瀛燒居酒屋

營業中

休息中

之前都介紹過一間喺附近食日本嘢嘅菜式，今日又去返呢一個位置食另一間日本菜。海膽甲羅燒$98：上次試完第一次之後，見比menu有，都想試返會唔會有啲咩分別，有趣地今次嘅甲羅燒係配上飯團，又係另一種食法。配上飯團就感覺比較似主食多過似side dish，但好左用料新鮮，好快就KO。鰻魚玉子燒$88: 自己唔太愛好鰻魚，但係朋友想食，所以都叫咗，望落去都幾大份，而且調味都啱啱好，唔會過鹹或者過甜，如果鰻魚肉可以再大塊少少就更滿足。日式冷牛舌$78: 會叫其實純粹因為自己冇試過，其他餐廳都好似冇乜咁樣形式嘅牛舌，最多都係燒牛舌。聰明地配上芥末，兩者配搭得好好，幾有趣。三點盛合（三文魚、油甘魚、赤身）$128: 可以係5款選擇入邊叫3款，上到菜嘅時候都幾驚喜因為切得好厚新，而且擺盤認真，一個字新鮮。辛味噌牛筋肉鍋$158: 呢一道菜令我感覺深刻，牛筋肉炆得好入味，而且味噌配搭得好好，再加上椰菜同埋粉絲仲有冬菇，好豐富。估唔到居酒屋除咗刺身之外，其實其他配菜都可以打響名堂。串燒而家唔少得，有蓮藕$22、秋葵$12、鵪鶉蛋$18、一口和牛$24、黑豚肉$24同宮崎腸仔$22，即叫即炸，不過不失，同行

今日想食日本野，就黎到荃灣食左間幾正的居酒屋，一入到去好有日本小店風味，配合埋日文歌，感覺真係好似去左日本咁。我們都急不及待叫左不少野食。黎到當然要黎一壺凍清酒，有成300ML，，依款好易入口和滑身，但臨走都唔記得問係咩牌子。而我就叫左白桃燒酌，原來酒精濃度都唔底，但飲落甜甜地唔覺好重酒味，飲飲下好快飲完，但個人就紅卜卜。叫左幾款期間限定推介試下，個水母刺身，非常彈牙爽口，連埋檸汁一拼進食非常鮮味和開胃，當中有榨菜和木耳，推介。刺身一定唔少得，叫左三點盛合是可自由配搭刺身，我地揀左油甘魚和赤身，刺身食落好新鮮，而且是厚切。特色燒飯團，燒飯團要趁熱食，飯團燒得岩岩好，特別喜愛佢表面的飯焦，連同酸蘿蔔一齊食可帶出飯香。蟹肉蟹糕米紙卷，佢個醋汁連同米紙卷食非常夾，一舊放入口，食到有不少的蟹肉，青瓜的清新，而個醬汁不會蓋過蟹的味道。提燈串，非常特別，印像中唔係度度都有得食，入黎的話都真是要試試。串燒：黑豚腩，雞肝，鵪鶁蛋，炸物的粉不厚，入口不油好香脆，黑豚腩真心不錯。醬汁有點似大阪燒醬，點黎食又幾夾。生蠔罐罐燒一黎到係一個鐵盒，一打開有2隻好大的蠔係入面，職員叫我地快點趁熱食，食落好重蠔味好鮮

美味日本居酒屋—瀛燒居酒屋，隱藏在荃灣市中！新鮮的水母刺身帶著海洋的清甜，咀嚼間彷彿置身大海中，帶陣陣柚子滑新香味金線鯛屬高級魚種，因魚身有華麗金線，顏色奪目為食家所喜愛，味道來得鮮甜，肉質結實店員會貼心地幫客人煮清酒煮蜆，清酒的香氣和蜆的鮮甜融合在一起，讓人回味無窮。點火的瞬間更是散發著撲鼻的酒香！再來是他們的日式燒飯團，外層酥脆，內裡香糯，每一口都是一種驚喜！讚美之餘，還想再來一份！🍙別忘了品嚐他們的日式炸串！燒鳥蛋、炸雞串和炸豚肉串，各有特色，口感豐富多變！一串串金黃酥脆，讓人難以抗拒！

位於荃灣，有地方和一樓，所以座位都幾多。該餐廳的菜單包含了一系列精緻的料理，提供了豐富的選擇。我們點了三點盛合作為開胃菜，其中包括三片新鮮的三文魚和兩隻美味的赤蝦，還有一份鮮嫩的凡立貝。接下來，我們點了較特別的鰻魚玉子燒，口感綿密，非常美味。照燒日本火箭魷魚筒是我們的推薦之一，它烹調得恰到好處，既嫩又多汁。而且都幾大條另一道菜是味噌廣島蠔鍋，蠔的鮮美和味噌湯的香濃完美結合。蠔嘅size都幾大隻喝的方面，我們選擇了冰涼的蜂蜜綠茶和一杯黑白啤，來平衡口味。下一輪是串炸，我們嚐了蓮藕、秋葵、日本白板魚蛋、黑豚腩和雞肝。串炸的食材都炸得金黃酥脆，味道令人驚喜。這家餐廳的料理精緻可口，服務周到，給人留下了深刻的印象。如果您對日本料理感興趣，這家餐廳絕對值得一試。

朋友喺荃灣街坊枱嚟呢度食一間親民價錢嘅居酒屋！呢間餐廳裝修好有日本居酒屋風味！飲酒，食吓嘢慢慢傾！呢間啲串燒都幾抵食💕（串炸)雞肝炸嘅程度啱啱好唔會太鞋💕（串炸）一口和牛一口和牛都幾重牛肉味！💕三點盛合- 赤蝦2只- 凡立貝- 赤身2切赤蝦超級大隻，凡立貝超級新鮮！成個擺盤好靚，根本就係一大享受！💕日本直送原條季節魚-刺身 $348伊佐木鮮甜！油脂味好豐富！而且一啲都唔黏口！仲可以點酸酸地嘅醋，突顯伊佐木嘅天然甜味！我哋最嬲咪仲加咗$38加工左啲魚骨！可以脆卜卜，當作佐酒小食！💕清酒煮大蜆店員喺你面前即叫即煮！10分有睇頭！而且大蜆真係好鮮甜，同埋冇沙！蜂蜜綠茶(凍）超級大杯，蜂蜜味道好濃郁💕山梨巨峰Sawa(杯）呢個酒精濃度有25%！果然係冇溝水！巨峰同埋酒精融合得好好！

有啲懷念日本居酒屋既氛圍，所以嚟咗荃灣瀛燒，重拾一下在日本的感覺～🇯🇵-阿波尾雞翼皮燒得好脆，肉又嫩，正既雞全翼😎-明太子雞翼雞翼去咗骨、比明太子填滿了，少少微辣，好惹味!-海膽甲羅燒好新鮮，嚟日本居酒屋基本上係必食! 配酒一流👌🏻-燒油甘魚鮫是晚favourite! 皮又脆又香，魚肉新鮮有魚油有魚味，份量超大，魚鮫位置超少骨，超好食！😋-沖繩咸牛肉玉子燒意想不到咸牛肉同玉子燒係咁夾，有驚喜! 仲加咗芝士忌廉夾係中間餡料中，好啱心水🤩-味噌廣島蠔鍋足足有5大隻蠔同好多蔬菜🥬&粉絲比你烚，滿足~ 提提大家記得滾咗就要反起係底既蔬菜，免得佢燶咗! -串炸蓮藕、秋葵、日本宮崎腸、日本白板魚蛋蓮藕同秋葵都係新鮮，蓮藕非常爽脆，秋葵好大串，兩樣蔬菜用串炸係第一次，亦都係夾😜 日本宮崎腸既腸衣好薄、內餡多汁! 日本白板魚蛋同平時既香港魚蛋魚片唔一樣，texture係超級滑&彈牙😌-手作柚子一入口係甜甜地既柚子味，之後就會feel到有酒精，會有微醺感覺，唔錯唔錯，like a cocktail🍹-白桃特飲係白桃味既有氣飲料，幾啱女仔/小朋友~總結: 食物份量偏大，燒物特別出色，氣氛亦好啱一班人聚會，

荃灣地膽又出沒啦，今次試吓居酒屋，為炎熱嘅夏天消暑。呢間餐廳位於荃灣廣場附近，身處於車房重地嘅隱世居酒屋，佢除咗樓下可以食嘢飲嘢之外，樓上都仲可以定飛鏢㗎自家手作梅酒 $58冰鎮嘅梅酒梗係夏天必飲啦，酸酸甜甜，非常開胃青蘋果特飲 $29唔鍾意飲酒精飲品嘅，可以試吓啲冰凍嘅特飲，酸甜醒神大蝦沙律 $58大蝦新鮮，沙律菜爽口日本直送原條魴鮄刺身$400呢隻白新羽最適合用來做博切刺身，點綴餐廳特製嘅酸醋汁， 加埋啲蘿蔔蓉蔥蓉同埋香蔥粒，酸酸甜甜，又係好特別水母刺身 呢個有必要㗎，充滿檸檬嘅香味，水母彈牙、爽身、滑溜，口感一流串炸蓮藕 $22秋葵 $12日本宮崎腸 $22日本白板魚蛋 $18推介魚蛋同秋葵，賣相可愛又脆口飛魚卵玉子燒 $88尼個必食，飛魚卵不停喺你個口腔當中爆炸爆炸再爆炸，厚切嘅玉子，一啖滿足特色燒飯團 $58燒過之後米香味濃，食完飽足感十足快啲嚟試吓呢間隱藏於車房嘅隱世居酒屋呀！

去完旅行之後一直都好掛住日本就去左呢間Bookmark左好耐嘅居酒屋！裝修勁靚勁有feel！好濃厚嘅祭典感仲好特別咁有PartyGame同街機可以玩😂可以坐好耐Menu都好多選擇多元化難得放假就一人叫左一杯酒飲下❤️❤️自家手作梅酒甜度啱啱好！出去飲嘅梅酒多數都會太甜需要等舊冰融化先唔會太膩呢杯完全無呢個問題～好好飲❤️生啤❤️鰻魚玉子燒玉子燒非常juicy，帶有淡淡鰻魚香氣！❤️日本直送原條蓮子鯛刺身呢個刺身好彈牙！好好味我本身係唔鍾意食魚同刺身嘅人都覺得好值得叫！沾醬除左wasabi醬油之外仲有一個可以自己撈嘅沾醋2種醬料都好適合配搭埋咁食❤️串炸拼盤呢盤串炸有大阪元祖串炸舖嘅lv醬汁好濃郁又唔會過鹹最緊要真係好適合搭埋啤酒咁食😂男朋友食曬仲想加單叫多盤咁滯炸蓮藕真係巧巧食路過荃灣真係要試下！係返鄉下嘅味道

身為油尖旺人既我好少黎荃灣，但今日黎同個好耐無見既朋友聚舊，唯有就一就地點啦我同佢講要食荃灣好食既餐廳，佢就帶我黎左呢到一入到黎又有錯覺以為去左日本黎到就試d新鮮野我地叫左個魴鮄刺身，文盲既我走去查點讀原來讀「房忽」，又長知識呢隻刺身跟兩款汁，除左平時食開既豉油芥辣，仲有酸汁，酸汁另有配料，有蔥花蘿蔔蓉等都係for提升刺身既香口度，適合油脂味較重既刺身魴鮄刺身魚身紮實，味道清甜佐以點點芥末或酸汁都非常配襯個人最喜愛係連紫蘇葉一齊食紫蘇味獨特既香氣完全提升到刺身既味道消除魚脂腥之外仲帶黎種清新既感覺牛腸鍋由於實在太掛住日本既牛腸所以叫左個牛腸鍋，上枱時仲話如果有日本一半好食都收貨啦點知幾乎還原日本味道！我勁鍾意腸既咬勁同口感，講到腸，牛腸完勝豬腸個味道係濃好多同埋有陣微甜感呢煲野d牛腸係一d都唔孤寒，撈極都仲有，個湯又熬曬d牛腸味道超好飲，我同朋友都食到好滿足我地仲叫左d燒物，有一口和牛、雞脾肉、鵪鶉蛋、三文親子串佢既炸物首先要讚既係，炸皮非常出色做到熱辣辣唔厚粉之餘，仲食得出唔係千年油味，咬落去勁香口滿足每一款我都幾鍾意，尤其係三文親子，每一舊仲有d沙律醬同魚子提味呢串野叫提燈提燈唔係

喺荃灣搵食，通常入大商場，因為荃灣實在太多商場😂今次諗住去荃灣廣場同咗朋友食晚飯，行到附近佈滿車房嘅街道，見到一間好有特色嘅日本居酒屋「瀛燒居酒屋」，睇裝修已經好地道，好似真係去咗日本咁🤗🤗我哋兩個人超肚餓，先叫咗一個牛肉鍋壽喜燒，牛肉好新鮮，湯好甜，令到啲配菜都好香甜😋食親日本嘢都一定會叫刺身，佢哋嘅刺三點身盛盒(三文魚、油甘魚、帶子)，超肥美，好鮮呀～跟住個明太子玉子燒，涵好多，又係厚切，估唔咁大件，我哋已經飽咗大半。之後再嚟埋串炸 (秋葵、日本魚蛋、沙錐魚)，炸粉好薄，炸得好香脆；另外， 仲有串燒 (雞肉棒、牛舌芯、白鱔)，佢哋附上蛋汁點雞肉棒，好特別，原來點落係好夾喎！用嚟送我哋叫咗嘅梅酒、提子特飲，一流呀😚😚

好耐冇去過局酒屋，今日一行二人去到荃灣一間隱世居酒屋。一入坐都票斷有客入，好多人。裝修好有日本風情，牆上貼滿好多日本風懷舊海報，又有日本式燈籠，好有feel。今日叫左個水母刺身，原來水母都可以食，真係未試過。食落帶點檸檬酸味，加上有榨菜，酸酸甜甜好開胃，有新鮮感。牛腸鍋亦係未試過既，所以即管試一試。食落同豬大腸好唔同，好淋好滑，加上鍋內有菜有粉試，同金菇冬菇一齊煲勁香。刺食就唔少得啦。叫左油甘魚，吞拿魚，三文魚，大蝦同帆立貝。刺身一啲筋都冇，好嫩滑好新鮮。👍🏻👍🏻👍🏻更加唔少得係炸物啦😂 試左日本宮崎腸，日本白板魚蛋，秋葵，鵪鶉蛋同沙錐魚。好特別，平時好少得到依啲炸物，估唔到鵪鶉蛋同秋葵都可以做成炸物，有新鮮感👍🏻亦唔會食到成口粉醬，唔錯👍🏻👍🏻點少得叫返杯酒送下伴酒菜呢，叫左靜崗蕃茄sawa,好清新，甜甜地既日本有汽酒，越飲越開胃👍🏻👍🏻👍🏻😋😋😋最後叫咗原隻魷魚筒，唔會燒到太乾身，好香噴噴。

位於荃灣廣場後面 地點方便嘅瀛燒居酒屋刺身三點盛合 包括赤身 三文魚 同油甘魚水母刺身刺身整體新鮮 水母刺身加咗唔少檸檬汁作調味 罐罐燒（燒蠔）燒蠔一上菜熱食味道更佳 入口蠔味豐富 口感軟熟 清酒煮大蜆店員首先燒熱清酒 再倒入滿滿嘅蜆落去煮 打卡一流（串炸)秋葵 日本白板魚蛋 沙錐魚串炸嘅脆皮厚度啱啱好 味道唔會過漏 沙錐魚肉亦唔會過老 口感軟熟雞皮餃子香口嘅雞皮配上軟糯嘅餃子內餡 再點埋串炸嘅醬汁 味道口感層次更豐富特色燒飯團表層係香脆、表面燒過嘅米飯粒 再配上飯素 味道不錯 加啲串炸醬汁味道更出明太子玉子燒玉子燒唔會燒得過老 口感軟熟 加埋蔥同蘿蔔蓉作調味味道豐富青蘋果燒酎 $48蜂蜜綠茶 $29

今晚在荃灣廣場睇戲前係附近搵左間居酒屋食晚飯，餐廳於享和街，在荃灣廣場背面再前多一條街。佔地兩層，閒日坐滿七成，無須等位。燒河豚鰭清酒 ($88): 呢款酒幾有特色，我未見過，都係第一次試。店員會再將兩塊河豚鰭用火槍點燃，然後用三兩分鐘時間將其來回打轉，最終放入清酒焗幾分鐘即可享用。味道方面都幾Impressed，首先，燒過嘅河豚鰭會散發淡淡嘅燒魚味，唔會太濃，加上微辛甘口嘅清酒，兩者幾搭配，飲一杯半杯還好，太多的話感覺都仲係有啲Rich，但建議可一試。日本直送原條季節魚刺身 - 鷹魚鯛 ($348): 活魚夠新鮮，魚肉透白清香，肉質爽實，油脂較少，味道清甜。兩款醬料任君選擇，除左普通嘅芥末豉油，還配辣蘿蔔薑蓉酸汁，味道都幾搭配。味噌廣島蠔鍋 ($168): 一客共有五隻急凍廣島蠔及味噌什菜鍋，廣島蠔肥美厚肉，口感爽滑，但千其唔好煮太耐，否則肉質變老，其蠔味重但唔腥，唔錯。自家手作雞肉棒 ($38): 外脆內軟又夠Juicy多汁，蘸蛋漿一齊食更香口。炸物 - 秋葵 ($12)、日本白板魚蛋 ($18)、鵪鶉蛋 ($18): 炸粉厚薄適中，但唔係特別酥香，魚蛋非常爽口彈牙，鵪鶉蛋炸完都唔

剛在荃灣廣場行街，之後在附近一間出名的道地居酒屋試一試。我們6:00到達，剛開門，沒有太多客人，靜靜的，不錯。很喜歡牆壁上面滿佈特色的日本海報，加上日本燈籠，以及柔和燈光，整個裝修氣氛不錯。先叫了兩杯飲品，自家手作梅酒清甜香滑，白桃特飲調製不錯。水母刺身，作為送酒前菜，一流，檸檬嘅酸，與水母刺身的新鮮味道，混合得剛剛好。三點盛合：三文魚，油甘魚，赤身，全部厚切，肥美甘甜，入口即溶。另外，叫了邊提，感覺像鵪鶉蛋加肉，罐罐燒的蠔鮮甜，海膽夾羅燒屬於新穎菜式，擺設精美，加上飯團一起吃，新穎。除了小食，仲叫咗番茄三文魚濃湯烏冬，個湯好龍好好味，被烏冬吸收後，加上大大隻帆立貝，大大隻蝦，好抵食。最後因為送酒，叫了一堆炸串：宮崎腸，一口和牛，黑豚肉，鵪鶉蛋，秋葵 … 全部都係送酒的，好伴菜。這個份量，應該夠三至四人食，所以今晚極度滿足！

同朋友仔響荃灣shopping完，順手就響附近搵野食醫肚，揀左呢間幾有feel既居酒屋食，野食足料又好味，清酒煮蜆仲要噴哂火咁好好睇😂❀清酒煮大蜆❀大蜆冇沙，煮完之後冇縮水，大大粒蜆肉好飽滿，食落鮮甜，個湯都好好飲，比我地飲到見哂底。❀三點盛合❀有三文魚、油甘魚及吞拿魚，三文魚脂肪條紋利落，口感柔嫩，點少少豉油食都唔錯；油甘魚油份高，食落淡淡甘甜；吞拿魚用上赤身，肉質結實有咬口。❀阿波尾雞翼❀燒雞翼我鍾意食～燒完之後雞皮脆脆地，好有雞油香氣，肉質依然juicy。❀照燒日本火箭魷魚筒❀超級大份，魷魚筒有2隻手掌咁大😱烤完後帶有炭火味，魷魚仲要幾有鮮味。❀秋葵、牛舌芯及白鱔❀牛舌芯係厚切，牛味濃郁，愈嚼愈香，想encore多串🤓每次居酒屋必點既白鱔，外皮烤得香脆，鱔肉仲要幾彈牙！❀一口和牛、鵪鶉蛋及沙錐魚❀點左少少炸物，和牛好香口，炸完後充滿油脂香氣；鵪鶉蛋一啖一粒夠哂邪惡；沙錐魚味道鮮美又冇骨。❀手作柚子及靜岡蕃茄Sawa ❀居酒屋少不了飲下酒，見呢兩杯個味幾特別就試下，柚子甜甜地好岩女仔飲；蕃茄就酸酸甜甜咁好解膩。