潮興隆

營業中

休息中

位於銅鑼灣登龍街有多間餐廳地舖，但其中有間小店好有特色，小店不大但企理舒服，晚上來都多客，幸好等一會兒便坐得啦！專做潮汕食物價格相宜又冇加一，屬平靚正！店員介紹曾食過鼠粿甜品是水滴形狀，賣相得意！另外還有椒鹽九肚魚份量多，九肚魚嫩滑外脆內軟珍珠蠔仔肉碎粥粒粒蠔仔鮮味十足，粥底香味俱全，風味獨特沙薑雞雞肉豐富配上沙薑好好吃入味！福果芋泥潮汕甜點之一又是我的愛好，芋頭香味四溢，綿綿口感再有上面白果粒增添口感！

最近去咗銅鑼灣一間潮汕粉麵，呢度真係抵食性價比高，仲有平時難得一見嘅特色潮汕小食同菜式，真係令人眼前一亮！✨🍜*鮑魚海蔘撈麵*：呢道撈麵用料豐富，鮑魚同海參嘅鮮味完全滲透入麵條，口感軟滑，🦑🍜*鮑魚冬菇XO醬炒飯*：炒飯炒得粒粒分明，香氣四溢，鮑魚同冬菇嘅搭配完美，XO醬更係點睛之筆，味道鮮美。🍚🍄*潮州鳳凰單叢（鴨屎香茶）*：呢款茶香氣濃郁，入口甘甜，仲有少少鴨屎香，真係一種特別嘅享受。🍵🍃*醬汁芝麻雞翼*：雞翼加上濃郁嘅醬汁同芝麻嘅香味，每一口都令人滿意。🍗🌿*潮式煎蠔餅*：蠔餅外脆內嫩，蠔肉鮮甜多汁，非常美味。🦪🍳

登龍街新店 潮州粉麵店 環境乾淨衛生食物種類又多!🌟牛肚牛丸河爽口既牛肚加上爽彈牛丸再加腩汁 好好味🌟豬肉青,手打豬肉丸胡椒湯底河粉胡椒湯底好暖胃加上口感豐富滑順油花分布均衡既豬肉青,彈牙多肉汁既豬肉丸同嫩滑嘅河粉😋🌟韭菜豬紅濃濃既醬汁滲入香甜既韭菜同彈牙既豬紅👍🏻🌟紫菜四寶有彈牙既墨魚丸 ,肉丸,足料既魚餃同扎肉配上紫菜湯好有潮州風味🌟韭菜粿粉皮煙韌軟熟 煎得好香口亦裝滿咗韭菜餡💯🌟清心丸綠豆爽潮汕必食甜品味道清甜爽口

潮興隆位於銅鑼灣登龍街的地舖，非常容易找到。它是一間粉麵店，環境幾舒服😌有卡座而且衛生潔淨。餐廳還有其他特色食物。小食芝麻雞翼：一客兩隻全雞翼，而且超多醬。味道甜甜地幾好食。鼠（米曲）粿（甜品）：（水滴形狀）賣相得意、餡料好多小粒粒，好有口感。外皮香脆。特色菜-黃金九肚魚烙：平時間中食蠔餅，但用蠔餅個製法，但餡料係九肚魚就第一次食。份量都幾大份，點埋魚露食非常惹味。九肚魚無暗骨亦嫩滑。😝😝（餐廳推介）鮑魚海參撈麵必點選項，特別係就嚟過年呢一個菜式好意頭。撈麵醬汁非常濃味，撈麵每啖都係汁，正👍鮑魚同海參係切碎粒嘅，拌勻一齊食好好食。紫菜四寶河（墨魚丸、肉丸，魚餃、札肉）經典之選，個人偏愛墨魚丸同扎肉，加埋腩汁香好多。特飲龍眼肉花旗參：餐廳自家製係一樽樽咁樣，味道清清地，但重花旗蔘味，而且有真果肉。潮州鳳凰丹叢鴨屎香：鴨屎香非常濃味，但呢一款係低糖之選。

登龍街又有新餐廳試業，主打潮汕麵食、小食及小菜大紅色門面，設有閣樓，裝修簡潔，環境舒適麵飯類抵食且性價比高，重點推薦鮑魚海參撈麵更有平常很難吃到的潮汕小食及晚市特色菜式牛沙瓜河以牛隻的第四個胃製成，口感爽脆而不失嚼勁沙嗲牛肉炒河風味濃郁，沙嗲醬包裹着幼滑河粉，佐以爽脆芥蘭沙薑雞鹹香惹味又開胃，雞肉滑嫩，饒有傳統風味清心丸綠豆爽綠白相映襯，色澤好看，有解暑清熱作用自家製特色飲品潮州鳳凰單叢（鴨屎綠）茶湯色澤明亮

登龍街一向都好多美食，行過一間潮洲菜門口有相吸引住，亦見裡面都多人就入去食！見到餐牌除咗有飯麫類，亦有不少小食 ！鮑魚冬菇XO醬撈麵  :好多料，有冬菇粒，鮑魚粒，仲有啲瑤柱絲，魚仔整個醬，好鮮味。啲麵好彈牙，無乜鹼水味。紫菜四寶：有墨魚丸、肉丸，兩隻都好彈牙、魚餃好飽滿，餃皮煙韌，餡料鮮味及扎肉，好咬口，每樣有2件，湯底鮮甜，紫菜都唔少，食完仲可以飲埋碗湯鼠(米曲)粿：呢個我見餐牌寫住小食推介，睇落去幾特別！糯米粉摻入鼠(米曲)草造粿皮，餡料係甜嘅，裏面有啲花生碎，煎咗香口啲，可當飯後甜品。普寧豆腐：係炸咗嘅豆乾，幾酥脆，點鹽水蔥汁，都幾惹味。另外特飲自家製：金銀花菊花，清熱解渴，少少甜，啱晒。安溪鐵觀音：清香茶味，解膩唔錯。

原本只係想快食磅崩沙腩河，點知有驚喜。除左粉麵，原來餐廳食潮州小菜。崩沙腩河粉，崩沙腩係牛腹部下側肉，表面有一層橫膈膜連著腩肉，筋膜連少少肉，軟腍味香，肥瘦剛好！意外的係隨麵附上蘿蔔，蘿蔔無根清甜！潮式煎蠔餅蠔肉嘅份量都幾多，蠔餅炸得酥脆！糖醋煎伊麵這道糖醋煎伊麵則是另一番風味。麵條煎得香脆，搭配醋汁和糖，讓人一口接一口，停不下來。炸魚皮口感酥脆，店員仲主動問我哋需唔需要俾啲湯我哋浸！整體來說，食物質素好，價錢合理，店員服務態度好好！

諗住喺銅鑼灣搵新嘢食，點知中伏兩個人叫咗一碗粉，一個飯，同埋一個小菜個粉都正正常常個飯同埋小菜，簡直係圖文不符******************************鮑魚冬菇XO醬炒飯（$65）明明餐牌張圖有兩粒鮑魚仔同兩條菜個炒飯嚟到一粒鮑魚仔都搵唔到個炒飯入邊嘅配料全部碎上食完都分唔到自己食緊鮑魚粒定係冬菇粒******************************南乳炆豬手（$68）個豬手嚟到仲嬲明明個餐牌張相原隻上點知嚟到，隻碟仲細過手掌心豬手就剩係得四細嚿一咬落去成口都係毛同個女職員講：有冇搞錯咗啲咩，同餐牌張圖爭咁遠嘅？個女職員隨即回覆：餐牌嘅圖淨係俾我哋宣傳之用，只供參考，我哋之後會加返「圖片只供參考」喺餐牌度******************************個女職員嘅回覆真係聽到火都嚟我哋都放棄咗碟豬手冇食晒（雖然剩係得四細嚿）餐廳亦喺我哋冇要求底下waive左碟豬手嘅價錢******************************但唔係錢嘅問題Waive咗呢$68都冇阻我寫呢個食評人生第一個OpenRice食評就係為咗警惕大家唔好相信呢間餐廳餐牌嘅圖如

放大假同老婆去時代廣場行街， 行完去咗登龍街搵嘢食，見到有間新開嘅潮州粉麵店，兩公婆膽粗粗走入去試下。叫咗個鮑魚海參撈麵，冇諗過會有鮑魚同海參食，食落味道濃鬱，海參鮑魚爽彈唔錯。叫咗一碗崩沙腩例牌 (員工推薦) 果然好介紹。新嘗試叫咗個牛沙瓜河粉，食落去爽口彈牙。叫咗兩個潮州小食，通常要喺潮州菜館先食到 一個係紅桃粿及炸粿肉，值得試下出面唔多可以食到。我哋都叫咗兩樽飲品， 鮮榨油柑汁，口感清新 輕微酸澀 及潮州鳳凰丹單叢(鴨屎香) 都幾好飲。老闆話原來佢哋夜晚係有潮州菜食的，搵日嚟夜晚試下先