湘川滬 (+WOO嘉湖二期)

營業中

休息中

自己平時較少吃川菜，今次應好友邀約去到天水圍銀座商場湘川滬吃湖南、四川及上海的正宗美食，感覺不一樣。這間餐廳是在商場內，設計以半開放式，有室內  ;  也有室外，在商場裡的舗外，不是戶外，都覺有開揚感。裝修時尚典雅，地方闊落，感覺舒適。晚市餐牌有好多優惠小菜，這裡集淮陽、四川、湘味小菜，包括特色菜餚、家鄕小菜、湯羮、前菜、小食、點心、甜品等，款式種類多，是很好的選擇。蘿蔔絲鯽魚湯     $118散發濃濃的魚香味，這條鯽魚較大，魚肉很鮮，爽滑幼嫩，湯頭鮮甜，而蘿蔔絲吸入鰂魚的味道，很鮮美，真的好好飲。秘製紅燜黑棕鵝     $108這個以燜的製作方式，自己都是第一次嘗試，好特別。鵝肉好厚肉，好大件，肉質很香鵝味，有點似鹵水味道，另外煲裡底層有芋頭，芋頭好粉好香，鵝肉和芋頭完全有香料的味道，很入味，這道菜非常有特色，讚！咸魚雞粒炒飯     $75大大碟的炒飯，獲氣十足，散發陣陣鹹魚香，吃起來不會過鹹，只是帶有少少鹹香味，加上雞肉的嫩滑，口感好，很惹味呀！灌湯小籠包    $38熱辣辣的湯包，皮薄肉鮮，咬開更是非常多汁，肉香味濃厚，湯汁多而且很鮮甜，充滿肉的甘香。

朋友最鍾意食上海野，今晚約咗食飯梗係食上海菜啦。去咗天水圍嘉湖商場，搵到呢間上海菜環境好闊落，餐廳門口都有座位。呢度嘅天花板係玻璃天幕，晏晝嚟食環境一定唔錯。我嘅上海菜之選：砂鍋雲吞雞！😍😍😍湯底夠鮮甜，配上好多娃娃菜夠晒健康！雲吞數量都好多，兩個人食唔晒。半隻雞上，雞肉唔算好滑，不過都可以接受。上海炒年糕咁大碟@@好抵食！醬汁味道唔錯，年糕有咬口得來唔會太硬，配菜仲有筍。蟲草小籠包普通嘅小籠包食得多，今次試吓蟲草。感覺好似冇淨係豬肉餡咁油膩，幾清新可以試吓！樣樣餸都好大碟又抵食，可以再嚟！呢度除咗上海嘢食，仲有川菜，食辣都可以黎試吓！

嚟開天水圍探朋友，大家都喺無飯煮婦，當然喺出行搵食啦，地膽帶路介紹啦間抵食又好食集川菜、江浙菜同兩湖菜的菜館試吓招牌小籠包首先梗喺要試招牌小籠包先啦，真喺皮薄餡鮮，湯汁飽滿，頂部皺摺工整唔會一夾就穿咸肉崧子苔條炒飯炒飯有鑊氣夠乾身，咸肉帶鹹鮮脂香再加上苔條粉味道立即提升了，鮮味十足重慶酸菜魚魚肉鮮甜滑溜兼無骨，加上酸酸辣辣的湯底非常惹味，連湯都飲埋四川樟茶鴨鴨肉肉質緊致脂肪少，無羶味，帶有淡淡的煙燻同茶香味，火肪餅造型別緻，口感似饅頭砂鍋雲吞雞雲吞皮薄餡鮮，雞肉嫩滑，湯底由雞肉及紹菜熬製呈奶白色，證明火候十足，非常鮮甜高力豆沙香蕉高力豆沙炸得金黃像小雪球，入口鬆軟有彈性，配埋豆沙香蕉餡料甜而不膩

尋晚去天水圍探屋企人，夜晚呢就跟咗佢哋去附近嘅置富嘉湖二期食晚飯，揀咗依間都幾出名嘅湘川滬食飯。都幾開心啊因為呢度有我鍾意食嘅片皮鴨（即係北京填鴨）食呀！依款片皮鴨都幾抵喎，我估佢係真係落單之後再新鮮燒起，都係收你二百幾蚊咋，另外加多$50仲可以選擇兩食添。北京填鴨依個片皮鴨燒完之後職員就真係拎咗上檯俾你原隻過目，望完冇問題之後，你哋就拎埋旁邊慢慢起皮，都起得幾好，香脆嘅片皮鴨，放喺仲係好燙手嘅薄餅皮，加上青瓜以及大蔥，仲有靈魂嘅海鮮甜醬，包好之後一啖咬落去，超級滿足！第二食就揀咗涼瓜炆鴨，估唔到佢嘅鴨件都仲好厚肉，加上涼瓜去炒分量十足，呢個涼瓜炒完之後味道清甜唔覺有苦味，鴨肉味道香濃，同涼瓜配搭得好好！依款小籠包，真係要做到皮薄餡靚，一蒸起拎上台嗰陣時仲係脹卜卜嘅，食小籠包記得要先喺個頂度咬開，然後吸入邊嘅肉汁（啲肉汁好鮮甜喎！），之後就可以點一啲醋嚟食。依個雜錦津白煲，開頭叫嗰陣時都冇留意原來係個湯嚟嘅，佢嘅材料非常豐富，有蝦仁、鹹肉、雞肉、豆腐、雜菇以及津白（即係紹菜），飲落去好鮮味而且濃而不濁，好味道！最後依一款鹹蛋黃炒蝦球，蝦球爽口彈牙，晶瑩剔透，不得不提嘅係佢個蛋黃外皮，新

入到天水圍，都有一間幾有水準下嘅食川味嘅食市，我覺得係值得介紹一下。邊間店舖，佢係用茶樓形式，岩晒我依啲中意慢慢嘆嘅人。打開個餐牌，入面都幾多唔同款式嘅嘢食，今次我哋就叫咗個京蔥爆羊肉，一個列牌鮑魚海參菜膽同埋一個瑤柱蛋白炒飯。京蔥爆羊肉，驚蔥爆香咗之後同個羊肉非常之夾，羊肉一啲都唔蘇，仲好多肉汁。列牌鮑魚海參菜膽，雖然係例牌，但個份量依然都唔少，鮑魚配搭海參簡直係女人嘅最愛，加埋彩蛋就更加健康。瑤柱蛋白炒飯，瑤柱嘅份量都10分足夠，蛋白同瑤柱一齊炒飯，都相當均勻，絕對唔係炒到一嚿嚿，飯粒非常鮮明，可以見倒廚房師傅手勢唔錯。

朋友個寶貝今個月啱啱出世，過咗嚟探佢，到咗食飯時間，朋友介紹左我去樓下嘅呢一間，湘川滬，佢話呢一度嘅片皮鴨最出名最好食，於是就帶我嚟一是究竟啦。位於商場裏面，地方唔算容易搵，但係都真係有九成滿座㗎，朋友話佢呢度嘅嘢平靚正。我哋坐低之後，服務員好快就已經為我地真好茶，服務周到，而且都係同我地介紹佢哋嘅片皮鴨係最出名嘅。姐姐仔仲話如果我哋遲啲嚟，啲鴨就會賣晒㗎啦，因為佢哋啲鴨每日都係新鮮做嘅。片皮鴨上場啦，皮脆肉嫩，脂肪唔會好多，而且食得出係新鮮敲起，保留左肉汁裏面嘅水份，層皮油令令，真係見到都已經流晒口水啦。佢嘅包皮新鮮蒸起，而且夠晒博，唔講咁多啦，即刻攞起塊皮攞啲鴨，放上一啲嘅青瓜同埋京蔥，包住啲醬，一咬落去，肉質四散，新鮮果然係唔同啲。之後就叫左我最鍾意食嘅雞絲粉皮，上枱唔算太冰凍，雞絲頗多，最緊要係佢嘅麻醬夠晒充足，撈完之後淡淡麻香，粉皮好新鮮，一啲都唔會隔夜嘅，咬落Q彈， 10分滋味。蛋白瑤柱炒飯，果然係出自大師傅嘅手勢，充滿鑊氣，淡淡香氣湧入鼻，每一粒飯都炒得好乾身，瑤柱10分充足，想食好嘅炒飯，果然離唔開大師傅嘅手藝啊。朋友果然冇介紹錯，呢度嘅出品果然有水呀。食上海菜，小籠包

今日又係happy friday，又係時候去食好野。今次就嚟咗呢一間位於天水圍嘉湖銀座嘅湘川滬。職員安排左我哋坐卡位，不過個地下有啲污糟。我哋睇咗餐牌之後，揀咗三個餸，同兩個白飯。干貝扒溫室豆苗一送到過嚟見到好多瑤柱，感覺唔錯。平時都比較少見咁多瑤柱。食落汁香菜嫩，啲汁有瑤柱同蠔油嘅香，沖擊豆苗的味，送飯好正。重慶酸菜魚片對我嚟講是好辣的菜式，粉絲係呢味菜上幾夾，爽又索汁。但真係太辣了，食到流汗。四川樟茶乳鴿乳鴿厚肉地方比較老，但其他ok。皮脆，味道油香，除左近屁屁位咸左啲，其他都剛剛好，但食唔出佢同唔係樟茶嘅做法有咩分別。比左甜醬冇沾，因為會蓋過鴿味。整體來講，都算OK嘅。

今日同朋友去天水圍睇戲，睇戲先醫飽個肚先🍽朋友想食小籠包，於是搵到呢間酒樓係門口睇menu，價錢接近茶餐廳收費，好經濟樓面熱情招待我們入座呢間酒樓有室外座位的，見到天幕玻璃睇返食物，咩都想食、但得兩個人真係難選擇糾結一輪，終於決定好了1）招牌小籠包$38（4隻）睇下！夾起果陣、從地心引力就可以知道入面有好多湯😻食落去，包皮不厚不薄👍，拿捏剛好2）重慶酸辣魚湯$88好多魚片，好鮮好滑，亦無骨一啖一啖真滋味而且仲有粉絲配埋3）咸肉津白$68食川菜的熱門菜式之一，煮得好入味同好淋4）通菜炒牛肉$78勁大碟、真係好抵食5）排骨湯麵$45排骨的肥瘦比例剛剛好亦唔會好油膩建議一家大細，一班朋友黎聚餐，咁就可以試到多d食物例如沙鍋雲吞雞，片皮鴨都好抵食見到好多顧客都有點

天水圍的銀座長期有數家酒樓食肆，而湘川滬除了一般酒家小菜外，還有多款充滿湘、川、滬特色的名菜。趁著晚上有空，當然要去嚐嚐看，吃一頓中式晚餐吧。以下有幾款是我們認為必點的：1.鎮江肴肉以這道菜作為開胃菜十分合適，份量多，肉質爽口，不會過分的鹹，配醋吃更佳。2.馬拉盞炒通菜這絕對是一道家常小菜，適逢夏天，通菜相當新鮮，加上馬拉盞的調味，非常惹味。3.菠蘿黑醋骨酸酸甜甜的黑醋骨每口也是肉，酸味和甜味恰到好處，並不會搶走各自的味道，十分開胃。4.小籠包小籠包賣相精緻，皮夠薄，但不易爆開，湯汁又夠多，肉餡調味一流。5.四川擔擔麵辣度適中，不會太重辣味，而且麻味十足，既有擔擔麵的特色，又顧及本地大眾的口味。

臨近父親節趁大家得閒提早預約餐廳食飯慶祝湘川滬提供兩湖菜、川菜同江浙菜三地名菜選擇最啱家庭聚餐餐廳天水圍分店位於置富嘉湖二期地點方便而且環境舒適座位寬敞四川樟茶鴨鴨肉皮脆脂香而且肉質緊實；經過燻煮略帶樟木同茶葉香；火肪餅質感鬆軟似白饅頭配搭樟茶鴨濃淡恰宜重慶酸菜魚魚肉緊緻嫩滑而且肉厚無骨；湯底濃厚微辛配搭酸菜爽脆酸醒感覺清爽開胃砂窩雲吞雞雞湯呈奶白色肉味鮮濃配搭紹菜清甜；雲吞皮薄滑溜而且餡料飽滿；雞肉經過慢火煲煮肉質軟腍咸肉崧子苔條炒飯咸肉肥瘦均勻加上苔條咸香；炒飯乾爽配搭崧子拌炒油潤帶果仁香招牌小籠包小籠包皮薄透光但摺數明顯唔易挾穿；肉餡鮮甜而且湯汁飽滿好正高力豆沙香蕉高力豆沙色澤金黃口感輕盈綿密；豆沙香甜配搭香蕉軟滑唔錯

朋友係要見架🤗傾計吹水當然第一選擇係可以無限時，好彩我都重要，食物質素高就更加好啦🤭🤭嘉湖置富湘川滬可以滿足到我哋嘅要求😬😬座位寬敞，招呼很好上菜、快主動經常換碟👍👍重慶酸菜魚做緊推廣$88一大鍋，魚好夠滑，湯汁很惹刀味，大家搶着食😋😋涼菜燒椒牛展很有特色，青椒爽脆牛展嘢味，作為前菜好適合😊醬炒年糕軟殼蟹 $108 份量很多呢，年糕很飽肚 軟殼蟹有3隻😍😍煙靱又抵食👍上海系列~叫咗小籠包, 銀絲卷，湯汁流晒出嚟肉質柔嫩😋😋銀絲卷外脆內軟，點埋煉奶，一流，而且仲好大碟添🤤杭州將鴨好特別嘅杭州菜，濃味得來，肉質紮實唔錯唔錯🤭湖南臘肉炒韭菜花，夠獲氣，不太油，大師級😃總體都很滿意還有糖水呢！難怪這麼多人等位

父親節就在娘家附近食飯，中式菜當然是首選，位於嘉湖置富這家湘川滬特別多人等位，一定有原因😏😏地方也大，7點已經等位了，幸好訂桌😎😎店員很有禮貌，推介一些特價特色菜，爸媽超讚👍👍湘菜辣的，川菜烈的，滬菜濃味的都有，當然也有中菜元素😆😆重慶酸菜魚，走辣也非常棒，魚片完全沒骨，而且嫩滑，酸菜惹味😋😋😋$88超值，份量超多👍醬炒年糕軟殼蟹，超多年糕，三只軟殼蟹，上海吃法，地道美食👍👍杭州醬鴨，個人口味超喜歡，似煙燻嘅做法，乾身入味😌😌湖南臘肉炒韭菜花，好下飯，夠獲氣，翠綠爽口😋😋瑤柱蛋白炒飯，乾身吾油，同樣份量多！最後食埋糖水😬😬雪梨雪耳糖水特價$13 足料清潤，呢種天氣岩哂仲有芒果🥭布丁 🍮$18 ，我的至愛😂😂好満意，抵食又有風味，做節又來先🤗

其實已經係第n次嚟呢間湘川滬，飲茶定係食晚飯都試過好多次。呢到有好多酒樓都冇提供嘅人參烏龍，我每次嚟都係飲佢😝.每次嚟呢到食晚飯，我都會叫片皮鴨😆$228一隻，價錢合理，以片皮鴨嚟講係唔貴。如果想二食(拎淨低嘅鴨殻去炆/燘etc)，就要再加$50。我今次驚食唔哂，所以就冇加錢要二食，佢地就會打包個鴨殻俾我拎番屋企。.呢到嘅片皮鴨片出嚟嘅鴨皮大多都會連埋唔少嘅鴨肉，鴨皮其實都脆脆哋，但咬落都都要花啲牙力先會易咬斷啲皮🤣鴨皮帶有唔少油，食得多難免感覺都會有點油膩🙈所以最好係四至五人share食一隻。餅皮中等厚度，都唔會太厚皮。餅皮包住鴨、甜麵醬、青瓜同埋京蔥，其實都好難出大問題😚整體質素對得住價錢。.雞絲粉皮無論喺邊到食都好少出大問題，呢到嘅雞絲粉皮當然都係好食嘅。芝麻醬同雞絲份量都夠，芝麻醬味道夠濃，係一個令人愈食愈開胃嘅冷盤。.甜品擂沙湯圓就不過不失。擂沙湯圓嘅皮好厚，啱鍾意糯米糍食厚皮嘅人。入面芝麻餡完全唔甜，食落會覺得自己唔係食緊「甜」品🤣

湘川滬係天水圍應該有六年以上，自從裝修之後就很少到這裏，今晚經開就揀咗呢度。格局有點似酒樓，地方很大，坐得舒服！足料小籠包$38粒粒脹卜卜，湯汁濃郁，肉味香濃！干煸四季豆$60四季豆炸得通透，十分香口，配上肉碎和香濃醬汁炒乾，很惹味！重慶酸菜魚片$108用上生魚，湯底特別鮮甜，去曬魚骨，食落啖啖肉，酸味十足，很高水準！歌樂山辣子雞$88雞件炸得香脆，配上乾辣椒很惹味，送酒一流！瑤柱蛋白炒飯$75用料十足，飯粒粒乾身，很夠鑊氣！脆皮風沙雞半隻$95雞皮香脆肉嫩，加上大量炸蒜，送飯一流！人均百多元吃湘川菜實在很難得了！

銀座差不多每兩年舖位就轉一轉，湘川滬就存在了五年以上，質素有保證！父親節近近地就揀咗喺呢度用餐！先來一隻勁大烤北京填鴨$248份量十足，應該有五斤重，足夠十個人食，皮烤得香脆，肉亦很嫩，加多$50仲可以兩食，抵！醬炒年糕軟殼蟹$108軟殼蟹炸得通透，十分香口，配上香濃醬汁炒乾，很惹味！重慶酸菜魚片$108用上生魚，令到湯底特別鮮味，師傅去曬魚骨，啖啖肉，不辣但酸味十足，很高水準！干鍋香辣大腸$72上枱後再干燒，燒到焦香更加惹味，送酒一流！餐廳坐位之間都好闊落，人均百多元吃有水準的湘川菜實在難得！