服😎 叫左一個芒椰木蓮凍 勁大碗好足料 有好大既芒果冰 旁邊有椰果 三色小芋圓 新鮮芒果 黑色既木蓮凍口感系有啲似涼粉+愛玉 感覺好refreshing 朋友叫左個龍眼爽冰 試左一啖 超勁龍眼味 好似食緊真龍眼咁但質感就系沙冰黎 個人覺得小甜 但朋友覺得剛剛好 所以見仁見智🤣 由於我地無食野就食凍野 所以叫左啲暖野打底 - 糖不甩😚😚 好耐無食糖不甩 好正 佢既粉團煮到剛剛好 吾會痴牙又吾會太硬 然後花生糖粉都比左好多 讚👍🏻 整禮感覺好良好 然後佢每枱後面都擺左紙巾同消毒酒精比人用 好貼心🥰🥰🥰

落大雨諗吾到去邊食lunch 就決定同同事近近地去附近食 Lunch time會有二人set 包左湯 前菜 主食 飲品同甜點 因為我中意食菌 所以叫左雜菌炒意粉 飲品就叫左芒果梳打 意粉吾錯 正正常常 但覺得洋蔥有點多 蛋沙律toast 蛋沙律good good 但如果吐司可以脆啲會更好 甜品降左grade以前會有雪糕蛋糕/蝴蝶酥加雪糕 但依家變左Madeline 同法式小蛋糕 小蛋糕幾好食 個邊脆脆地 但有點太甜 整體都可以接受