火鍋本色 (已結業)

上次我朋友話好想去一間火鍋店叫火鍋本色，我未去過堅尼地城順便行下，一邊看呢啲地區好神奇，店內燈光其實暗暗的，真係黑漆漆好有火鍋氣氛。冬瓜瑤柱金華火腿湯，胡椒豬肚湯雙併湯，是湯底兩款雙拼，當細美國牛脊肉上來，切法唔算太薄 ，牛味濃又不會韌，真係食極唔夠亞。四式手打丸新鮮彈牙，是廚師手打顯然要做大粒些，更不會鹹咗，黑椒牛丸好辣，真是金牌四寶丸 。雲吞水餃雙拼，水餃的餡料豐富，令咬落汁多，雲吞熱熟後要食多兩粒。響鈴炸得香脆，響鈴好新鮮滴油嘅， 應該是自己做，即炸的有荳香，顯得廚師手藝一流，再將蔬菜籃的茶一齊食。女侍應跟得好足，不停加湯。自家製菊花茶，菊花茶淡淡清香。

入秋之後我晚晚都淨係諗到要打邊爐，我個腦就諗唔到其他嘢！又難得今日渣車經過西環嗰時見到一間"火鍋本色"一睇到個名就諗起mark哥，見到個名咁牙刷就入去試下睇吓有幾好食（渣車朋友可以去考慮後面街，一般都有位）睇返呢個餐牌，發覺呢度嘅選擇比起其他火鍋店更多講咩都假，叫個湯底先黃金海鮮鍋， 呢個鍋底係用南瓜做底未加嘢去滾嘅時候我就試咗啖湯先， 一飲落去覺得個湯非常之滑溜， 味道濃郁！ 再加上另上嘅生猛海鮮（啲蝦/蟹/鮑魚仲係郁緊，份量仲係大嗰隻）感覺非常良好！新鮮墨魚同蝦丸，兩隻丸都好彈牙之餘味道都好好（差啲就當佢乒乓波咁打）嘩！個脆肉鯇一啲泥味都冇，超級新鮮平時唔食淡水魚嘅我都可以清晒成碟叫多個什菜盆同埋個脆卜卜炸魚皮，無敵咁飽價錢唔係話平，但食材真係好新鮮。呢間下次可以再幫襯。

上星期和男朋友吃過火鍋本色的放題火鍋後念念不忘，今晚再度前來。晚上7點到達，原來放題優惠已完結店員說放題成本太高，餐廳為了吸客才短期推出，很可惜不過也慶幸上一次能品嘗到美味的刺身和海鮮拼盤。所有食品正價75折，海鮮除外，折後價錢也可接受。今次點了最普通的豬骨湯底，湯味道不算很有驚喜，但配料粟米很甜，豬骨也不會老韌可以吃。手打丸爽口彈牙，火鍋材料質素依然好三個人合共約$900，雖然質素不錯，但少左放題，吸引力確實遜色不少，仍可一試。

This is the second hot pot restaurant featuring seafood in Kennedy Town that opens recently. Compared with the other one, this restaurant provides more choices like chicken pot, which we tried and love it. There was an all-you-can-eat option on the menu that seemed quite attractive, but we were too full for that. We chose two of the most recommended non-seafood dishes, the pork and beef (there’s an icon next to the recommended item on the menu), and they were amazing. The chicken hot pot surpris

經常經過這間不太起眼的樓上火鍋店，平日從樓下望上去只見裝修懷舊頗有個性，但從未踏足試食。今晚6:15分便到達，剛開始晚市，正價餐單上所有食品75折，另外還有放題任食套餐$298/位刺身每款也點了，送來的份量也不少，通常對火鍋店的日式刺身不會有太大期望，但這裡的刺身不是平價貨，是新鮮有質素的然後是冰梅桂皮鴨煲，鴨肉香濃幼嫩，切成細細件方便進食，又不會吃太飽，其實吃到這裡，未開始火鍋，我已經飽了我們點了金銀菜白肺湯底，湯內有很多配料: 白菜，菜乾，豬肺，雖然湯的顏色偏深，但不會太重味道，是淡淡的菜乾味，豬肺件件都很肥美，未吃火鍋已經深深感受到店舖對食物的誠意所有配料都很新鮮，任點任吃，除了這個海鮮拼盤，每枱只有一客，廚師精選當天新鮮海鮮，今天有龍蝦，鮑魚，海蝦，桶蠔，蜆龍蝦肉爽口彈牙，正! 脆鯇片就算蔬菜也絕不馬虎，金菇爽口，香菇未放入口已聞到真正香菇味下載賞食app 即可免費獲得響鈴一份我們吃得很開心，很飽很飽想encore也吃不下了另一點很加分的就是音樂，整晚都播著我喜愛的外國流行歌曲，首首都是我的飲歌，十分推介吃這個放題任食火鍋，但不要太遲來到，因為我們下單後便聽到經理跟樓面姐姐說暫

麻甩佬聚會最好都係十下十下朋友揀咗堅尼地城嘅‘火鍋本色’ 好耐冇去過堅尼地城， 原來依家附近有咁多食肆環境優雅，座位寬敞， 今日好早就去到，所以我哋都係第一枱客人呢食到咁上下， 識食嘅食嚇陸續咁樣嚟 ， 冇幾耐。。。已經坐滿曬人呀呢度必食嘅梗係‘牛魔王拼盤’啦牛頸脊，牛柳粒，金錢展，手切牛肉，仲有牛胸爽添牛胸爽過一過水就食得，好特別，好爽口牛頸脊，脂肪分佈均勻， 呢個部位嘅牛肉，牛味特別香， 肉質夠林味濃手切肥牛， 始終係本地牛肉，所以有趙口牛柳粒， 脂肪部位特別甘香灼一灼牛肉鮮嫩通紅， 新鮮是也美國桶蠔，夠大隻份量足淥完都咁大隻，啖啖鮮甜味美，吾腥， 唔會有雪味， 自己去街市都買唔到咁大隻咁靚打邊爐必食嘅梗係響鈴啦， 況且佢仲話自家製添，好新鮮㗎 名副其實‘三秒響鈴’淥三秒即食正萵筍嫩綠清脆同老友嘆番杯啤酒，食啲咁正嘅嘢，真係一樂也~價錢亦相當合理， 侍應招呼亦好好以後又多一個地方介紹朋友嚟食啦

堅尼地城越來越多食肆， 日式燒肉，越式河粉 ，火鍋，酒吧。。。 應有盡有今日我哋就去食火鍋，"火鍋本色"！可以自選，仲可以食放題添而家食量唔係多都係食啲正啲嘅嘢鍾意食乜叫乜好過啦先嚟混個醬先。。。黃金海鮮湯 ， 有一個海鮮拼盤，仲包埋個鍋底$298,抵湯底奶白色， 滾起已經聞到好香呀海鮮拼盤有：奄仔蟹,蝦,桶蠔,花甲,大蜆呢個價錢真係。。。值呀！蝦同蟹呢度嘅時候仲識得郁㗎隻蝦成對筷子咁長呀 蝦頭有膏， 蝦肉彈牙爽口鮑魚大隻，肉厚， 爽口唔靭桶蠔淥完都脹卜卜 一口咬入去，肉汁鮮甜， 唔腥， 不過要小心熱親呀條脷花甲都好新鮮，冇沙，隻隻肥嘟嘟雪花牛舌， 全部都係舌芯， 雪花脂肪分佈均勻， 牛味濃郁好特別嘅名字"三秒響鈴"新鮮自家製， 放入湯三秒， 即食萵筍嫩綠， 清甜爽口最後飲埋啖湯， 海鮮味濃， 叫個烏冬索埋啲湯， 一啲都冇浪費見到隔離枱食放題， 後生仔。。。真係翻晒本但係我都係喜歡散叫，起碼唔使限時吖仲可以慢慢飲慢慢食添

Hotpot has always been my favourite and I am always up for a nice place where you can have a chilling night with friends. This hotpot restaurant in Kennedy Town might just serve all your needs!!We had the chicken soup for the base of the hotpot. It comes with half of a chicken!Food choices here are quite wide. Here we got the beef and pork. The thin slices made it so soft and tender that it just melted in my mouth!!You can also try out their seafood. We had the prawns, all very fresh and delicio

見佢做緊夏日火鍋放題$298加1 一位。咁就上去試下，星期日7点半都係得幾枱客。一坐底就發覺有個侍應黑口黑面，d態度直情係食放題的唔係客一樣。我覺得可能同一樣野放題客係食d垃圾d加。算，當見唔到個侍應，一開始個雞煲都幾好食，点知食完雞煲之後就係一個惡夢的開始。叫左個蕃茄薯仔湯。清水加蕃茄薯仔。咩味都無。最不能接受的係食2個鐘，又剝海鮮又剝牛。個湯都係滾水味。食到火到黎回頭率係零。零呀。大家小心呢間無客的火鍋店。

我確實係個火鍋迷, 同朋友食飯, 如果無乜特別心水, 都會揀火鍋, 勝在可以自己各自點乜都可以, 又吾使一定等齊人先開始。 今次呢間餐廳, 只係呢間分店做放題, 所以同朋友試試。我地係星期一去, 得3/4 枱, 比相象中小人, 可能始終係西環區, 平日閒日吾會多人, 所以先會攪放題。放題價每人$298, 包汽水, 加$38可朝日, 1664 啤酒任飲, 吾駛諗咁多, 啤酒永遠係火鍋朋友, 所以order 埋。啤酒夠凍, 夠泡套餐有一個鴨煲, 味道吾錯, 好好味, 雖然鴨吾夠林, 食完後可以加水變火鍋, 或者轉其他湯底, 有 10多款選擇, 我地叫了菜乾白肺湯。白肺湯味道ok, 我飲了2碗先開始打邊爐。套餐可選一份牛, 及有海鮮拼盤, 有一隻龍蝦 (2人一隻), 蝦, 元貝, 魚 ,鲍魚。雖然只可點一份, 但份量十足。其他火鍋配料有4~50種, 但其實食完頭先的野食都已經飽。 另外, 日式刺身可任點, 三文魚, 帶子, 鱿魚等5款可選, 選擇不多, 但味道吾錯。 最後食咗4個鐘, 同朋友邊飲邊食, 很 enjoy!

這間位於西環尾既火鍋本色，唔算太難揾，出地鐵站直行轉右，酒店隔離，行5分鐘就到。之前聽同事介紹話呢間打邊爐幾好，所以今次聚餐就揀左呢度。環境來說，坐得都好舒服。我地四個人佢比左六人卡位，傾計好方便，枱面有兩爐頭，不過我地四個當然一個爐就喇~一坐低就混醬。落完單，好快就黎喇，我地叫左海鮮湯底，包埋一盤海鮮。好新鮮，仲郁架！其他食材都好新鮮~~~萬眾期待的牛魔王！店員用心介紹每層牛肉既分別，讚！其間有店員耐唔耐加茶，有禮貌，也讚！最後總結，overall好滿意，不過價錢頗為貴~~

打邊爐最緊要係個湯底正，其他都係錦上添花，餐廳有10幾款湯底任君選擇，最後我就揀咗肉骨茶同椰子雞湯底，喺打邊爐之前先選擇自己嘅醬料喺度嘅醬料有九款咁多食物好快就上到枱，肥牛一卷卷係你面前，鮮紅色都新鮮，仲有我最愛嘅爆爽脆魚鯇骨，有6-7舊都幾抵食呢度嘅雲吞係自家製嘅，每日新鮮包，仲有香草帶子菜苗餃，每一啖都鮮味十足椰子雞湯椰子味好勁好濃郁，咬落都好爽口，湯底純奶白色好吸引，雞件件都好大舊，唔怕滾滾下縮水，雞肉好嫩滑肉骨茶拌和都係黑色同隔離嘅椰子湯底形成強烈的對比，肉骨茶湯底用了十足藥材味好重仲有豬骨同其他藥材響鈴超脆皮打邊爐又點少得炸魚皮呢，喺度嘅魚皮好大塊，記得滾兩至三秒就好的拎黎食保持脆感

早排去完西環買完野,因為行左成日街去搵要買既野,搞到勁肚餓,咁就緊係要食番餐好架啦我地揀左去打邊爐,呢度既邊爐湯底好特別,我一見到有肉骨茶同椰子雞湯底就心心眼肉骨茶好足料,乜都未落之前先飲少少肉骨茶既藥材味好重,入面仲有紅帛棗豬骨,同其他藥材配料好豐富呀!而椰子雞湯底都好濃郁,椰子味好突出雞亦都好多,好大件,而啲肉好滑,椰子切得好大舊,要淥耐啲先淋既然啲湯底咁湯味,就緊係要叫番啲吸味野啦響鈴係其中之一,浸3秒係肉骨茶湯底度個響鈴仲係脆卜卜,但又同時吸收左啲肉骨茶既味!正肉類方面叫左個日本黑豚豬腩肉切到好薄一片,所以輕輕一淥就已經熟左肉好腍,食落唔會太肥脆肉鯇魚骨腩呢個真係好正呀,佢個肉好厚身,份量又多又大舊,食落係好爽脆而且鯇魚本身好新鮮,整體唔錯其他仲叫左芝士腸,腸好脆皮,味道唔錯

早幾日跟表姐去揾食，西環一向出名偏僻但有好多隱世正野，今日又揾到間啦嚟到既時候，座無虛席，我地都等左15分鐘先有位先點湯底蕃茄牛尾湯，超濃蕃茄味，好似羅宋湯咁濃郁，點牛肉一絕，𥚃面仲有牛尾件食架，加左幾次清湯都不失🍅味金銀菜白肺湯，係菜乾加白菜，飲落好舒服，好似飲老火湯咁，白肺件又大件中意食牛既我，點可以錯過牛魔王塔！！雖然有少少貴，近500蚊，但相信我，呢度係4個女仔食量，質素好又抵食！上層係A5和牛，起初見到咁白，好似肥膏唔敢食，但朋友食完話爽口我就不停食啦，中開個層深色啲係牛𦟌，好爽脆，淺色既係牛頸脊，嫩口帶油香，最低個層係牛柳粒同手切肥牛，聽落最普通，但我覺得牛味最重呀桂花蚌，焯一陣就食得，我試過焯耐左，都非常爽口，份量又多，幾十條架四寶丸左起，辣牛丸，芝心丸，呢兩個我都唔食既，因為先者太辣，後者有強烈芝士味之後係象拔蚌丸，有一粒蚌肉係上面，好彈牙，右邊係松葉蟹肉蟹膏丸，𥚃面有蟹膏，好香響羚浸多幾秒者唔林，香脆又有豆香九條，好大份呀😆西洋菜一大兜，乾淨無沙，食落好舒服

行行吓西環附近見到一間好特別嘅唐樓裏邊有間叫做火鍋本色嘅打邊爐店，就被去吸引左入咗去試吓啦，入到去首先見到有好多唔同款式嘅打邊爐湯底選擇，我同朋友比較鍾意食辣所以就叫左一個麻辣火鍋湯底，麻辣火鍋湯底香濃而且辣味十足，而且火鍋湯底配料10足，但火鍋湯底煲了好耐之後有啲苦所以建議大家如果煲得耐就加多啲水！打邊爐配料方面我哋叫咗白菜豬肉餃，手打四寶丸，鯪魚滑，手切肥牛，魚片頭，娃娃菜，蘿蔔。白菜豬肉餃，新鮮，餡料十足而且皮簿，值得一試手打四寶丸，爽滑彈牙，而我最鍾意係手打墨魚丸，因為墨魚丸裏面真係有一粒粒墨魚，絕不偷工減料手切肥牛色澤較亮，不像雪藏牛肉暗啞，值得推介！鯪魚滑鮮味十足而且口感豐富， 進食時小心因為可能有少量骨碎魚片頭唔會太硬而且外脆內軟