滿福庭

營業中

休息中

我地一行三枱人，早幾日book左今日5點，酒樓人員話可不可以食到7點交番枱俾番佢地，我地表示可以，然後我地選擇加錢包房，當時接電話的酒樓人員表示ok。到今日，另一酒樓人員打黎confirm 是否6點，我地表示是約了5點，我諗當初第一位酒樓人員mark 錯時間，都不要緊，酒樓人員都話5點都ok。到了酒樓，侍應的態度都已經好差，跟住上菜的侍應已經好趕忙，好快上曬啲菜，咁都好既呢點。但個問題係，當去到大幾約6點，我地大致上清了大部分食物時（仲未食曬的！），開始有酒樓人員「柝房」，（明明我地book 到7點！😭），開始一塊塊隔板推走，好快我地間房就變成不是一間房，坦蕩蕩咁，明明我地每枱加左200蚊，total600蚊，就係為左間房，我地都未走就柝！其實酒樓人員做到咁，我都有點驚訝🙄，第一次咁趕人走。同時間，酒樓侍應開始收枱上的碗碟，明明我地未食完😂，心諗趕人走使唔使做到咁出面，其實我地有班老人家想坐耐少少聚舊，傾下計。跟住重點來了！我聽到有個肥肥地的侍應（拆緊隔板）係度同同事講「我唔理啦！就算佢地鬧我，我都照柝」。唉，今次用餐經驗真的好不愉快，三枱花費接近一萬蚊，都可以有咁既待遇，希望大家唔好

一行十二人預約了酒席$3688 如意龍躉宴包房，在7月5號星期五晚上七時入座吃飯。事前付了$500 訂金預約。食物質素尚算正常，食物份量不足。當中的瑤柱蛋白炒飯和乾燒伊麵更加變成二選一，並不是每人兩款，與餐牌列明有所出入。 服務質素體驗未如理想：一：預約時早已交代是12位，入座是桌面極少坐得非常不舒服，明顯是8到10人檯。最後需要聯絡經理才得以加大枱面。二：食物上菜後，沒有侍應負責分發食飯碗和匙羹，需要自己分發 😂三：食飯食到九點的時候，經理在沒有知會的情況下已經把房間間隔拆開。當初可以購買酒席套餐旨在爭取包房方便聊天，對此安排頗為失望。四：晚上9:30時經理通知10點前需要離開，9:45經理再次過來通知我們場地需要殺蟲清潔，希望我們現在離開。 我們配合經理指示9:50離開。值得留意：網上資料顯示營業時間到晚上10時半，預約和入座前經理都沒有告訴我們原來需要10點前離開。總結：Blacklist 不會再次光顧。

滿福庭(觀塘)今日放工同同事到觀塘食晚飯，同事推薦滿福庭餐廳。餐廳環境大，座位闊落，二人位都坐得好舒服。晚市有好多小炒、海鮮提供，選擇眾多，總有一款啱你。粟米酥炸龍躉球龍躉球好新鮮，魚肉好鮮甜好滑。外皮薄薄一層，為龍躉加上咗種口感，帶點酥脆。粟米都炸得好香脆，內裡好甜好多汁。黃金大蝦球蝦球大大隻好新鮮，質地好彈牙。外面都炸過，脆皮厚薄剛剛好，唔會粉。最正就係外層裹滿咗鹹蛋黃醬，好有鹹香，好惹味。紅燒乳鴿乳鴿即叫即炸，外皮脆脆地，肉質好滑，而且好juicy，食嗰陣要小心熱同爆汁啊。粉絲蒸元貝元貝都好新鮮，依度啲海鮮都好高質。元貝大大隻，好厚肉，好鮮甜。面頭粉絲蒜味香濃，份量多，將味道更昇華。粉絲海味雜菜煲最後仲叫咗啲蔬菜，雜菜煲啲菜好甜，湯底清清地，幾好飲。裡面仲有啲粉絲同蝦米等材料。

位於觀塘鱷魚恤中心嘅❣︎滿福庭❣︎係一間海鮮中菜酒家，今日去嘆下午茶，呢度嘅價錢好親民👍🏻小點都係$21.8，另設有下午茶特價組合，點心款式多，難怪一上去幾乎8成滿座。❣︎貴妃雞湯米線❣︎$28.8雞肉肉嫩香滑，呢個米線都唔使$30，計埋茶位加一都係$42到，如果就到時間當lunch食真係抵👍🏻仲有杯茶嘆下。❣︎午市點心超值自選配❣︎$198呢個餐包2籠點心同2個主食♡︎鮮蝦菜苗餃♡︎即叫即蒸😋上枱時仲出煙架，皮爽滑有韌性，晶瑩剔透，菜苗份量超多，鮮蝦彈牙。♡︎潮州蒸粉果♡︎爽軟潤滑，餡料豐富，入面嘅靈魂就係沙葛，食落非常爽口。♡︎脆皮燒腩仔♡︎個皮燒得超香脆😋👍🏻好似食梗薯片噤，肉質鬆化帶咸香。♡︎迷你魚香肉碎茄子煲♡︎其實一啲都唔迷你😆份量都多，茄子咸香惹味，吸盡晒啲魚香肉碎汁。❣︎蓮子紅豆沙❣︎$21.8紅豆入口軟腍😋👍🏻味道好清甜，仲有啲起沙，又夠熱超好食。

滿福庭海鮮酒家滋補藥膳鳳爪/ 香濃奶味雙皮奶/脆卜卜經典蜜糖脆麻花/ 經典南乳豬手勁抵食點心低至$7.8-$16.8 我趁住小朋友暑假前夕，要珍惜飲茶好時機飲茶都係唔適宜帶永遠坐唔定小朋友去講起中菜，其實我好鍾意同家人去飲茶食下一盅兩件嘅點心，歎一壺靚茶一邊聊天又歎下冷氣加上呢度坐得闊落舒服 今日我約了朋友去咗 ＃滿福庭海鮮酒家食點心，我最欣賞呢度係 ＃即叫即蒸稍為飲杯靚茶，等一陣就有得食普遍點心味道剛剛好，唔會太過濃味唔係預先蒸熟嘅，點心都係熱辣辣係最好食呢度服務態度好🤗仲會記得熟客仔茶客飲開邊隻茶☕ 💓馬蹄牛肉球$8.8手打新鮮牛肉配上爽口馬蹄粒，如喜歡吃牛肉的你必定要試！ 💓魚湯浸鮮竹卷$16.8奶白色的濃魚湯，配上充滿新鮮爽口又好有豆味的鮮竹卷。 💓滋補藥膳鳳爪（跟欖角排骨飯套餐$49.8）非常滋補的藥膳湯水，淨喝幾口湯已經好值回票價，鳳爪炆得好軟腍，唔使點咬。 💓南乳豬手$16.8炆得好肉腍的豬手，好有口感。 💓蜜糖脆麻花 $7.8香脆皮薄，配上蜂蜜糖漿，份外好吃。 💓鳳城薑汁雙皮奶質感細膩嫩滑，而且奶味香濃，口味甜香清淡。 另外，竟然有人推車仔推住豆腐花

收工跟老友聚餐，佢就我便過來觀塘搵食，選擇左到鱷魚恤中心的滿福庭酒樓開餐，環境闊落舒適，座位唔迫坐得舒服😌。紅燒乳鴿, 皮薄脆肉質嫩滑，肉汁豐富，即叫即制熱辣辣，送酒一流。蒜蓉粉絲蒸班頭腩，大碟份量足，蒸製時間剛剛好，魚皮有韌性，肉質新鮮唔會有腥味，蒜蓉很香配粉絲吃，味道唔錯。波士頓龍蝦🦞（上湯），龍蝦鮮味肉質爽彈，龍蝦鉗內的肉都很易出剝海，食得好方便，醬汁濃稠度剛好亦很好味。大大支啤酒🍻只需$48，抵飲超值。

觀塘呢間中菜酒家，晚市好抵食。呢間餐廳價錢唔算貴，食物質素唔錯。一坐低，我哋就揀好食咩😝 揀咗啲海鮮。大元貝$48/隻，元貝夠大隻，用蒜蓉粉絲蒸，夠鮮甜又口感彈牙。另外試咗南非網鲍$68/隻。呢個網鲍有果皮同蔥香，蒸得啱啱好，夠新鮮。豉汁帶子蒸豆腐$148，帶子新鮮滑嫩喺豆腐面，豆腐吸晒豉汁嘅香味。肉類揀了乳鴿$68/隻。乳鴿燒得幾香，味道濃郁但唔會太油膩。最後蒜茸粉絲蒸斑頭腩$158，斑頭腩魚肉嫩滑，蒜茸同粉絲嘅香味融合得啱啱好。晚市茶芥$15/位。

位於觀塘的這家酒家,以其正宗的粵式菜餚和優質的服務而享譽四方。今日有幸品嚐了他們家的多道拿手好菜,深有感觸。京式片皮鴨,只見一道色澤金黃、酥脆可口的鴨皮躍然眼前。一刀下去,鴨皮發出清脆的聲響,內裡的鮮嫩多汁的鴨肉如同化在舌尖,令人回味無窮。搭配上特製的甜麵醬,更是增添了這道菜的層次感。翡翠炒斑球,斑魚的鮮甜滋味與翠綠欲滴的蔬菜完美融合,入口即化,甘甜可口。而湯汁恰到好處的濃郁度,更是提升了整道菜式的風味。紅燒乳鴿令人讚嘆。乳鴿肉質嫩滑,皮脆肉香,搭配上濃郁的紅燒汁,回味無窮。這家酒家的經典粵式菜餚,是精心烹制、美味可口。

觀塘已經成為東區之友飯聚熱點，地鐵站上蓋更方便就腳毗鄰amp的鱷魚恤中心內有玉桃軒集團旗下品牌粵菜食府特高樓底，華麗水晶燈，設計寬敞典雅，就餐環境舒適酒家自設魚缸養飼各種鮮活海鮮，晚飯有多款超值孖寶選擇上湯澳洲龍蝦伊麵啖啖肉，麵條盡吸龍蝦精華脆皮醬燒雞炸至脆身惹味，外皮鹹香，又能保留水份湯羹紅燒海皇翅內有新鮮蝦肉，口感層次豐富型格燒味紅燒乳鴿充滿油光，鴿肉鮮嫩多汁結帳前店家奉上免費甜品紅豆沙，清甜順喉

一入座個阿姐係咁疲勞轟炸，非常hard sell 套餐，吣哩吧啦真係好煩，又貴又唔好食，平日冇乜客，上菜超快，但魚鴨都霉，d餸又鹹，黃金蝦份量又少，唯一可取係最後送的甜品紅豆沙。

老公喜歡食去酒樓嘆茶食飯，今晚就同佢去觀塘滿福庭食晚飯。酒樓主打港式粵菜，寬敞的地方配上華麗嘅水晶燈，環境高雅別緻。無論飲茶、食飯或辦婚宴都係好地方。蒜蓉粉絲蒸頭腩：龍躉肉質緊致、魚味濃郁，魚身底下放粉絲，加上蒜茸同蒸。蒜香巧妙地減輕頭腩的膩滯感，粉絲也吸收了蒜茸和魚汁精華，鮮味十足。紅燒乳鴿：乳鴿色澤紅亮，皮脆肉嫩。上湯大蝦球伊麵：蝦球都好大隻，外層沾粉漿炸過，之後和伊麵一同用上湯煮，蝦球好爽口，伊麵沾滿濃郁嘅上海，美味可口。脆皮醬燒雞半隻：燒雞皮薄脆，肉質嫩滑，配上蘸料，讓這道燒雞更加美味，有豐富的口感和味道。

假期去嘆一盅兩件，第一次去滿福庭飲茶，位於鱷魚恤中心近港鐵站方便。踏進酒樓望到華麗水晶吊燈，場地好大好寬敞，座位夠多不需等候。點心除了多款，名字也改得出色。難得還有木桶豆腐花月半彎水晶鮮蝦餃皇 $45.80蝦餃大隻飽滿，皮薄餡多，蝦肉爽口彈牙。安蝦咸水角 $34.80外皮煙韌軟糯，不會太厚，餡料豐富。花彫酒香煲仔汁叉燒包 $34.80原個煲仔上檯，侍應在煲邊周圍淋上花彫酒。賣相一流，還是第一次品嚐，叉燒包軟熟帶點酒香，內裡餡料濕潤，相當美味。永和鎮鮮竹牛肉球 $34.80牛肉球大大粒，咬一口肉腍多肉汁。最後以滑溜的 山水豆腐花 $23.80 為今頓午餐劃上完美句號。

今日慶祝媽媽生日， 就揀左間酒樓福滿庭食中菜一入門口已經見到大魚缸，海鮮嘅種類真係好多，魚類，龍蝦，貝類都有我地今晚叫左晚餐超值自選套再加啲小菜上湯龍蝦伊麵餐廳咁多海鮮， 當然要試下， 有一大隻龍蝦，啖啖肉，口感彈牙，新鮮！伊麵吸收哂龍蝦既精粹， 真係忍唔住一啖接一啖片皮鴨片皮鴨好大一隻，而且餐廳會推出嚟喺客人面前即片，真材實料，有表演睇又有嘢食。片皮鴨外皮香脆， 鴨肉仍然juicy。 加上薄餅，甜醬，青瓜，京蔥食，惹味得來又清爽金牌燒雞燒雞外皮燒得脆卜卜，味道啱啱好，唔會過咸乳鴿兩隻乳鴿燒完仍然保留肉汁，出色深海龍躉炒西蘭花龍躉新鮮，厚身，肉質結實，魚味香濃，一啲都唔腥蒜蓉菜苗媽媽食完都好滿意呢餐， 要下次最黎食

這間人氣海鮮酒家位於觀塘的鱷魚恤中心，主打精緻的廣東粵菜，擁自設魚缸養飼各種鮮活海鮮。店內環境寬敞舒適，有華麗水晶燈飾，特高樓底特別寧靜，適合多人聚會。蒜蓉粉絲蒸頭腩 - $158/例嚴選優質的深海龍躉，腩位特別肥美飽滿，嫩滑結實的魚肉有著豐富的油脂，爽口彈牙的魚皮，充滿彈而不膩的膠質，魚味鮮香濃郁；爽滑的粉絲吸飽鮮魚多餘的肉汁。紅燒乳鴿 - $68/隻廣東傳統名菜之一。 秘製滷水清香而不會過濃，外脆內嫩又多汁。南非八頭鮮鮑魚 - $68/隻八頭特別厚肉爽身，用刀在鮑魚面劃上菱形花，爽滑彈牙又帶點嚼勁，鮑魚味道濃郁甘香，粗鹽引出鮑魚天然鮮甜味，別有一番風味。京式片皮鴨 - $268侍應席前原隻燒鴨即切，肥美飽滿的大肥鴨切出很多塊肉，外皮酥脆鬆化且肉質嫩滑，有鴨皮的酥脆，同時又有鴨肉的甘美；熱呼呼的京式手工烤餅薄且煙韌有彈性，放上片皮鴨，配搭青瓜條及京蔥條，再淋上京醬，層次感極豐富。紅豆沙(送)軟糯香甜的紅豆有少少起沙，入口輕盈順滑，清甜順喉。

Yum Nice service Chinese restaurant@Kwun TongMy friend and I went to a restaurant called “Fortune Garden” （滿福庭）located in 7/F, Crocodile Center, 79 Hoi Yuen Road, Kwun Tong觀塘開源道79號鱷魚恤中心7樓.."Stir fried beef with choy sum"菜心炒牛肉HKD$158the beef is soft,tender and juicy.generous amount of beef.the choy sum is crunchy and soaked up all the flavour of the dishSteamed Giant grouper with rice vermicelli蒜蓉粉絲蒸頭腩HKD$158the rice vermicelli soaked up all the essences of the dish,super delish the giant groupe