炯記餐室 (美麗閣)

營業中

休息中

前幾日有啲事要去北角，做完野之後有啲肚餓，見到呢間餐廳有鵝油撈粗麵，覺得好吸引，就同朋友一齊入左去食。黎到嗰陣啱啱好差幾分鐘先完下午茶時段，仲有得叫下午茶食，相當抵食。燒鵝撈麵 $43呢個價錢有燒鵝撈麵，仲有野飲或者中湯，真係超抵食。燒鵝份量都唔少，外皮燒得香脆，油脂豐富。撈麵係鵝油撈麵，食落有少少甜甜地，好邪惡但好惹味。切雞撈麵 $40同燒鵝撈麵一樣都係鵝油撈麵底，不過燒鵝就轉成切雞，切雞滑嫩。燒味雙拼（例牌）$78我地揀左叉燒同燒肉，仲有得揀肥/瘦/半肥瘦嘅肉添。我地叉燒同燒肉都揀左半肥瘦。叉燒外層脆脆地，食落有焦糖味，叉燒肉好鬆化，好食。燒肉肥瘦相間，塊皮好香脆，唔會過鹹，幾好。海蜇手撕雞小食 $40手撕雞有得揀辣定唔辣，我地揀左麻辣，食落幾夠辣，雞肉好滑，香麻味十足。海蜇爽口彈牙。熱奶茶 $0中湯 $0

上openrice 揾北角高CP值美食，搵到呢間炯記，中午時間好多人，而且有勁多人買外賣，所以安心排隊等食，等左一陣就有位啦。叫左一份2人餐，有手撕雞半隻，6隻豬手，一碟雞腎，一碟黑木耳，2碗湯，一碟菜，2碗飯或鵝油撈麵，2杯飲品（凍飲唔駛加錢添），咁多野食只係$198，真係好平，好平。黎到真係嚇一跳，份量好多，似3人餐多啲，不過，最緊要都係食物質素。手撕雞夠入味，又夠滑，推介。老公最鐘意個豬手，唔會太淋，夠咬口，夠入味，佢一個人食左4隻。我就最鐘意雞腎，辣辣地，好惹味，夠爽口。湯都好正。因為我哋戒澱粉，所以嗰兩碗飯或者麵就轉咗菜，真係好，唔係好多間都可以咁樣畀我哋轉。總括嚟講真係抵食夾大件，真心推介！

黎左北角閒逛,見到燒味好似好吸引咁,就入左去坐低左餐牌食物選擇多,自助QR CODE形式落單方便快捷,我叫左個鵝油牛腩麵,加配蝦籽,碗麵加左鵝油真係香好多,鵝油既味滲入左D麵度再加埋蝦籽既咬口,蝦籽加左$8,麵彈牙,豬手真係好淋,好好味,價錢抵食,最愛既係叉燒肥瘦均衡,唔會好肥同好油,燒到岩岩好,仲有例湯跟餐,每晚不同,老火例湯好足料,之後叫左杯好特別既飲品阿華田底加上麥芽粉,口感好特別。呢間都好多人叫外賣,價錢便宜加抵食。

之前同朋友食過深水埗嗰間「炯記」，記得佢嘅二人套餐抵食又大份，而且都幾好食。今日就帶父母去試吓北角嘅分店，因為媽媽好喜歡食粗麵，而爸爸就好鍾意食豬手，「炯記」嘅鵝油撈麵同醬皇豬手佢地一定會喜歡。呢度地方乾淨，光線充足，而且我哋啱啱坐正喺空氣清新機隔離，感覺幾好。食物係用手機自助落單，好方便。「 二人套餐$198 」手撕雞有辣有唔辣，可以選擇鵝油撈麵或者白飯，而且仲配冇味精老火湯之餘，仲免費配兩杯平時要加錢嘅特飲。我哋就揀咗：鹽焗手撕雞（半隻）冬菇醬皇豬手（例牌）鹽焗雞腎及酸辣雲耳生菜一碟兩碗太子鵝油撈麵兩碗薏米紅蘿蔔雞腳湯一杯鹹檸七一杯阿華田五穀麥芽雪山特飲兩碗薏米紅蘿蔔雞腳湯 一飲就知道冇味精，味道香甜而且好滑，落咗雞腳入口有啲膠質，加埋薏米感覺好清潤。太子鵝油撈麵 一碗其實夠晒兩個人食，所以三個人食兩碗我哋都食淨左。粗面爽身好入味，鵝油好香但唔會油膩，所以嚟到一定會食撈麵！鹽焗手撕雞（半隻）份量多，而且雞肉好嫩滑又入味，有成半隻咁多感覺好抵食。本身以為食唔晒，因為幾好味所以慢慢都食晒。冬菇醬皇豬手（例牌）有成四大嚿豬手，豬手同冬菇都炆得好腍又入晒味，豬皮好彈牙，細食嘅爸爸一次過食三

一切回復正常無得WFH啦，日日都同同事煩惱LUNCH食咩🤔北角有間好好味嘅手撕雞餐廳「炯記」，甘啱經過附近，入去試試先😍餐廳裝修簡潔，好有中國風，坐位都好舒適。見到餐牌樣樣都好想食，呢度最好就係可以二人份，細細碟可以食多幾款🤩🥢檸檬鴨撈麵 $59今期佢地新出左檸檬鴨，可以配飯或者撈麵。我當然要試試佢地馳名的撈麵啦。檸檬鴨好有肉汁，鴨皮燒得好香口，一D都唔肥。撈麵係用上粗麵加鵝油鼓油去撈所以食落好香，每條麵都充滿鵝油香味，但又唔會令你覺得有油膩既感覺。 🥢鴛鴦手撕雞小食 $34必食手撕雞，手撕雞好有麻香，鴛鴦一邊麻辣，一邊唔辣，雞肉肉質好嫩滑，份量亦很多。🥢冬菇豬手 $28除了馳名手撕雞外，餐廳既豬手都非常出色， 豬手充滿骨膠原，炆得好淋亦好入味，食一件真係唔夠喉🤤🥢麻辣雲耳牛肚絲 $38牛肚絲切得好幼細，雲耳同埋牛肚絲好爽口彈牙，配埋麻辣非常惹味。🥢冬菇扒生菜 $20唔少得叫碟菜食下，生菜好新鮮爽脆，冬菇仔炆得好入味，一啖一粒好正。🥤凍鹹檸七 (加配價$8)食麻辣野一定要飲汽水，鹹檸七絕對可以解晒所有麻辣同埋油膩。💕食甘多野都唔駛$200，一坐低仲有無味精嘅靚湯，價錢經濟，食物質素又高

炯記餐室 (美麗閣) 網址: https://s.openrice.com/QrbS0Y8K900~uXpYHAA地址: 北角英皇道376-380號美麗閣地舖電話: 26625088=====================日日都推出唔同架優惠燒味組合，對於無抗針唔可以堂食，或者係晚餐買返屋企做餸，是個方便又抵食架好選擇$43 醬皇叉燒煎蛋飯,下午茶假運飲品，叉燒好肥美，用腩位整，加埋隻煎蛋就係黯然消魂飯啦。$40 海蜇手撕雞 ，海蜇爽口，手撕雞鹹香。$28 雞腎有分麻或鹽味，清清地要鹹味，雞腎質地爽口$43 煙燻燒餓飯燒得好靚，估唔到比咁多，$43真係好抵食。再加碟油菜。個叉燒堅好食！

叉燒仲可以用咩夾⁉️配印度薄餅🔆原來都幾夾炯記餐廳，叉燒腩，唔錯半肥瘦係有啲罪惡嘅，到時咬走啲肥肉啱啱好😂😛唔算近地鐵，不過做街坊生意無咩所謂啦。推薦度（10👍🏻滿）：7👍🏻滴汗度（10😅滿）：不適用衞生（10⭐️滿）：7⭐️環境（10⭐️滿）：7⭐️賣相（10⭐️滿）：7⭐️味道（10⭐️滿）：7⭐️價錢（10⭐️滿）：7⭐️服務（10⭐️滿）：7⭐️地點（10⭐️滿）：6⭐️［炯記餐室 (美麗閣) (北角)］地址：北角英皇道376-380號美麗閣地舖

🌃 食肆環境為 典型茶餐廳格局， 餐枱座位間隔尚可，乾淨企理。.👨‍👩‍👧‍👧以下為1人份參考（💲人均$4x) ( 下午茶 ).🍲 棋哥秘傳燒鵝撈粗💲 43👉 下午茶燒鵝份量也不少，有八大件，燒鵝皮幾脆， 唯肉質比較瘦， 小編鍾意肥肉多啲，鵝油撈粗-店裏說是由棋哥燒鵝餐室獨有嘅 荔枝柴燒鵝油 加上秘製豉油製成， 小編食落味道 有啲甜，感覺幾獨特， 而粗麵條爽口彈牙， 不錯！.🍜 是日精選例湯💲 跟餐免費👉 係南瓜雞湯， 本身小編以為係雞油湯😅， 但飲落見到有南瓜絲， 同少量雞骨， 估計是用雞骨熬湯， 湯表面有滿滿的雞油。。。 小編覺得還是叫嘢飲好吧.🤠 通粉 foodie 食評總結 :👉 燒鵝撈粗名不虛傳， 43蚊嚟講非常抵食， CP值高， 鵝油撈粗必點， 小編下次想試下手撕雞腸粉， 而例湯建議不要點😅.🕍炯記餐室 (美麗閣)北角英皇道376-380號美麗閣地舖.此價格只供參考及以當時為準，實際價格或會與本文章有所差異。-

前幾日同朋友去北角行吓，突然間好想食燒味，見附近有間幾出名嘅燒味店，就去咗試! 員工態度好好，衛生情況都唔錯☺️.叫咗個二人餐，有菜有肉有湯有麵，同埋全部都係招牌菜，都幾抵👍🏼.有碗熱辣辣嘅湯，應該係粟米蘿蔔粉葛湯，冇乜味精好清好好飲。.🐓手撕雞我哋揀咗辣嘅🌶 調味好正好香，仲有好多雞肉，最後要打包😅.🐷豬手就揀咗有冬菇，充滿骨膠原，蠔油冬菇配埋個麵食一流😋.小菜有雲耳同埋雞腎，雞腎好新鮮，雲耳用咗好多醋調味，酸酸甜甜好開胃！.❣️最後就係招牌鵝油撈麵，超香口超好食！依家唔係好多地方食到😚.🥤飲品嗌咗凍奶茶同埋華田特飲，凍奶茶一流，但係華田就有少少淡😅

今次就去咗呢一間係北角英皇道嘅餐廳食嘢，我哋今次就叫咗一份好抵食嘅二人餐，有兩款小食，兩款主菜同埋湯同埋菜！真係非常吸引，我自己好鍾意食呢一度嘅手撕雞同埋豬手，手撕雞嘅份量好充足，而且味道好吸引！豬手做做得好林同埋好入味

《土炮惹味燒味撈粗🌞》———————————————#炯記餐室 🌟-我哋不嬲都好中意食港式燒味，呢間炯記同傳統燒味舖有啲唔同，除左正宗燒味外，仲有多款惹味小食，款式多樣🤩-🦆 棋哥秘傳燒鵝飯套餐必食之選🔥 燒鵝皮好脆，食落去有一陣炭燒既風味，夠哂香，肉質好唔錯，肥瘦均勻，-🐽 脆皮燒腩仔拼醬皇叉燒撈粗套餐個粗麵聞落去就已經好香，用咗鵝油撈麵同平時出面食開既完全唔同，綿密嘅鵝油包覆住每一條爽口嘅麵條，相當出色🥳腩仔同叉燒呢個多肉組合，豬皮脆卜卜但唔會好油膩，抵讚👍🏻-🐣 海蜇手撕雞雞肉嫩滑，食雞連皮超好味，而且份量十足，我哋揀咗微辣，夠哂惹味，海蜇亦夠哂透心涼開胃🥰-👑 醬皇豬手每隻豬手都經過專業篩選，再經過秘製配方慢煮燉成三四個鐘頭，火候掌握得好好，炆得好入味，充滿骨膠原🤤-🗻 阿華田雪山新登場嘅阿華田五穀麥芽都好特別，含有麥芽、小麥胚牙、大豆、薏仁同黑白芝麻，堆成雪山，夠晒高纖高鈣健康，解膩一流😚-⭐價錢參考：棋哥秘傳燒鵝飯套餐（配是日靚例湯加冷熱飲品）：$60+5脆皮燒腩仔拼醬皇叉燒撈粗套餐（配是日靚例湯加特飲）：$56+8醬皇豬手：$24/2粒海蜇併手撕雞小食：$40🍌抵deal

下晝想食下燒味，一家人黎到烔記茶室！試下佢主打菜式：秘制煙燻燒鵝、手撕雞、醬皇豬手、太子鵝油撈面！ 秘制煙燻燒鵝拼脆皮燒腩仔配太子鵝油撈面秘制煙燻燒鵝拼脆皮燒腩仔同太子鵝油撈面係分開上嘅秘制煙燻燒鵝真係必試，荔枝柴燒有種特別嘅香味燒鵝真係一定要食皮，烔記燒鵝皮脆肉嫩脆皮燒腩仔都係皮脆肉嫩，半肥瘦，食完一舊又一舊鵝油撈粗嘅粗麵冇鹼水味，爽口彈牙，好香鵝油香，又唔會太油膩手撕雞拼醬皇豬手飯手撕雞好滋味，肉質鮮嫩，少少咸，灑上少少芝麻醬皇豬手色水好靚，炆得好林，軟綿綿， 醬汁入味，入口溶化，成口都係骨膠原撈汁配飯真係一流地獄口水雞雞皮滑肉嫩，落咗口水汁，都好香辣，送飯一流！海蜇拼燻蹄海蜇頭都微辣彈牙，薄薄一片燻蹄都好爽口

二人餐炯記餐室 北角英皇道376-380號美麗閣地舖門口是燒味店, 不過入到去先知不止咁簡單的。除了燒味仲有好多家常小菜供應。見個二人餐有好多野, 最抵食,仲唔洗加一服務費。呢個二人餐 198, 有菜, 湯, 小食二款及主菜兩個, 仲有飯/麵兩碗及飲品, 可謂之非常豐富。店內姐姐見我地兩個人, 就推薦點呢個餐, 話點呢個餐可以食到店內出名架手撕雞同豬手。先飲例湯暖暖身小食有雞腎同雲耳,份量都幾多, 雞腎爽口, 都唔理得內臟高膽固醇,成碟差唔多係比我食曬。鹽焗手撕雞, 一大碟起曬肉, 估計有成半隻雞係度。充滿鹹香架雞肉好惹味, 跟飯同麵都好食同夾。個雞皮滑嫩有彈性, 同樣有鹽焗架芳香滋味, 鐘意食雞皮存人一定搶住食。醬皇豬手炆到好腍身, 輕輕一啜已皮肉分離了。炆個豬手個醬皇汁又濃郁, 用來撈埋落飯都好好食。太子鵝油撈粗好大碗, 撈麵幾彈牙, 條條分明有鵝油香份量非常之慷慨, 真係三個人食飽飽都無問題, 抵食又好食之選，有機會想試埋呢度架燒味。

炯記餐室 (美麗閣) (北角).港式嘅食品對於我來講簡直係欲罷不能，燒味更加係喜歡之一。炯記之前已經食過一兩次覺得好好食但係因為唔太就腳所以係間唔中先會嚟食！.▪️豬手冬菇撈粗▪️.呢度嘅招牌之一，鵝油撈粗，呢啲就係非常之腍身，充滿着骨膠原同埋入口半化，冬菇又係好入味。粗面非常之入味！.▪️海蜇鹽焗手撕雞腸粉▪️ .手撕雞腸粉又係一樣好好食嘅嘢，手撕雞你可以揀辣或者唔辣，揀咗唔辣嘅話就係鹽焗味，腸粉嘅甜醬係要另外自己落。另外再配埋少少爽口嘅海蜇！.▪️炯記叉燒瀨粉▪️.瀨粉簡直係燒味嘅絕配之一，叉燒肥瘦係處於七三比率，小小嘅肥叉燒就唔會又乾又硬。邊位燒得微焦，叉燒邊位少少脆脆地，一流.▪️酸辣無骨鳳爪▪️.諗住食咗咁多肉再叫一個清清地嘅小食，酸辣無骨鳳爪唔係好辣但係勝在夠酸！超級之開胃！.▪️阿華田雪山🏔️▪️.都叫杯特飲跟餐都只係加$8，個阿華田雪山上面充滿着胚牙麥芽等等有益健康嘅五穀！.📌 炯記餐室 (美麗閣) (北角)北角英皇道376-380號美麗閣地舖.環境：⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️⭐️

見到呢度有得食鵝油撈粗，都唔係成日見，就入去試一試堅定流～鹽焗手撕雞半隻 $68半隻居然都有一大碟！四人份量都嚟緊～淡鹽味更加試到手撕雞嘅鮮嫩～堂食做緊更加抵嘅價錢添～太子鵝油撈粗 $58鵝肉喺皮同肉中間有一層脂肪，非常香口，而且香得來又唔肥膩🤤撈粗係用鵝油作醬汁，有鵝肉嘅甜味，真係好好食👍🏻醬皇豬手三件 $32豬手多肉肥美燒味雙拼撈粗 $52揀咗燒腩仔同埋叉燒，叉燒仲可以要求半肥瘦🤩燒腩仔脆卜卜，掂跟餐有湯，飲品就要加錢～但嗰日去到比較遲，7點幾晚市，原來佢啲湯係會留返一部份比員工，所以就告知啲湯賣晒了😅想飲湯記得早啲，望落啲堂都幾吸引但Jenny試唔到sor