火鍋煮場 (已結業)

今日去深水埗做完嘢，最近愛上咗呢個火鍋 所以去呢間深水埗嘅，火鍋煮場試一試非常好味所以介紹畀大家 今次湯底上 揀咗花膠雞湯 阿膠味道非常之重， 個湯底食到像花膠湯一樣，非常鮮甜好味 因為小弟生日月份去食所以送咗個刺身拼盤 ，文魚非常新鮮，墨魚爽口彈牙，八爪魚都非常好味真係多謝你間 火鍋煮場呀 花膠雞湯，湯底嘅雞 係另外上嘅，咁啲雞就唔會煲到老曬， 但亦都有個鐘鮮味道，啲雞食落都非常之新鮮而且好香雞味添 呢間舖頭絕對值得推介嘅係即炸紫菜響鈴平時我哋食記響鈴，一般都要浸一浸，但呢個係即炸響鈴，就咁食好似食薯片咁，而且佢裏面斷咗啲紫菜喺度令到成個響鈴嘅口感豐富咗好多，而且好食嗰普通響鈴 粟米原都非常鮮甜配合呢個花膠雞湯直情係正呀 打邊爐梗係唔少得 丸啦叫咗兩款，一款係蟹子海膽丸，非常鮮甜好味，打邊爐一流另一款係蟹子丸，亦都非常鮮味 最後有我最愛嘅羊肉 我就梗係要試下啦，羊肉非常新鮮而且好重騷味，係我嘅至愛

有時總要遷就別人口味, 今日就到火鍋店吃晚飯。晚上9時後入座有8折似乎也不錯, 所以打電話訂座。店位置有一點點偏遠, 從深水埗地鐵站出發都走了約10多分鐘。火鍋店環境不錯, 比之前的同類餐廳更乾淨企理, 枱與枱間亦有一定距離, 私隱度不錯, 傾談也較方便。蕃茄海鮮蟹鍋以為是一鍋弄好的湯底, 原來不是, 海鮮是另上的, 待蕃茄湯滾開後才加進去。蕃茄湯香甜, 海鮮大致新鮮, 基本上這個海鮮拼盤都足夠兩人分享。美國肥牛份量有點少, 幸好點了兩碟。肥牛有牛味, 但略嫌牛肉邊緣位置的脂肪較多, 整體可以。蠔蠔還未完全解凍, 還有點雪, 灼的時間要久一點。蠔肥美但微腥, 不夠鮮甜, 整體麻麻雲吞豬肉份量稍多, 餡有點散焾, 口感麻麻手打墨魚丸爽口彈牙, 粒粒墨魚肉味鮮, 不錯!手打蝦丸同樣爽口彈牙, 內有鮮蝦肉, 亦不俗!另外還點了一碟唐生菜和一瓶竹蔗茅根水, 唐生菜新鮮, 竹蔗茅根不會太甜, 很解渴。是晚折扣後約800多元, 確實略貴 (要是沒有折扣, 要過千元哦！)。食品質素和味道方面, 以小店來說, 已屬中上水平, 這是超出預期的。總結:一試無妨!

我去了位於深水埗的火鍋煮場打邊爐，見到多人等位，於是試試睇下此店什麼出好味。叫了特選美國肥牛、脆鯇片、三寶丸、通菜 ...美國肥牛，一食就感覺到牛肉的鮮滑多汁。脘鯇片，有新鮮魚的味道。三寶丸好彈牙。

我同朋友去了深水埗的火鍋煮場打邊爐，近來深水埗區多了特式食店進駐,令喜歡食新菜式的人，可去試試不同店食飯。火鍋湯底很有特色，又有些麻辣味，充滿湯底香味，味覺令人好想即刻開始食野，叫了個許多特選美國肥牛、三寶丸、脆鯇片...美國肥牛，色澤鮮紅，肉質香滑，一食便知很新鮮，食出肉汁充滿肥牛美味。脘鯇片充滿魚肉鮮味，肉又不會易碎，令打邊爐更易食到好食物。三寶丸有祕制的肉丸味，食落口又彈牙，有鮮肉味，令人想食多食口，一定要下次再來食。

邊邊同事們又起哄話去打邊邊，今日揀左係深水埗既火鍋主場，佢呢度除左打邊邊，仲有蒸氣火鍋，我地邊邊怪，都係以打邊邊為主。佢呢度都幾多湯底選擇，我地今日揀左個清清地，瑤柱花膠上湯冬瓜鍋湯底！今個月有同事生日，呢度係會送一碟刺身併盤，幾新鮮架。湯底先到，都幾足料，我地先試湯底味道，清清地，清得黎又夠味，味唔太濃，正！安格斯小牛排，勁有牛味，入口鮮嫩，口感一流！手打三色丸，墨魚丸，蝦丸，魚肉丸，彈牙爽口，足料，好味！三式餃，雲吞，水餃，九菜餃，足料又新鮮，皮薄！竹生好新鮮，好爽口，配埋湯底既鮮味，不得之了！脆脘腩，我既至愛，脆得黎兼有魚味，出色！田雞，超新鮮，上到枱田雞神經線仲跳下跳下，新鮮到不得了！手打墨魚滑，比手打丸更彈牙，同事一路食一路話好好食 ！

周末行下深水埗，睇下電腦，行到攰最好打個邊爐吹下水。由黃金行到這間福榮街和石硤尾街交界的火鍋煮場，大概5分鐘。大熱天時36度高溫，熱熱地，先叫杯啤酒-大柸 Hoegaarden生啤飲下先，比利時啤酒加入果皮釀製味道獨特，女仔都鍾意飲，入口感覺好純，飲完條氣都順晒。坐定定，先來個刺身拼盤，八爪魚睇得出好新鮮，因為八爪魚宇新仲係好濕潤，入口鮮甜彈牙，三文魚夠厚身，脂肪分布均勻，肥而不膩，肉質纖維有口感，蝦好鮮甜，完全無腥味。跟住就之後開始混醬啦！再來一個紫菜嚮鈴$58新鮮現場，即叫即炸，呢個真係幾特別，自家獨創，先試不浸進火鍋便食，很脆，紫菜咸咸地刺激味蕾。再浸進剛剛到的胡椒豬肚湯底，比平時一般嘅響鈴好味好多，一層層嘅腐皮連紫菜。說說這個胡椒豬肚湯底，胡椒濃濃味道，豬肚鬆軟，放了黑白胡椒豬腸豬肚同酸菜，有很多配料可以當作一碟餸了，而且夏天食特別開胃，這個打邊爐湯底唔錯叫了美國雪花肥牛$128、韓國金菇$58、炸魚皮、豬軟骨配芝麻沙律醬、是日推介之黑牛柏葉及日本製造出前一丁公仔麵。美國雪花肥牛很滑，沒有根，兩啖便食了一大塊。金菇很鬆很軟豬軟骨加芝麻醬，有咬口又開胃。魚皮超級脆，真係少少鹹，多

真係稱得上好味嘅打邊爐放工去深水埗覓食，最尾揀咗打邊爐，又一精彩傑作！食完回味無窮！去到例牌都係揀咗個湯底先，叫咗一個比較清嘅湯底，冬瓜花膠湯底，我比較喜歡，湯底裏面的冬菇味，真係好香。太濃嘅湯底反而會越打越傑，越食越濃，不太好。叫咗佢嗰個鎮店之寶，牛皇拼盤，賣相一流，有六款選擇，和牛當然唔少得，入口即溶，當然仲有我最鍾意嘅牛舌，都好好味，不過不得不提的是，他們主打那幾塊白色的牛白肉，好少地方有得食，我都係第一次食，只係十秒鐘，就已經食得，感覺系好爽脆，一啲都唔硬，有呢款食材選擇感覺店鋪與眾不同，哈！慣性都係叫咗手打丸，有三款，好明顯係手打，因為好彈牙，好爽，尤其是係蝦丸，認真真係好食！另一驚喜之作就是豬肉條，本身唔知係啲乜嘢嚟，但食落去好滑好鬆軟，應該都係嫩滑嘅部位切出嚟的！仲叫咗活生生嘅田雞，上菜嘅時候啲肌肉仲喺度震，真係好新鮮，食落好有鮮味，好滑好正呀！最後，羊肉本身冇咩期望，點知原來勁好味，以呢個價錢嘅羊肉真係好抵食，羊肉切左片，仍然有佢嗰種羊so味道，好難得！飲品方便叫咗一杯我曾經喺泰國先尋找得到的泰國青檸，竟然喺呢度俾我發現咗，值得一讚！整體來講，呢間鋪頭嘅食材高於其他普通

今晚歡送公司舊同事，帶他們到深水埗一帶食蒸氣海鮮鍋。原來火鍋煮場正正在小菜皇斜對面。餐廳出名火鍋、刺身、蒸氣海鮮鍋。第一碟是蒸活蜆（$88），活蜆新鮮原汁原味，又大粒但絕對無沙，因為剛熟不用加任可調味，可食到鹹鹹地鮮甜美味。游水海蝦例牌（$128）仲有好多蝦膏又大大隻，佢用牙籤串起來方便大口大口食。蝦肉彈牙鮮味！講到我之愛就是安格斯牛肩脊大（$268），如果打邊爐油脂就會沖走，蒸氣鍋令它保持原味，非常重牛肉味道。現在合時令蟹我相信奄仔蟹（$98），真係新鮮切件及爆膏的蟹呀。如果愛食膏朋友都一定會喜愛，好彩同事食蟹敏感，我才可以食到二件，少食多滋味。三寶丸（$98）有粒粒蝦、尤魚、鯪魚粒可謂真材實料。非想彈口我相信是鮮打的肉丸。用雞件鋪面及刀削麵墊底不能忽視，吸收雞件的雞汁變成主角，不會太淋又有味道，我加少少鼓汁就剛好，雞件嫩滑好食。到蒸氣鍋最尾果層，集合所有肉類及海鮮的精華，粥底甜美及有肉味和海鮮融合一起。可惜我太飽只食到一碗。總結我們一致好滿意以上蒸氣鍋，一邊飲酒一邊食海鮮非常愉快。

搵食搵食居然搵到深水埗區，呢區本真係甚少來，但因為見到佢地網頁所介紹湯底另我好吸引，於是走去試下，由於太多湯底都想試，正在心大心細唔知簡邊款湯底好，服務員主動走來推介左個冬瓜瑤柱花膠湯底，真係好好味到幾乎成個湯底比我飲哂，而另一推介就係成日斷貨既扇貝，超新鮮同鮮甜，而打邊爐當然唔少得有和牛（堅正)，至於其他配菜都好新鮮，再加埋支獺祭純米大吟釀50真係冇得輸，下次約埋成班朋友再去試埋其他款式同湯底先

碰巧有朋友生日，打算去食好西，上開飯見介紹吾錯，打算一試，可能當晚太大雨，一入到舖無客，我地包場，全晚就只有我地一枱，6位齊人後開始點菜，上網見生日有刺身送，啤酒有二送一，所以詢問店員係咪有以上優惠，店員態度勁差，好似吾想做你生意甘，話優惠只可用一個，用左啤酒優惠吾可以用生日優惠，一係你地分枱坐囉，好吾緊要，我地最後簡啤酒，全餐飯食得超級吾開心，埋單每位4xx，食完背脊骨落無下次，用優惠又要指定3位朋友like佢地ig同FB,真心好食吾使你叫我地都識做啦

同朋友去完深水埗買野，openrice 見到位於福榮街嘅火鍋煮場，食評不錯, 又可以openrice 訂坐, 好方便，就訂位去食晚餐我地選擇蒸氣鍋，因為大家都未食過。首先店員幫我地炒個南瓜排骨粥底先，留咗最後才食。跟住逐樣逐樣放d材料上去蒸，材料選擇了蜆，海蝦，安格斯牛小排，雞肉，金茹、三寶丸。首先，開始蒸蜆，味道很鮮甜，好味道。跟住食安格斯牛小排：牛小排很新鮮，一望已知係高質牛肉，食落去好多肉汁，好好味海蝦同蟹：海蝦好鮮甜，蟹就比較細仔，但蟹蓋也有幾多膏，好味道。跟住食三寶丸：有蝦丸、墨魚丸、鯪魚丸，全部都係手打新鮮製造，每樣都很彈牙，很鮮味，好味。金茹：蒸金茹，味道很清，好食雞件： 雞肉很滑，配上麵條一齊食，麵條吸收曬雞肉嘅精華，味道很好。最後，食曬所有材料，時間剛開好，開頭炒嘅粥底已經變咗香噴噴嘅排骨南瓜粥。排骨南瓜粥很鮮甜，吸收曬之前蒸材料嘅精華，。

落雨天最啱就係打邊爐，今晚就嚟左依間火鍋店滿足個胃！嗌左個好香好香嘅冬瓜花膠湯底，好滋潤！今晚食左印象深刻嘅牛，羊，豬，田雞，聖子，鯪魚球，鮮蝦丸，墨魚丸，同埋紫菜響鈴，全部都好好味！首先係依個牛皇拼盤，除左平時見慣嘅牛肉粒，牛脊肉，牛舌等部位之外，比較特別嘅就係個白色果幾片牛白肉啦！食落好爽口，好有口感，咬落去，散發出嚟嘅牛香充斥成個口腔，好正好有滿足感！牛白肉其實係牛嘅喉嚨附近嘅一個部位，最好玩就係，食嘅時候記得計時啊，放落去10秒就得，唔係就老架啦！跟住落嚟就係羊啦！d羊肉恰到好處嘅騷味真係搞到我食完一片又一片，完全忍唔住口啊！下面依份秘制豬肉條真係好值得推介。點餸果陣見到依個名，唔知係咩嚟，但好似幾特別咁，就唸住一於試下啦！果然有驚喜！d豬肉切到一條一條咁，好有豬肉味，再加上餐廳秘制嘅醬料，很特別！好耐冇食過田雞啦，好鍾意食，見到餐牌上面有，梗係即刻點啦！d田雞上嚟嘅時候好新鮮，大腿脈搏肌肉仲係度跳動，驚嘅朋友仔就要做好心理準備啦哈哈。不過係要咁新鮮，食果陣先會又滑又有口感㗎！聖子都係今晚嘅一個亮點！都係十秒就食得！清甜爽滑新鮮！同粉絲搭配埋一齊，同前面嘅肉類產生

尋晚喺度打邊爐，7點左右落單，其中有响玲，好耐都吾黎，催幾次都係叫我地等，到8點半都係得個等，結果叫佢取消單。刺身$268一份，不太新鮮而且切得好厚，吾會有下次幫襯。

三位女孩子閒來一聚，想吃得清淡一點又想找個地方可以痛快吹水，決定打個健康邊爐！慣常用Openrice App中的訂座服務，就找到了這間深水埗火鍋小店！老闆非常友善兼有趣，值得一讚！先點個簡單湯底：皮蛋芫茜鍋 $68即炸響鈴 $58必食即炸響鈴，鬆脆兼有豆香！配上泰式酸辣醬，即食配啤酒一流！手打三寶丸 (蝦丸/墨丸/鯪魚) $98蝦丸和墨丸都甚有水準，鮮甜彈牙！唯鯪魚丸偏咸，或許是師傅重手了。。。另外還點了豆卜、豆腐、娃娃菜等健康素食，水準不錯！其實老闆還推介了象拔蚌、鮑魚等海鮮，下次定跟友人再戰煮場！

早陣子天氣真的十分悶熱， 好多人都選擇到商場行街食飯，兼且睇戲嘆冷氣等等……。吃火鍋更加不用說，一定會熱上加熱呢! 但是當打風過後下雨天持續，天氣已稍涼一點，令我又心郁郁想吃火鍋了。唔想食嚟食去都係嗰幾間，相信大家都會上openrice尋尋找找合適餐廳吧。今次找來了位於深水埗的“火鍋煮場“。當我們步進店子後發覺坐的位置不多但很寬敞，帶有一點日式餐廳的風格，經了解後原來還有二樓的用餐區。而我同朋友被安排坐在入店後的第一張圓枱。說真的，我很喜歡那單邊的位置，像是私人區域，十分舒適也不嘈吵。先看看餐牌，湯底有很多不同的選擇，而且海鮮及肉類品種也多。當看過餐單以後，肚子 隨即告知我想吃甚麼、想喝甚麼了。原本想叫聖子王及生蠔，因為缺貨的關係，店員推介我們吃新鮮開的象拔蚌刺身。※ 沙嗲鴛鴦湯 ~ 沙嗲湯底很香很濃郁；清湯配料方面也很豐富包括有紅蘿蔔、白蘿蔔、粟米、馬蹄及黃芽白。※ 象拔蚌刺身 ~ 店員說這是剛剛開的象拔蚌，一份398元足夠兩人份量。 而它的賣相吸引，無論在切象拔蚌的刀工方面也很均一，肉質新鮮爽口，真的不錯。※ 即炸響玲 ~ 新鮮熱辣辣的響鈴炸得很脆，不怕熱氣的可點甜酸汁即食，或在滾