瀛燒居酒屋

營業中

休息中

之前同老公黎過呢條街食嘢，走嘅時候就發現有間居酒屋，老公話下次要食呢間，所以今日去開荃灣就順便過黎食飯。入到去就已經覺得好熱鬧，好多人，同埋充滿日本居酒屋feel。無論裝修、牆上海報同播嘅歌，全部都充斥住昭和年代。餐牌幾多嘢食，老公發辦叫左小食、串炸、燒物、鍋物同兩杯酒。煙燻豬乾：口感好蓉，味道鹹鹹地，少少咁食，送酒一流。鱈魚白子(半份)：口感細滑軟軟，味道濃，都係送酒之選。雞皮餃子：炸過外皮酥脆，裡面脹卜卜，軟嫩多汁，雞皮油香十足，味道剛好。海膽甲羅燒：海膽、蟹肉同蟹膏味道好濃，配埋蟹籽咬落去好爆，加埋旁邊飯團一齊食，真係好好食。燒雞心喉管：雞罕有部份，燒得剛剛好，有咬感，好香，OK喎。串炸：有沙錐魚兩串，鵪鶉蛋、蓮藕及三文魚親子各一串，呢度全部都係剛炸起，熱辣辣，外層薄薄炸粉鬆脆，點埋旁邊甜甜地燒汁幾好味。辛味噌牛筋肉鍋：牛筋份量多，炆到好淋，入味，裡面有娃娃菜、大蔥、韭菜、冬菇同日本粉絲等吸汁配料，越煮越濃味，辣味亦出左黎，整體唔錯。飲品：叫左可樂highball同高知柚子，兩杯酒味重，其中高知柚子甜甜地，似果汁，易入口，我就幾鐘意。

前幾日約左朋友去荃灣dinner, 試左間chillchill居酒屋 環境舒服 background music播住日文歌 勁chill 雜錦海鮮米紙卷$78好鍾情呢個 青瓜好fresh 配埋魚生同埋個汁 好開胃 阿波尾雞翼$29我同朋友都鍾意食雞翼 佢試左呢個 好香脆咁 明太子雞翼$28我想試d特別d ge, 試左明太子雞翼 裏面釀左好多明太子 勁香鹽燒雞腳筋 2串 $64好好味 食落有d似雞軟骨 有口感 good 照燒日本火箭魷魚筒$138好大隻 燒得好香 我同朋友食唔停 清酒煮大蜆$128我地鍾意食辣 店員幫我地加左辣椒落個湯度 好多隻蜆 仲要大大粒 好好味特色燒飯糰$58燒得好香好脆 青蘋果Highball$58黎居酒屋緊係要似番杯 好味易入口 山梨白桃Sawa$58朋友食呢個 都話好飲 朋友鍾意食炸野 點左呢幾款 佢最鍾意鵪鶉蛋口感得意 又炸得香 有個汁配埋串炸蓮藕$22串炸鵪鶉蛋$22串炸黑豚腩$29串炸三文魚親子串$38我最鍾意三文魚 好香 炸得岩岩好 Overall 環境同食物都高質 推介 最後仲有糖食 so sweet

早幾日喺荃灣見到呢間充滿日本特色，貼左日本海報嘅居酒屋，就諗去入去同朋友飲吓野傾下計～除咗環境出色，食物都唔錯呢三點盛合，有帶子、三文魚同油甘魚刺身。呢個拼盤好新鮮甜美，而且份量好足夠，塊塊厚切飛魚籽玉子燒，呢款燒蛋又熱又鬆軟，加埋魚籽更加鮮味。番茄三文魚濃湯海鮮鳥冬，呢碗湯口感好濃郁，仲有好多海鮮，好足料串炸沙錐魚、雞肝、鵪鶉蛋同三文魚親子串。呢啲串炸嘅野炸到好香脆，魚類嘅肉質好鮮嫩，而雞肝就好香，我好少食炸野都覺得唔錯手作煙燻豬肝，呢道菜好好食，好creamy好香，加埋煙燻味同甜甜酸酸嘅汁，係本日mvp!鹽燒雞腳筋，有啲似雞軟骨但更軟，燒到好香好脆整體嚟講，食物新鮮度同口感都好出色，每一款菜都好平均，鍾意日本野嘅朋友可以嚟試下～

好想與朋去居酒屋閒聊晚飯，朋友推介去了荃灣去瀛燒居酒屋，港鐵荃灣西站B出口，步行14至15分鐘。店內環境很日式，充滿居酒屋擺設的風格，牆壁上貼了很多日式酒類的品牌，座位寬敞舒適，是一處閒聊的好地方。日式菜譜多元化，壽司、刺身、炸物、串燒、日式火鍋等，應有盡有，店員禮貌推介是日菜式，客人隨自己喜好配搭。三點盛合$138厚切三文魚非常新鮮，脆口滑溜。油甘魚彈牙鮮甜，油脂豐富。帆立貝爽口美味，加上日式芥辣和醬汁，好食至極。自家手作雞肉棒$45、雞蔥串$32免治雞肉棒，表面燒至焦香，肉質嫩滑多汁，調味適中，混著日式鮮蛋汁液，更覺香口滑溜。雞蔥串燒至恰好，雞油脂香濃，口感豐富夾雜著蔥香的清新，非常惹味。松葉蟹肉玉子燒$98薄薄蛋卷，混雜著蟹肉絲和蔥花，感覺滑口又清新，也感到廚師用心製作的技巧。花魚一夜干半條$88花魚表皮燒至金黃脆口，肉質鮮嫩多汁，魚脂味夠濃，配上鮮檸檬汁將魚腥味剔走，多添陣陣鮮檸果酸味，和魚肉味道非常配合。黑豚豆腐鍋$168鍋內材料相當豐富，有豆腐、金菇、大京葱、新鮮冬菇、娃娃菜、小棠菜、特別一提就是綠豆粉浸入湯汁，柔韌爽口又滑溜，很好味，還有這鍋的主角黑豚肉腩片，既爽口又淋滑

瀛燒居酒屋位於荃灣街角位，但勝在靜靜地可以慢慢飲下野食串燒食物選擇都多，特別推介氣酒，好飲又易入口🥢雜錦海鮮米紙卷入口清脆，包住厚切三文魚、吞拿魚，刺身新鮮，配上米紙的輕盈口感，味道鮮美，配埋青瓜絲爽口清甜🥢自家手作雞肉棒外皮炸得金黃酥脆，內裡的雞肉鮮嫩多汁，口感豐富，味道純正，配埋生蛋汁，層次更加豐富🥢清酒煮大蜆即席係面前點燒酒，蜆肉鮮嫩彈牙，搭配上清酒的香氣，味道鮮美而醇厚，帶有微妙甜味🥢特色燒飯團外層煎得酥脆，內裡的燒飯口感Q彈，搭配上豐富的配料，味道豐富而濃郁，每一口都帶來滿滿的滿足感🥢串炸鵪鶉蛋鵪鶉蛋炸得酥脆，內裡既蛋黃鮮嫩滑潤，酥脆的外殼與蛋黃的濃郁口感相互融合，味道好夾🥢三文親子串三文魚肉質鮮嫩飽滿，外層酥脆金黃，但內層肉質仲係好嫩滑，點埋獨特醬汁，更加鮮味🥢汁煮螺螺肉軟嫩彈牙，搭配上濃郁的汁料，味道鮮美而香濃，仲啖啖肉🥢手作煙燻豬肝豬肝煙燻得剛剛好，口感滑嫩，帶有獨特的煙燻風味，味道豐富鮮美🍹青蘋果特飲清新爽口，帶有青蘋果的清香和微酸的口感，是一款解渴特飲🍹山梨白桃Sawa飲起來清甜可口，帶有山梨白桃的天然香氣，口感柔滑細膩，酒味好醇香

荃灣唔多居酒屋，次次我地想食串燒都會黎呢度，因為水準同環境都好好辛味噌牛筋肉鍋好鐘意個湯底，咸咸香香好惹味大大舊牛筋肉, 仲有好多菜墊底，啱哂我地女士們三點盛合 叫左三文魚，赤身同凡立貝，全部都好新鮮最愛係鰻魚玉子燒，玉子好厚身，滑滑的，口感一流必食串燒-雞肉棒／秋葵／明太子雞亦燒全亦火喉恰到好處，唔會好乾，肉類keep住好juicy呢度最特別係串炸，沙錐魚擔啖啖肉，三文魚親子串加埋D魚子好鮮味，鵪鶉蛋外脆內軟第一次叫蓮藕，有驚喜，脆上加脆，好好味去居酒屋一定飲酒，朋友今日唔舒服所以陪唔到我飲，但佢話個白桃特飲好香甜，我就叫左杯原味chu-ha，mix得好好，比例perfect下次再想食都會再黎,食咗咁多嘢都係呢個價錢，抵食！

首先，我地叫咗刺身三點盛合，有三文魚、油甘魚同赤身，好新鮮，肥美油香，亦都幾厚切！🍣接著，朋友點咗蟹膏玉子燒，玉子燒啱啱好，非常嫩滑，幾乎入口即溶，蛋香味重，中間嘅蟹膏洋溢著濃郁嘅蟹味，一咬落去就覺得好正！🥚🦀然後我仲點左照燒火箭魷魚筒，魷魚質感彈牙，淋上照燒醬汁，充滿日本風味！🦑而我地嘅主角 - 牛腸鍋，提提大家呢度嘅牛腸鍋非常出名，係必點嘅項目！👍🏻牛腸鍋湯底濃郁，牛腸咬落去彈牙，內裏去得非常乾淨，怕食內臟嘅朋友都唔使擔心，除此之外，仲有好多嘅配菜，包括菜、冬菇、金菇等。🥘食食吓有啲頸渴，我哋就點咗可樂HIGHBALL同白桃Chu-ha，清涼而爽口，完美搭配餐飯。🥤最後，秋葵串炸同冬菇串炸都唔錯，炸皮酥脆，熱辣辣，幾好食！😆

今日與朋友想小酌一番於是喺OpenRice度搵到一間位於荃灣嘅特色居酒屋地點接近荃灣西側邊都有好多商場可以行街 🔖啱晒放工同朋友去啊！ 1. 辛味噌牛筋肉鍋我飲酒之前就最適合食一啲熱食去打一打底 於是叫左一個辛味噌牛筋肉鍋呢個鍋味道不錯牛筋煮得啱啱好有咬口得黎唔會太軟身配搭牛味濃郁既湯汁十分推薦大家一試2.清酒 300ml 冷3. 一杯自家手作梅酒（杯）然後就點左居酒屋一定要嗌嘅清酒佢哋嘅清酒冷熱選擇 & 唔同款式既清酒杯比我地選擇平時仲有清酒Freeflow Tim另外叫左一杯佢地自家手作既梅酒味道幾清新有梅子既甜味 入邊仲有完粒梅子！飲得出係自家釀製既酒！誠意滿滿！4.日本直送原條季節魚-時價我地食既時令金目鯛每片都切得好靚晶瑩剔透既魚肉令人胃口大開清甜新鮮既魚肉配有酸汁，薑蓉，蔥花等配料 令我地品嘗到品同層次既美味！5.串炸秋葵6.串炸鵪鶉蛋7.串炸腐腸蠔最後我哋都叫左少少炸物三款炸物都非常鬆脆用黎配酒一流！我地雖然唔係叫左好多酒但係所有食物質素都唔錯同埋最緊要既氣氛都有！好值得下次約朋友再黎呢度聚會🎈

上星期病了好幾天，最近胃口好了點，就相約友人外出吃飯，於是友人帶我來到了在荃灣廣場附近的這間居酒屋。店內充滿日本風調，佈滿日式Poster及有燈籠點綴，環境很舒適。因為病好心情很好，所以我們點了不少東西😋首先有三點盛盒刺身 ，有赤蝦 、赤身和 油甘魚，既厚身大件又新鮮👍🏻照燒日本火箭魷魚筒，不會燒得乾身，彈牙且味道焦香， 配上甜甜的照燒汁，好吃！黑松露玉子燒，份量多有六件，厚度十足，有濃濃的蛋香味及黑松露味。燒飯團，外層焦香，但吃上去味道較淡，如果有醬汁配搭會更好。居酒屋必點的炸串，我們點了鵪鶉蛋、沙錐魚、日本白板魚蛋和秋葵。炸皮薄脆，一點也不油膩，蘸上醬汁美味可口。日本白板魚蛋挺彈牙爽口的，也不錯。我們也點了三款燒物，包括明太子雞翼、阿波尾雞翼和自家手作雞肉棒。兩款雞翼都燒得非常香脆惹味，肉質鮮嫩。明太子雞翼餡料豐富飽滿，咬上去很滿足。自家手作雞肉棒，調味不會過濃，啖啖肉，入面有少許雞軟骨提升口感，而且配有醬油雞蛋一起吃，我很喜歡😆飲料方面，點的是山桃白梨果汁汽油及提子Highball。山桃白梨，清爽甜度適中；提子Highballl配上一塊檸檬，果味比較重，不是很重的酒味，是易入口的

早上個月星期六中學同學牛一，夜晚和她去慶祝幫襯，店位置不近地鐵站，步行10分鐘已成身汗，諗住入店就有杯茶或水飲下解渴，點知坐低15分鐘都未有一杯，感覺奇怪，問職員要茶水，他說沒有提供免費茶水，已感覺不體貼；平時去茶餐廳都會有杯茶，作為一間日本居酒屋，居然不提供難以置信；叫了兩款刺身、卷物、幾串串燒、燒銀雪魚、生啤、果汁酒等；食物味道一般、刺身及清酒款式也不多，店名有居酒屋3個字，理應酒類款式很多；服務又一般，價錢超過$1000⋯⋯不值，沒下次。

真係唔係朋友介紹，都唔會知道呢度有間居酒屋，內外裝修都好有feel，估唔到佢啲食物同埋飲品，都令我好驚喜！絕對唔係虛有其表！🐠魴鮄魚刺身🐠日本直送既原條刺身魴鮄魚，口感清爽柔軟，帶有淡淡的甜味，店員更特別配上柚子酸汁，響酸汁內加入蔥花，令魚既鮮味更加突岀。🐓燒明太子雞翼，鹽燒雞翼🐓即叫即燒，雞翼食得出係厚肉靚雞翼，兩隻雞翼燒到外皮脆卜卜，但係仲保留到雞肉嘅肉汁，明太子雞翼有少少鹹香同埋有少少辣，要黎送酒🥃一流👍🏻🍲🦪廣島蠔煲🦪🍲蠔煲內有日本大蔥、香菇、金針菇、娃娃菜、日本薯粉等等，初初店員送上嘅時候，我仲有啲擔心個湯會唔夠，但係滾起上嚟之後，我就知道店員先係專業嘅，一滾起，放埋蠔，係剛剛好，廣島蠔粒粒肥美飽滿好有蠔味，食晒個煲，飲埋碗湯，正！🍲🍢炸物（蓮藕🍢帆立貝🍢宮崎腸）🍢炸粉食得出係用靚野，咬落好鬆脆唔厚粉，又唔會成口油，店員送上炸物既時候，咁啱我享受緊個蠔煲，所以我放左起碼10分鐘先食，但！仲係辣咀嫁！勁正！碼蓮藕同帆立貝係有成cm咁厚，炸完都唔會乾，仲食倒原有食材既味道👍🏻宮崎腸脆皮鹹鹹地，又係送酒🥃既好選擇。🍱蒲燒鰻魚鐵板飯🍱大大塊日本厚肉鰻魚，上面有加咗黑椒同埋少少炸蒜，撈

今日入左荃灣食野我覺得荃灣一向都多小店，而今次我揀幾間更加係好似別具特色咁店內嘅裝修風格都睇得出係落咗心機餐牌食物嘅種類都唔算少，而且仲有啤酒/清酒放題蟹肉蟹膏米紙卷$68 蟹籽份量好多，堆到滿曬。食落清爽，岩曬悶熱嘅夏天阿波尾雞胸軟骨$38阿波尾雞頸肉$38自家手作雞肉棒$45串燒嘅調味唔重手，反而食到食材嘅原汁原味。如果鍾意食重口味嘅人可以點下隔籬嘅蛋漿海膽甲羅燒$108燒出黎就已經好香，仲有d 蔥可以溝埋一齊嚟食，配搭幾正。飯團以為細細舊，但食完都幾飽🤣串炸鵪鶉蛋$22 外層嘅炸少漿好簿，炸得幾高質長野巨峰$58順便滿滿嘅碎冰溝淡咗巨峰提子嘅甜味，但係就可以令到成杯飲品都清新D整體來講CP值都OK,可以一試

係荃灣廣場睇完戲，就去左附近既居酒屋食野不論係門面或店舖內，餐廳裝修好日式今日餐廳好多客， 樓下滿坐， 樓上都只淨低兩張枱， 建議大家要先訂枱首先我哋叫左兩杯野飲，白桃特飲同柚子汽酒柚子汽酒甜甜地，好易入口， 女孩子會鍾意！三點盛合分別有三文魚，油甘魚同吞拿魚赤身每件刺身都好厚身，最出色係吞拿魚赤身，雖然吞拿魚唔肥，但魚味好香飛魚子玉子燒每件玉子燒都有滿滿既飛魚子，配上玉子燒恰到好處照燒魷魚筒魷魚加上日本照燒汁，份外惹味，而且魷魚燒得有小小焦香，令魷魚更加香辛味增牛肋肉鍋食落有啲似牛腩煲， 牛肉香淋，加上小小辣椒，忍唔住一啖接一啖鍋中既粉絲亦朔晒啲汁，好入味炸串分別有蓮藕，豚肉，雞肝，和牛和牛好淋身嫩滑， 有外脆內軟既感覺蓮藕既好出色， 清甜既蓮藕可以中和返炸串既油膩感最後每人約$400， 食物質素都對得上呢個價錢

荃灣郁係一個好多野食既地方，今次黎到荃灣去左一間居酒屋食野 環境氣氛十分有味道，復古日系風格。黑豚豆腐鍋黎呢到一定要叫一個火鍋，湯底濃陏,有豆味， 配有豆腐, 蔬菜金菇同粉絲。黑豚肉量多 ,肉質鮮嫩, 配埋雞蛋又香又滑。水母刺身十分新鮮，味道清甜，帶有檸檬嘅香味，配有炸菜，口感十分彈牙、爽口又滑溜 ，做前菜十分推薦 明太子雞翼 明太子釀的量多，少少辣，有咸香味， 雞翼十分肥美 ，多肉汁。 阿波尾雞翼外皮燒得焦香，保留到有肉汁，肉質滑。好香燒烤味，加埋醬油蛋汁十分好食。 自家手作雞肉棒雞肉棒混有雞軟骨十分有咬口，配有醬油蛋黃，入口更滑。雞肉棒十分大包滿雞肉軟骨令口感變得豐富 炸廣島蠔炸蠔十分大件，炸到好香脆，炸粉唔太厚，蠔身嫩滑，蠔香味重。 煙燻豬肝十分特別既菜色，豬肝咸香，口感十分幼滑,帶有煙燻味，同鵝肝有相似，十分推薦 炸串鵪鶉蛋夠軟蛋味濃,配埋醬料十分夾。秋葵新鮮鮮嫩，炸得好香脆。蓮藕十分爽口，口感粉嫩十分推薦。 刺身叫左油甘魚吞拿魚同帶子，樣樣都大大件，份量十分足，未見過咁厚既刺身，肉質鮮嫩，帶子十分新鮮。 飲品叫左清酒同青蘋果特飲，清酒入口十分香米味，易入口，同食物味道十分夾。

📍瀛燒居酒屋 (荃灣)🏮平日夜晚黎食都滿座，個居酒屋嘅環境都好有特色，真係好似去左日本嘅居酒屋咁，放滿晒酒同旗仔燈籠😚❤️海膽甲羅燒 ($108)呢個係奢侈嘅配撘，食每啖飲團都配上一啖海膽同蟹膏😍味道非常濃郁❤️三點盛盒 ($138)(三文魚 3切、赤身2切、帆立貝)特別一讚係三文魚油脂分佈好均勻，好肥美❤️飛魚籽玉子燒 ($98)玉子燒旁邊有個蘿蔔蓉就更加易入口❤️日式冷牛舌 - 冷盤 (半份) $49❤️明太子雞翼 ($28)明太子釀雞翼呢個配搭都好新鮮，都好有驚喜一食落去滿滿嘅明太子☺️❤️阿波尾雞翼 ($29) - 左之前都無聽過阿波尾雞，原來係走地雞，肉質會相對有彈性啲，同脂肪含量會低啲嘅自家手作雞肉棒 ($45) - 右 每次食居酒屋都會試雞肉棒，呢個雞肉棒入面有啲軟骨咁樣，好有口感，點埋個蛋漿就又滑又好食啦😽❤️炸串sss 🫶🏻 呢個炸到好脆 啲粉漿又唔會話太厚- 蓮藕 ($22) 啲蓮藕仲係有絲架- 日本宮崎腸 ($22)- 鵪鶉蛋 ($22)- 沙錐魚 ($38) 個魚肉好滑唔會話過熟❤️黑白啤 ($68)❤️青森蘋果果汁汽酒 ($58)如果唔鐘意飲酒精嘅女仔，就會鐘意飲呢隻，好似飲緊蘋