湘川滬 (+WOO嘉湖二期)

營業中

休息中

前幾日揀咗呢間位於天水圍置富嘉湖二期嘅湘村滬同屋企人食飯。除咗酒樓入邊，係門口外邊都劃出半開放區可以用膳。不過無論喺酒樓入邊或門口出邊，都已經坐滿客人。韭黃肉絲炒拉麵 - 味道正常。崧子蝦球西蘭花 - 蝦球有蝦味爽甜彈牙；西蘭花入味，口感適中，水準之作。乾鍋土豆排骨 - 上枱後一直有個小小嘅火一路食一路加熱。排骨夠腍夠入味 ，薯仔索咗排骨嘅味道之後亦變得十分好食。梅干菜肋排 - 炆得好腍嘅肋排上面鋪有好多梅干菜，味道鹹甜適中，配白飯或者就咁食都唔錯。片皮鴨 - 鴨皮夠入味帶少許煙韌。只係略嫌每片帶有太多鴨肉，而且鴨肉味道比較淡整體感覺，菜式絕大部分味道都唔錯，又年近歲晚，好多人都會外出團年，唔怪得會全院滿座。

一路等位，一位見住d某d人俾左好幾個萬寧印花俾個知客，跟住就入左去。有個明明話兩個人，但同知客好熟咁，入去就幾個人，但無拎飛的，遲過我們都入左去。排隊一d都唔公平，完全唔透明的，有著數有關係既就有位。叫左幾碟點心, 全部食物質素都偏差，餐具油立立。好處，無時間限制，無人趕你走，可以任坐。

店內待應極冇禮貌，對客呼呼喝喝。經理態度也很差。有曱甴好似習以為常。草草收掉就算，收後還堅稱並不是曱甴，大概你誤會了。🤷🏼‍♀️之後取消酸辣湯一項。可憐我剛剛咀嚼和半個身子之後一次濫收費用，說我們排骨飯帶走，要收附加費。當俾＄那刻是我並沒有看清楚這項收費。回家後看單子發覺，打電話給該公司。說明天覆！夜間經理說不關他的事，明天叫早間經理覆我。之後我等了三天，經理說阿姐話我外帶所以加我錢！但我是並沒有外帶的。因為我自己嗌了幾樣點心給工人姐姐。之後問這個黑口黑面的侍應要了一個膠盒。侍應生着我們不可帶走排骨飯因為排骨飯外帶要另收費。排骨飯其實差不多被我們全吃光啦！我們告訴她知道。之後她還聲音惡劣問我們咁你哋仲要唔要盒呀。一副不想幹活的樣子。然後我們說一定要！還有很多點心要包起，為何你這樣的語氣呢？她怒視我們，我說你什麼事要這樣差的態度呢！她續說盒子是要錢的你們知道的了吧！我們答，這個我們當然知道啦⋯⋯你去拿盒給我們吧！之後她又黑口黑面拿了個盒子給我們。其實點解要咁鬼鼠加錢囉又唔通知聲過客 同埋個經理根本就唔會知道！佢只係聽個侍應講一句就在單子做手腳最好笑我當時行出收銀埋單時那個黑面神徘徊在我身

話說台灣名牌乜乜豐小籠包世界聞名，但小籠包痴如我，吃過不少地方的小籠包，還是覺得這裡的最好食。論湯汁，我吃過的冇一間夠這裡多，而且是清純有肉汁的高湯，肉味濃，不會是吃下爆出一口油那種， 十分肥膩，想吃多幾個也不行。還有它size很大，是大大隻包着滿滿一匙羹湯汁，一口吃下大滿足。它皮不如乜乜豐般很薄很有筋性，但亦不是很厚，是較傳統的做法。可惜是它水準不太穩定， 有時皮會拉得較薄， 容易穿，浪費了湯汁， 所以吃時一定要用匙羹墊住。其他點心亦有水準， 最好食係鮮蝦腐皮卷，新鮮炸起， 很足料， 好有咬口。 食落亦冇油膱味，色澤金黃不深色，證明不用老油炸。 回鍋肉炒年糕亦是紅油赤醬那種傳統風， 年糕比厚厚一層芡汁包住，非常惹味。鍋貼亦十分鮮味，肉汁夠多。 皮比以前更薄煎得更脆， 有進步。 值得一讚係呢度點心份量夠大， 似以前屋邨酒樓的感覺， 在百物騰貴的今天實在罕有， 值得支持。

這裏飲茶試過好幾次，食晚飯還是第一次來，7點來到，場面好墟冚，門口企滿人，真的好誇張。。。等等等……一小時先可以入座，因為星期日的關係。閒日冇咁多人。我們叫了瑤柱扒翡翠豆苗，好多瑤柱，勁足料，不過今次重手了，好咸。用嚟送飯會好d，豆苗夠爽，瑤柱其實也好香又入晒味炸菜肉鬆叉子，有好多松子，炸菜肉鬆也是夠多，叉子5個。夠鬆脆，將肉鬆，加落去食好正。小籠包，大隻又皮薄，入面好多湯汁，好味。味道適中。蜜桃咕嚕肉，好甜的蜜桃，肉也是夠淋又香又唔肥，好好味雲吞雞湯。份量好多，雞滑又嫩。入味雲吞同好多菜，湯也是好鮮味最後的湯水，雪梨好清潤，唔太甜！南瓜西米露好香，食到一絲絲南瓜。好正！

上次試左晚市，覺得唔錯，今次就試下下午茶時段。佢地既點心都ok嘅。不過酸辣湯就無酸味，得個辣字，味道怪怪地。令外酒釀南瓜丸子好似羹咁，杰撻撻，而且丸子比較硬，煮唔夠透。

相約好友聚餐，又要多選擇食物，又可以坐得耐嘅地方，又要近真係諗左好耐先搵到，就係天水圍湘川滬。見佢有個超優大酬賓套餐（4位），都係$338，可選擇2個前菜，3個小菜和1個魚，包白飯，仲有甜品送，真係掋食。前菜夫妻肺片，牛肚好諗，底配已青瓜，麻辣醬料好香，但非常辣，不過好惹味😋令一前菜雞絲伴粉皮，雞絲嫩滑，青瓜絲清甜，配上麻醬好味。蝦子鍋塌豆腐，豆腐內裏好滑，味道一般。湘川滬怪味雞，上枱以火爐加熱，保持溫度，雞肉嫩滑，味道唔怪，仲好好味茄子炆迴頭魚，食落感覺有點油膩。咸肉津白，清清地，津白可以切細D，方便食。最後就係南瓜西米露，南瓜蓉好濃，唔錯。雖然套餐$338，但加一連茶介都要成$70幾蚊，大約共$410左右，但本人都覺得掋食。

一直以為港式酒樓才有「飲茶」，原來上海餐館也有點心！湘川滬的點心比起港式酒樓多了上海特色，例如豆沙鍋餅、上海年糕等等。 我們點了一份花素蒸餃和潮州素粉果，再加四喜烤麩，兩個人吃剛剛好。btw有人知道甚麼是四喜烤麩嗎？說來我有個怪癖，就是喜歡點一些特別菜名，然後不問是甚麼，看看有甚麼驚喜！ 等了五分鐘首先來四喜烤麩，原來是像中式齋鋪的甜酸齋，四喜是指千層豆皮（好吃）、雲耳、竹荀和冬菇，幸好全都是素菜，全都煮得軟稔和入味，但嫌有點重口味。潮州素粉果外皮很厚，粉粉的感覺很難嚥下，內餡鬆散，一個字，伏！最後花素蒸餃救回總分，裡面是切碎的菜和粉絲，一川綠油油很賞心悅目，超級足粉，調味也剛剛好，不錯～ 不過要飲茶的話，下次還是去另一家好了，畢竟銀座又不是缺茶樓。

其實係十年前, 仲讀緊書既時候, 媽咪好鐘意帶我黎依度飲茶, 因為依度既人參烏龍個隻甘甜真係好好飲!!!畢左業後就少左去銀座, 咁岩同男朋友入天水圍剪頭髮, 1點左右又未有下午茶, 我就建議去湘川滬飲茶啦~當日我點叫左幾碟野, 飲下茶, 打下機~ 每樣都唔錯wo~先叫左個酸辣湯, 近期一直都好想食, 個味夠酸夠辣, 料都算多, 唔錯而男友話想食既小龍包咬落去超多湯, 但皮就真係厚左少少, 整體我覺得都ok~另外鳳爪同豆沙鍋餅都好食! 夠熱, 份量都夠~對比起有幾好食, 反而更似懷念當初, 考完試放學媽咪等我一齊嘆茶既光陰呢~

一直有間中去食，今晚去收銀處比錢嗰陣，話我侄女同姨甥要收茶錢我話「BB嚟喎」（一個兩歲三個月，一個一歲十個月，兩個都坐BB凳）收銀叫個侍應行埋去睇，睇完行過嚟講「收少一個」我條氣唔順，話「兩個都咁細個你要收錢？！」侍應同我講「咪兩個收你一個囉！」收銀話「我地夠三歲就要收」我聽到仲嬲我「而家你睇咗兩個都咁細個，兩個都未夠三歲，你同我講要收錢？一直嚟開都冇收」個侍應再講「而家咪兩個收你一個囉！」我「又話未夠三歲唔使收，咁點解而家要收一個呀？」收銀即刻扮嘢「我負責收錢架咋，我唔知架」個侍應再講「而家係兩個收你一個呀！」我「根本兩個都唔應該收！唔係錢嘅問題」侍應搵經理嚟，經理聽完，乜都冇講，淨係好快畫完張單就比收銀，我「得7個大人咋喎」經理「咪幫你改咗囉！」我「你乜都冇講我點知呀？」結果我地比完錢，一肚氣咁走咗 😤😤😤😤😤😤😤😤 態度咁樣，食物質素無需提及

完全無禮貌，你問佢，佢唔答你。食物質素是不錯，可惜被垃圾知客完全拖累！成班知客同大部分樓面打成一團！團結一致。好像同一鄉下咁。在這這裡可感受到他們的一份同根情。如果不是食物質素好，這間酒樓應很快被結業。有人同佢地拎位，話5位其中一個細路，佢地神速回答：咁細路都要有位坐家嘛！！5位就係5位啦！氣燄何其大！跟住到我票號到，佢問我有無過半人，我話無，佢話咁你等下先啦，夠人先出聲。依度無過半數唔俾枱！這種酒樓規矩不知所謂！取票時又唔同你講，到時才問，竟然這種態度在今時今日仲可生存！真是恐怖！！！

訂位時留左隻鴨 咩都無講要落訂要成未到訂位時間！無啦啦打黎同我講隻鴨有人要食！到8點半就留唔到！又話我無落訂！唔知我book左仲去唔去！book個陣又唔講！訂左位約哂朋友竟然咁樣！會唔會太過份！不如以後唔好接受book位啦！不知所謂！

收單同事態度極差！冇禮貌！冇對答！！！！一埋黎第一句，你圈左咪得囉，好串好冇禮貌，態度極差！！！！食物冇問題，啲呀姐唔休做，串到呢！！！！飲佢餐茶激到我爆粗！！！

第一次來銀座，見到湘川滬有很多人排隊等位，所以決定一試。最終我們等了30分鐘才可以入座。看到其他食評，決定叫小籠包試試。這裡的小籠包的確很不錯，皮很薄而且湯汁多。另外亦點了生煎包，雞絲粉皮，排骨拉麵及豆沙窩餅。除了雞絲粉皮及生煎包還可以外，吃下其他都頗為失望。排骨拉麵的排骨無味道，吃下又淋又凍。豆沙窩餅太油，多粉無味道，差！服務態度亦強差人意，眼看侍應只顧自己在一旁閑談，叫了多次亦無人理會。食物不算好，服務亦不好，也不明白為何會有這麼多人排隊..............

今天喝的是普洱茶，有茶味，合格。三鮮窩貼，一人一隻，每隻口味不同，不油不膩，合格。綠茶奶皇包，外邊新奇吸引，內裡是流沙奶皇，好味道。其中1個已被茶友搶先吃掉。椒絲腐乳炒通菜，過咸，重口味。珍珠雞，有荷香，合格。菜肉雲呑，湯底清，但肉餡怪怪。小籠包，皮薄多汁，不錯。鵪鶉蛋燒賣，茶友必點的懷舊點心，新鮮。