滾爺火鍋 (金巴利道)

營業中

休息中

最近去左試尖沙咀呢間滾爺火鍋，叫左個好出名嘅椰子雞湯火鍋，湯底夠曬純正清甜，用左3個椰子水，湯底超甜，仲包埋半隻文昌雞，雞夠肥同嫩滑，肉都爽口唔鞋，好多肉食，幾好食！另外，我地叫左手打丸拼盤、豬潤同埋皇帝菜，大致都ok。丸有8粒，分別有牛丸、鯪魚球、蝦丸同埋墨魚丸，全部都真材實料，蝦丸特別彈牙。另外豬潤同菜嘅份量都好多，豬潤夠厚同新鮮。地點方便，不過坐位比較少，如果想試就要預約定或者去其他分店啦！