火鍋煮場 (已結業)

朋友帶我去深水埗福榮街的火鍋煮場，店的環境很企理，環境好舒服，店員很殷勤的招待我們。這裡可以選擇蒸海鮮或海鮮火鍋，可以多個烹調煮法給我們選擇，由於我想試下這裡的白菜杏汁豬肺鍋，所以我們選了火鍋。我們還點了個海鮮拼盤，即炸响玲及生菜。首先上了個白菜杏汁豬肺鍋，真的不得了，個湯有杏汁鮮明的香味，豬肺很新鮮，而且處理得很乾淨，咬下彈牙爽口，口感細嫰。响鈴是點的新鮮即炸，上檯時仍熱氣騰騰，很鬆脆，淋上酸甜汁，可以當零食食。當重頭戲海鮮拼盤上檯時，我們看到也定一定神，實在是太豐富了。當中有一大隻波士頓龍蝦，廣島蠔4隻，帶子片，大活蜆，脆鯇魚片，皇帝蚧柳，因為聖子皇沒有貨，所以店員為我們換了大蟹作換。實在是太豐富了波士頓龍蝦灼到變紅就食得了，好鮮味，肉爽脆，正到爆燈。廣島蠔大大隻，啖啖肉，好好味啊帶子片好厚肉，吃下令人感到很滿足脆鯇魚片真的夠脆，很鮮，而已沒有太多的碎骨，很好味大蟹亦十分鮮味，蟹膏很多。總結，火鍋煮場確是一間令人喜出望外的海鮮火鍋店，食材新鮮外，店員十分有禮殷勤招待我們，不時自動為我們加湯底，和花功夫為我們的火鍋逐勺撇油，實在令食客感覺窩心，值得推介的一間好餐廳。

今日同朋友傾計食飯，又唔想去集團式酒樓食埋D行貨野，終於去左哩間火鍋專門店，入到去超驚喜，好多高質素野食揀，雖然舖面細細，竟然有幾個大魚缸放住好多新鮮海鮮，一入黎就已經被D海鮮吸引住睇睇餐牌原來哩間隱世邊爐店唔止邊爐咁簡單，仲有新鮮刺身同埋石鍋粥底海鮮揀，但我地都無忘初衷，選左邊爐，仲要揀左個好有特色既杏汁豬肺湯底潤潤佢，平時出街飲碗豬肺湯都要50-60蚊，但哩度成個鍋底都只係98蚊，黎到即刻試一試個湯頭，湯底好足料，數埋起碼十幾舊豬肺，平時出街飲豬肺湯最驚豬肺洗得唔乾淨，但哩度既豬肺就真係無得頂，D湯既杏汁味仲好rich,感覺好似無落味精既，未邊爐已經飲左兩碗豬肺湯睇到餐牌有個海鮮拼盆，價錢大約400左右，望吓原來有原隻龍蝦，生蠔，帶子，蟹，蜆，鱔片，鮮味蟹棒，睇落都已經覺得好抵食，於是我地就諗住試一試打邊爐必食既係響鈴，睇睇餐牌發現有鮮炸響鈴，平時食嗰D響鈴都係預製響鈴，有鮮炸既當然試吓，我地得兩個人，就叫多份生菜先先上枱既係生菜同響鈴，響鈴上到枱仲係熱既，職員仲比埋個好似炸雲吞既醬我地，仲好細心叫我地小心熱塗左醬後，響鈴入口超脆口，件響鈴皮既厚度係唔超過0.5mm,脆口既程度係薯

喺深水埗區有好多美食 尤其係中式港式 好似中菜 打邊爐甘， 近排就開左間打邊爐店， 叫做火鍋煮場！環境算寛敞舒服，坐位同一般酒樓類似。 食物打邊爐鍋底種類好多 , 好似有蕃茄湯底， 海鮮湯底 同各種傳統打邊爐湯底。 食物種類多， 夠全面， 一般丸， 腸， 魚蛋 蝦滑 ,.各式蔬菜類 , 應有盡有。仲有好多新鮮既材料 好似海鮮 , 靚既手切牛 豚肉 等等除左一般邊爐 仲有蒸氣火鍋首先點個排骨南瓜同生米 放落煲底煲住先慢慢煮上面既野食 好似奄仔蟹 蟶子 各式海鮮全部好新鮮 尤其係鮑魚仔 蟶子 等 好鮮甜另外手切牛肉 同蝦滑釀冬菇都十分出色以打邊爐黎計 , 火鍋煮場都係深水埗一間幾推介既邊爐

夏天將至，把握最後一次打邊爐的機會今晚想吃高質素的火鍋，決定拒絕任食和男朋友行完電腦城就不如到最近食友推介、同是位於深水埗的火鍋煮場 嘗嘗新吧！先選湯底再點菜！湯底有好多好多選擇其中更有些足料版的如蕃茄海鮮湯、清湯牛坑腩等等睇見隔離枱個蕃茄海鮮湯海鮮有成盆之多真係口水都流哂不過二人打邊邊最緊要量力而為食湯底都都食飽左就唔好啦最後叫左個鴛鴦鍋：清湯拼沙爹湯底既有濃味又有清淡估唔到連清湯都咁足料！ 鍋入面有份量都幾多ge 青菜粟米蘿蔔，湯頭清甜，最岩食d 想食真味ge 食物eg 牛肉而沙爹湯都非常濃厚，有明顯ge 沙茶味道。我地之後叫左金菇同肥牛，咁就組合成金菇肥牛roll la XD等待期間先泥二隻生蠔試下老闆大推ge 法國生蠔雖然唔係好巨size但夠哂鮮甜肥美，同蠔吧質素有得fight真真估唔到lee 到原來連刺身、生蠔都有賣！隔離枱有人生日好似仲有送刺身混醬一下再吹陣水就ready lu手打墨魚丸拼蝦丸 &蟹籽丸拼芝士丸手打丸簡直冇得彈大大粒, 入口彈牙鮮美, 每一啖都充滿住墨魚/蝦既味道~牙齒表示好幸福~ 蝦丸簡直係足料到痺, 粒粒都見到大量原條蝦肉~而圍爐每次必叫既芝心丸&蟹籽丸

今次同女友行到黎深水埗睇電腦野, 順便搵下附近既美食~呢區真係好多野食, 我地揀左一間朋友食過話好既火鍋鋪既係唔係任食, 就冇左果種一定要食到回本飽到嘔既畸型心態了張menu話多唔多話少唔少, 淨係湯底都十樣左右, 我地揀左最簡單既清湯+沙爹鴛鴦鍋~係湯底準備緊果陣就先整定火鍋醬汁先~ 呢度既配料有齊最主要既辣椒, 生蒜炸蒜, 蔥, 芫茜整完見店家大力推薦佢地呢排既法國生蠔, 就叫左兩隻試一試黎到真係有驚喜, 完全唔似係火鍋店而係西餐廳既水準, 就咁開左殼已經聞到好香礦物味cocktail sauce都冇落就食晒, 好鮮完全唔腥稍為填一填肚我地就慢慢等湯底滾~呢度有樣野好適合我地呢d兩個人黎打邊爐又唔係任食既叫, 就係佢地既雙拼丸喇~無論係芝士丸蝦丸墨丸包心丸都好, 全部都係加十蚊就雙拼~佢地個味本身已經有, 加埋湯底既味唔洗點豉油都夠味同出面街市或者任食火鍋店既包心丸真係冇得比, 起碼個皮都彈牙好多之後係手打墨魚丸+手打蝦丸雙拼墨丸同蝦丸都睇得出係足料手打, 蝦尾都係見到係度食落好有鮮味, 加少少醬汁調一調味就夠飲品我地淨係要左支大既嘉士伯~配接下來既肉類冇得輸肉呢方面我地叫左個大既

火鍋煮場深水埗福榮街14 號地鋪深水埗美食眾多 今次就黎試下呢間新開既火鍋煮場， 食店係以打邊爐為主 . 環境同酒樓類似， 算坐得幾舒服。 食物有特色湯底 好似海鮮湯底 蕃茄湯底 等等 , 除左一般打邊爐料 仲有海鮮 ,.靚牛肉等近排新推出左個蒸氣鍋海鮮鍋 南瓜排骨粥底 128蚊首先將生米 南瓜同排骨放落蒸氣鍋底 最底嗰層 , 用蓋蓋住 然後慢慢將唔同材料放喺上層蒸，最後才食湯底沙白蜆 88 蚊一份有10 幾隻沙白蜆 蜆肉煮一陣就熟 肉質好鮮甜多汁 蒸既好處係蜆肉保持應有既水份 就算唔點調味料都夠哂鮮味火鍋煮場深水埗福榮街14 號地鋪南非鮑魚 68 蚊隻鮑魚十分新鮮 中間顏色帶點黃同光滑 側邊起一條條狀 食落去外層好有質感 爽口彈牙 入面既肉質煙靭 十分新鮮， 而最欣賞係 佢一早去左鮑魚綠色唔食得既部位 十分細心 海中蝦 128 蚊份蝦大大隻 煮熟左 鮮紅色一睇就知好新鮮 蝦肉食落好鮮甜 . 蝦膏都好夠多 . 點埋辣椒豉油仲正！百花釀鮮冬菇 118 蚊用冬菇做底 上面放左蝦滑 同魚子 就好似燒賣甘 蒸完後 蝦膠係手打好彈牙又新鮮 , 而冬菇十分煙靭厚實juicy . 好味奄仔蟹 18

火鍋，一年四季都流行，今晚在深水埗買完電腦零件之後，就在附近找了間火鍋店。決定這間的原因是因為泊車方便，門口就有錶位可以泊車。二小時，夠晒一個火鍋時間了。首先選好了鍋底，其實材料豐富，豬肚煲至很淋，粉腸有特有的香味，再喝一個湯，可能是咸菜的咸有點渲賓奪主，感覺如胡椒味更濃一些會更好。把醬料按個人喜好調好之後，就可以等待開始了。芥醬按人頭每位＄18，其實有點稍貴，始終還有加一收費呢，所以感覺有點小貴。今晚最令人驚喜的是這個西班牙黑毛豬柳粒。從外觀已經被其吸引，色澤漂亮，油花細𠊷均勻，放入火鍋滾15分鐘之後，夾起來與特有的麻醬混勻，有入口即熔的感覺，肉質鮮嫩，香味四溢，食完仍然齒甲留香，非常盡興。三色餃分別是水餃、雲吞、韮菜餃，我最喜歡韮菜餃，很新鮮，肉與菜的比例非常好，所以既香口又不會有膩的感覺。聽說這是店家自制的，難怪那麼新鮮美味，的確值得一試。淮山，一樣有共通點就是新鮮，厚切的淮山，食起來特別有口感。特點是脆和香，脆得來又鬆化，入口即化，我試過一般的食法就是過冷河方式，在火鍋湯上浸一下，另一種沾酸甜醬直接進食。個人覺得更建議後者，因為會更能嘗到它特有的脆和鬆化。選擇腩位是貪其沒有魚骨

適逢友人生日，我們一行7日便挑選了新開的火鍋煮場慶祝場內環境寬敞，火鍋配料款式甚多，亦有眾多新鮮刺身選擇，完全能滿足我們既喜歡刺身但又想烚下烚下的要求我們先點了4款刺身：加拿大海膽、象拔蚌、泰式生蝦、鱸魚加拿大海膽刺身配上青瓜，入口更清新鱸魚非常生猛，上菜時仍有神經反射魚片非常爽口，沒有魚腥味泰式生蝦刺身用上海蝦，更為彈牙，口感更豐富，配上泰式醬汁刺身款款鮮味無比，而且分量不小火鍋方面我們選了兩個湯底：蕃茄海鮮蟹鍋及艇家鮮魚活蜆鍋。蕃茄湯底茄味濃郁，而魚湯混合活蜆熬制，亦非常鮮味有別於一般火鍋店油笠笠的味精湯底我們點了各款配料，如生蠔、肥牛、響鈴、豬腳筋、魚滑、手打墨魚丸等生蠔既可生食亦可輕焯食用除了海鮮外，肉類亦十分出色火鍋必點的響鈴十分有驚喜，即炸即上，入口極脆，配合內層的紫菜和用上淮鹽調味，非常特別，無論即食或沾上熱湯進食亦非常美味吃到尾聲，湯底更加濃郁和鮮甜餐龐內地方舒適，無論火鍋材料及刺身都非常出色，而且選擇眾多。店員亦非常細心介紹食物及食法，人多更可包房，特別適合一大班朋友聚會

一行九人打邊爐，梗係揀間唔使計時趕頭趕命既邊爐啦，咁岩呢度有得 book，食評又無喊喊就你啦火鍋煮場，果然食家朋友誠不欺我!一張大枱有兩個爐，揀左蕃茄蟹同埋藥膳雞，各有特色，茄味濃岩滾啲淡味既菜，同牛肉都夾，海鮮算新鮮。藥膳既醉雞份量多啲就好啦，因為夠滑好好食。老闆推介既牛皇拼盤，牛白肉好侖好食丫，唔係肥膏係爽口的，眼前一亮但已經搶食晒，so nine sad. 本地牛頸脊夠牛味，唯一要挑剔係低層有啲牛肉切得有啲碎。咁多牛肉部位試晒，堅係個白肉令人難以忘懷，難得有緣，等我食多啲普度下啲牛。 羊肉厚度夠，落落藥膳湯滾幾滾沾腐乳就係平時食個隻配搭，形容到既味道。即炸響玲，冇諗到係呢度食到即炸，仲要有甜酸醬咁正正，果然冇期望就冇失望，間中更加有驚喜，就咁沾醬得，滾下湯準食得，得左，十個脆!!!!!!!!!!黑魚滑蝦滑，好滑，夠蝦味，出色。鳳城水餃，做得好，皮薄料靚。食左好多菜，粟米好甜，呢餐好滿意，又傾到偈。老闆會時不時來調較個爐既溫度，又有提醒點食最好味，

朋友介紹，深水埗有間火鍋店新開，生啤買二送一，最啱我地十下十下飲酒吹水除了啤酒，還有其他飲品，啱女仕們呢海鮮刺身都有不少，不過今日都係想食火鍋，選了花膠雞鍋花膠份量不少，有兩碗花膠，錫女朋友嘅我。。。緊係俾埋我嗰份俾女友啦，女人緊係要補補，養顏嘛我試左一舊，又真係幾爽爽滑滑噃花膠索左啲雞湯，超正呢雞要先舀起，想食才再放落鍋，免得過火，因為是雞檔的冰鮮雞，雞肉嫩滑有雞味牛舌芯，大大碟$98,抵吖薄切，最啱打邊爐，一淥就食得，牛味濃，爽口有𡁻口聖子皇，Size 不小，肉厚，熟左都冇縮水，鮮甜爽口，Yummy 鮮淮山，爽口有益！鱔片，色澤鮮明，新鮮美味萵筍，青綠，打邊爐必食還有很多小食，最啱送酒店鋪不算大，侍應招呼很親切，見隔離檯跟他們傾計，好像一家人似的，相信都是熟客囉

到深水埗探朋友，行行下見有間火鍋店好似新開冇耐，就不如食埋先返屋企喇店內有新鮮海鮮仲有魚生Bar 添坐低先上Open Rice 睇下有咩推介生日月有刺身拼盤送呢三文魚腩，件件厚切，好肥美哦入口一咬。。。三文魚油出晒嚟甘香到呢魷魚都吾弱，入口一咬就糊住個口，鮮甜有口感新鮮是也甜蝦爽口彈牙，蝦頭仲有膏添蟲草花花膠雞鍋，花膠份量不少哦滾幾滾，先拿起花膠，每人一碗，滿滿的花膠浸在雞湯內，骨膠原增添了不少呢侍應隨即舀起雞，替我們剪開數件，臨食前再放落湯滾熱，免得令雞肉過熟雞肉果然嫩滑有雞味，選料上盛是也牛舌芯，薄切，一拖水就食得，牛味濃，有𡁻口萵荀青綠爽嫩火鍋刺身都新鮮，現在新開張才不用等位，相信下次再來都是打電話Book 定檯好啲喇

滿足的一餐，前幾日女朋友突然話想食火鍋，咁我就搵咗依間新開嘅火鍋店，仲見到有優惠，咁咪黎試吓。生猛海鮮配料，還有刺身。火鍋配料選擇多，精選牛肉、生猛海鮮、自製餃手打丸、豬肉類等等...湯底都有好多款選擇，火鍋之外仲有唔同嘅粉麵類，小炒都有，但以海鮮為主。店員向我哋推介呢一個番茄海鮮蟹煲，我見到其他幾台都係點呢個湯底，羊群心理底下我都揀咗依一個。個番茄湯煲左一陣，職員會親自幫我地落啲海鮮，令成個湯底加重了鮮味。海鮮有蟹、青口、顯肉、蝦打邊爐點可以少得肥牛，細細塊容易入口，肥膏唔係太多，肉質夠鮮嫩。娃娃菜新鮮，加上係蕃茄湯底，烚一陣之後，娃娃菜吸收晒番茄嘅味道。覺得比較窩心嘅設計，烏冬附上一個配件。好似平日車仔麵人哋烚麵嗰個器皿，烏冬唔會唔見晒，1烚即刻有得食，仲方便左我烚埋其他容易走失嘅嘢食。韭菜餃，一睇就知佢皮好薄，料好多，一咬落去就食到好豐富嘅材料，韭菜好香，食得很開胃。打邊爐梗係要配生啤啦！

搵嘢食去到深水埗區，發現左呢一間新開嘅火鍋店，仲做緊優惠鋪頭嘅地點都非常容易搵，喺深水埗地鐵站行幾分鐘就到啦。雖然係新開，都已經人book枱。店員嘅態度非常之友善，坐低左之後，就推介左我哋叫一啲餐廳推介嘅嘢食，附上醬料俾我哋混醬。蕃茄海鮮蟹鍋 $38 (原價$188) 又要提多次，真係好抵。個鍋非常之足料，蝦、蟹、青口同蜆，本身美樂海鮮嘅時候，職員將個鍋放低，已經聞到超濃烈嘅蕃茄味，令到成個湯底非常鮮甜。蝦夠大隻彈牙爽口，厚肉青口，整個火鍋都有滿滿嘅海鮮。泰式海中蝦 $148店員果然冇推介錯，肉質緊實而彈牙，味道爽甜鮮美，醬汁亦帶出蝦肉嘅鮮味，酸辣嘅味道非常醒胃。而且份量都相當多，蝦頭和蝦身已經分離，食嘅時候非常之方便，而且擺設得非常精美。蟹籽鮮蝦滑 $98首先要將蟹籽跟鮮蝦滑攪勻，對於呢個火鍋配料有三隻字來形容"好足料" 依一間餐廳嘅蝦種類嘅嘢，都非常爽口彈牙，好欣賞。係鮮蝦裏面可以差唔多搵到原隻既蝦。

今晚約咗幾個朋友打邊爐，上openrice揾食，見到哩間火鍋未食過就打去book位試吓先，揀咗蕃茄海鮮蚧湯，蕃茄味濃郁，最重要係做緊優惠$38超扺仲有湯底原來跟埋碟海鮮，有隻蚧，虾同蜆。 最驚喜係碟本地牛頸脊， 灼幾下就食得，好有牛味！手打蝦丸同墨魚丸都好爽口，鯪魚丸就一般，白鱔片好新鮮，響令係新鮮即炸，其他食物都唔錯，另外仲有佢地自己煲既竹庶水, 唔太甜!  埋單每人都係二佰幾，哩間可以 encore。另外見到隔離枱食緊蒸氣海鮮，下次都要試下！