湘川滬 (+WOO嘉湖二期)

營業中

休息中

同屋企人慶祝生日 黎到依間 食黎食去都係果幾樣野食 片皮鴨 水煮牛肉 每次都叫 今次唔同既係 竹笙加蔬菜果個 銀絲卷同壽包先講片皮鴨 雖然等在好耐 但我覺得今次等特係值既之前食果幾次 一黎個鴨唔算靚 二黎食落冇咩特別 同埋上到台都係溫 皮都唔脆 今次依個唔同 燒得好靚 皮脆 而且放左一陣皮仲係脆架 好評都係因為依隻片皮鴨 但可能因為我食果日係平日4/7加上冇乜人先有依喲質素 之後幾次既都冇 上次果隻仲燒到黑曬水煮牛肉我之前食覺得好辣 我食吾到 但依家我食到辣之後我覺得味道岩岩好 雖然油左少少 但係正常既 牛肉唔會太多根或咬唔爛 之前有一次食好多根竹笙扒蔬菜果個 我唔記得個名啦 第一樣送上黎既菜 份量算多 幾種菇類 反而菜冇咁多 味道我個人覺得用黎送飯食岩岩好 我將竹笙點水煮牛肉喲湯 都好食銀絲卷 外脆內軟甜甜地好好食呀 我以為佢會好似炸饅頭咁外面脆入面咩未都冇 原來唔係 我食左一半 哈哈仲有壽包 一早訂左 諗住比驚喜屋企人 但有個職員見我地食得差唔多問要唔要上比屋企人發現無曬驚喜 雖然係咁 但得覺得佢地有時刻留意客人需要依點都幾好 （可能係平日加上冇咩人 所以食物質數同服務態度今次都好

幫襯咗呢間餐廳好多次，水準有時好好，有時好差，水準不穩定！今晚想搵個地方，慢慢坐、休閒食啲嘢，我們每次都要求卡座位置，比較寬闊、舒適！今晚叫咗醬燒大蝦年糕、醉雞、水餃 & 牛肉拉麵，份量夠、味道好、服務周到，惠顧滿指定金額，有商場泊車優惠，方便駕車人士。希望下次惠顧，都能保持水準。

顧名思義，呢間舖頭當然係做湘川滬菜啦，但係佢都有做廣東菜。不過本人試過lunch 黎飲茶，d點心真係好唔好味，所以都無下次。呢度既湘川滬菜真係惹味架，今次又黎左食辣子雞丁一拎上檯其實好大碟，不過呢張相show 唔到佢有幾大碟咋。雖然好似有好多辣椒，但係其實唔係真係好辣。相反佢係有辣椒既香味，香氣四溢，真係令人食指大動呀！因為落左花椒，所以條脷會有麻既感覺。又麻又辣，但係又不蓋雞丁既肉味，真係好正！其實仲叫左碟瑤柱豆苗架，不過唔記得左幫佢影相。一樣都係ok大碟架！瑤柱份量又多。抵呢間舖夜晚座無虛席

同屋企人去食，雖係買團購票去消費！但由我地入去坐低到食完出門口D服務好到呢，現時係香港都好難遇到！所以必須係呢度表揚下同埋D食物又好食。我地4個人叫了6、7個菜，因爸爸想食豆沙餅。個經理幫我地落單時就提議話豆沙餅係甜點最後先叫，結果不出所料。我地食D菜已經好飽，當然豆沙餅最後冇叫（冇浪費）！多謝個經理溫馨嘎提示

26/2/2017去食 訂左八點 （本身想訂7:30，但個職員話依段時間多人，黎到都要等所以改八點）但我八點去到都冇好多空位，平時幾點都見到好多人排隊，今次唔覺有人排，可能同附件開左間新食店有關。每次黎食都一定係叫片皮鴨（除非賣曬）&水煮牛肉，今次我訂位果陣留左隻片皮鴨所以唔怕冇得食，上次就係冇留到黎左都冇得食水煮牛肉 一開始好多牛肉 最近二次食唔知係咪錯覺 好似少左 同味道冇之前咁好 牛肉望落去幾靚 煮到好軟身 ，入面有d類似薯粉既野 但軟好多同索曬喲湯既味 ，芽菜都有好多 索曬喲湯既味 ，我有時食每覺得辣 、有時又吾會 ，每次去食都吾同 但我點都會叫 因為好味。片皮鴨 我唔知點講 就係普通 但耐唔耐都想食下 附近好似得依到有所以叫 可以選擇二食 或者 好我咁 一食 將隻鴨拎走 炒芥蘭 喲菜唔老 炒到好好食 小籠包 皮比較好 同埋食舊豬肉果陣咬到舊骨仔甜品 真係難忘：個椰汁西米露正正常常冇特別椰汁燉燕窩夠曬難忘 我之前食過二次都係甜既 今次我放入口 覺得完全唔同味 我後知後覺咁食多一啖仔 發現原來係咸既 我屋企人唔信 試左一啖仔 真係咸既 同職員講 佢地都好驚訝 話再整 但岩岩都等左

一坐低見到地下有隻反左肚既曱甴啲阿姐埋黎問飲咩茶個陣我就順便話:個阿姐冇望我 應都冇應 二話不說拎起隔離枱對筷子 用食野個面夾起隻曱甴😲😲😲😲之後 用張墊枱紙揸爆隻曱甴😵我知出街食都預左唔乾淨,但冇可能係個客面前咁做掛 諗起都想嘔...

是曰晚餐簡簡單單在屋企樓下攪掂。我地點左小籠包，炒菜同鹹魚雞粒炒飯。小籠包大大隻，充滿湯汁，飽皮不是最薄但算OK. 味道不錯。腐乳椒絲通菜香口，菜唔油膩亦算嫩。有淡淡腐乳香。鹹魚雞粒炒飯，配料唔多，但炒到粒粒分明，咸咸地，都幾香，仲好大碟，足夠2人食。整體表現平穩，價錢合理，是家常飯好地方。可以再訪。

經常來這裡飲茶，最鐘意佢飲佢嘅人蔘烏龍茶，好甘香招牌小籠包每次來都必叫的，皮薄，而且滿包子都係湯，好正❣鳳爪都係嘆茶必叫的呢個凍茄又係黎親都必叫嘅❣食一碟都唔夠皮雞扎好足料大大隻呢個好似叫金菰餃都唔錯今次影漏左碟炸醬麵炸醬麵又係植得推介比大家，超好味的下星期放假都想再去

今天中左馬， 於是 ，為食一餐晚餐好好慶祝。 最後選擇在一間餐廳叫湘川滬， 我們一家四口叫了百 道 菜。 其中一道叫酸甜魚， 這道菜是我畢生以來吃過最難吃的魚。 用d低質的 魚 去炸， 然後 隨便加一些 類似咕嚕肉果啲汁， 令人大失所望。 其他的菜式全部都是油很多， 低質菜式， 不能盡錄。

劉華說得好'今時今日，咁既服務態度唔得架啦'，何況已講左10幾年既今日! 天水圍雖然不是什麼高檔位置，可是，我們也是真金白銀來食飯，付了加一服務費的，要求少許服務態度也不為過，當晚服務態度已不甚好，最過份是，只是不小心留了東西在餐廳，已連聲說抱歉，侍應同經理仍然惡言相向，態度真心惡劣，經理甚至說原本要扔掉它, 真不知如何反應是好。總結， 食物價錢性價比不高，態度極差，沒有再去的理由。

砂鍋獅子頭，熱哄哄兼啫啫聲上菜，兩粒如巨蛋的獅子頭確實吸晴，肉球內還有馬蹄的爽口感，又不失免治豬肉的鮮味。配菜有小棠菜、笋及冬菇，正好與茨汁混和飯來吃。炸銀絲卷，外皮脆身，內裏雖軟柔，可惜銀線不太明顯，不夠幼細。四大粒的小籠包賣相吸引，薄薄的皮包著厚厚的豬肉及濃湯，真讓人大快朵頤。臭豆腐，份量十足，不只香口，還外脆內軟，配備辣醬及海鮮醬，供食客選擇。

睇完葉問3, 之後一家人去食午飯, 我叫左拍青瓜、炒年糕同酸辣湯, 老公叫左雲耳皮旦、蝦餃、上湯蒜子浸菜心同素鵝, 寶貝仔就叫左芒果布甸.好食的有酸辣湯、蝦餃同芒果布甸. 酸辣湯我感得係唔錯架, 酸度同辣度都剛剛好, 合大眾口味, 只係唔夠熱; 蝦餃老公話好食, 我就覺得皮厚左, 但D蝦係新鮮的; 芒果布甸......寶貝仔自己食, 小孩口味, 他說好就好.之後是一般般的是炒年糕同素鵝,  我覺得炒年糕好有我媽的味道(家常小菜), 但老公批評年糕唔E un; 素鵝=普通, 無野好寫.最後是中伏的, 有雲耳皮旦、拍青瓜同上湯蒜子浸菜心, 拍青瓜完全唔入味, 簡直係淡而無味; 上湯蒜子浸菜心......菜心太霖, 煮過左籠, D蒜子仲好食過D主菜......吹脹; 雲耳皮旦......好難食, 雲耳好酸, 只有酸味, 其他咩味都無, 皮旦好像石頭, 死死實實又硬, 入不了口!水準近年開始走下坡, 再不改善, 遲早變屋邨茶樓.

今日突然好想飲酸辣湯，所以專程搵一間比較正宗嘅上海鋪飲啖酸辣湯 湯的濃度恰到好處，唔太酸又唔太辣，而且材料十足！而招牌小籠包嘅size好大，湯汁亦都好鮮甜，食兩個都已經飽左一半！另一味係素菇包，送到枱上時以為有三隻大冬菇放在面前，但係原來我哋表錯情 食落才知冬菇係麵包皮所做，而餡料就係雜菇，因為剛剛蒸好，上枱時仲熱辣辣，所以好好味!食完之後都好似健康啲

早前到過葵芳店晚飯, 不錯的經歷, 家人住天水圍, 於是相邀到來一試。頭盤雞絲粉皮, 不過不失, 醬足夠, 青瓜絲唔乾。主角片皮鴨, 人齊了才烤, 熱暖暖的, 帶點脆, 保持到水準, 絕不輸給鹿x春和北x樓。鴨大隻, 叫了二食,醬爆鴨肉, 可惜爆完都唔入味, 不值一提。 醉雞重酒味, 雞也嫩滑。蒜泥白肉, 用了金蒜, 有陣燶味, 用銀蒜會好好多, 上台以為好大碟, 原來得幾塊, 底下全部粉皮來的。再來一個失敗的蝦球, 蝦肉唔爽, 連炸過的脆漿都是糊的, 很難食。小籠包都保持到水準, 包內湯汁充足。最後來個瑤柱蛋白炒飯, 唔油但飯粒粒有光澤, 炒得唔錯, 可惜味道唔夠。與葵芳店相比,實差天共地, 期間上菜員工收碟之際,竟叫客人揸住隻碟......

今日打風，晏晝諗住同屋企人去呢一間度飲茶，都幾多人排隊等位。啲嘢食嚟到嗰陣好失望，明明叫咗個瑤柱竹笙餃，來到嘅時候竟然變咗一個鯪魚餃，食落去又冇瑤柱又冇竹笙，以為佢來錯左，問過經理之後，佢話呢個餃係鯪魚肉做，瑤柱同埋竹笙係冇乜嘅，聽完之後真係wa一聲，搵笨 另外佢啲點心都做得差左好多