湘川滬 (+WOO嘉湖二期)

營業中

休息中

是日晚餐，去咗嘉湖銀座（依家叫置富嘉湖）食，呢間湘川滬以前都有食開，感覺一般，不過不失。今次叫咗份四人餐，加一籠小籠包。頭盤有秋葵木耳，爽口帶點微辣，幾開胃。另一份就係雞絲粉皮，粉皮略嫌唔夠凍，雞絲同青瓜比較少，麻醬好稀，失敗！主菜三份，黑醋骨就唔夠酸，啲汁開到好甜。獅子頭簡直係唔掂，啲肉散到用筷子夾兩夾就散晒。火腿津白算係正常，食得落肚。另外有條魚，蒸得太老，魚肉韌而且條魚真係唔新鮮，食落陣味係同新鮮魚有唔同。雖然送咗四碗糖水，紫米露，但係真係食唔落口，甜到真係不愧叫做「糖水」，完全係得個糖嘅甜味，食兩啖就果斷放棄。埋單$743，仲要話派晒泊車飛，要俾多$40泊兩個鐘！三個字總結：無下次