滿福庭

營業中

休息中

位於觀塘鱷魚恤中心嘅❣︎滿福庭❣︎係一間海鮮中菜酒家，今日去嘆下午茶，呢度嘅價錢好親民👍🏻小點都係$21.8，另設有下午茶特價組合，點心款式多，難怪一上去幾乎8成滿座。❣︎貴妃雞湯米線❣︎$28.8雞肉肉嫩香滑，呢個米線都唔使$30，計埋茶位加一都係$42到，如果就到時間當lunch食真係抵👍🏻仲有杯茶嘆下。❣︎午市點心超值自選配❣︎$198呢個餐包2籠點心同2個主食♡︎鮮蝦菜苗餃♡︎即叫即蒸😋上枱時仲出煙架，皮爽滑有韌性，晶瑩剔透，菜苗份量超多，鮮蝦彈牙。♡︎潮州蒸粉果♡︎爽軟潤滑，餡料豐富，入面嘅靈魂就係沙葛，食落非常爽口。♡︎脆皮燒腩仔♡︎個皮燒得超香脆😋👍🏻好似食梗薯片噤，肉質鬆化帶咸香。♡︎迷你魚香肉碎茄子煲♡︎其實一啲都唔迷你😆份量都多，茄子咸香惹味，吸盡晒啲魚香肉碎汁。❣︎蓮子紅豆沙❣︎$21.8紅豆入口軟腍😋👍🏻味道好清甜，仲有啲起沙，又夠熱超好食。