影片
開飯介紹
在旺角起家的港式火鍋餐廳，湯底有滋補及香辣口味，另有多款海鮮料理及惹味的粵菜，價錢豐儉由人，讓你聚餐時可按需要作不同選擇。
繼續閱讀
營業時間
今日營業
12:00 - 05:00
星期一至日
12:00 - 05:00
以上資料只供參考, 請與餐廳確認詳情
有關獎賞計劃
餐廳位於尖沙咀天文台道附近，地舖門面樸實，沿樓梯落到下一層就別有洞天，每枱都附有一部電視機可以隨意轉台，睇波追劇都滿足到，不過最重要嘅係主打嘅椰子雞煲，即刻睇下有幾好食！🌕招牌椰子雞鍋（半隻雞） $248大推‼️招牌椰子雞煲完全不加一滴水，湯水非常清潤香甜，絕對係食過返尋味❗️雞煲嘅湯汁全部來自椰皇同椰青內嘅椰子水，加埋半隻文昌雞同椰子肉、馬蹄等放入鍋內，開火煮至大滾後再熄火焗五分鐘即可食用。雞肉嫩滑多汁，而且帶有甜味，食曬全部雞肉都唔會覺得膩；湯水由兩個椰子一個椰皇煲製而成，味道有幾香甜可想而知，幾時飲都係咁係無得彈，秋冬天飲就更加滋潤！🌖新鮮第一刀（新鮮豬肉片） $178豬肉片完全無豬羶味，薄薄一片只要輕灼幾秒就食得，肉質都幾嫩，而且唔肥膩，如果可以有得揀半份，食多啲其他野就更好。🌖手打四寶丸 $88四寶丸分別由蝦滑、墨魚滑、鯪魚滑、牛滑制成，個人比較推薦前三者，用料實在入口彈牙，牛滑感覺就較為鬆散，偏向似山竹牛肉嘅口感，有喜好嘅可以唔叫拼盤直接叫單品，但如果人少嘅話拼盤都係不錯嘅選擇。🌖手包鮮蝦雲吞4粒 $44雲吞可選八粒或者四粒，size 都幾大，餡料嘅蝦肉份量唔少，不過雲吞皮就較厚，可以厚啲先可以包得住咁多料😂。🌖皇帝菜 $38皇帝菜唔會太老，就算菜莖部份都唔會有渣。
繼續閱讀
【尖沙咀•滾爺火鍋】@ππππππππππππππππππππππππππππππ大大隻椰青作鍋底火鍋招牌椰子雞鍋（半隻雞）文昌雞（半隻）讚歧烏冬招牌椰子雞鍋（半隻雞）椰子雞鍋以新鮮的椰子為鍋底，湯汁清甜，雞肉鮮嫩多汁。半隻文昌雞在椰子湯中慢煮，充分吸收了椰子的香氣，整體口感滑順，非常適合喜歡清淡口味的食客。搭配香菇、冬瓜等鮮蔬，讓整體滋味更加豐富，入口後讓人心情愉悅。文昌雞（半隻）文昌雞以其肉質鮮嫩著稱，這一半隻的文昌雞經過精心處理，保留了雞肉的原汁原味。雞皮微微焦脆，肉質卻依然保持多汁，搭配特製的醬油或蒜蓉，風味更佳。這道菜不僅色香味俱全，也是一道讓人無法抵擋的美味。讚歧烏冬讚歧烏冬則是一道口感滑順的麵食，麵條彈牙，吸附了濃郁的湯汁。湯底鮮美，通常會加入海鮮或蔬菜，增添層次感。搭配一些香料和調味料，讓整碗麵更加香氣四溢餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 500✨✨✨✨✨✨✨✨✨✨✨✨✨#尖沙咀美食 #滾爺火鍋 #web3尖沙咀滾爺火鍋 (金巴利道) (尖沙咀)尖沙咀金巴利道58-60號金碧閣地下A號舖
繼續閱讀
天氣開始轉涼, 最岩約埋朋友一齊去打邊爐,今次去左位於尖沙咀既滾爺火鍋 , 可能係平日既關係 ,所以唔算多人, 人少少傾下計都唔錯椰子雞鍋好有驚喜，店員拎住兩個椰皇同兩個椰青等配料喺我地面前即場整椰子雞鍋 , 完全無加水！店員教我地用大火煮滾熟啲雞同埋配料，煲滾後熄火焗5分鐘 , 煲蓋一拎起就聞到濃濃既椰子味 , 試左一啖湯底 , 飲落超鮮甜招牌椰子雞鍋(半隻雞) - $248Choice級美國安格斯牛肩胛 - $228新鮮第一刀 (新鮮豬肉片) - $178手打四寶丸 - $88皇帝菜 - $38環境：4/5地方唔算好大，大部分坐位設有梳化坐位服務：4/5QR code 落單，上菜都快
繼續閱讀
餐廳環境寬敞，入門口仲有靚靚花牆及草泥馬作為打卡位，而內堂也設有多個卡位，最緊要用餐時唔會有壓迫感😊 1️⃣ 我哋二人叫咗個招牌椰子雞鍋，用料無揸留灘，倒哂兩個大椰青水同椰肉，再落埋出名皮脆肉嫩的文昌雞，加埋用沙漏在水滾後計時，時間恰度適中，打開蓋時椰香撲鼻，令人食指大動。2️⃣ 牛肩胛肥瘦比例剛好，只需淥幾秒時間一轉色時就要撈起入口，肉香肥美，牛味沖天。3️⃣ 新鮮第一刀豬肉片薄薄切出，增加快熟感，肉質扎實，沒有肥肉膩感，但要小心容易過火變柴。4️⃣ 手打四寶丸口感並不是太Q彈，但味道濃厚，似新鮮手打出來。5️⃣ 皇帝菜留待最後淥一淥，吸收哂其他食材的精華，入口郁香同帶點椰香，不失作為打邊爐完美結尾。
繼續閱讀
🍁天氣漸漸轉涼，入秋食咩好啊？梗係打邊爐啦。好鍾意椰子味嘅樹熊成日嚷着要食椰子雞煲，熊妹就揀咗間出名嘅椰子雞煲同佢試吓啦！《滾爺火鍋》係旺角上海街已經有一段時間，原來係尖沙咀開左分店，油尖旺區簡直係火鍋密集地！開分店的選址唔錯喎！📌一般嘅火鍋配料都有，海鮮、牛肉、丸餃滑類、蔬菜配料乜都有，仲有炸物小食，打邊爐之餘仲有小食，真係會卡路里爆煲💥！📌除了最出名的椰子雞煲外，還有麻辣雞煲、藥膳花雕醉雞煲、麻辣龍蝦鍋等等，每款都岩口味，不過今日第一次黎棒場，當然試下招牌菜椰子雞煲先！招牌椰子雞煲（半隻雞），$248兩大個印有「滾爺」招牌的椰青加兩個椰皇，望落都好夠份量。店員會先倒入椰青水，再加埋椰子片同馬碲等當湯煲材料，以椰青水做湯底而不額外加任何一點水，滾得愈耐就愈出椰子味，湯底夠哂清甜潤候，岩哂秋天打邊爐！半隻雞，雞脾、雞翼、雞胸位全部有，清甜的椰子水滲入雞肉入面，大火煲滾的雞肉口感嫩滑再帶點清甜味，比起平時打邊爐用的濃味湯底清新好多，無咁油膩，所以連湯都可以飲埋，當飲熱椰青水咁。兩口子可以好快清哂半隻雞，難怪椰子雞煲出名到做招牌菜。手打鮮蝦雲吞（4粒），$44 樹熊鐘意食雲吞，雲吞配清湯打就最夾喇！雲吞大大粒超彈牙，豐滿的蝦肉好有咬口，椰青湯煮蝦肉味道原來都幾夾，唔錯！手包韭菜餃（4粒），$40打邊爐要食韭菜餃，熊妹就咁食新鮮韭菜唔食，但韭菜餃撈埋啲肉碎調左味，就好好味！煲滾後再加點醬汁調味，比起菜肉餃，多一重重味韭菜味，就係韭菜餃引人入勝之處！唐三藏田園菇菜拼盤，$68熊妹一定要食蔬菜，蔬菜都有好多種類，叫個蔬菜跟菇拼盤就最好不過。蔬菜有油麥菜、娃娃菜、金菇、香菇、雞髀菇同埋粟米，菇同菜都好新鮮，洗得好乾淨，清甜嘅椰子水煲新鮮嘅蔬菜原來會更出蔬菜嘅甜味，用椰子水打邊爐呢個配搭真係好唔錯！龍口粉絲，$18樹熊鐘意食粉絲，滑嘟嘟啜入口又唔會好飽，仲索哂啲椰汁清湯味道又幾清甜喎 ，掂！醬芥（每位），$18📌門口擺放了玻璃吊椅同花花牆壁，仲有隻草泥馬係側邊🦙，打造左成個港女打卡聖地，打邊爐都可以有得港女打卡，真係不可思議😆。📌門口擺放了玻璃吊椅同花花牆壁，打邊爐都可以有得港女打卡，真係不可思議😆。📌埋單$500，香港少有的椰子雞煲，食材高質，自家包的水餃雲吞又大大粒，唔洗山長水遠返大陸食喇！留港消費振興經濟💪🏻！
繼續閱讀