湘川滬 (+WOO嘉湖二期)

營業中

休息中

今晚約埋一家人食飯 去銀座行完街 經過湘川滬 又諗起小籠包好好食 於是就全家人去了食晚飯瑤柱蛋白炒飯水準之作 有獲氣 唔油膩 好味道欖菜肉碎四季豆 炒得夠香口 味道調配得岩岩好 送飯一流酸菜魚入味 唔腥 魚滑 酸菜夠酸 配埋個湯 推介最出色既小籠包 皮薄 肉嫩多汁 爆汁因為太熱 食既時候要注意呀太好味關係 叫左2籠😂😂😍呢個豬腸 用火熱住上 燒到好香 勁惹味 加埋辣辣地 食唔停口辣子雞 雞肉好嫩 辣辣地醒胃 最後一定要食飯後甜品 mango味濃 香滑 小朋友最愛👍🏻👍🏻

為了避開慶祝父親節正日的人潮，今晚我們全家特意提早去家中附近湘川滬吃晚飯，不是說笑，今晚湘川滬盡是一家大小，座無虛席，看來提早慶祝是對的。吃四川擔擔麵前，記得先把醬料拌勻，才可吃到擔擔麵真正味道。這擔擔麵挺令我驚艷，花椒麻麻的香味非常開胃，而且麵條爽口彈牙，吸附湯汁後更為惹味。瑤柱蛋白炒飯有著淡淡的蛋白香，瑤柱亦給得不手軟，飯粒炒至粒粒分明，軟硬適中，同時揉合各配料精髓，即使瑤柱蛋白炒飯看來簡單樸素，吃時其實頗有口感層次。上海回鍋肉(跟薄餅)可是滬菜代表之一，來到湘川滬當然必吃，肥滋滋的腩肉與椰菜，彩椒炒在一起，鹹甜帶辣勁，十分對味，不論夾薄餅吃，或是拌飯吃都是一流。我最期待的灌湯小籠包上桌了，小籠包皮薄餡飽滿，皮內的肉餡鮮嫩無比，肉汁豐腴，吃起來相當甘甜，品嚐時沾些薑絲醋汁更對味。糖醋魚塊酸酸甜甜超下飯，魚塊炸得外脆內嫩，且無骨刺，老少咸宜，伴上菠蘿，彩椒，糖醋魚塊更為色香味俱備，令我們胃口大開。江南賽螃蟹以蛋白為主調，後加入鮮嫩的魚肉，瑤柱熱炒，賽螃蟹口感軟綿，帶著鮮美的魚鮮味與蛋白香，是一道出色的菜餚，深受家人喜愛。媽媽說別忘了吃菜來均衡營養，這裡蔬菜選擇甚多，總會有適合我們口味

難得一家人出街食飯，又想食小籠包🤭🤭🤭就選左湘川滬試下小籠包，大隻又皮薄，清純有肉汁的高湯，肉味濃，不會是吃下爆出一口油那種， 十分肥膩，想吃多幾個也不行。大大隻包着滿滿一匙羹湯汁，一口吃下大滿足。蜜桃咕嚕肉，好甜的蜜桃，肉也是夠淋又香又唔肥，好好味雲吞雞湯。份量好多，個待應仲幫我地分埋，個湯好鮮甜，d雞煲完仲好滑又嫩。入味雲吞同好多菜，湯也是好鮮味主角片皮鴨，即叫即烤，熱暖暖的，帶點脆，保持到水準鴨大隻，可以叫二食如果唔叫二食，佢會將個鴨身俾你打包帶返屋企👍👍👍

適逢端午節就約埋一班茶友食個飯。身為食家嘅茶友先叫左碟五香燻魚，係凍食黎，用左甜甜地嘅醬煮鯇魚，味道引人入勝，食家推介果然無死。另一茶友想食呢個農家小炒花膠仔，呢個都不相伯仲咁好食，睇落似濃味但食落好清，大蔥同豆角都好味，花膠仔份量都唔少！仲叫左個砂鍋雲呑雞，好大煲，好足料，雞肉同雲呑都好滑，入面仲有娃娃菜，滲滿雞湯味～不過咁大鍋建議4人以上先好叫～甜品揀左綠茶馬豆糕，好大磚，椰汁香，綠茶又清，可以share 食！

平時放假都會黎飲茶，今次試下夜晚黎食飯。見到餐牌有得叫北京填鴨，而且枱枱都有叫，我地就叫左個二食。無花無假超大隻填鴨，切開後包埋例牌嘅青瓜甜醬一齊食，味道未算好驚喜，但都不過不失。二食揀左苦瓜炆鴨殼，個苦瓜整得幾好味，夠火喉，又香口。蝦醬通菜牛肉，牛肉只係陪襯，主角係當造嘅通菜，炒得好好味，濃味之餘蝦醬味都好香。食完咁大份填鴨都飽左8成，最後直接叫多個甜品就算，呢個綠茶馬豆糕好清新，唔會死甜，推介～

從來對酒樓都比較抗拒，因為現時嘅酒樓樓底唔高，人聲鼎沸嘈到講咩都聽唔到，今日約咗兩個老友天水圍進餐，朋友住銀座介紹嚟湘川滬！心想：不是吧！朋友興緻勃勃話呢度唔錯，就試一試吧！嚟到坐底後不良感覺開始散退呢度環境燈光都好柔和舒適，雖然室內已經坐滿客人但都不會好嘈，侍應們都親切有禮前菜先嚟一份香蔥麻油海蜇味道超正麻油同香蔥配合得宜，海蜇爽脆朋友推介呢度食片皮鴨鴨皮唔知係咪已清走脂肪部分，唔會食到成口油簿餅唔厚粉肉鬆炒四季豆炒得乾身顏色翠綠味道略微咸了點最後點咗瑤柱蛋白炒飯炒得乾身唔多油，睇得出師父功架十足整晚食吓傾吓都有2-3個鐘，但全程環境都舒服，下次都會再嚟

平時出街食，食開西菜多，今日陪媽媽去食下中菜，近近地去左銀座既湘川滬菜式選擇都幾豐富，我地諗食咩都頭痕左好耐，本身想食片皮鴨，但我地得兩個人食唔到成隻，就冇叫到我地首先叫左個黃金炒蝦仁，黃金唔單止指佢炸到金黃色，仲係指佢係用咸蛋黃炸出黎，外層佈滿咸蛋黃粉，時下咁多咸蛋黃零食，個唔到用黎炒蝦仁一樣咁正，咸香味足，但略嫌外層炸得唔夠脆我地仲叫左碟生煎包，有三個，size岩岩好，入面個涵都幾多汁，出面層包又白又香軟，鐘意食中式包點既可以一試媽媽一直都好鐘意食水煮魚，我地叫左一碗，估唔到都幾大碗，無骨魚肉都幾多，比想像中大塊，而且最重要係食落口好嫩滑，底層有一大堆紅薯粉，好正呀，個湯底又夠哂麻辣，完全唔輸返大陸食既水煮魚時蔬方面叫左個豆腐冬菇煲，個汁都幾香，豆腐好滑，仲以為唔會有菜，但都配左幾多菜比我地，d滑都好新鮮最後叫返個糖水收尾，叫左個椰汁燉燕窩比媽媽，燕窩份量就唔係好多，但椰汁好香濃，媽媽大讚好食！我就要左個雪梨燉雪耳，比想像中大碗，雪梨同雪耳都幾多，糖水都夠味，價錢都幾抵食！

#湘川滬喜歡喝茶及中式餐飲的朋友可以到來一嘗 麻婆豆腐麻辣中帶微酸豆腐新鮮嫩滑入味，碎肉一D 都唔肥瑤柱蛋白炒飯係清淡、健康之選細碎既瑤柱同蛋白混合一齊，味道好夾至於鹽尖肉係店員所推薦既菜式肉片鮮嫩，咸辣香口，炒得夠火候當然唔少得小籠包，皮薄餡靚，湯汁豐富，一咬下去，湯汁爆曬出來點一點醋就更顯鮮味 😀😀飯後甜品就要試試高力豆沙 入口似蒸堆及油炸鬼之後會吃到豆沙及香蕉的香甜小編很喜歡吃這個評分：7.3 / 10

呢間食店屹立天水圍已久好多年前曾經飲過茶覺得唔錯但因為唔係住呢頭都好少光顧！突然家人心血來潮想食片皮鴨同小籠包，所以專程走過嚟睇下有無位！嚟到未夠7點已經座滿一半場，侍應安排卡位，環境比普通酒樓安靜，燈光氛柔營造舒適氣氛，唔錯睇完一輪餐牌有唔少特價食品今次叫咗主角片皮鴨$228全隻鴨皮不會太油，加上京蔥青瓜更加解油簿餅尚算簿身不厚粉香蔥麻油海蜇味道調得剛剛好，海蜇爽脆，非常推介瑤柱蛋白炒飯瑤柱雖不多但炒得好乾身，米飯粒粒分明埋單3人$3xx,有個咁舒靜嘅環境而且侍應們都親切有禮，非常超值

相約家人聚餐，又要多選擇食物，又可以坐得耐嘅地方，又要近真係諗左好耐先搵到，就係天水圍湘川滬。又啱老人家食又啱小朋友食👍👍👍砂鍋個雲呑雞，個雲呑雞好大鍋個待應仲幫我地分埋，個湯好鮮甜，d雞煲完仲好滑，小朋友都飲左幾碗，唔似得出面有d好重味噌，又健康又有湯飲。小籠包出黎好夠熱，湯汁無漏晒出黎，正片皮鴨 - 鴨皮夠入味帶少許煙韌。只係略嫌每片帶有太多鴨肉，而且鴨肉味道比較淡，不過皮就比較厚身上海粗炒肉絲要粗，麵條要粗，有的似烏冬，多菜多肉色澤要紅，這種紅不是辣椒的紅，而是一種醬色的棕紅最啱胃口

是日晚餐，去咗嘉湖銀座（依家叫置富嘉湖）食，呢間湘川滬以前都有食開，感覺一般，不過不失。今次叫咗份四人餐，加一籠小籠包。頭盤有秋葵木耳，爽口帶點微辣，幾開胃。另一份就係雞絲粉皮，粉皮略嫌唔夠凍，雞絲同青瓜比較少，麻醬好稀，失敗！主菜三份，黑醋骨就唔夠酸，啲汁開到好甜。獅子頭簡直係唔掂，啲肉散到用筷子夾兩夾就散晒。火腿津白算係正常，食得落肚。另外有條魚，蒸得太老，魚肉韌而且條魚真係唔新鮮，食落陣味係同新鮮魚有唔同。雖然送咗四碗糖水，紫米露，但係真係食唔落口，甜到真係不愧叫做「糖水」，完全係得個糖嘅甜味，食兩啖就果斷放棄。埋單$743，仲要話派晒泊車飛，要俾多$40泊兩個鐘！三個字總結：無下次

星期日的晚上，也是和長輩吃飯的時候。今晚帶了兩老到銀座的這間中式餐廳。一行四人帶了個四人套餐，有兩個小食，三個小菜，一條蒸魚，送糖水。沒有將全部小菜都拍照，特別點評幾個小菜。小食：雞絲粉皮，不過不失。小食：秋葵雲耳，全晚我覺得最好食的一碟菜。小菜：忘了這個是什麼醬汁的排骨，醋味太多，不夠甜。小菜：火腿津白，醬汁太杰，明顯落了很多粉。糖水：紫米西米路，落了極多糖水，成碗只吃了一口便不要了。整體來說，服務不差，但是菜式很普通，我們只是7:30左右起筷，但結帳時已經說沒有車飛可派，太早了吧。

琴日同個friend兩個人諗住揾間可以慢慢食嘅餐廳，經過睇完menu，見啲野都幾啱食就攞位。叫左砂鍋個雲呑雞同楊州炒飯，個雲呑雞好大鍋，個待應仲幫我地分埋，個湯好鮮甜，d雞煲完仲好滑，我飲左幾碗，唔似得出面有d好重味噌，雲呑都ok。晚餐食呢個啱哂，又健康又有湯飲。個楊州炒飯都幾香，仲好大碟。本來諗住叫埋個高力豆沙，但真係太飽，食唔落，仲要打包半碟炒飯,,

在天水圍跟長輩食晚飯地方其實選擇不多, 中餐就更加難揀. 結果揀左間好耐無去過嘅湘村滬. 等位期間見到張好吸睛嘅海報. 黎緊有個水煮龍蝦競食遊戲. 8分鐘要食完. 贏左仲有獎金. 好有挑戰性好想試. 不過當晚呢個菜無得試, 因為要提早預訂 . 唯有下次提早訂再試. 結果我地一行四人點左小籠包, 鮮淮山沙窩雲吞雞, 山楂糖醋排骨, 瑤柱上湯浸溫室豆苗. 除了小籠包外, 另外三個菜都係侍應推薦嘅新推出春季新菜色. 所以就試下啦. 小籠包出黎好夠熱, , 湯汁無漏晒出黎. 鮮淮山雲吞雞都幾特別, 未試過鮮淮山, 口感幾清新. 山楂糖醋排骨呢個菜食落幾開胃, 叫左幾個白飯添. . 瑤柱上湯浸溫室豆苗, 簡單清新, 最適合家中長輩. 總括來講, 味道唔錯. 適合一家食嘅湘川滬菜. 會返轉頭. 可能下次我會挑戰下水煮龍蝦. 

成班friend好耐冇見!尋晚終於約到一齊食晚飯啦!因大家好冇見,太多嘢講,要搵一間可以坐得耐地方食,有個friend住天水圍佢約咗喺嘉湖商場湘川滬食京菜食,坐耐啲都得,入去地方好大坐得好舒服,食都係其次,我地坐低掛傾偈,待應推介我哋叫些涼試吓, 食住等齊人,叫咗蒜蓉小黃瓜同一個杭州醬鴨,又估唔到個醬鴨咁好食,於是我地又叫多碟食,等人齊先叫餸,叫咗花雕醉雞,水煮魚片,麻婆豆腐,糖醋排骨,幹燒海蝦拉麵底,冇叫飯食,因叫咗生煎包,銀絲卷,多人食好,可以叫多些款試,重試埋甜品,豆沙鍋餅同高力豆沙香蕉,有水準超滿足