湘川滬 (+WOO嘉湖二期)

營業中

休息中

難得放假，同男朋友諗左好耐都唔知晚餐食咩好，於是不斷係他家附近（天水圍）四處走，最後決定上openrice搵野食。見到湘川滬好似幾多款式，即時決定走去試試，可能我地太遲去到（大概7：30）很多人排隊等位，等做30分鐘先可以入座。我地兩個人叫左2籠小籠包，正宗四川擔擔麵，仲有瑤柱賽螃蟹！上菜好快，無耐就黎齊晒，食物質素同味道都吾錯，但量就少左啲。最推小籠包, 皮很薄, 。夾起都唔易爆，成粒放入口，湯多一咬即爆汁，味道剛好, 餡料鮮甜, 再配上充滿薑絲的香醋汁, 很完美的！

今天慶祝我先生生日，他喜歡到這店食喜歡的烤鴨，所以特意正日來幫襯，三年多已光顧無數次，有些服務員不錯，唯獨收銀員態度極差趕客今次是人生中第一次遇到存放的生日蛋糕可以整個反轉⋯⋯，今人反感不會再去

好多時候都會同媽媽一齊黎呢間店食飯因為媽媽最愛食佢地既雞絲粉皮，媽媽話覺得佢地既麻醬好濃厚，配埋青瓜絲雞絲好青新好好食。我就覺得佢地個雞絲粉皮麻麻地，但每次黎呢間店我都會必嗌佢地既小籠包佢地既小籠包係店自家整既(點解我知？因為門口有個窗見到d師傅不斷包小籠包囉)佢地既小籠包皮好薄，而且咬落去仲有好多湯汁，湯唔會太咸岩岩好，真係好好味。另外今次仲叫左個蒸銀絲卷，配左個練奶。蒸既比炸既好食，如果有濃味野一齊夾住食應該都唔錯。今次仲叫左個擔擔麵，有d失望，食落先發現佢係麻辣，而且麻味好重，仲要都幾辣下，我地就唔係太鐘意喇。

同朋友係元朗行完山之後, 就入咗去天水圍食飯 .  雖然有D吵, 但勝在坐 得夠舒服,環境好宽落.大家行完山都好肚餓,所以叫咗好多款菜色. 小籠包皮簿多汁, 又大件,好抵食.窩貼同小籠包一樣咁多汁, 煎到好脆,好香口,但一碟得三隻, 唔夠我地食, 所以最後叫多咗一碟! 估唔到係呢度都食到我最愛既街頭小食----- 臭豆腐.呢度既臭豆腐比平時既細,方便入口.同埋上棻個陣會跟埋甜醬同埋豆瓣醬,可以一路食, 一路點.

去到坐一個鐘上得果一碟菜，落左單又重新問一次叫左啲咩，不知所謂。最離譜係訂位講留片皮鴨$208，坐低話烤好左，問兩食幾錢，$208+$50，到埋單就話$238+$50，仲要話菜單有寫，邊個訂位會知你菜單價錢呀？野又唔好食，以後都唔會再食！

約朋友來天水圍玩，想搵間食中菜坐得舒服啲又傾到偈，見置富商場內最熱鬧的餐廳就入咗來食。一行五人，點了片皮鴨（一食）同幾款小菜，意料之外的好吃！尤其推介黃金炒蝦仁同片皮鴨，蝦仁炒得外脆內軟，充滿蛋黃香！片皮鴨價錢實惠又好吃。侍應姐姐服務很好，有提醒我們如果愛吃辣的，可以加辣。整體來說非常不錯，下次再來天水圍會再幫襯！前菜是川味小吃，香麻開胃口水雞，夠香夠麻，好快就被搶光麻婆豆腐 豆腐滑，好下飯，略嫌不夠辣，後來職員説愛吃辣可以要求加辣。黃金炒蝦仁外脆內軟，好香鴨蛋黃味，非常好吃，推介！片皮鴨 （一食）$268皮脆肉嫩，大大隻好抵食！雙色魚頭一邊是辣椒煮，一邊是酸菜魚頭小籠包包皮煙韌，包住肉汁不會穿。比一般小籠包大隻，抵食桂花糕用糯米做的甜品，軟糯有淡淡花香，外邊好少食到這種桂花膏，好吃！

這間湘川滬在天水圍置富商場，我們無意中發現原來有點心同下午茶的，就來試下。環境幾靚，有室外同室內，地方算大。不會擠迫！叫左酸辣湯，偏向酸味多d，用好多料，有竹笋，木耳，蛋絲，豆腐絲……好足料。又豐富的味道。正呀煎餃子，三大隻漲卜卜的，入面多汁，夠晒香，底煎過好脆。小籠包夠晒大隻，好薄皮。入面湯有夠多，好好味蝦餃，全粒也是蝦，好爽口又彈牙！叉燒包，真的是手造的，叉燒入面好多料，包軟綿綿，夠晒熱，也是好好味的燒賣好正，好多蝦呀，好爽口，肥豬肉冇乜的，有蟹子係面。豉椒蒸排骨，好香呀，排骨唔太肥。有蘿白舖底的。豆沙窩餅，紅色唔會好甜，熱辣辣，薄又香，好味呀薑汁芝麻湯丸，三粒的，薑湯夠辣，湯丸有d厚皮，但也好滑同芝麻好香！

出國前希望能見一下長輩及替她慶祝生日。因為她們是資深小精靈，打完場館即希望就近吃飯，挑了這家坐得舒服，中式菜館。環境其實尚算不錯，以茶樓類型，碗碟乾淨，服務友善。口水雞hkd58雞肉嫩滑，味道香辣，味濃不咸干鍋香辣大腸hkd65大腸清潔得乾淨，內沒油脂，質感香脆，推薦京蔥爆羊肉hkd55京蔥味香濃，羊肉鮮嫩，味佳上湯蒜子菜心hkd45菜鮮嫩爽口，清新上湯帶點蒜香蟹粉小籠包hkd80for4隻皮薄肉餡多，內有豐富湯汁酒釀南瓜丸子hkd15for each丸子Q軟彈牙，可惜只是微暖，如果可以溫熱，肯定更讚

千祈唔好以為集團式 D 野係最有水準，真係無話係必然 !咁岩有日約左人係天水圍飲茶， 諗住試下呢間， 見個裝修都幾靚， 座位夠闊。點心D牛肉好咸，成舊粉無咩牛肉味， 一D都唔好食。鳳爪D 汁好入味， 但不夠腍。 燒賣好腍但不彈牙，而且有D肥。奶皇包内餡太甜， 包不夠鬆軟! 瑤柱蛋白炒飯太多油， 瑤柱太少了，飯又不夠乾。四寶雞扎， 雞太鞋唔好食! 雞包餡不入味，包又不鬆軟。馬拉糕有点硬 ，唔好食，此等貨色好似係一pack冰鮮貨，味道都唔好食。潽洱茶， 有陣怪味， 似放左好耐 ! 集團式野唔得。

服務實在太差、有一女部長先是下單態度悪劣！之後，落單五餸最後只到兩餸，少了三餸的單！等左45分鐘只到了一碟菜！最可怕是终於等到餸到時，竟然又弄錯煮法！本來是來團年飯的，我們4人也已經去到不能接受的地步，投訴是必須的。向餐廳投訴時，令各人再火上加油的是餐廳的回應連道歉也沒一句，還說沒有可能有人態度差，敢問一句，一枱4人，大家也有相同感受、難道我們故意選團年飯日嬲豬！請問這是應有的服務態度嗎？😡😡😡

同家姐入天水圍行，偶然入呢間食呢個環境ok的，坐小小逼。 但呢個假露天feel不錯留意餐牌的本月推介， 全部好抵叫左宮爆明蝦係本月推介，只是88. 超抵。 味道比得上十幾年前在利園的仿膳飯莊食的。 但價錢係十幾年前的一半。 汁好味不棘， 蝦新鮮爽脆小籠包係平日其他地方的雙倍size. 多汁，好味仲有蝦餃同酒釀丸子2人 194 蚊。 真係平靚正！

幾乎每星期都會同媽黎食野，而每次都係叫呢三樣，小籠包: 夠多汁但易爛，蒸牛肉球: 好味，嫩雞煨麵: 湯底夠味又多菜，兩個人食一半剛剛好。而侍應多數留齊蔭，服務都ok。

平日晚上八點鐘, 天水圍區當然唔使等位啦。裡面坐位都好寬敞, 而且都唔算少客,之前經過想試咖喇,今日決定單拖帶工人姐姐一齊食先黎回窩牛肉并簿餅,超多油, 唔靚嘅, 牛肉少少老。簿餅捱唔到我食第二嘅時間已經乾硬化左。臭豆腐, 點菜時已經好期待,上枱時跟足甜醬同埋豆瓣醬,風味十足。果然 不負所望, 外脆內滑好好食。工人姐姐一開始就問係唔係呢個豆腐咁臭...係我威迫下試左一舊... 最终都愛上了。一般般, 湯底直頭係麻辣湯, 好似麻辣米線個味紅油抄手,皮有點硬同厚, 但整體食物質素ok, 埋單價都係可接受。

放學番到天水圍 揀左好耐無去既湘川滬🤤之前黎過飲早茶 質素中等 今次為片皮鴨而黎點知 諗定落單時 竟然無哂😫😩☹️呢個套餐都好抵食 計番$1xx/人但最後都因為啲野唔係我地最想食既就無叫到有好多唔同類型既中式滬式甜品太多菜式選擇 我地都揀左一陣先拍到板環境寬敞 仲有卡位坐 又唔使等位🤗拌粉皮 辛辣度十分😂麻到好過癮蕃茄豆苗 個蕃茄酸味同個豆苗的鮮甜好夾 醒神開胃👍呢個醉豬手非常意外地好味 佢既酒底很濃但又唔會好刺激 每一舊都好入味 冰凍感好正由於無得叫片皮鴨所以轉左炒牛肉 雖然好多又大又紅既辣椒 但食落一啲都唔辣 仲好夠鍋氣 肉質嫩滑炸松子魚亦是一味很出名的上海菜 waiter幫手切開成條魚 方便我地食用呢味菜略嫌個汁太酸 完全食唔到魚味 炸得尚算鬆脆 份量也算適中希望下次可以食到北京填鴨🙈

這店舖適中，我同媽咪叫了几味又是:醉雞，雲絲，蝸貼，菜飯！賣相當然ok. 但飯中有肉確是一大突破。如沒有花鵰、什麼冷飯菜汁也不成是。如果有緣再吃.希望可以叫倒賽磅蟹酒讓/糧丸子，高力豆沙，//然後再配紅酒了。