火鍋煮場 (已結業)

滿足的一餐，前幾日女朋友突然話想食火鍋，咁我就搵咗依間新開嘅火鍋店，仲見到有優惠，咁咪黎試吓。生猛海鮮配料，還有刺身。火鍋配料選擇多，精選牛肉、生猛海鮮、自製餃手打丸、豬肉類等等...湯底都有好多款選擇，火鍋之外仲有唔同嘅粉麵類，小炒都有，但以海鮮為主。店員向我哋推介呢一個番茄海鮮蟹煲，我見到其他幾台都係點呢個湯底，羊群心理底下我都揀咗依一個。個番茄湯煲左一陣，職員會親自幫我地落啲海鮮，令成個湯底加重了鮮味。海鮮有蟹、青口、顯肉、蝦打邊爐點可以少得肥牛，細細塊容易入口，肥膏唔係太多，肉質夠鮮嫩。娃娃菜新鮮，加上係蕃茄湯底，烚一陣之後，娃娃菜吸收晒番茄嘅味道。覺得比較窩心嘅設計，烏冬附上一個配件。好似平日車仔麵人哋烚麵嗰個器皿，烏冬唔會唔見晒，1烚即刻有得食，仲方便左我烚埋其他容易走失嘅嘢食。韭菜餃，一睇就知佢皮好薄，料好多，一咬落去就食到好豐富嘅材料，韭菜好香，食得很開胃。打邊爐梗係要配生啤啦！