火水爐花膠館 (已結業)

今年母親節冇做啲typical野例如同媽媽去high個靚tea反而揀左間target年青人嘅火鍋店走入餐廳好似去左70-80年代餐牌做到好似以前戲院電影poster咁寫住即日放映 又有好多霓虹燈寫住唔同經典電影嘅名去到佈置 無論係枱櫈定餐具都好有老香港嘅味道我揀呢間餐廳嘅原因除左佢呢啲咁有玩味嘅佈置最主要係見到佢sell自己係花膠館花膠就梗係最啱媽媽啦諗起花膠就係骨膠原呀嘛佢有3款任食套餐3個價錢$198 $258 $298唯一分別就係牛嘅質素有唔同而花膠鍋係冇分別嘅 係揀辣定唔辣架啫因為媽媽唔食辣嘅關係我地就叫左濃厚花膠雞湯鍋花膠又真係幾多幾厚所以以最平價錢黎計都真係幾抵架不過個湯絕對唔夠濃郁搞到啲花膠完全冇味 嘥哂個花膠因為個湯冇乜味嘅關係隻雞都一樣冇乜味個餐入面有海鮮拼盤有蝦 蠔 蜆 鯇魚腩 都尚算新鮮肉方面都幾唔錯 牛同豬都幾好食其他材料選擇都算多最後仲有甜品貫徹佢個主題 連甜品都好港式 好地道總括而言 以呢個食物質素定價都幾合理但係火水爐都係啱一班年輕人烚下烚下多啲同阿爸阿媽都係揀番啲sell靚食材有靚牛肉多新鮮海鮮嘅火鍋店等佢地慢慢享受好啲呢啲主題小店都係留番同朋友去啦

又打邊爐啦依間係旺角成日都要排隊佢係屯門開左，就一於係屯門食啦，少啲人嘛book左平日晚8點鐘，都唔算難book但當晚都見到坐滿晒好似我哋依啲年青人又有，一家大細又有好旺場下鋪頭走懷舊風，有唔少霓虹燈可以比人打卡用晏晝時分就有飯同麵都好多選擇今餐其實係朋友生日飯嚟，所以就食好啲，揀咗最貴嗰個餐$298一位仲要每人$13醬油錢，最後再加一依個價係屯門嚟講，都算貴貴地唔係幾食辣所以就揀咗花膠雞湯鍋個鍋未黎之前會有啲小食炸燒賣好食，夠香脆加埋個泰式辣醬止一止肚餓先醬料都齊全濃厚花膠雞湯鍋真係有大大塊花膠而且啲雞都唔少，大件啖啖肉枱面仲有辣菜脯加落個湯到再飲真係一流海鮮拼盤依個拼盤入面，我最鍾意係蝦肉質爽口彈牙，味道鮮甜其他魚啊蜆啊蠔啊都係正常發揮但個滑落左馬碲就唔係好啱我食肉獸當然要食肉牛小排好味依啲大路既邊爐配料都有齊值得一讚就係加湯都會一路加返花膠湯食到最後都keep住個味最後仲有個中式湯水凍冰冰，打完邊爐飲好清涼食足兩個鐘無停

屯門火水爐行懷舊香港風，店面、餐桌椅、到裝酒既容器都極具老香港味道。火鍋分2個價錢，主要係牛肉唔同，我地試左貴價既，的確比一般牛肉優秀。醬料可以自己調配，但種類不多。首先上左一客炸魚蛋燒賣作為前菜，放耐左唔好食。每枱都有送一客海鮮，再叫就要加錢。蜆肉鮮甜冇沙，蝦肥美，推薦！賣點花膠雞煲，我地揀左有湯既。雞唔會鞋，花膠吸晒雞湯精華，煲到勁淋，好食！安格斯牛，唔錯，但每次只可叫一碟，略嫌太慢。稻亭烏冬最後送左甜品：紅豆雜果涼粉冰總括黎講係值得encore既餐廳，店面唔大但人手足夠，落單好快就有。唯一缺點係每次只可叫一份，變相要不停加單。

全鋪頭最出色就係花膠雞湯底！打邊爐的任食食材很普通，難以接受。。。 肯定不會再來😶不過我淨係飲過湯食少少嘢，一次半次就冇所謂我哋今日揀咗$298牛小排任食套餐，入到去鋪頭的裝修好有特色，打卡一流然後好快有小食：炸燒賣好乾海鮮拼盤係包嘅，都係好一般的貨色之後我哋追加最慘係個豬紅好難食！應該係叫貨返嚟低水準之作 鵝腸都係好難食千祈唔好叫講返花膠湯底，我哋都飲咗好多。食咗好多雞同埋花膠，已經飽咗一大半！建議大家唔需要叫298套餐，要最平嗰個就可以啦。 就算自己住喺屯門都未必會再來

呢幾日轉涼緊係想去打下邊爐暖下個身啦！屯門可以打邊爐既地方好多，今次經開呢間餐廳就比佢個裝修吸引左！咁早一日book定位去到就確保有位啦～呢間餐廳主打花膠雞湯煲，岩哂女仔食啦，補充骨膠原😍😍咁今次我地叫左每位$298呢個任食餐，仲包埋餐前小食，海鮮拼盤，甜品同汽水任飲，都好合理！我地唔食辣就先叫左濃厚花膠雞湯鍋，店員話食完花膠同雞仲可以轉一個湯底繼續打邊爐！正好多醬既配料花膠都好多塊，雞件仲都好滑，最緊要飲湯啊！飲曬d精華落肚😍超清甜好飲！之後就開始畫野食打邊爐啦！餐前小食係魚蛋+炸燒賣 ，炸得好乾身！正海鮮拼盤有蝦、蠔、魚片、蜆 都好新鮮！好鮮味。魚片好彈牙好正！牛小排-好滑好正好香肉味架！黑毛豬肉片-都係易咬又香味！特級安格斯牛同美國珍寶肥牛都叫左好多碟黎食🤣大量芫茜太正啦🤣菜類都感覺處理得好乾淨，令人感覺好好👍🏻👍🏻食得差唔多我地就轉湯啦～轉左特濃花生沙嗲鍋！繼續打邊爐！個湯底好香沙爹味啊！正嚮鈴必叫，幾秒好拎上黎啦🤣最後要食埋粉絲索埋d湯汁黎食～整體都好食d野又新鮮！抵食食完仲有糖水，有涼粉同雜果 食完熱最後食返d凍野太正啦！

今日有個friend生日，佢話想打邊爐🤩見屯門新開左間火水爐係旺角好出名，所以一早book定位去食😍入面好有懷舊vintage feel，好多電影名既霓虹燈，一邊都播住好多懷舊電影嘅音樂😚我地揀左食濃厚花膠雞湯鍋，入面好足料，啲雞大大舊架！前菜有魚蛋同炸燒賣，配埋甜酸醬味道一流～我哋都飲咗幾碗湯先至開始落料打邊爐😎至於火鍋料方面首先佢會上一盤海鮮，我覺得蝦滑好有口感👍🏻佢有好多隻細蛽同埋啖啖肉既蠔同埋蝦，有呢盆野同啲花膠雞都已經值回票價啦🥳其他嘢食都可以任點，我哋最鍾意係安格斯牛，好鬼好味🤤韭菜餃都好足料，粟米超級甜😍😍不過落單嗰陣侍應話唔好寫一份兩份咁樣，就咁打個tick就得，會計返人頭上幾多送，咁就局限住我啲貢丸一定要食夠人頭咁多粒，但可能我哋只係有一位朋友想食貢丸⋯⋯值得一提嘅係如果要加湯佢都係加返花膠湯㗎！欣賞佢唔係加水咁普通囉～食完之後佢仲有甜品，個甜品係紅豆涼粉雜果冰沙，一大碗三個人分，食完火鍋即刻有冰涼的感覺！好滿足既兩小時，下次會再嚟～

任食港式邊爐好似間間都差不多究竟點樣可以突圍而出呢 #火水爐 就做得唔錯啦除左懷舊風的格局 店舖每一處都係打卡位之外最出色梗係招牌花膠煲 女士養顏必食🤘🏻貪吃的小狗就叫左最貴的花膠雞牛小排海鮮套餐($298)濃厚花膠雞湯鍋夠晒誠意 真係每一匙都係厚厚的花膠雞湯清甜 一啲味精都無🤭首先係海鮮拼盤上枱 有蠔 花甲 大蝦 蟮片仲有就係港味十足的即食炸燒賣同陳皮魚旦🍢配料選擇好多 其中特級安格斯牛同頂級牛小排都好正👅最後仲有紅豆涼粉冰送 甜度份量都適中食完熱辣辣的十下十下再食返啖糖水真係正🥰

今日去屯門巿廣場行街，老媽子見到火水爐咁盞鬼，平時唔係好打邊爐嘅佢都揀咗去呢度食！呢度仲有佢最鍾意食嘅花膠！裝修用上七八十年代既懷舊感覺，加上大量火水爐的裝飾，給爸媽一種回到過去感覺！全餐飯也聽他們過去的故事！先來一鍋花膠雞煲，花膠份量超級大！膠質很重，老媽子對雞件讚好不絕，很重雞味！海鮮拼盤，有海蝦、蠔，墨魚滑，蜆，鯇魚片，很新鮮！海蝦肉實爽口彈牙！特級牛小排，紋靚，重牛味，輕輕淥幾秒就食得，雖然是任叫，但是質素也保持得到！用上新鮮手包餃子雲吞，很重本！蔬菜和丸類手打烏冬亦很新鮮，不會雪到結晒冰！啤酒用上幾十年前的戰鬥碗，令爸爸亦不禁說出當年的威水史！最後仲有個雜果涼粉紅豆沙冰，比起很多甜品店出色，很難得！

火水爐之前喺旺角食過，又抵食又好味，知道屯門都開左間分店，冇理由唔食下。因為真係有少少掛住個濃厚花膠雞湯鍋。主角未黎之前，有一碟炸燒賣魚蛋俾你依下肚。非常之香口外脆內軟，同一般係街食與眾不同。濃厚花膠雞湯鍋：見到佢都已經好滿足，花膠已經佔咗半個鍋，香濃麻辣嘅雞，皮肉夠滑，花膠爽口，簡直係靈魂所在。海鮮拼盤：海鮮拼盤包括有大蝦，蜆，蠔，魚腩，食材因為非常新鮮所以6熟之後非常清甜，唔需要任何調味料，即可進食。你有呢個主角，頂給牛小排，入口溶化係好口，好重牛肉味，肥廋適中，一個人真係可以食幾碟。台式甜品當中包括：紅豆，菠蘿，涼粉，西米，再配上花奶，糖漿食落非常清新，尤其是打完邊爐再食甜品，非常之夾。

今日難得入屯門搵friend, 經過呢間火水爐餐廳, 見到個門口既裝修好特別, 就忍唔住入去試下!入到去係好有懷舊feel既design, 感覺好特別, 係香港好難搵到D裝修咁有心思既餐廳😌😌1)花膠雞湯 ($38)聽講呢個湯係佢地既招牌菜, 味道清甜, 而且真材實料, 咁既價錢竟然有大大塊花膠係入面, 絕對係物超所值!☺️2)蝦籽雲吞撈麵 ($56)每一條麵都充滿住蝦籽,聞落去非常香, 雲吞好大粒, 好足料! 😋3)蝦籽雞脾水餃撈麵 ($68)一黎到真係覺得好大碟,份量好足夠, 雞髀肉好滑,花膠好入味,粗麵好有彈性,好抵食!🤩4)涼粉奶茶 ($16)奶香味濃, 每一啖都飲到一粒粒既涼粉, 夏日消暑一流!呢間餐廳抵食又好味, 下次會再黎試下其他野~

俾佢個名吸引咗，點解叫火水爐呢?同埋仲有我最鍾意食嘅花膠😍所以特登去試下😅原來佢用咗好多個火水爐嚟到做裝飾而且裝修得很有懷舊特色，好特別好有趣👍價錢豐儉由人:$198，$258，$298分別在於打邊爐必食的美國珍寶肥牛，安格斯牛肉還是特級牛小排😉先來一碟懷舊小吃，炸魚蛋和炸燒賣，魚蛋和燒賣都好爽口彈牙，Yummy😍主角來了。。。就是濃厚花膠雞湯鍋， 有兩塊又厚又大嘅花膠，仲有白雪雪嘅雞湯，同埋先醃好嘅鮮雞👍剛好每人一塊 ，又厚又軟綿嘅的花膠，入口QQ,滿滿骨膠原😋😋😋鮮雞切成大大塊 ，入口鮮嫩，因為預先醃過，所以鹹鹹地👍我覺得特別好味😍食完花膠同雞，便是食海鮮拼盤呀 ~海鮮拼盤有好大隻的海蝦，廣島蠔 ，脆肉鯇 ，手打墨魚滑，還有好多好多的沙白蜆。為食的我當然要揀$298的牛小排套餐啦😅但係好奇心的我亦都想試下安格斯牛肉，美國珍寶肥牛跟牛小排嘅的分別😆所以我每樣款都試下😜美國珍寶肥牛，肥瘦相間， 牛味濃，不錯👍安格斯牛肉沒有美國珍寶肥牛咁肥 ，肉質嫩滑🤗特級牛小排果然一分錢一分貨😜牛小排是牛的胸腔左右兩側，含肋骨部分，肉質鮮美，油花均勻，質感嫩滑，放進水灼兩至三秒，口感味感也一流👍餐後還

火水爐終於進駐屯門啦，新界人有時好懶出九龍，所以新界友有口福啦，唔駛下下都出九龍先食到正野。 7點半到達，餐廳已滿座，但好快都有座位，火水爐裝潢以70，80年代風格呈現，霓紅燈非常搶眼。我地點了花膠雞牛小排海鮮火鍋套餐$298，任食2小時，汽水任飲先來餐前小食有炸魚蛋，炸燒賣，簡單又好味濃厚花膠雞湯鍋用花膠打邊都係第一次，花膠含豐富蛋白質，適合男女老少食用，對女士的皮膚尤其重要，有養顏活血的功效。超大塊花膠，雞應該半隻有多，好足料，雞應該用了小小調味，雞肉嫩滑，花膠入口黏潤，雞湯濃厚鮮味，一碗接一碗。 餐廳送上時令海鮮拼盤有蠔，沙白、海蝦、鯇魚片，墨魚滑，份量都夠晒食海鮮夠新鮮，由其沙白，處理得好好，沒有沙，而且好鮮甜，海蝦大大隻，爽口彈牙，而墨魚滑，咬落有粒粒墨魚肉點了三款牛，有頂級牛小排、特級安格斯牛、美國珍寶肥牛，頂級牛小排真係值回票價，油花分佈平均、質感嫩滑，其餘兩款亦唔錯。打邊爐離不開廚師腸、魷魚、牛柏葉、芋絲，丸類、芝士腸，水餃最後打完邊爐，餐廳送上凍冰冰甜品，打完邊爐熱辣辣，食完超涼快呢

同朋友聚會都少得打邊爐？今次去左火水爐。舖頭門口個招牌都好搶眼，一入到去個佈置都好得意，充滿舊式香港情懷，到嘅時間比較早，未到晚飯時間，可以隨意咁同朋友影相。其中一樣裝飾係滿座嘅燈牌，搞笑係當餐廳滿座佢真係會著，幾榮幸見證依一刻！一坐底就有人幫我地上醬料車同小食—炸陳皮魚蛋同燒賣。醬料車有蔥、芫茜、炸蒜、生蒜同麻醬，而且人到車就到，非常方便，客人唔洗郁就拎到啱自己口味嘅醬。今次同朋友點左舖頭主打嘅花膠雞安格斯海鮮火鍋套餐（$258/人）。個湯底一上黎就聞到好濃雞味，趁住佢仲清清地嘅時間飲左一啖，好香甜，而且有種屋企飲雞湯嘅感覺，唔錯！花膠同雞都十分足料，又爽又滑，比預期中好食！另外套餐內都包左唔少野食，唔同種類都有，基本一般打邊爐必食嘅都有。首先上嘅係海鮮拼盤。有大大隻嘅蝦，鯇魚，墨魚滑，肥嘟嘟嘅蠔同埋白貝。睇上去同實際食落都好新鮮。同埋佢好貼心咁用竹籤串好曬d 蝦，食起黎好方便，剝殼都容易啲，而且擺上黎都個造型都幾啱用黎影相。肉方面我地點左特級安格斯牛、美國珍寶肥牛、黑毛豬肉片。雖然兩種牛肉都唔錯，但我個人就鐘意安格斯牛多d ，口感比較嫩口同埋都幾香牛肉味；黑毛豬肉片口感幾爽。3款肉

是晚約了元天屯的朋友聚一聚，地點選了在屯門的火水爐打邊邊，朋友聚會食放題就最易計，位位$298任飲任食。懷舊式裝修，枱與枱之間有一定空間，感覺蠻不錯。電池爐火力夠，好快就滾。醬料（$13/位），有芫荽，蔥，辣椒，花生醬等。坐低後不久店員送上餐前小食，是炸魚蛋同炸燒賣，幾好味，但四人份似乎有點多，一碟大約有30+魚蛋＆20+燒賣，食極都食不完，哈哈。湯底選了店家名物濃厚花膠雞湯鍋，賣相很吸引呢。花膠一人一片，好滑溜。鍋內還有雞半隻，蘿蔔等，湯底清淡，正好食到食材的原味。牛小排，勁靚！任食靚牛正呀，大量encore！！海鮮盤有蝦，蠔，蜆，墨魚滑同鯇魚片，賣相豐富。蠔熟左都無縮水㗎，大大隻夠肥美。響鈴，豆制品等，較特別嘅皮蛋都有，哈哈，勁愛皮蛋喎。唐生菜綠油油飲品較遜色，只有汽水，想喝無糖飲料就只有zero了。甜品是涼粉冰，正正正，可以添加的啊～仲有好多火鍋料沒一一拍照了，味道還不錯，但要注意份量，即使只填“1”份還是會來一大盤，加上鍋內有30+蘿蔔件，蔬菜方便建議先吃完鍋內蘿蔔再添加，免得浪費食材啊。

火水爐兩小時花膠雞火鍋放題，店內店外都以懷舊風作為主題。我的年來已經沒有人用火水爐，但是店子內霓虹燈寫著的電影，除了唐山大兄外，我全都看過...（自爆年齡系列）$298一位，屯市來說算是中等價位。說起來，中學年代我也曾住在屯門，眨個眼物價（和樓價）已經上升了這麼多...可選擇花膠雞湯底火鍋或是花膠雞煲（後打邊爐），我們選了前者（心急烚下烚下很正常吧～）醬料衛生，重口味人仕不妨拿多點調味料，因為花膠湯底偏清淡的。湯底未滾之前，有餐前小食食住等。炸魚蛋燒賣配泰式酸辣醬。吃著吃著也挺上癮的（笑）食物以剔剔紙下單，有肥牛等等火鍋料，選擇齊全。（其實吃罷這一盤滿滿的花膠雞已經有點飽。）先喝一碗湯，湯底應該沒有味精，喝罷並不口渴。大量花膠，但湯底未算很膠質。上菜快，份量應該是以人頭計算（例如寫一份，人數四人的話就有四件）所以有些丸類豆腐卜之類的就會一個不小心好像點得多了一點（汗）幸好在座的都是大胃王，輕輕鬆鬆就KO了一桌～但說明是放題，當然是想吃自己喜歡的東西，不想浪費戰鬥力在其他食物上。這裡的牛真心靚，絕對是食番本的食物之一，不能錯過！！這個火鍋餐包括這一盤一次性的海鮮拼盤，有蠔，鯇魚腩，沙伯，