火水爐花膠館 (已結業)

垃圾車仔面！清水湯底，揀左秘製麻辣汁，黎到好似清水加幾滴辣椒油咁，淡而無味，垃圾。白蘿蔔成陣水喉水味又有渣，垃圾。成碗野都係垃圾！服務方面，員工服務態度正常但太hard sell。係咁叫你食4個餸，根本食唔晒，拒絕左兩次都係咁叫人食4個餸。又叫人飲杯加12蚊既「19冰糖陳皮檸檬」，又唔係特別好飲，好差

來屯門探朋友食晚飯，朋友諗起這間火水爐未食過，就即刻試下打電話訂位，好彩8點半有位，去到見到其實可以下載THE GULU apps 來訂位的。裝修好有大排擋懷舊feel, 張張都係圓枱，我哋6個人坐一張圓枱剛剛好。選了$298 兩小時任飲任食，點了(bb辣度=最輕微辣)的花膠雞煲後，跟住先送來一碗炸魚蛋和魚肉炸燒埋頂下肚餓先，跟住上雞煲set 好計時器夠鐘打開，嘩!嘩!嘩! 好大塊花膠呀! 雞煲好好味，洋蔥，豬皮都索晒醬汁好惹味，食完雞煲就可以選打邊爐湯底，就可以打邊爐，火鍋點餐紙的食物和飲品可以任點，食到差不多夠鐘就會送上一碗凍涼粉糖水，食完埋單走人，來這間食花膠雞煲真係無得輸，再加上火鍋任飲任食兩小時真係抵食的。

今日打算同屋企人係星期日食返餐好嘅，之前嚟過呢間覺得食物質素唔錯，於是就再嚟多次。我地order咗個258嘅set, 就可以食到貴啲嘅安格斯牛，同埋多一個海鮮拼盤。原本都食得好地地，直至到我地order三碟牛但佢地只係嚟一碟，我地就問個女侍應，三碟係唔係得咁多？佢好串咁話：「咁而家幫你再加兩碟囉，你咩牛呀？」我地叫咩牛就個套餐已經講咗係安格斯，之前都係叫安格斯，佢就係到好無禮貌咁反問我地。我地都覺得佢態度唔好，但見佢都有落返order，就諗住多一事不如少一事。誰不知呢個咁嘅無禮女侍應，居然拎咗一碟平價嘅珍寶牛上嚟就想敷衍我地，我地一問老闆，佢都話唔係安格斯嚟，即係玩我地啫！老闆仲要當我地傻嘅一樣，話落單唔關佢嘅員工事，我想講，攬自己員工唔係咁攬嘅。今次一定要同大家講，唔好嚟呢間到食！p. s. 作為一間任飲任食嘅火鍋店，佢居然會額外收醬油費，大家想幫襯嘅要諗清楚喇

今日lunch唔想諗食咩好就走左去鋪頭後面是但食，咁我鋪頭後面得茶餐廳，米線，雞扒，唔係禾，有間野開左冇幾耐，火水爐，我一路以為佢淨係晚市打邊爐先改個咁ga名，原來佢下午時段主要係賣花膠粉麵飯。一睇到有飯食我老闆就會話好呀，可以丫。呢間餐廳都可以講得上係算食裝修，入面係行5060年代許冠文風格，門面有幅好似以前戲院門口廣告咁ga畫。檯都都係大圓檯多，好彩佢唔係玩摺櫈，如果唔係就真係好似練功咁坐都屎忽都痛埋。我就因為行低碳叫左個花膠雲吞雞湯，我食唔出係什麼膠黎，唔知係咪煮法問題，感覺似食緊魚肚。雲和就可以，入面係蝦多過肉，彈牙的。湯就大路野唔係燉湯底。我老闆就唔知點解好想食飯就試下佢個蒸肉餅飯。黎到個樣我地唔知點解有少少打左個凸，我影出黎好似好大兜其實我地打個凸係因為睇落去咁細咁ga？老闆就話食落去味道可以，但就係真係太細份就，連我個雀仔胃老闆都餵唔飽，同檯其實重有我d同事，望落佢食果個雞脾飯好似幾好。不過我就冇影底喇。下次應該會想試下佢打邊爐，因為我有時放工經過望到佢地真係有個好似火水爐咁ga野放響檯面，件事好似好有feel禾。

如果你純粹食裝修ge,呢度可以一j。不過如果你係肥牛愛好者，u can stop reading n keep searching other resturant.尋晚約約左3個朋友去食，bk左7點到左唔洗等就即入。員工值得一讚- 從佢地友善ge眼神、整齊ge制服，完全感受到佢地ge熱誠；佢地都幾有禮貌，耐心解釋有咩餐，最後我地簡左$258食安格斯牛。係打邊爐前，先黎個佢主打ge花膠雞煲。聽個名都覺得正呀！可惜。。。好咸好咸好咸。個花膠整到豬皮味，成煲都係豬皮、洋蔥。。。唔緊要，正所謂希望在明天，柳暗花明又一村。我地目的係黎打邊爐ge，咁就即叫野食換個湯底打邊爐la。打邊爐最重要ge除左個爐，仲有肥牛呀！！！！叫左美國肥牛同安格c牛，d牛薄到你夾住錄都會跌左唔見，食落去完全冇口感，牛味淡；d蝦係梅ge;其他野食就正正常常，埋單$300一位。我只可以講，如果under $150係可以接受ge。利申：一百到一千ge邊爐都食

相約朋友仔去呢個新開既火鍋店打邊爐，裝修以懷舊既感覺。呢度既火鍋係任食套餐，我地揀左主打既花膠火鍋。個鍋入面有好多花膠仔，我地點左好多野食，牛肉、午餐肉、腸仔、菇、菜等等。。。。材料唔係話好特別，不過不失。

一直都知火水爐好出名，見佢喺屯門開咗就試吓啦，入面好有懷舊香港嘅氣氛顧住啲懷舊音樂同埋望住啲霓虹燈好有feel～個花膠雞煲好足料，食完仲有糖水送真係好飽啊，下次會再嚟

今晚便和家人到了這間火水爐花膠館，地點方便，從家樓下步行可至。同是走懷舊風，火水爐花膠館以電影為主題。大玩懷舊裝潢，餐廳到處都是懷舊裝飾，有霓虹燈字、懷念海報，還有我兒時用過的摺枱及櫈。這間以花膠為名的餐廳，任飲任食都是$298，點了一個花膠雞鍋，平時外面叫的花膠鍋，只有人頭甚至更少的花膠，但這裏的花膠多到食不完，真的十分誇張，而且有半隻雞肉，所以味道鮮甜。牛腩是台式一點大大舊牛腩，半肥半瘦。雞脾有用醃料是飽汁的。麵及飯量也夠呀！價錢比起同區食肆貴一點 但真是好吃。

本來就好like啲懷舊啲裝修， 聽朋友介紹屯門有一間主打懷舊特式火鍋店以舊香港作主題餐廳到處都是懷舊裝飾，有霓虹燈字、懷念海報，種有我細個時用過嘅摺枱櫈，仲喺用綠色筷子。滿滿嘅情懷。我點左麻辣花膠雞煲，可以任食牛小排、安格斯牛、肥牛、豚肉、其他火鍋配料同啲汽水任飲。啲 炸魚蛋&炸燒賣....好有童年回憶...D花膠幾厚身，都好有口感....份量亦好足至於D牛小排同黑毛豬就好薄身，好快就熟....牛小排真係值得一試嘎。好岩無肉不歡嘅來打卡。

住起市門的朋友介紹左我去一間主打懷舊特式的火鍋店好自然地就起OPENRICE 搜索一下資料見到佢地既裝修都是以舊香港作主題，有一種好似進入爸爸媽媽的七八十年代一樣穿越的感覺來了~~~哈哈地點黎講真係好方便，開左起屯門時代廣場北翼，搵路都唔難搵~我地就揀左濃厚花膠雞湯鍋 + 牛小排海鮮套餐$298一位(未加一)佢會送上餐前小食比你在等濃厚花膠雞湯鍋滾起之前就有得食住先餐前小食：炸魚蛋、炸燒賣，雖然看似簡單的菜式，但真心整得好食我依家屋企有氣炸鍋都整唔出咁既質素，因為表面真係卜卜脆，但裡面就是好軟熟海蝦、廣島蠔、海蜆、鮮鯇魚片及骨腩、墨魚滑就只限送一次，之後要就加錢啦~陳皮魚蛋、馬鈴薯、南瓜、粟米、炸魚皮、生根、響鈴、濃厚花膠雞湯鍋起碼有4大塊的花膠、新鮮的雞件同大量的白蘿蔔必試既係佢地特製的辣菜圃，極辣勁好食~~牛小排好鮮紅鮮嫩，肉味重最後一定要留肚食甜品，因為呢個舊式甜品實在太好味

近排天氣又開始又涼番D，忍唔住又去打邊爐!!! 今次過O左O黎到屯門呢間 ”火水爐花膠館”… 我同朋友當然係因為個"花膠"而試呢間餐廳啦!! O黎之前上網睇過個有兩種配花膠O既食法，一種就好似平時都可以食到O既濃厚花膠雞湯鍋，另一種就係招牌麻辣花膠雞煲....諗O左好耐，都係點"招牌麻辣花膠雞煲"，因為唔係周圍都可以食到...咁我地就點O左個花膠海鮮雞牛小排套餐.....點完個麻辣花膠雞煲，店員就俾O左一D小食我地食先: 炸魚蛋&炸燒賣....好有童年回憶...冇幾耐就上O左個煲，店員會用TIMER計完仲要煮幾耐，避免花膠過熟同D雞過老....好細心.....到夠鐘店員就會幫你打開撈一撈，然後就可以食用.....D花膠真係好厚身，仲啖啖都好有口感....份量亦好足...至於D雞就好滑身，唔算多骨....仲好入味.....食完個雞煲，就開始打邊爐，我地點O左個鴛鴦湯底: 特濃花生沙嗲鍋同宮廷藥膳鍋....海鮮拼盤都好快O黎到....本身諗住套餐價錢唔算貴，海鮮拼盤都應該會好一般，但事實係喜出望外!!!!! D蠔好有鮮味，而且夠大隻，唔會一啖仔就食哂....另外，個手打丸亦好彈牙....唔

大玩懷舊裝潢，餐廳到處都是懷舊裝飾，有霓虹燈字、懷念海報，還有我兒時用過的摺枱及櫈，更用以前家家戶戶/大排檔都用開的綠色筷子......總有一樣能勾起你的回憶，年輕的客人也帶父母來懷念一番。入座便送上基本的火鍋醬料，有生蒜、炸蒜、蔥、芫荽、辣椒等，不過火鍋湯底越食越濃，都唔使醬料也夠味。我地揀左任食120分鐘的火鍋套餐，花膠雞牛小排海鮮火鍋套餐 $298/位，有餐前小食、時令海鮮拼盤、懷舊甜品，湯底有10款，另外仲可以揀雞煲再食火鍋，而我地揀左特別之選，濃厚花膠雞湯鍋，可任食牛小排、安格斯牛、肥牛、豚肉、其他火鍋配料及任飲汽水。食物選擇唔算好多，但就有齊基本火鍋配料，主力食牛已經好正。先讚個濃厚花膠雞鍋，我地2人就已經有半隻雞，所以個湯超濃超香雞味，仲有兩大塊手掌咁大既花膠。花膠用貴價少少的厚身花膠，膠質較重又夠彈，口感豐富，也吸左雞湯精華，食完已經好滿足。雞件偏大，但雞脾位好嫩彈，雞背肉就重味，雞胸都滑唔會乾哂。食完雞件同花膠就開始火鍋，等緊食物熟時，就可食餐前小食，炸燒賣同魚蛋，味道都唔錯，特別炸燒賣外脆內軟，又有懷舊feel，沾甜酸醬仲正。時令海鮮拼盤雖無任食，但就新鮮十足，有蝦

上次到了銅鑼灣打懷舊邊爐，但原來遠在天邊 又近在眼前的居住地附近也有一間。今晚便和家人到了這間「火水爐花膠館」，地點方便，從家樓下步行可至。同是走懷舊風，「火水爐花膠館」以電影為主題，店內掛滿霓虹燈牌裝飾。入座後即送上炸魚蛋燒賣果腹。家人是衝著花膠雞鍋而來，不用考慮已點了這湯底。除了花膠和雞，還有白蘿蔔塊一起熬，入口清香，但以火鍋湯底來說略嫌有一點淡。花膠不算是什麼優質貨色，勝在份量多，又夠大塊。不過用靚花膠打邊爐，也只會浪費食材罷了。任食套餐包括了一個海鮮拼盤，分別有墨魚滑、海蝦、海蜆⋯⋯等等。海鮮大致新鮮，鯇魚片厚肉爽脆。不過套餐只包一盤，之後若想再追加，則要額外收費。墨魚滑起膠彈牙，墨香味重。顏色鮮紅，雪味不重。薄切上碟，入口肉質不柴，頗香牛肉味。火鍋配料選擇蠻多，上菜速度快。雲吞水餃皮滑溜，皮薄餡靚。意想不到會有中式糖水獲贈。糖水以花奶作底，有涼粉、雜果、紅豆，絕對超越贈品的質素。吃完火鍋，再來一碗香甜冰涼糖水，簡直是味覺大享受！而套餐可以汽水任點，其他特色飲品就要再收費。來2罐汽水乾一杯，慶祝這個美好的週末吧。

今日去到屯門時代廣場 見到間懷舊主題既火鍋店 見有海鮮 又唔算太貴 就試試佢d佈置好6,70年代仲有好多 唔同字樣既燈箱揀左海鮮set, 298蚊一位任食一黎到 店員就會主動問你 食唔食得辣就上左花膠雞煲先之後就到揀配料仲有小食 係炸燒賣同陳皮魚蛋好有香港小吃feel個花膠好足料 好膠質而雞係嫩既 同夠味 一件接一件海鮮拼盤 有5款 有蝦 有蜆 有蠔 有魚腩同墨魚滑 都新鮮既而牛肉係好有牛味 同唔肥2個人每樣試小小都夠哂飽間唔中一餐獎勵自己都係唔錯既選擇!

花膠口感軟滑又養顏，係唔少女士嘅最愛，最近屯門就有間懷舊主題餐廳以花膠做主打，湯底用鮮雞同南非花膠熬超過10小時，作為為食妹既我，緊係要黎試下餐廳很容易找到，門口有個大大個電影廣告牌，而且佈置成70年代的戲院模樣，頗具特色。內在環境佈置走懷舊風，枱仲係圓形摺枱，播著懷舊英文歌，燈光暗暗的，幾好feel我們二人選擇了"安格斯海鮮火鍋任食套餐" , 會包一份海鮮拼盤，然後肉類和其他配料都是任食的，在打邊爐前，還有一個小食，是炸魚蛋和炸燒賣，係香港既特色小食，正！濃厚花膠雞湯鍋終於黎啦，湯底用鮮雞花膠，有十幾舊雞件，花膠勁大塊有口感又軟滑，非常入味，勁足料，對女士來講滋補又養顏海鮮拼盤包含了生蠔，鯇魚片，鮮蝦，墨魚滑等這裏的牛肉有肥牛和牛小排，豬肉則是黑豚肉。單看顏色和花紋已覺得不錯，無論豬或牛，肉質都頗嫩滑，不會乾。最後仲有湯水送，紅豆椰果涼粉冰，打完邊爐，最適合吃些冰涼的食物降降溫，紅豆很軟糯，伴著淡奶和涼粉，味道不錯。值得一讚係餐廳服務一流！