滾爺火鍋 (金巴利道)

營業中

休息中

中秋將近，又到一家人聚集一齊食飯。今次揀左一間高質素的火鍋店。入到餐廳就見到有一個位供人打卡，幾靚合適少女心爆棚的人。坐低後就即刻放上醬料盆（九宮格）就自己喜好而調味。招牌椰子雞鍋（半隻雞）$248半隻文昌雞、2個椰皇和2個椰青煲成一煲湯。4個椰子水加半隻雞煲出來湯是超級超級清甜，飲到我停唔到口。平時其他店都是一個椰子加半隻雞，但依間是4個椰子，就此藉得一讚。（美食推薦度10/10）鯪魚滑釀豆卜$38及手打四寶丸$88鯪魚滑釀豆卜味道正常，但優勝之處是勝在夠平。手打四寶丸（牛丸/墨魚丸/蝦丸/鯪魚丸）我認為當中的墨魚丸及牛丸較好食，墨魚丸彈牙由口感，牛丸香濃牛味及嫩滑。而蝦丸及鯪魚丸就質感較鬆散，但食材是新鮮。（美食推薦度8/10）Choice級美國安格斯牛肩胛$228牛肩胛肉肉質較濃及較少脂肪，就算滾得較耐，但肉質都並不會變得硬柴仍然是嫩滑好味。牛肉的份量比想像中多，四個人食一碟都足夠，都幾抵食。（美食推薦度10/10）椒鹽魷魚鬚$88椒鹽魷魚夠惹味，好有街邊小食檔的風味。想不到火鍋店都可以吃到這種口味的椒鹽魷魚。（美食推薦度10/10）新鮮鱔片$158鱔片是好新鮮，味道是鮮甜，並沒

最近去左試尖沙咀呢間滾爺火鍋，叫左個好出名嘅椰子雞湯火鍋，湯底夠曬純正清甜，用左3個椰子水，湯底超甜，仲包埋半隻文昌雞，雞夠肥同嫩滑，肉都爽口唔鞋，好多肉食，幾好食！另外，我地叫左手打丸拼盤、豬潤同埋皇帝菜，大致都ok。丸有8粒，分別有牛丸、鯪魚球、蝦丸同埋墨魚丸，全部都真材實料，蝦丸特別彈牙。另外豬潤同菜嘅份量都好多，豬潤夠厚同新鮮。地點方便，不過坐位比較少，如果想試就要預約定或者去其他分店啦！

尖沙咀火鍋好去處🌸✨🏡 滾爺火鍋 (金巴利道) (尖沙咀)📍 尖沙咀金巴利道58-60號金碧閣地下A號舖呢餐嘢整體唔錯，食材新鮮，味道有層次。美國安格斯牛板眼（$188）肉質嫩滑，油脂分布均勻，麻辣湯底同沙嗲湯底都能夠突顯牛肉香味。即炸響鈴（$58）外脆內軟，點埋熱辣辣嘅湯就最啱食。鴛鴦鍋（$168）沙嗲湯底濃郁，麻辣湯底辛香，兩種湯底帶嚟唔同嘅口感享受。冰鮮魚皮餃（$48）魚皮彈牙，內餡鮮味十足，係唔錯嘅小點。萵筍（$38）清脆爽口，食完重口味嘢之後幫你清清味蕾。總括嚟講，呢餐性價比高，值得一試。

好正😋第二次再嚟食🤩餐廳好大又多位，座位闊落招牌椰子雞鍋（半隻雞） $248推介✅真材實料用2個泰國產椰青及椰皇而煲🥥椰青雞湯底好濃郁又清甜，雞肉鮮嫩又滑，焗得啱啱好，食落仲有陣椰子嘅香味，不過要慢慢食小心食到有碎骨🙈配料仲有椰子肉、小馬蹄西班牙無激素豚肉片 $178份量有8-9片，每一片大細平均，豚肉片質地鮮嫩🤩肉味濃郁，配上自配調味😋好惹味娃菜 $28份量唔少，每一塊都好新鮮，非常清脆可口，口感清新👍🏻紅薯粉 $18質地唔算好煙靭，口感滑順，只需3至5分鐘好快熟透醬介/位 $18📍滾爺火鍋尖沙咀金巴利道58-60A號金碧閣地舖

週末將至，計劃約朋友出來放鬆，互訴生活中的大小事，朋友想行街購物，之後可以食晚餐，於是大家多番決定之下，來到地點人流很旺，交通四通八達的尖沙咀「滾爺火鍋」打邊爐。招牌椰子雞湯底用上泰國新鮮直送椰子及椰皇，新鮮椰子肉等配料，完全無加水，原汁原味，之後再落半隻文昌雞一起煲，煲滾完之後熄火等5分鐘，然後可以開蓋開始去食，雞肉彈牙香滑，湯濃郁又鮮甜，滋味無比。西班牙無激素豬頸肉豬味濃，厚薄適中，唔會韌，食落嫩滑，質地柔軟，讓人回味無窮。即炸響鈴響鈴是即炸，咬落脆口，食過番尋味，正合我的口味。唐生菜全部翠綠，生菜新鮮，爽脆清甜，滿載的味道清新。滾爺火鍋（尖沙咀）地址：尖沙咀金巴利道58-60A號金碧閣地舖

其實我係第一次食椰子雞火鍋，真係唔知佢原來係咁倒啲椰子汁落去…聽講”滾爺火鍋”係專做椰子雞鍋，就嚟到尖沙咀分店試吓。入到去佢主要係卡位，兩個人坐都唔會迫，另外佢有獨立房間，仲聽到入邊嘅人喺度唱K😅。招牌椰子雞鍋(半隻雞) $248一上到嚟已經見到一堆椰子/椰皇😅，跟住師傅就會倒晒啲椰汁落去個鍋度，加埋啲蓮子、椰子同半隻雞一齊煲，打開蓋時已聞到濃烈嘅椰子味。煲完出嚟嘅所謂”湯”，根本唔存在”幾濃幾淡”，因為佢係一滴水都冇落，所以必然係最純正嘅椰汁味，加少少雞油味喺當中。味道當然非常鮮甜，我哋差唔多清晒。雞亦吸收咗椰子味，不過如果想味道再豐富啲，就可以點佢提供嘅火鍋醬料。跟住師傅就會倒正常嘅火鍋湯，我哋叫咗少量配料。金沙魚丸八粒 $58 - 有蛋黃喺當中嘅丸，好味亦抵食花甲/沙白 $78 - 份量唔算少，表現正常，花甲亦夠大隻即炸響鈴 $58 - 上到嚟係啱啱炸好，表現亦正常椰子雞鍋，可以話係餐廳嘅主力，無論過程同味道都夠晒特色，其他配料相對上只係錦上添花，金沙魚丸亦算特別。下次可以試吓佢其他肉類同配料。

從來未試過咁差嘅火鍋，晚上8:00竟然係全場一個伙記，想叫個人都冇，之後就叫個拖地亞姐黎上菜，收千幾蚊帶子係痴住喺冰上面唔知雪咗幾耐，啲手打丸係霉，牛肉超肥，衰過佳宝，仲同我講話因為來貨唔靚，來貨唔靚，你可以唔上，點可以有呢啲解釋

今晚和朋友到尖沙咀打邊爐。甫落樓梯就見到一幅特色花花打卡牆，還有一張吊椅，佈置清雅。全店以木系傢俬裝潢，地方寬敞舒適。還有四、五個房間，如果約一大班朋友來可以包一間房，私隱度十足。我們點了：1. 鴛鴦鍋(麻辣+芫茜皮蛋)    麻辣鍋湯底味道濃郁，椒麻香氣十足，帶有一絲辛辣，但不會讓人感到過於刺激。芫茜皮蛋的清新香氣和皮蛋的滑嫩質感很好地平衡了麻辣湯底，增添了層次感。整體口感麻辣鮮香，湯汁濃郁醇厚。2. 手包鮮蝦雲吞4粒    雲吞皮薄餡料飽滿，蝦肉鮮甜多汁。蝦仁大大隻，爽脆口感和雲吞餡料的滑嫩質地相得益彰。3. 手打鮮牛滑    牛肉搞得很綿而嫩滑，口感細緻柔滑，入口即化。牛肉本身的鮮美風味突出，沒有過多調味，充滿了牛味。4. 鯪魚滑釀豆卜    鯪魚滑入口軟嫩鮮美，帶有一絲魚膠的咸香。豆卜的爽脆，鯪魚滑柔滑，放落湯內打邊爐特別好吃。5. 台灣三寶丸6粒(芝士牛丸，金沙魚丸，香芋包心上貢丸)    芝士牛丸外酥內嫩，芝士香醇濃郁,牛肉鮮嫩多汁。一口咬落去還爆汁呢！金沙魚丸則香酥可口，魚肉鮮甜，外層金沙酥脆可口。至於香芋包心上貢丸則彈牙滑嫩，一口咬進去時，香芋的香氣在口中化開，鮮美多汁

絕對是近十多二十年在香港吃火鍋之劣之極品環境十分擠迫 十人訂座 被分配到容納八人也極為勉強的座位服務人手不足 眼見整間食店樓面人數只有三四人 根本應付不到 基本添加湯底配料也應接不暇從而導致員工態度也不太好 (員工忙過不停 惡性循環下服務不佳可以理解) 眼見差不多每枱客人也要前台自行自助解決需要 何其壯觀食物質素正常 可以接受 但價格比同區 質素更好的火鍋店要貴上一半 什至一倍 而且份量偏少一行十人只好壮士斷臂 吃到一半結帳到附近品嚐平民蘭香醫肚 (4xx的牛肉 味道不錯 但如紙薄切份量也不夠20片 比A5和牛更為珍貴 響鈴餃子等來貨貨色盛惠每棵十大洋)只怪自己選擇錯誤貴客三思

過咗立秋真係明顯感覺轉涼咗少少😙火鍋控又要出動啦～想打邊爐又想清潤吓～鮮椰子雞湯鍋係心目中最理想選擇🧡🧡同友人約咗喺尖沙咀會合～直接行去呢間火鍋店都好方便👌🏻位於地庫位置～座位都幾多～如果多人訂枱仲可以預訂VIP房添🤗.招牌椰子雞鍋(半隻雞)$248 手包鮮蝦雲吞4粒 $44 澳洲純牛筋丸8粒 $68油麥菜 $28紅薯粉 $18可口可樂 $18@罐醬芥 $18@位加一服務費.首先先自行用九宮格醬料盤嚟mix醬🤟🏻之後湯鍋嚟到～店員會先將鮮雞件、兩個椰青、兩個椰皇、椰子乾等配料🤗🤗一同放進鍋中滾起～待完成後記得先飲啖極清甜嘅香濃椰味靚湯～再品嚐埋嫩滑雞肉🐔一致讚好！果然係呢度嘅招牌湯底呀；然後再食粒粒飽滿嘅足料鮮蝦雲吞🦐皮薄餡料多👍🏻👍🏻；純牛筋丸🐂都非常彈牙又juicy呢；焯埋青翠新鮮嘅油麥菜🥬同 煙韌有彈性嘅紅薯粉！！邊食邊飲埋冰凍可樂🤩🤩大滿足！！

之前旺角同同事食過滾爺火鍋覺得唔錯，今次同男朋友尖沙咀見到有分店，所以黎試下。店面裝潢舒適簡約，如多人預約仲可以包房唱k，又有得打邊爐又一得唱歌，夠哂過癮。點左呢度既招牌椰子雞煲， 有大半隻雞，再配上2個新鮮椰青椰皇，無額外加水，飲落十分香甜， 打邊爐前已飲幾碗湯。文昌雞肉質鮮嫩，唔會鞋口，帶有淡淡椰香味。台灣三寶丸，有芝士牛丸、金沙魚丸同香芋包心貢丸，三款丸各有特色，牛丸彈牙多汁入面芝士仲可以拉絲 ，而金沙魚丸係流心😲鹹蛋黃味好濃。個人最喜愛香芋貢丸，咬落口感綿密芋香四溢，夠哂特別。西洋菜同豆腐吸收哂椰子雞湯既精華，香甜好食。

這晚放工後，我哋來到了這家以椰子雞煲聞名的餐廳。走進店裡，濃郁的椰香味頓時令人感到食欲大增！滾燙的椰子雞湯中帶着濃郁嘅椰子味，湯頭頓時變得鮮甜可口。嫩滑多汁的雞肉完美吸納了湯汁的精華，彈牙嫩滑，回味無窮。除了椰子雞煲火鍋本身包嘅雞肉，我哋又點了脆爽可口的魚片、牛柏葉，以及Q彈有勁的牛丸。各種食材不僅口感豐富,而且完美融合在椰香四溢的湯頭之中，又鮮又多汁，提升左食材嘅味道。韭菜餃、墨魚滑和粟米等配料也為整道菜添加了更多層次，為用餐體驗增色不少。清脆爽口的唐生菜更是為這頓火鍋畫龍點睛，解左一點油膩，以及來左個完美嘅收尾。總的來說,這家餐廳的椰子雞煲無疑是一間值得一試嘅火鍋店。濃郁的椰香、鮮嫩的雞肉和眾多配料的完美搭配，令我哋呢班椰子雞煲愛好者解一解口癮。

奧運期間，出去吃飯有電視是必需的！這裡每桌都有自己獨立的電視🤩除了滿足📺吃邊看的欲望，食物質數也確實不錯👏🏼❤ 招牌椰子雞鍋 (半隻) $248 ❤香港都有🥥椰子雞煲了！純椰皇椰青加新鮮文昌鮮～先下半隻雞，再加上椰皇椰青各兩個，滾水後熄火計時，用餘温浸熟雞肉。到時間先喝一口最純正的椰子雞湯，湯頭甜美，雞肉鮮嫩，直接吃最原汁原味，點醬油也很搭，醬油不會太咸再加上大量青檸，很好吃！❤ 手打四寶丸 $88 ❤真材實料，用心製作，鯪魚丸和蝦丸很鮮甜，墨魚丸裡面有粒粒墨魚肉，黑椒牛丸是單純的黑椒辣和牛肉鮮～⭐ 手包韭菜餃4粒 $40 ⭐足料好吃，很飽肚～ ❤ 紅薯粉 $18 ❤吸了椰子湯的紅薯粉超好吃，不加醬油清甜，加了開胃惹味～⭐ 皇帝菜 $38 ⭐ 新鮮乾淨，吃一點健康的清菜~

位於尖沙咀金巴利道的這家滾爺火鍋門口不起眼，原來係要落一層才到店面，店面裝潢舒適簡約,推門而入,迎面撲來一股濃郁的椰香,令人垂涎欲滴！點了一個大份的椰子雞煲,湯底十分鮮甜！我哋連飲幾碗湯！椰子湯頭濃郁醇厚,椰汁的香氣融合了港式火鍋料,恰到好處牛丸Q彈鮮嫩,竹笙爽脆可口,牛肉厚度啱啱好！層次豐富,而且配菜都好新鮮，粟米，生菜用椰子湯煲更有鮮味，每一樣料理都精心炮製,令人食指大動！整個用餐體驗非常愜意,無論是環境氛圍還是菜品本身,都無可挑剔。而且作為火鍋店，不是太喧鬧，可以舒適用餐，多人來也可以進包箱，就算兩個人用餐,份量都夠晒飽！也能感受到這裡的溫馨與親切。強烈推薦這家椰子雞煲,有機會一定要來嚐鮮！

這次跟朋友去尖沙咀的滾爺火鍋🍲，點了2人套餐$598，套餐超划算❤️.豬頸肉肥美多汁，入口即化花甲大蜆新鮮彈牙，海味十足，沒有沙澀口感.新鮮海蝦鮮甜無比，一口下肚超滿足手工餃子皮薄餡多，搭配讚岐烏冬口感Q彈還有山根，吃起來清甜爽脆.湯底選了麻辣和沙嗲鴛鴦火鍋，麻辣湯底辣得剛好，不會太過火🔥；沙嗲湯底濃郁香滑，搭配肉類真的是一絕👍🏻.整體來說，滾爺火鍋的品質非常好，喜歡食牛和海鮮🦞的可以一到試試，這裡卡位偏多，另外還有多間VIP房～.