滾爺火鍋 (金巴利道)

營業中

休息中

餐廳位於尖沙咀天文台道附近，地舖門面樸實，沿樓梯落到下一層就別有洞天，每枱都附有一部電視機可以隨意轉台，睇波追劇都滿足到，不過最重要嘅係主打嘅椰子雞煲，即刻睇下有幾好食！🌕招牌椰子雞鍋（半隻雞） $248大推‼️招牌椰子雞煲完全不加一滴水，湯水非常清潤香甜，絕對係食過返尋味❗️雞煲嘅湯汁全部來自椰皇同椰青內嘅椰子水，加埋半隻文昌雞同椰子肉、馬蹄等放入鍋內，開火煮至大滾後再熄火焗五分鐘即可食用。雞肉嫩滑多汁，而且帶有甜味，食曬全部雞肉都唔會覺得膩；湯水由兩個椰子一個椰皇煲製而成，味道有幾香甜可想而知，幾時飲都係咁係無得彈，秋冬天飲就更加滋潤！🌖新鮮第一刀（新鮮豬肉片） $178豬肉片完全無豬羶味，薄薄一片只要輕灼幾秒就食得，肉質都幾嫩，而且唔肥膩，如果可以有得揀半份，食多啲其他野就更好。🌖手打四寶丸 $88四寶丸分別由蝦滑、墨魚滑、鯪魚滑、牛滑制成，個人比較推薦前三者，用料實在入口彈牙，牛滑感覺就較為鬆散，偏向似山竹牛肉嘅口感，有喜好嘅可以唔叫拼盤直接叫單品，但如果人少嘅話拼盤都係不錯嘅選擇。🌖手包鮮蝦雲吞4粒 $44雲吞可選八粒或者四粒，size 都幾大，餡料嘅蝦肉份量唔少，不過雲吞皮就較

🦖尖沙咀甜潤椰子雞✨✨招牌椰子雞鍋（$248）招牌椰子雞湯底來自椰皇、椰青水用半隻文昌雞、椰子肉、馬蹄調味雞肉嫩滑多汁，帶有甜味，味道香甜、秋冬天飲就更加滋潤！九宮格調味盒有小青檸，同椰子雞超夾超好味🤤✨美國安格斯板眼($188)擺盤好靚又打卡able🩷美國安格斯板眼牛味濃，肥瘦適中✨澳洲純牛筋丸（$68）非常有驚喜～牛筋丸彈牙爽口，肉汁豐富，牛味好濃郁✨魚皮餃味道正常，有八粒！火鍋必食～～～

今次去咗呢間餐廳試咗佢哋嘅藥膳花雕醉雞鍋，整體感覺幾特別，適合鍾意藥膳風味嘅朋友。餐廳環境簡潔，坐得舒服，同朋友傾足全餐都唔會受到打擾，三五知己、商業夥伴聊天開會的好地方，可以慢慢享受打邊爐嘅樂趣。藥膳花雕醉雞鍋（半隻雞），湯底帶有濃郁嘅藥膳香氣，花雕酒味比較突出，飲落暖身，適合鍾意酒香嘅朋友。雞肉份量足，雖然俾我地煮耐咗有少少偏老，但依然可以接受，藥材味同酒香結合得幾有特色，飲完之後成個人暖笠笠。美國安格斯板眼嘅肉質尚算唔錯，油脂分布均勻，輕輕一灼就可以食。雖然牛肉味唔算非常突出，但配搭藥膳湯底都幾夾，食落都算滿足。手打四寶丸分別係牛丸、蝦丸、鯪魚球同墨魚丸，每款都有唔同嘅口感。雖然彈牙度可以再好啲，但整體味道都算合格，特別係蝦丸同墨魚丸，食落都幾有鮮味。西洋菜嘅份量幾多，放入藥膳湯底煮一煮，吸晒湯汁嘅精華，食落都幾清甜，可以平衡返打邊爐嘅油膩感。萵筍幾爽脆，煮完之後仲keep到啲口感，食落幾清新。萵筍嘅清甜同藥膳湯底幾夾，食完之後口腔仲留有淡淡嘅清香，算係幾好嘅配菜。

乍暖還寒的天氣最啱去打邊爐，今晚去咗尖沙咀金巴利道滾爺，位置在尖沙咀金巴利道地庫，交通方便點了招牌揶子雞鍋，清香沒有半點味精，清甜滋潤，雞嫩滑，半隻文昌雞加椰子肉，仲有馬蹄，大火煑滾五分鐘即可享用，作為秋冬進補不錯台灣三寶丸（六粒）分別有芝士牛丸、金沙魚丸、香竽包心上貢丸， 自家手打丸，大大粒好彈牙，包心芝士流心，不過小心會熨口彈牙手打墨魚滑墨魚滑打得好爽滑，墨魚味濃郁即炸紫菜響鈴同甜粟米也是火煱的好配搭樽裝竹蔗茅根，清熱消滯，減低食火鍋的油膩

打邊爐有驚喜黎到婚紗街呢頭見到呢間火鍋店叫左麻辣同椰子雞鴛鴦鍋麻辣可以揀辣度😆啱曬唔太食得辣又想過下癮醬料盤有曬必備配料自己落😙同朋友都想多菜少用叫左西洋菜同娃娃菜全部都好新鮮！而且又多！滾左之後發覺椰子雞湯底好鮮甜🤤就連啲菜都吸收埋湯底嘅甜味好好食！雞肉份量都唔少，就算keep住滾都唔會好鞋而且唔係軟淋淋嗰啲冰鮮雞嘅口感～芝士腸脆皮，夾埋煙韌嘅烏冬做配料好食😆食到最後麻辣湯底都唔會好油👍🏻呢個湯底配搭真心唔錯卡位坐得舒服仲有房可以一班朋友黎食門口附近仲有花花牆草泥馬打卡幾特別😆

想喺尖沙咀簡簡單單打邊爐，見尖沙咀人推介滾爺火鍋，就一於去試吓佢先❗️餐廳地方闊落，每個卡位都有一個私家電視，抵讚👍🏻 餐廳有提供九宮格調味料，最驚喜係有泰國小青檸，打邊爐會特別開胃🤤 食物足料新鮮，質素都算唔錯❗️ ✨西班牙無激素豚肉片 $178 👍🏻👍🏻👍🏻👍🏻豚肉片切得薄薄地但質素唔差，肥瘦均勻 同肉質滑嫩😋✨爽口手打鮮蝦滑 $78 👍🏻👍🏻👍🏻👍🏻爽口彈牙，鮮味十足❗️✨滋味清湯 $78 👍🏻👍🏻👍🏻雖然叫清湯，但係其實本身個湯係有菜同埋豆腐，清清地都OK ☺️✨手包鮮蝦雲吞$44 👍🏻👍🏻👍🏻雲吞有四粒，正常size，蝦肉足料✨蜂巢豆腐 $32 👍🏻👍🏻👍🏻豆腐好滑，唔會一夾就散✨油麥菜 $28 👍🏻👍🏻👍🏻好fresh✨手包韭菜餃 $40 👍🏻👍🏻👍🏻韭菜餃有四粒，ok好食 ✨讚歧烏冬$28 👍🏻👍🏻👍🏻一份有兩個，最後撈埋啲湯食烏冬啱啱好

天氣乍暖還寒 最適合打邊爐，飲個暖身既椰子雞湯😌 今日嚟咗尖沙咀嘅呢間火鍋專門店😚招牌椰子雞鍋🥥🐓叫得招牌果然係名不虛傳😆 椰子雞鍋湯底以新鮮椰子水為基底，帶有天然既甘甜同椰子既香氣，湯底煲緊嘅時候已經聞到好香好香嘅椰子味😍湯汁吸收了雞肉的鮮味，濃郁而不膩，飲落仲超清甜😚雞肉選用既係肉質鮮嫩既文昌雞，食起來口感滑嫩。椰子肉也可以加入鍋中，增加了口感既多樣性。其他火鍋嘅配菜叫咗紅薯粉、蜂巢豆腐、手打四寶丸、金錢肚同萵筍。手打四寶丸，亦都好出名包括有魚蛋手打牛丸蝦滑同埋墨魚滑🤗 粒粒都好大粒同埋好彈牙。而且每碟火鍋配料都非常大份，好抵食

呢2日天氣又凍返少少，都幾岩去打邊爐。呢度環境都坐得舒服，我地兩個人安排左4人卡位，可以擺埋袋。滾得飽2人餐 ($598)叫左麻辣同沙嗲湯底，麻辣都幾辣，沙嗲湯底都幾濃。醬料款式都幾多，實有款岩口味。呢個套餐包海鮮，有海蝦4隻、花甲6-8隻、西班牙無激素豬頸肉、手包韭菜餃4粒，當日冇手打鯪魚滑所以轉左雲吞。打邊爐當然都唔少得山根同烏冬啦！再加左忌廉($18)同可樂($18)，計埋醬料($18x2)同加一，total 係$733。本身驚會唔會唔夠飽，最後係太飽！

餐廳地理置方便，座位寬敞、多卡位、私隱度高，亦設有房間。店員風格豪邁，而且採用QR code落單，即使I人亦合適。食物份量細細碟，大食可以試多幾樣，細食亦唔怕嘥嘢。 ✦ 鴛鴦鍋(沙嗲+芫茜皮蛋) 餐廳嘅湯底都幾多選擇，椰子雞、胡椒豬肚雞、藥膳花雕醉雞、麻辣龍蝦雞都有。不過最近腸胃唔係幾好，清清哋嗌咗芫茜皮蛋，朋友就揀咗沙嗲。湯底夠味，芫茜皮蛋芫茜味濃郁，皮蛋、豆腐等配料充足，沙嗲湯相對較為香濃。 ✦ 牛魔皇拼盤啱晒選擇困難嘅人，拼盤包含牛肩胛、牛舌、牛骨髓、金錢肚、牛柏葉。牛肩胛肉味濃郁，油花少、肉質柔軟。牛舌嫩中帶脆。 ✦ 讚歧烏冬一碟有兩大個，粗而結實，口感較為彈牙有咬口。 營業時間去到0500, 下次玩夜咗，可以約埋朋友嚟個宵夜邊爐。

📍 滾爺火鍋 (上海街) (旺角)旺角上海街428號地舖✨ 麻辣雞煲（半隻雞） 💰248😋😋😋😋.8/5麻辣雞煲味道濃厚，雞肉嫩滑，麻辣醬汁香氣四溢，搭配各種配料，食完令人意猶未盡，真係好開胃！之後就加湯打邊爐🔥🔥🔥👉即炸紫菜響鈴💰68即炸紫菜響鈴外脆內軟，口感絕佳，紫菜味清新，配上醬油真係無敵，食到一口接一口，停唔到！👉彈牙手打墨魚滑💰78手打墨魚滑彈牙十足，墨魚味濃郁，滑口又有嚼勁，煮熟後更香，搭配醬料食得更過癮，值得一試！👉即炸小白豬午餐肉💰58即炸小白豬午餐肉外脆內嫩，豬肉味香濃，口感豐富，搭配唔同的醬汁，真係好好食，令人回味無窮！👉鲮魚滑釀豆卜💰38鲮魚滑釀豆卜口感滑順，豆卜吸收了魚滑的鮮味，味道非常出色，食完讓人心滿意足，值得推薦！👉蜂巢豆腐💰32蜂巢豆腐外脆內軟，豆腐味道清淡，搭配醬料食得更美味，口感獨特，食完一口接一口，真係好正！👉唐生菜💰28唐生菜鮮嫩可口，清脆爽口，搭配各種菜式都好合適，作為配菜提升整體味道，健康又美味，必點！👉芝士腸8條💰38芝士腸外脆內軟，芝士流心超級好味，咬一口香濃四溢，配上醬料更加完美，真係食過唔想停！👉脆魚片💰88脆鯇魚片外脆內嫩，魚味鮮美

今日二人去。餐具有烏蠅圍，但係無提供清水或茶，所以沒有得自己清潔。結果用紙巾抹。叫了一個鴛鴦湯底，一邊蕃茄、一邊麻辣，有幾片蕃茄，沒有其他材料，收$228. 麻辣湯底有點淡，而且不夠辣，我哋無要求過少辣。後來點餐一樣沒有茶水。叫了吊龍、豬肉。吊龍$488 如圖，砌得好少同埋好薄。一放入湯縮得很細。我俾了openrice 的手機訂座佢睇，一直都沒有確認。由於響地面落一層，有點焗。要求開大冷氣，店家很有禮貌地配合，但仍然很焗。響鈴和蕃茄湯底算好食。但食物份量和環境如不改善則不會再去。

食物質素唔ok，仲要好貴要乜冇乜，服務態度差本身book 旺角，問果陣話有房到話比訂金又冇房，要求轉尖沙咀Book 房已講要求唱K又講到間房ok，可10人（旺角房睇圖可以）又一直催比訂金，比咁先比我相已話房太細，但話可以，坐到10人但入到去6個都嫌多，張枱又細。要坐圓櫈又閂唔到門卡啦ok 音響設備超差喇叭左右輸出聲入不一致入黎過條線係咁，覺得冇問題麻辣龍蝦雞煲湯底套餐入黎話冇龍蝦，叫換餸但冇打算扣錢要求取消又多多說話真心唔推薦

<鴛鴦鍋- 沙嗲 + 麻辣 🥘 $168>平時好少見有沙嗲湯底邊爐 一上黎已經聞到濃濃嘅沙嗲味 麻辣味都幾香 嗌咗小辣都可以接受到 想食辣嘅可以再辣啲😋🌶️<美國安格斯板眼🥩 $188>佢哋牛肉嘅擺盤好靚 美國安格斯板眼加埋香辣同沙爹湯底都幾夾 再配埋個公仔麵 就會變沙嗲牛肉公仔麵 好滿足😌<白牛栢葉🤍 $78>白牛栢葉嘅份量比我想像中多 我最鍾意用黎打邊爐 好爽口 好入味🫣記得佢地有醬料費 $18/位 有10款醬料配搭‼️

【🥥🐔甜甜潤潤的椰子鮮雞火鍋】我同朋友都被椰子雞湯湯底吸引🤩今次趁凍凍地要嚟試試「招牌椰子雞鍋」！餐廳在地庫，私隱度高，裡面仲有幾間房，啱晒小組聚會！九宮格調味選擇多，最驚喜係有泰國小青檸，見到小青檸就想食牛肉喇！🥥🐔湯係點呢？1️⃣先飲湯首先用新鮮椰皇、椰子水、椰絲、馬蹄，加入鮮雞大滾後焗5分鐘成椰子雞湯，趁熱飲湯，又香又甜，感覺一試難忘！2️⃣食雞加雞湯之後再加入雞湯去打邊爐，點了手切美國安格斯牛肩胛同蔬菜拼盤。🐮美國安格斯牛肩胛盤出色，好新鮮，而且份量幾大，兩個人要啲時間慢慢食。用埋小青檸嘅汁去配呢個牛，完美呀！🥬蔬菜籃樣樣有而且都幾新鮮👍🏻體驗位🔗椰青水：我自己嘗試倒一個椰青水😂原來都幾重㗎！🔗沙漏計時⏳：店員仲細心地提供沙漏⏳計時用，體驗感滿滿🔗🔍隱藏版食法：用匙羹將椰皇內嘅滑椰肉取出，放埋入湯中。椰肉滑捋捋，口感幾得意。

知道呢間打邊爐好出名，但小妹一直未有機會去，今次終於等到可以約埋一大班朋友仔去食啦！地方寬敞，但座位有少少狹窄，而且會頂腳，個子高嘅朋友仔就會坐得唔舒服。我地坐喺廚房隔離，衛生程度一般，還可以接受。😋 招牌椰子雞鍋 ~ 可能枱面細，所以唔似網上見到其他人咁會擺椰皇同椰青喺度影相，只係成煲拎過嚟，唔係喺大家面前倒椰子水落去，有少少失望。打開煲蓋聞到陣陣椰子嘅香味，味道清甜，飲完湯繼續落料打邊爐！😋 麻辣雞煲 ~ 辣度適中，麻香辣三方面平衡，而且多芹菜又幾正！總結，食物質素還好，性價比一般。