火鍋本色 (已結業)

入秋之後我晚晚都淨係諗到要打邊爐，我個腦就諗唔到其他嘢！又難得今日渣車經過西環嗰時見到一間"火鍋本色"一睇到個名就諗起mark哥，見到個名咁牙刷就入去試下睇吓有幾好食（渣車朋友可以去考慮後面街，一般都有位）睇返呢個餐牌，發覺呢度嘅選擇比起其他火鍋店更多講咩都假，叫個湯底先黃金海鮮鍋， 呢個鍋底係用南瓜做底未加嘢去滾嘅時候我就試咗啖湯先， 一飲落去覺得個湯非常之滑溜， 味道濃郁！ 再加上另上嘅生猛海鮮（啲蝦/蟹/鮑魚仲係郁緊，份量仲係大嗰隻）感覺非常良好！新鮮墨魚同蝦丸，兩隻丸都好彈牙之餘味道都好好（差啲就當佢乒乓波咁打）嘩！個脆肉鯇一啲泥味都冇，超級新鮮平時唔食淡水魚嘅我都可以清晒成碟叫多個什菜盆同埋個脆卜卜炸魚皮，無敵咁飽價錢唔係話平，但食材真係好新鮮。呢間下次可以再幫襯。