瀛燒居酒屋

朋友就嚟離開香港 所以約佢去食餐Farewell飯揀咗呢一間喺荃灣嘅居酒屋出乎意料餐廳入邊環境好靚 好日本feel好啱飲酒傾偈我哋嗌咗幾個串燒，清酒煮蜆，玉子燒同埋池魚刺身樣樣都高質 食得好開心 .🍢四款串燒，豬牛雞都嗌齊一次過上 仲有個大大個日本蛋黃勁吸睛串燒份量比想像中大條牛肋筋串燒幾特別 未食過估唔到有幾有咬口又有牛味 出色黑豚腩串燒都肥瘦適中 燒到好香口加埋檸檬汁解一解膩 又係正 忍唔住encore咗雞翼同自家手作雞肉棒都脹卜卜大大舊 啖啖肉 高質.池魚刺身夠新鮮 魚味清甜 頭兩片特登唔沾任何醬汁食清楚啲佢個鮮甜味，之後再跟店員指示夾咗啲薑蔥點少少酸汁來食 配搭好好越食越想食 轉個頭就清晒.清酒煮蜆店員即直落酒煮蜆 🔥熊熊烈火視覺效果一流蜆肉大大隻夠清甜 完全冇沙 又新鮮湯底落咗兩粒辣椒 有酒味得嚟帶點辣 夠過癮.蟹膏玉子燒好似棉被一樣嘅玉子燒 厚厚軟綿綿有香濃蛋味 夾住鹹香嘅蟹膏一啖咬落去多重滋味享受😋.我飲柚子sawa 有酒味得來又易入口一路食一路飲唔覺唔覺就好快飲晒 🍹朋友飲黑白啤，佢話係黑啤同白啤嘅混合版幾特別 有黑啤嘅麥味同白啤嘅淡香味男女都啱飲.整體嚟講 嘢食質素五粒星尤其食刺身新鮮好緊要❗️環境坐得舒服 裝飾都好有心機仲聽吓經典嘅日本卡通片主題曲/ 音樂別有一番風味…查看更多

## 食評：放工後同老婆嘅居酒屋晚飯今次放工後同老婆去咗一間居酒屋，因為天氣好熱，飲啤酒同特飲真係特別爽快！### 環境評價- 餐廳環境好有日本風情，裝潢精緻，牆上啲海報都好有懷舊感，令我哋一入到去就感受到濃厚嘅氛圍。### 食物評價1. **餐前小食**： - 我哋點咗麻將豆腐同泡菜牛脷，麻將豆腐滑順，味道清新，泡菜牛脷則味道濃郁，十分下酒。2. **魷魚**： - 魷魚煮得剛好，外脆內嫩，配上醬汁，真係好味，令人好想一啖接一啖。3. **雞皮餃子**： - 這次是我第一次試雞皮餃子，真係估唔到咁特別，餃子皮薄且滑，裡面嘅雞皮香脆，口感非常獨特，值得再嚟多一份！4. **其他小食**： - 仲有其他小食如三文魚米紙卷，鮮味十足，蟹膏玉子燒嫩滑可口，刺身盛盒嘅新鮮刺身味道一流，特色燒飯團亦都好香，搭配啤酒一齊食，真係好開心！### 價錢評價- 整體來講，呢間居酒屋嘅價錢合理，雖然有啲菜可能稍貴，但考慮到味道同環境，性價比都幾高。### 總體評價總結嚟講，呢個晚餐體驗非常愉快，食物美味、環境舒適，適合放鬆心情。下次再帶埋朋友一齊嚟享受！…查看更多

荃灣睇戲後搵食開始一號風球悶熱天氣最好食日本野可以解悶熱天氣平日晚市嚟講算多人間店舖有二層當天下層都有八成入座率見d 客人多數熟客見到店員跟客人傾偈就知道座位近最入面牆上滿滿是一堆即影即有相片餐廳都多選擇原條魚或有些食材由日本直送🇯🇵所以我地即刻叫條季節原條刺身魚👉🏻池魚池魚刺身原條上有兩種食法1✳️豉油wasabi 2✳️酸汁姜蓉蔥另刺身魚帶出鮮味👉🏻味噌廣島蠔鍋D 蠔大大隻湯底濃郁配粉絲+娃娃菜+冬菇+金菇+薯粉+雞肶菇食住其他野可以慢慢煮材料可以吸收湯汁👉🏻串燒✳️自家手作雞肉棒肉質軟腍有少少軟骨咀嚼時有口感蘸上蛋黃醬汁滑溜✳️牛舌芯好彈性夠味同脆口👉🏻照燒日本火箭魷魚筒魷魚食得出好新鮮彈牙有咬口唔會韌魷魚鬚燒得剛剛好脆脆地👉🏻串炸✳️牛蛙肶炸得外脆內嫩啖啖肉香✳️日本白板魚蛋口感彈牙味道濃郁✳️炸鵪鶉蛋外表酥脆內裡嫩滑的蛋心👉🏻黑啤👉🏻白桃特飲前菜(茄子+牛舌）…查看更多

荃灣隱世居酒屋，附近多數都係車場維修 突然有一間隱世嘅居酒屋超有日本風**瀛燒居酒屋** 就走咗入去試吓佢先先享用了豐富的「三點盛合」，這道菜將我帶入了海鮮的美妙世界。三文魚、油甘魚及凡立貝的組合，完美展現了新鮮海產的原汁原味。每一口三文魚肉質鮮嫩，入口即化，搭配油甘魚的細膩口感，讓人感受到海洋的鮮味。而凡立貝的獨特風味，更是為這道盛合增添了層次感，讓我一再回味。除了盛合，餐廳的自家手作雞肉棒同樣令人驚艷，無論是口感或調味都值得大讚。香氣四溢的雞肉棒外脆內嫩，配合特製醬汁，令人愛不釋手。而蟹糕玉子燒的滑嫩口感與蟹肉的鮮甜，亦是無可挑剔，讓我對日本料理的精緻再次印象深刻。接下來品嚐的味噌廣島蠔鍋則提供了另一種溫暖的享受。鍋底的味噌濃郁，搭配鮮美的蠔，讓寒冷的天氣也變得好溫暖。更令人讚嘆的是，活赤貝的鮮活風味，每一口都是海洋的濃縮，配埋兩杯酒再將濃郁嘅鮮味都帶出瀛燒居酒屋的日式美食饗宴不僅展示了海鮮的鮮美，以及日本料理的精緻與傳統。無論是朋友聚餐或獨自品嚐，這裡都是個不錯的選擇。…查看更多

@瀛燒居酒屋今日去左南豐紗廠行街,老公話想食居酒屋,見附近有一間居酒屋就諗住去試試！環境👘🇯🇵裝修充滿日本風情,播著日文歌,令人感覺好relax,好似置身日本一樣😁串燒/炸物：📍雞皮餃子雞皮香脆,肉嫩,好味📍雞蔥串大蔥配雞,非常清新📍黑豚腩串香口,滿滿油香,肥瘦適中📍日本白板魚蛋大塊,非常彈牙📍牛蛙批炸得外脆內嫩,淡淡肉香📍雞髀肉外層燒到好香口,啖啖肉,肉質嫩滑📍鵪鶉蛋外皮酥脆,炸得唔乾,還有嫩滑嘅黨參📍煙燻芝士竹輪📍黑豚豬頸肉📍燒雞皮夾大葉雞肉串清新又解油腻📍燒雞橫隔膜串超得剛剛好,肉質軟嫩小食：📍鰻魚玉子燒熱辣辣,蛋味濃,夾埋鰻魚非常滋味📍照燒日本火箭魷魚桶魷魚新鮮,而且煮得剛剛好外脆內軟,彈牙又唔韌,配埋醬汁,特別惹味📍特色燒飯糰飯團外層燒到焦脆,又香口又飽肚飲品：📍白桃特飲🍹📍青森蘋果Sawa🍸總結：呢間位於荃灣居酒屋環境舒服,服務細心週到,雖然價錢稍貴但食物質素高,對得住個價錢,而且樓上閣樓還有得免費掟飛鏢🎯和玩遊戲機🎮啱曬一班朋友一齊嚟Chill吓食和玩👍…查看更多

收工後想飲杯酒放鬆下，同朋友係附近搵到瀛燒居酒屋！一入店，樓底高高，空間好開揚，日式裝潢簡單舒服，木枱同暖燈光，坐低就覺得好relax，影張社交平台story都自然靚～😌先嚟杯飲品暖身，我點咗黑啤，朋友選青蘋果特飲。黑啤微酸順口，入口輕盈，唔會太重，配埋下酒菜超啱！飲酒當然要小食，我哋嗌咗清酒昆布煮蜆，店員好nice，話有點火環節，聽落幾有趣，我同朋友即刻拎手機拍低。蜆一開，熱氣騰騰，昆布清香混住清酒味，蜆肉鮮嫩彈牙，每隻都好juicy，食落暖胃又開胃，絕對係下酒神器！🦪跟住嚟條池魚刺身，新鮮到爆，肉質厚實彈牙，海味濃郁。店員推薦配柚子醋加蔥蒜，試落真係提升晒層次，酸甜脆口，鮮味更突出，朋友食到直呼無介紹錯！😋 串燒就係重頭戲，我哋點咗阿波尾雞尾、雞翼、雞胸軟骨、橫膈膜串同大葉雞肉串。串燒燒得香脆，外焦內嫩，每款都灑晒醬汁同香料，阿波尾雞尾煙韌有嚼勁，雞翼juicy，軟骨脆口，橫膈膜嫩滑，大葉雞肉串清新解膩，做下酒菜真係perfect match，一邊飲一邊食，好滿足！🍢最後叫埋飛魚籽玉子燒收尾，蛋香綿密，飛魚籽彈牙爆汁，鹹鮮微甜，食完肚皮圓碌碌，心情都high晒。店員服務親切，落單快，環境適合小聚，價錢親民，荃灣隱世居酒屋，收工後嚟chill絕對值！…查看更多

2人去食晚餐 勁後悔無睇劣評就去咗首先一入到去，一個男人坐櫃台hea, 同佢講book 咗枱，態度已勁衰話等等全場得一個待應，唔算多人亦唔算忙但佢可以成日唔記得嘢第一版推薦刺身 話得返一份最後叫咗個刺身拼盤 好一般油甘魚勁腥🤢吞拿魚好瘀暗色 無味 但好彩唔腥成碟雜錦刺身得帶子同蝦正常食刺身想要隻豉油碟 要問兩次先記得仲要話無豉油碟到食烏冬 問佢拎碗第一次問 大聲答等等然後完全無咗件事 唯有再問就答無碗跟住勁悔氣咁話：洗比你仲要夜晚竟然比客玩骰盅嘈到癲我以為自己去咗劈場食咁多間居酒屋從來未試過可以差到咁我好少寫食評 但真係唔想有人再中伏香港好多小店努力經營 更加值得幫襯…查看更多

今晚約左朋友黎享和街嘅「瀛燒居酒屋」係親民價居酒屋小店！前菜三點盛合（$138）勁新鮮，三文魚油甘魚油脂豐腴，凡立貝鮮甜✨蟹肉蟹糕米紙卷（$68），口感清新～清酒煮大蜆（$128）湯汁鮮甜，大蜆肥美無沙！必點串燒同串炸都係水準之上！喜歡食燒雞橫隔膜（$29）嫩滑多汁，串炸年糕魚餅（$29）同墨魚餅（$22）外脆內軟，牛蛙肶（$32）肉質彈牙～特色燒飯團（$58）焦香脆口，啱啱好！飲品勁抵！原味HIGHBALL$58！青蘋果特飲（$32）清新解膩～整體性價比超高!…查看更多

尋晚去咗荃灣睇戲,之後同朋友係附近搵野食,見到好多汽車維修店中間有間日本餐廳,一入內滿滿既日本裝飾佈置,真係勁似去咗日本囉,有風味!不停打卡,先嚟睇睇餐牌,叫咗個味噌廣島蠔鍋,一上枱隻隻廣島蠔都肥嘟嘟勁大隻飽滿鮮甜,熱呼呼濃郁味增湯頭好夾勁配蠔,點了日本直送原條池魚刺身,厚切上枱,油脂非常厚,肉質肥嫩,不膩,魚肉爽脆清甜,富有層次感!讚!點了個飛魚玉子燒,紮實豐厚的口感加上甜滋滋的味道,點埋醬油好配合!之後點了幾款串燒,黑豚肉串少少焦香在外層,質很結實,半肥瘦真的很好吃!冬菇,雞肶肉,鵪鶉蛋既串物正常發揮味道不錯,而蝦肉釀松葉蟹鉗,蝦肉蟹肉質超軟嫩,入口即溶的感覺讚!最最最後點了二柸飲品,青森蘋果SAWA好好飲夠清甜,而白桃特飲都不錯,整體餐廳不錯,成程飯都好似去咗日本度食,很喜歡,會再來的!…查看更多

今日嚟到荃灣西呢間「瀛燒居酒屋」試下，真係有驚喜！😋😋餐廳環境好舒服，坐低唔使等太耐，落單之後上菜速度都幾快，服務員有禮貌又主動，完全唔怕招呼唔到你。一定要試佢哋嘅「白玉米刺身」🌽，真係超級清甜爽口，每一片都帶住淡淡玉米香，入口冰涼又Juicy，食完一份即刻再encore多幾份都唔夠喉！刺身控一定要試，性價比極高，難怪成枱人都話要再追加！🥳另外「蟹膏玉子燒」🍳，都係必點之選。玉子燒口感超嫩滑，蛋香濃郁，配埋蟹膏嘅鹹香，層次感好豐富，每啖都食到幸福感爆棚！同朋友share完都一致話要再encore，呢個價錢有呢個質素，真係抵食。另外仲有「海膽甲羅燒」、「清酒煮大蜆」、「上刺身盛合」等等，每樣都新鮮高質，特別係刺身，魚生厚切又爽口，完全冇雪味。自家手作梅酒都好值得一試，微甜帶果香，好易入口，啱晒追求微醺嘅姊妹。整體嚟講，瀛燒居酒屋係荃灣西區絕對值得一試嘅日式居酒屋，無論係食物質素、服務態度、定價都好有誠意。下次一定要再嚟食多幾轉白玉米刺身同蟹膏玉子燒！❤️👍🏻香港人支持香港小店，大家快啲去試下啦！…查看更多

最近去咗荃灣一間居酒屋，裝修滿滿和式風味🇯🇵 環境好有氣氛🏮味噌廣島蠔鍋🦪廣島蠔以其肥厚嘅肉質同鮮美嘅海味聞名，搭配濃郁嘅味噌湯底，令整體風味更加醇厚，令人垂涎。在鍋中添加嘅蔬菜、豆腐🍲吸收哂湯底嘅精華，口感鮮嫩，讓人每一啖都充滿驚喜！三點盛合🍣有三文魚、油甘魚、赤身，每款都好厚切，十分肥美！飛魚籽玉子燒🥚是一道色香味俱全嘅日式料理，玉子燒嘅柔軟口感與飛魚籽嘅鹹香相結合，令到呢道菜品好有層次感～玉子燒外層金黃光滑，入面系綿密嘅蛋香，咬落去感受到飛魚籽嘅脆彈，增添哂口感嘅趣味😋之後仲嗌左d串燒&炸物🍢黑豚豬頸肉串燒，肉質鮮嫩多汁，具有豐富的油花，口感滑順。經過炭燒後，外表微微焦香，內裡依然很juicy👍🏻燒雞心喉管，系一道比較少見嘅款式，咬落脆口彈性，帶有一絲嚼勁！食得咁開心，梗係要配sake啦🍶 燒酒杯嘅款式可以自己選擇，各款都好精美✨…查看更多

聽日同屋企人去咗荃灣呢間居酒屋食dinner。頭先試咗幾款招牌菜，每樣嘢都好正。凍池魚嘅魚肉超級新鮮，仲有淡淡嘅清甜味，配埋秘製醬汁好味道。至於蟹肉蟹籽米紙卷，我真係好鍾意，份量啱啱好，咬落去蟹籽會爆汁，配埋米紙，冇得頂！ 仲有飛魚籽玉子燒，玉子燒好溜，飛魚籽啲鹹香加埋一齊，口感層次分明，好滿足！上刺身盛盒既刺身一望就知係靚貨，切得厚薄適中，唔會有雪味，仲超級鮮甜，簡直係刺身控嘅天堂！ 佢哋嘅特色燒飯團外層燒到香口，飯芯又唔會太乾，口感好有驚喜。最後當然唔少得飲返杯清酒，入口順滑，仲有淡淡嘅米香，成餐飯畫上完美句號！ 呢度嘅食物真係高質，環境又舒服，服務員態度亦都好親切，價錢算係合理，下次一定會再嚟試其他菜式！…查看更多

和媽媽來呢間餐廳共進晚餐餐廳佈置：餐廳氣氛溫馨活潑，手繪海報添上濃濃人情味。手繪精美，最特別的是津和井蟹的那一張，鮮橙色的一張螃蟹🦀好吸引眼睛👁️前菜：豆腐嫩滑，茄子入味提子梳打冰涼解暑，猶如夏日裡的一陣微風，讓人在炎熱🥵的夏天可以停下來抖抖氣！三點盛合 三文魚3片 油脂豐腴，刺身鮮甜細膩，帆立貝和三文魚油潤彈牙，令人回味無窮。油甘魚2片帆立貝 清爽彈牙我比較喜歡帆立貝和三文魚刺身串燒我們吃了白鱔和其他，媽媽很喜歡這個魚串燒，串燒香氣撲鼻。其他料理包括沖繩海葡萄苦瓜炒蛋，海葡萄特別，苦瓜炒蛋正常發揮。松葉蟹肉玉子燒係呢度推薦的經典料理喔～！炸鵪鶉蛋好吸引，蟹肉玉子燒與炸鵪鶉蛋交織出豐富口感層次。如果要用一句話總結：這是一餐充滿母女情誼與夏日清新的美味之旅✨…查看更多

🐟雜錦海鮮米紙卷餐廳用咗新鮮嘅魚生，例如蝦同魷魚，配搭埋生菜，食落每一啖層次都好豐富。米紙包得啱啱好，輕盈又唔油膩，海鮮嘅鮮甜更加突出。配搭埋餐廳特製嘅醬汁，口味上配搭得啱啱好，會不經不覺就食晒全部🫢🍲黑豚豆腐鍋呢個豆腐鍋嘅湯底比較清淡，黑豚上枱嘅時候係生嘅肉片，湯鍋一路滾嘅時候先慢慢煮熟，唔驚再煮落去會過火😙豆腐同蔬菜吸咗湯汁嘅精華，冬天嘅時候食呢類鍋物就最perfect啦～串燒部分都好值得一讚🤩每一串都烤得好好，外焦內嫩，而且每一款都有佢嘅獨特性，相信求其揀幾款都唔會中伏😝炸串方面一口和牛肉質唔錯，油脂分布平均，而鵪鶉蛋嘅口感非常滑順，炸粉上面仲有少少酸酸甜甜嘅醬汁，好有誠意，值得一試～而且餐廳上層仲有啲飛鏢機遊戲機等等，都好適合你班朋友聚會嘅時候搵吓遊戲食吓串燒飲下酒🤤係個唔錯嘅選擇…查看更多

今天和朋友在荃灣區有嘢做跟著行街和吃晚飯。 這裏附近有不同類型的食肆，朋友話想食日本料理，剛行到一間門面裝潢得很別緻的居酒屋，咁就要試吓啦！ 它在荃灣享和街5-7號舖。 荃灣西站B出口行過來便可，坐巴士也很方便！ 餐廳以日式裝潢為主，掛著特色燈籠，牆上貼滿了懷舊posters，還播放80-90 年代著名的日本歌曲；所有的回憶都番哂來！ 枱椅擺設整齊清潔，坐得舒適！餐牌的食物都有許多選擇：刺身、串燒、鍋物、壽司等等！有多款酒類：威士忌、清酒和啤酒！ 還有特色飲品！前菜：🐮日式汁醬牛舌牛舌份量十足，有很多件！汁料清新，牛舌炆煮得軟滑；鮮味又口感豐富。 真的好開胃！ 🦪味噌廣島蠔鍋鍋裡的材料豐富：有新鮮的蔬菜、鮮茹、粉條、大葱等； 主角的廣島蠔有五大隻，好新鮮肥美！ 放在鍋中煮一下就食，鮮味多汁，滿口都是幸福！🐟日本直送原條季節魚刺身-小鯛店員向我們推介是日的季節魚是小鯛魚，做刺身就最啱！ 原條起肉，有厚切連皮，非常新鮮，肉質鮮嫩鮮甜，連皮吃有口感又增加了鮮味！ 薄切的每片透明，十分軟嫩，加上酸汁料來吃，味道更提昇！🍡串炸：日本白板魚旦、牛蛙肶、鵪鶉蛋魚旦爽口彈牙鮮味，牛蛙肶炸得香炸可口；鹌鶉蛋炸得外酥內軟！ 非常好吃的！🔥串燒：黑豚豬頸肉、牛舌心黑豚肉質鮮美可口！ 炭火燒烤得剛剛好，肉汁豐盈！ 牛舌心嫰滑鮮味，每一口都鮮甜味十足，超正！🍺黑啤、生啤喝冰凍的啤酒吃以上食物真係超夾！ 黑啤味濃，日本的啤酒真的不錯！這間隱世的居酒屋提供多款日式料理，仲有指定的酒放題！ 最重要的是定價合理和親民，最適合一大班朋友飲酒聚會！…查看更多