火水爐花膠館 (已結業)

打邊爐again😂住係屯門嘅朋友仔有福了 火水爐登陸了今次有招牌麻辣花膠雞煲😍大大嚿嘅花膠擺喺眼前 吸收左小小辣 好惹味👍🏻而今次終於知左招牌花生沙嗲湯底花生香 沙嗲濃 簡直係回味無窮啊二人份量的火鍋都頗足料有海鮮拼盤 我最愛當然係生蠔啦😬亦都有本地新鮮肥牛同黑毛豬等其他食物都可以添叫所以$298可以任食2小時 真係超值之選最後仲有懷舊甜品食呢 呢餐抵啊👍🏻________________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂

同朋友們今次試吓喺商場度食雞煲，依間餐廳位於商場嘅地下，佢個裝修係行懷舊風格，要注意佢有限時嘅，所以要計啱時間啊！話說佢係有分三個價錢嘅，分別在於個牛肉同埋豬肉，我哋叫咗中間嘅價錢$258一個人，要再加一同$13其他費用。基本上冇寫價錢嗰啲就係任點任食嘅首先上咗個前菜，係炸魚蛋燒賣，好肚餓嘅時候過吓口引幾好頭先上咗個雞煲先，竟然真係有幾舊花膠喺面，唔知係咪煮嘅時間唔夠耐所以個雞煲唔係太入味，食完個雞煲之後就換煲打邊爐我哋叫咗個芫荽湯底，個芫荽味好重佢落好多料俾我哋感覺都好好跟餐係送一個海鮮拼盤， 不過可能有啲忙嘅關係員工們唔記得咗俾我哋，要再叫，不過一睇就知海鮮係未解凍，不過個墨魚滑幾好味。其他就一般般啦蟹柳方便佢用咗個好平價嘅蟹柳，我個人認為差唔多$300一個人其實可以比好少少，另外我要值得一讚嘅係佢個油炸鬼，真係新鮮炸出嚟聽住一啲懷舊嘅歌，再加埋打邊爐同朋友吹下水有幾舒服嘅，不過坦白講個食物質素就一般般啦最後佢哋仲有個懷舊嘅甜品又真係幾好食嘅依個

新界人有口福啦，屯門都開左火水爐，地點好就腳。之前喺旺角食過一次，款式多，上菜快，仲好有港式風味要食梗係要食最好，連雞煲都要落花膠，滿滿骨膠原岩哂女士食雞煲黎之前店員送上一碟前菜，係香港地道小食炸燒賣同魚蛋魚蛋好彈牙，經油炸後食落更香魚鮮甜味。雞煲既雞件好厚肉，裡面加左花膠、魚肚、豬皮同豆卜等索汁配料，好入味我地揀左小辣，味道偏向香辣、麻味唔算太強，香口惹味。花膠大大片，滑嫩軟稔，每啖都係膠質食完雞煲就到打邊爐既時候啦，任叫任食隨餐送既海鮮拼盤，估唔到啲蠔有手掌咁大隻，滾完都無縮水蝦好新鮮唔霉，蝦肉爽彈。牛小排脂肪比例少，但肉質又好軟嫩，唔老唔韌黑毛豬夠大片，厚薄適中，肥瘦均勻，入口好重油香好嫩滑呢度既丸一定要嗌，大大粒，仲有好多出面少見既唔同款式仲有油炸鬼添呀，炸到香脆不硬，浸完湯索埋汁仲保持到爽脆既口感，比響鈴更出色。食飽飽仲有甜品，打完邊爐個人滾滾地食碗涼粉岩哂加左蜜甜既紅豆、爽滑既涼粉同菠蘿，酸甜清新，中和返邊爐既油膩飽滯，呢餐好滿足呀！！！

今日難得約到個朋友出黎 玩佢個b， 天氣咁熱緊係去行商場啦。 終於有機會嚟到呢個屯門時代廣場， 屯門其實已經出名多野食嫁啦但有咩好野食就唔係個個都知。 聽朋友推介火水爐， 難得入到黎屯門就梗係要食下啦。裝修精緻， 好有70 80年代feel， 燈飾好過引。入到去好似返左去以前咁。 好有心思事不宜遲， 任食既關係， 一開波揀左花膠雞煲黎食， 花膠好大件， 味又夠重。 滑一滑既花膠 女士最鐘意。 雞又夠新鮮， 正拿拿聲食完 就打邊爐啦。 一眾食肉動物 點會錯過肥美既牛肉唔洗我多講， 有眼你睇 有幾靚食到我不停encore, 要努力減返肥先得生猛海鮮 點小得。 岩晒我食仲有甜品， 有驚起 好好味。 朋友果然無介紹錯， 里一間打邊爐同一般果d任食水準無得比。 但記得要留返個肚先好黎唔係會食唔晒咁多好野。 下次入黎屯門 要覆桌先得。

姊妺報料, 屯門巿有間食花膠的火鍋店, 花膠大大塊, 滋補養顏, 女生至愛, 今晚我們就book枱來這聚會, 知道是放題, 更加是留定肚先來食。花膠雞牛小排海鮮火鍋套餐每位$298, 可以任食頂級牛小排, 特級安格斯牛肉, 肥牛, 黑毛豬, 肉類, 菜類, 餃類等。特色火鍋湯底要另外收費醬料齊全新鮮先來一個濃厚花膠雞湯鍋, 試一口湯, 鮮甜, 喝得出來足料煲出來的, 花膠大件而完整, 努力的吃希望補充骨膠原, 鍋內還有很多的雞件和大量的白蘿蔔, 光吃這個鍋就會飽了吧, 所以我們都吃不完, 尤其是蘿蔔。因為選了清湯鍋做湯底, 以為這個鍋會移走, 所以我們拼命的喝湯, 怕浪費, 原來清湯鍋也是這個湯, 店員來幫我們加湯後就開始火鍋環節。自選的蔬菜類拼盤, 有西洋菜、冬瓜、南瓜、蕃茄、紫洋蔥等, 全都係新鮮靚料, 切到大小剛好方便食。頂級牛小排, 特級安格斯牛肉 每款叫一碟, 份量十足, 肥瘦均稱, 切到薄薄片, 輕輕一灼已可食, 肉質嫩滑帶有脂香, 有鮮牛的味道。蔬菜盤也有粟米、木耳、蘿蔔一個限量的海鮮盤, 沒有得免費追加的, 有四隻超新鮮爽彈的蝦, 有魚塊、生蠔、蜆、墨魚滑等, 雖說不能

今日，5/4/2019, 清明時節掃完墓後，去屯門搵食，突然醒起呢間火水爐，專做招牌花膠粉麵，所以即刻去試下。你間舖裝修好懷舊，好有特色，有霓虹光管 又有電影片段poster ，不論枱櫈格局，都係懷舊設計，裝修擺設，都花咗好大心機。星期六日 公眾假期 麵冇平時嘅午餐或者下午茶餐都冇 今日只可以散叫。我哋兩個人， 叫咗: 花膠蟹肉蟹膏肉餅蒸飯$60 加凍飲加$9呢個飯係用砵仔蒸嘅 朋友話 食到係有蟹肉蟹膏， 蒸飯都蒸得幾好食， 但話佢落咗啲腩汁喺肉餅面， 畀啲藍汁咁過曬啲肉餅味， 所以覺得麻麻地。我食呢個係花膠牛腩水餃米粉 $58 加左杯熱咖啡 $8有兩件花膠，兩隻水餃，三嚿牛腩，另外搭兩舊冬菇畀你。 食落花膠 有啲淋patpat，一食就知唔係靚嘢，水餃就一般，水餃心都唔太熱，牛腩就啖啖肉 都係一般野， 冬菇唔夠淋，我嫌梗咗啲，不過送嘅就算了， 米粉比較硬 我就唔太鍾意，個鮮雞湯底 都幾好飲，有雞味， 但都畀啲牛腩汁混濁咗，有點可惜， 下次要試真啲唔可以加牛腩汁。 其實 有花膠嘅粉麵，呢個價錢都ok可以接受， 杯咖啡就幾好飲。呢度主打係食花膠，但個招牌花膠我就覺得麻麻地，你話特登嚟試下

花膠雞湯打邊爐@火水爐花膠館 花膠雞湯打邊爐真係好正!!!!!好正好正! 最重要既係唔貴呀 早幾日入屯門探朋友，屯門帶路下去左火水爐花膠館打邊爐。就位於屯門時代廣場北翼地下，屯市巴士總站不遠位置，非常易搵，即使我住九龍，食完搵車設屋企都好方便 裝潢真係好有型，時光倒流30年吧 返左去70，80年代的香港! 地下的磁磚，餐桌，牆上的裝潢都非常用心，完全係想製造出那些年的香港舊情懷餐具都好復古，諗起以前細個屋企開飯的情形 汽水任飲 任飲的飲料不包括酒類，但散點也不貴 這裡都是點SET的，120分鐘任飲任食 下單後店員會先送上小食，湯底和海鮮拼盤， 在等湯底滾時可以食食炸魚旦和燒賣頂頂肚 很細心的安排 我們點的是花膠雞煲!花膠超大片呀!而且仲好厚! 雞湯非常濃郁，不禁飲了好幾碗 要一提的是這裡的 店員都非常好服務!而且很用心的為我們介紹食法和換碟， 雞煲入面足足有一整隻鮮雞 味道唔會似湯渣雞，口感十足十是白切雞! 雞味濃皮又唔厚，雞是稍為醃過的，食起來有少少咸味更能帶出其鮮味! 附送海鮮拼盤，入面包括了花

80年代大排檔懷舊裝修設計門口至舖內都充滿懷舊氣息！超鍾意店內衛生環境十分乾淨企理今次係夜時黎食花膠雞煲+任食打邊爐平日6點幾黎唔多人，入場計120 分鐘要食完有3 個價錢選擇最平$198 +$13 +1 %今次我叫左$258+$13+1% 既花膠安格斯牛海鮮餐開頭黎個花膠雞煲食先好大舊花膠，仲要份量唔少4 個人食每人都食到幾舊大花膠雞我諗得半隻，但好滑，又多肉同唔算細舊👍🏻但雞煲只係食一次無得加（除非加錢）咁食完轉打邊爐打邊爐就任食，呢個價錢同$198 個個餐既分別係多盤海鮮同有安格斯牛食4 個人份量，有蝦，魚，蠔，(hin) ? 4種海鮮，無梅，份量算多！ 食落ok! 呢碟係送既炸燒賣同細粒魚蛋， 好好味嫁！然後打邊爐既送選擇係幾多，安格斯牛好好味食落唔似平時酒樓任食打邊爐咁d 肉又簿又細塊仲爛爛地塊塊完整正常厚度唔係簿切，重點係好食唔係擺左好耐既肉，丸同菜都係，大大粒，仲有黑色墨魚丸，菜又多選擇，全部都新鮮，d丸唔會話未溶雪就拎出黎比你食飲品就4 款任飲，全汽水整體十分滿意，無論環境同食物質素，仲有員工服務都好好！下次會再黎希望一齊好落去❤️

已經響出邊等左一陣，攞位果時我係帶住BB去攞位既，等左10分鐘左右，我一路響門口，咁耐都冇人講過BB要收錢，入到去點哂野先同我講BB 80cm我地就要收$128， 咁都坐低左就算啦，都冇計。擺明就伏，野食唔得，$290幾一個人，出邊大把選擇囉，完全唔值呢個價，最唔抵係BB, 食左2條烏冬就要$128海鮮唔新鮮，粒牛丸咁簡單既野都可以唔好食，最好叫做係個湯，個煲就得5舊雞，成個煲都係蘿蔔，爆哂跟本放唔到野落去，我地不起哂d蘿蔔，結果d蘿蔔起碼有1斤響個煲入邊，第一次食d咁特別既火鍋，大排檔都有良心過佢

我本身對打邊爐就麻麻地， 但係今日行完街經過見到呢間嘢係新開嘅， 賣點係花膠雞煲， 因為咁我就俾佢吸引左就入咗去食啦。裏面嘅裝飾都係五六十年代既懷舊風格， 雖然我唔係嗰個年代，但係感覺好親切。花膠雞煲花膠真係好大片，大過我全隻手， 骨膠原好高， 煙韌有口感， 非常美味，食極都好似唔夠喉。雞肉竟然意外地香滑，雞件大小適中， 一啲雪藏味都無， 雞汁味道香口再配上微辣，非常惹味。頂級牛小排由於我哋係牛肉控，所以我哋只會食牛肉。 既然呢個係店舖重點推介呢碟， 咁當然一定要食啦!好重牛肉味， 肥瘦比例適中， 好似入口即溶， 簡直停唔到口。海鮮拼盤當中有蝦， 脆肉鯇，蜆和蠔，非常新鮮豐富， 鮮味十足。最後竟然有糖水食， 當中有紅豆，椰果，菠蘿，水蜜桃和涼粉，夠晒冰凍，食完真係好滿足。

阿女考完試，一家終於出關去食餐勁，聽聞屯門友喺屯市開咗間任食火鍋，決定要去狂食一番😜未食先興奮，店舖裝修精緻，全部懷舊風格啖罐呀😱睇真d其實係冰筒，裝住啤酒🤪用戰鬥碗飲唔知係咪特別飲得呢先黎餐前小食，熱辣辣既炸燒賣魚蛋，啱哂女女濃厚花膠雞湯鍋👍🏻好得湯底濃郁，花膠大大隻，連d雞都好滑海鮮拼盤花甲、蠔、脆肉鯇、生蝦、墨魚滑樣樣都新鮮炸魚皮同響聆超脆安格斯牛肉有牛鮮味又嫩口什果紅豆涼粉冰呢個甜品估佢唔到咁好食，正今餐真係超飽

經朋友推介下今日去咗屯門一間火鍋店打邊爐，聽到個餐廳名"火水爐花膠館"就已經有一種好懷念嘅感覺，一講火水爐就諗起細個住7層大廈果時個個用火水爐喺走廊煮飯嘅情境好懷念。餐廳門口同室內嘅裝修好有特色，有70~80年代嘅感覺仲有好多霓虹光管做裝飾。打邊爐之前當然要撈撈醬汁，配料好新鮮餐廳有三種款式任食火鍋選擇，我地揀咗花膠雞湯小牛腓海鮮火鍋。個煲嚟之前有個送嘅餐前小食 炸燒賣同魚蛋 點下個甜酸醬比你開胃。點火鍋料同飲品有兩款可選，一種喺無價錢任點，一種喺有價錢每碟收費的。我地叫咗d丸 雲吞 菜 牛肩肉 牛腓肉 等等嘅配料。食完個小食剛好雞煲就來到了，份量相當十足大大舊花膠一共有幾塊，雞食落都好滑份量一樣好多海鮮拼盤都唔輸蝕 有蝦 蜆 蠔 魚塊件同手打墨水滑，淨飲飲個湯底已經覺得好補身了hahahahaha先要贊贊個頂級牛排肉同特級安格斯牛，超好味又軟身又嫩唔洗點醬都已經夠味。同埋個手打墨魚滑好彈口 "贊"食到超飽想埋單時，店員話上埋個甜品好嗎？嘩！原來仲有個送嘅甜品 花奶涼粉紅豆什果冰，雖然已經好飽但食完透心涼 即時清一清熱氣嘅感覺個人都爽一爽。總括嚟講呢個火鍋店cp值非常之高，一定會定時再

今日是慶祝朋友的生日飯👭環境：這間餐廳是新開不久，整間餐廳用70-80年代既香港作裝修🕺🏿而且用了電影名佈置🎬加上播着懷舊金曲🎼感覺10分特別食物：選了$258《花膠雞安格斯海鮮套餐》，海鮮是跟人數，不可免費添加😣但是全部也十分新鮮😋花膠雞湯真的不錯，濃厚雞味，花膠也不吝嗇，很大塊而且數量多✨另外安格斯🐮也很美味！附送的糖水蠻特別，味道也ok!服務：加湯，收拾碗碟員工也很主動，態度亦很好👏🏻抵讚！總結：無論食物質素及環境服務都很好，絕對可以再去的👍🏻👍🏻👍🏻希望可以繼續保持水準🙏🏻 🙏🏻🙏🏻🙏🏻

火水爐花膠館🉐邊爐night~~-依間野正呀🙌🏻♥️推薦！！首先依到既裝修主打懷舊風，餐廳既佈置係掛滿唔同既懷舊字句既霓紅燈同埋酒樽，杯杯碟碟都係用中國陶瓷花，坐既係木圓枱，彷彿令你置身於八十年代一樣，係gimmick之一吧😆-之後講返食物，依到有幾個套餐，最後我同朋左選擇左$298任食套餐：濃厚花膠雞鍋配頂級牛小排海鮮火鍋(大部分火鍋配料任食😎）餐前小食有炸魚蛋同炸燒賣，炸魚蛋好香口😍-花膠雞鍋真係幾impressive!!!!完全無hea你。二三大塊花膠，再加半隻雞，雞件超大件又肥美，肉質滑絕不鞋口，再吸埋湯既鮮味，好好食啊，好有家的味道😭再慢慢飲啲湯，真係好鮮甜👍🏻唔係味精味，飲落就知真材實料，依個鍋令到好期待今晚既邊爐夜🖖🏻-套餐仲附送海鮮拼盤都幾齊料架，有海蝦、蠔、蜆同鯇魚腩，仲有蝦滑添🥰蝦滑爽口彈牙，海鮮新鮮度不俗，打邊爐最開心係有少少海鮮過下口癮😆套餐重點仲有頂級牛小排任食睇下牛小排個紋理幾靚，食落肉脂分佈平均 encore !! 😁-依到既火鍋配料都好多選擇，仲好高質！我好鐘意食既有陳皮魚蛋、栗米貢丸、墨汁墨魚丸同牛丸，依到既丸類唔係周圍有，栗米貢丸甜甜地超夾墨汁墨魚丸真

我哋一家七口，訂枱七點，早到18：40 入坐，當時有枱剩，開始食，食物質素ok既，但。。。。。食到19：45 己經要我哋落最後單點食物，20：00 自動甜品，我仲食緊牛，海鮮呀大佬，成枱食物，你突然自動嚟個刨冰比我，我應該食乜先呀？！！20：20 自動比張單我哋要埋單，我無叫埋單wow！食咗個幾鐘咋20：30 行嚟同我哋講要起身，有人等緊枱，兩個鐘，跟本唔夠時間食，而且我訂七點，乜唔係食到九點咩，使乜乜都自動嚟呀，跟本就迫人走，我埋二仟幾蚊單，要我急住食，而且跟本就唔係兩個鐘呢間餐廰服務有禮，但其實極無人情味，趕客