滿福庭

營業中

休息中

想轉下口味，而且有鱷魚恤中心嘅50蚊coupon，所以星期六上咗去7樓滿福庭飲早茶。可能我哋早嘅關係，八點多搭𨋢唔使等，上到去門口都唔使等就有位喇，而且眼見仲有幾張吉枱添！當然係試優惠點心啦， 星期六日每款點心加兩蚊點咗四碟優惠點心，潮州粉果和山竹牛肉都係兩件，潮州粉果勁多花生，但啲花生偏硬，唔鬆化，山竹牛肉球都算大粒(忘記影相)，牛肉球口感麻麻，有好多根南乳蒸豬手，上枱賣相麻麻，味道還可以，略嫌八角味偏重，但豬手炆得好冧，老人家都好容易食蜜糖脆麻花係今次我哋覺得最好食嘅一款點心，而且CP值好高, 非常鬆化普洱茶飲落唔錯，好順滑，碗碟尚算乾淨，酒樓環境光猛，裝修仲算好新，坐得幾舒服。但啲員工服務質素就真係一般啦，有好大嘅改善空間嗰隻，估計我哋都未必會再去lu如果以呢個價錢，觀塘有其他酒樓都做到，而且食物水準和服務質素仲高過佢啦。以上內容純屬個人口味和感受分享，可能有主觀成分在內

觀塘 Apm / 鱷魚恤的食肆多不勝數，這間「滿福庭」（個名改得好好：福滿福滿、幸福常滿）很少來，即管試試！入到去，一點太陽的自然光都沒有，窗簾完全掩閉一睇點心紙，好有驚喜！粉紅色紙，最平一碟 HK$6.8（無睇錯）最喜歡這種「兩粒」的份量，小食多滋味，不用「夾硬食晒 」。鯪魚球和燒賣好有水準，味道和質感都好好，不會食到不知食咩，好有鯪魚味，燒賣都好結實。但不太喜歡這裡的服務態度，無水要等好耐，侍應服務都好差，對熟客和陌生的客，好大差別 ，她大們不斷跟熟客傾計，被完全忽略 下次都不想來。

上到去酒樓 撳機攞籌等左20分鐘 聽到佢話到籌 我就過去比張飛個接待員個接待員同我講 執緊張枱，麻煩等一陣咁好啦，我都係等一陣啫 等咗大約15分鐘 我心諗執枱可以咁耐咩？我問接待員: 唔好意思 我想問張枱係咪未得佢話：係呀，啲人都未走，麻煩你俾啲耐性等多陣我心諗：第一次，你同我講執緊枱，之後又同我講啲人未走，咁即係點？等多5分鐘之後 先可以入去食嘢⋯⋯如果佢一開始同我講啲人未走 要等多陣我都冇咁嬲 但而家我覺得好似俾人跣咗咁⋯Btw: 啲嘢食嘅水平同稻香茶居差唔多

今天為週二下午， 幾間酒樓都爆滿，唯獨這一間很多空位， 心裏也在想是否有伏。所以我們進去之前，特別詢問對方有沒有下午茶優惠。對方職員說有，我們才坐下吃東西。 點心紙上沒有註明任何價錢，由於我們相信職員說有下午茶優惠，所以也沒有多想。 食物質素相當普通，連筷子也沒有兩雙(公筷和私用)，整體感覺已經很一般(甚至有點 low end), 但出來的價錢竟然比名苑，翠園那些還貴。翻看帳單時發現不對，詢問職員又說沒有下午茶價錢，衹有下午茶時段，完全是駶人，永不幫襯。

觀塘區鱷魚恤中心，食市花多眼亂，揾一間，未食過又開張幾個月的中菜館，食晚飯。我們一行4人，柯打了九層塔豆豉雞煲，只有5至6舊🐔，好多洋蔥，好鹹。最好食是燒腩仔，皮脆，肥肉和瘦肉分明，肉質juicy。蟹黃海鮮豆腐煲，普通，勁多豆腐，海鮮只有幾粒蝦。冇特別，味道一般。南非網鮑，蒸煮，有咬口。蒜蓉炒菜心，一般酒樓菜式，菜心爽口又嫩滑，都幾靚。蓮子紅豆沙，唔太甜，都ok。焦糖燉蛋一般水準。買相都ok。伙計只有3人，所以做野同上菜慢。

完全無視人數較少嘅顧客，只要不願意搭枱就唔會俾位你。等你自然流失。非常失望。相比其他酒樓都會有部分枱給與人數少的顧客，想像下早上十點去到等位，居然等到十一點半，以後都唔會再幫襯。

晚餐價錢的早茶😓如果點心有點質素還可接受，現實當然唔係，仲嬲到要寫負評，唔想再有人中伏😥先講點心: 只有牛肉和燒賣合格粉果和蝦餃皮over cook 到溶咗😫腸粉和雞扎異常油膩😫😫點心沒有影相紀錄，因為當時冇諗住要寫食評💸埋咗單出門口見到幾張大紙貼住話早茶到11:59咪問下知客小姐是計入單定埋單時間，佢吚吚哦哦話入單時間🥲咁點解我餐早茶咁貴，有個肥經理就話我叫咗蝦餃燒賣。(蝦餃係酒店價錢但差過x記點心)其實入座時枱上沒有任何點心紙，叫咗好耐就有個黑面唔望人的男經理拿點心紙給我，亦沒有門外貼住嗰張，咁即係擺明唔想我享用特價。飲茶全程所有酒樓員工至收銀員都好忙，好黑面，望唔到客人的😑以後一定不會再去！

觀塘鱷魚恤中心又多間茶樓之前試過去姐酒樓覺得抵食和幾好味今次再來嘆個下午茶叫了一個下午茶的乾燒伊麵10分大碟和正常分量沒有分別見面吵得有鑊氣很多菇類做配料，不錯👍🏻叫了一個美味五點，有蓮蓉包、蝦餃、潮州粉果、鮮蝦菜苗餃、甜品蓮蓉包熱辣辣不太甜，十分好味😋蝦餃皮薄蝦大大，菜苗餃才很晶學瑩通透，甜品煙煙韌韌，完全大滿足。再加多個燒賣，說好的是平平哋只有兩粒便夠，啱晒我們兩個人。環境方面，座位之間距離比較大，少些侷促感，而且因為酒樓的面積也頗大，所以多人也不算很嘈。嘆嘆下午茶，食個靚點心，舒舒服服和朋友相聚，甚為寫意！

💰人均：$80今次晨早流流就同咗屋企人落去apm飲茶星期日嘅九點到達， 現場都幾乎 滿曬， 大部分都係老人家見到早市有兩張特價紙， 一張係孖寶， 另一張就係散叫嘅特價點心 同埋蒸飯 ✨翡翠蝦餃 $16 (2粒) ✨鮮蝦蟹籽燒賣 $12.5 (2粒) ✨古法馬拉糕 $12✨腐皮卷 $16✨脆麻花 $8 可以見到個價錢都幾抵食嘅👌👌😁✨翡翠蝦餃 $16 (2粒)正常質素一粒入面有兩隻蝦， 個皮有咬口唔會爛曬。 ✨鮮蝦蟹籽燒賣 $12.5 (2粒)都係一粒裏面有兩隻細蝦， 豬肉同蝦嘅比例比較均勻， 唔會有太多肥豬肉， 唔油膩水平之上 ✨古法馬拉糕 $12糕體有硬度有口感， 冇吸收多餘嘅水份，蒸嗰度處理得幾好， 唔會一壓落去就散開曬。黃糖味香，略嫌上枱唔夠熱✨腐皮卷 $16 （4件）配黑醋腐皮捲入面係羅漢齋，皮脆， 餡料內容適中( 如果有時太多餡滿曬出嚟都會影響口感)而且唔係好油， 唔會食完超油膩 ✨脆麻花 $8呢個幾好食！！ 原本以為係硬掘掘， 點知嚟到係一啲好似米通咁嘅質地。 上面再放左咗黃糖漿，婆婆都食得。

Lunch飲個茶其實都唔錯！公司附近有呢間滿福庭，於是就試試啦！點心種類都齊全，有d午市套餐都幾抵！首先就叫左個醉雞做小食，酒味好濃郁，雞件都好滑叉燒腸餡料都好多，腸粉同餡料比例岩岩好！燒賣大大粒，裡面仲有蝦肉，好彈牙虎皮尖椒係去飲茶既時候都好鍾意叫既點心，呢度既尖椒即叫即煎，上枱時仲係熱辣辣，魚肉煎到香脆，真係幾好味另外仲叫左個棉花雞同埋奶黃包，質素都幾高！出乎意料之外既係有燉蛋做甜品，好香滑，面層有焦香既焦糖脆脆，令味道更有層次整體黎講都唔錯呀

我自己本身就好鍾意飲茶，所以如果見到有人推介嘅酒樓我都會留意吓㗎。今次我就去咗一間位於觀塘嘅酒樓嘆吓下午茶時段，難得有時間就當然叫返幾款點心慢慢嘆啦。生竹牛肉球首先第一樣食嘅點心係生竹牛肉球。我幾鍾意呢間酒樓牛肉球嘅口感，因為真係夠晒彈口，重要夾起都唔容易散。同埋腐皮嘅份量都好多，啱晒我呢啲鍾意食腐皮嘅人，配埋喼汁食真係超正。懷舊灌湯餃我自己本身都好鍾意食灌湯餃，所以見到酒樓有就試吓。其實呢個灌湯餃真係好大舊，個性價比都好高。另外佢個湯其實真係好好飲，係咁之前落少少大紅浙醋會更飲到佢嘅鮮甜。灌湯餃本身都好足料，入邊有蝦肉豬肉仲有花膠等等。食佢絕對係一大享受。香脆叉燒酥呢一個香脆叉燒酥一樣好有水準，首先佢個表皮真係整得好香脆，有好香嘅酥皮味。入邊叉燒酥個內涵一樣好豐富，成個叉燒酥都係新鮮滾熱辣咁樣送上嚟。所以食起上嚟真係脆卜卜，係好有心思嘅一份叉燒酥。蟹籽燒賣我覺得呢個蟹籽燒賣都係其中一樣好高性價比嘅點心，以呢個價錢嚟講有蟹籽燒賣食其實真係好難得，仲要燒賣嘅肉質都好紮實。蟹籽嘅份量都夠多，食落口都係真材實料。鹹魚雞粒炒飯之後想講嘅就係呢一份鹹魚雞粒炒飯。同樣地我都好滿意呢份鹹魚雞粒炒飯，

鱷魚恤中心有很多酒樓 朋友介紹哩間唔錯 枱同枱之間寛躺 有空間感 坐得幾舒服 待應姐姐好有禮貌=懷舊糯米雞=糯米口感很讚 內裡醬汁濃香入味=四寶滑雞札=嫰滑的雞肉 啖啖肉的火腿吸滿所有精華的肚 軟綿入味的芋頭=安格斯牛肉腸=腸粉皮軟滑安格斯牛果然牛味濃 而且牛肉分量還不少呢 =蜜汁叉燒包=熱辣辣燙手 外層鬆軟 甜甜多汁的叉燒=五式點心拼盤=有五款點心各一件 呢個諗法幾好 好啱想試多幾樣 但係唔大食嘅人 🥢奶皇包外層鬆軟 勁多奶皇 但唔會好甜好膩 🥢三姐潮州蒸粉果十分飽滿的粉果 用料很豐富實在爽脆的配料非常棒 🥢蝦籽燒賣皇相比之下燒賣好似好細粒其實係其他同伴大件蝦新鮮彈牙 豬肉沒有肥膩的感覺 🥢暖身薑汁糕薑味好出 清甜清甜🥢翠苗餃大大粒 透過晶凝通透的外表見到入面翠綠的菜苗已經好吸引 餃皮口感煙韌 菜苗餡好足料味道很不錯 皮薄餡靚 見到下午茶仲抵食 下次再黎嘆茶

觀塘鱷魚卹近apm真係好多酒樓㗎，朋友介紹"滿福庭"早晨有震撼價點心益街坊，梗係去試下啦！嘩，好多茶客呢！果然好吸引。冷氣好涼爽，侍應生好有禮貌，等一陣便有位了。點心有震撼價早晨益街坊😁😁我們真的叫左好幾樣點心。蜜糖脆麻花/海味蒸蘿蔔糕 /古法馬拉糕/蟹籽燒賣皇/濃湯灌湯包/潮州拼菜苗餃/蔥花炸兩腸。每款點心都熱騰騰，不是一次過送曬上嚟，每次都一籠或兩籠，所以食得好舒服，飲茶唔使太急又慢慢享受。😁😁潮州拼菜苗餃和燒賣皇皮薄餡靚，海味蒸蘿蔔糕熱騰騰好香海味蝦米乾味，濃湯灌湯包未試過，原來好好味㗎，好似灌湯餃，下次要叫多兩籠。👍點心真係超震撼㗎，份量不多可以叫多幾款點心，飲茶就係想食多啲！由於震撼價超底，便再點正價嘅花膠瑤柱灌湯餃~老公知我最喜歡食，好開心。湯好鮮甜，應該有用花膠淆製過，有三嚿花膠呀，入口熱騰騰好美味，而且重好足料添，入口滿滿花膠好滿足。推介👍最後甜品我哋就食馬拉糕同脆麻花，馬拉糕好鬆軟啊又熱騰騰，脆麻花甜甜蜜蜜又鬆脆。多謝朋友好介紹👍👍

原本諗住全日打八號唔洗返工, 估佢晏先落波就可以去買餸點知九點四要返工, 咩都冇預好, 好彩臨時臨急都約到朋友,佢介紹左去觀塘滿福庭度食滿福庭位於鱷魚恤中心, 之係係地鐵站A出面出, 穿過APM, 遮都唔洗開就可以去到果個商場, 位置方便呀!見到我都唔洗揀, 因為我地都好鐘意食龍躉, 所以就叫左個晚飯孖寶C-$288碧綠炒龍躉球炒得好有鑊氣, 魚肉又彈牙, 又厚身, 魚味好濃, 骨膠源好濃, 而翠肉瓜都炒得好香, 咁好送飯清蒸龍躉頭腩雖然話係頭腩, 都好多肉架, 個肉既質地真係好好, 頭腩仲有好多位可以去吸, 真係好正。值得一提個豉油勁香魚油味, 送飯超正!總結, 樣樣都唔錯, 價錢都合理, 最緊要位置方便, 下次會再黎試下其他菜式

鱷魚恤中心有很多酒樓，朋友說這間不錯，而且下午茶抵食，我們今日便嘆一下！下午茶好多款式，自選三寶有鮮蝦菜苗餃、叉燒腸和多款粉麵飯，大大粒菜苗餃，🦐鮮味到不🉐️了，多多菜，皮不厚乾炒牛河得有鑊氣😍也不少牛肉，好好味，而且十分大碟$12的蟹子燒賣，當然不能錯過！有兩粒，蝦好大，幾新鮮，食落豬肉不太肥膩，這個價錢真的抵食！馬拉糕十分鬆軟，熱辣辣，我十分喜歡，現在好少酒樓做得馬拉糕好吃。紅棗糕至good, 個紅棗不會苦味，而且不是太甜，適合我們的口味！這間酒樓下午茶時段十分多人，但侍應招呼周到，常常執拾枱面和加水。環境也很大，算是不錯的下午茶選擇！