湊湊火鍋‧茶憩 (如心廣場二期)

營業中

休息中

之前都有去過其他分店食，例如尖沙咀同旺角嗰間，今次係第一次嚟荃灣呢間，因為驚多人所以都訂咗位，結論係訂位選擇係正確嘅，因為唔訂位嘅話其實係要等位。不過覺得呢間服務就比較差，個鍋等咗好耐先嚟，仲要等佢滾起，已經消耗咗好多時間，但又限時，得一個半鐘，結果後期食到好趕，有啲唔係咁好。食物選擇方面就好豐富，味道亦都唔錯，湯底嘅選擇亦都好多。不過始終因為有限時，所以都食得都有啲匆忙。嗰日兩個人食咗大概$1000鬆啲。整體嚟講，我覺得呢間火鍋就中規中矩，服務就麻麻，性價比就唔算太高。

呢間想食咗好耐，不過佢唔係任食，人數少去食，又嗌得唔多，今次有人請食飯終於有機會食。收費醬料區有好多醬料可以自行調配，不過種類對比海底撈就冇咁多。小食只有辣菇冷盤同炸芋頭波波。肉燥飯就要油咗少少，不過都好食。免費生果有哈密瓜、西瓜同番石榴，不過唔算好新鮮同靚。湯底揀左最出名嘅麻辣鴨血，可以無限添加鴨血同豆腐，淨係食呢兩樣嘢都飽，麻辣唔算太辣比較稀，有少少失望。另外一個要左花膠湯，花膠湯非常之濃稠，入面有魚肚，就咁飲都好好飲，不過作為湯底就唔係好入味。整體食物嘅造型普遍比較多心思，打卡一流。荔枝蝦球，即炸蝦球，彈牙，蝦肉味突出，好特別地整成荔枝形狀，外表有趣，係最令人驚艷嘅食物。例如企鵝造型嘅魚蛋黑色係墨魚味，黑色身軀係落咗墨魚汁整成，一排企鵝仔放喺冰上面打卡一流，勝在造型得意。豬肉同牛肉正常。帶子偏細隻。丸子拼盤，彈牙程度都係一般，食落比較普通。唔係任食都食到非常之滿足，不過同行友人話尖沙咀分店唔單止裝修較靚，食物質素亦都較好。整體感覺無論係免費食物醬料、服務、抵食程度都係海底撈更勝一籌。

好來無經過原來依家有lunch set情人節諗唔到食咩就去打邊爐 🍲見到青花椒牛油果鍋好似幾得意就試下另一款叫左胡椒豬肚雞鍋兩款都好好味胡椒豬肚雞鍋可以當湯飲青花椒牛油果鍋就好香越滾越香濃👍🏻唔算太辣香辣為主😋除左打邊爐仲有少量前菜可以自取涼拌魚皮，滷肉飯，同炸芋球仲有少量水果套餐+$58/款Upgrade左日本和牛肩胛肉眼同三角胸小排好驚喜完全無諗過咁大碟😍淨係睇就到都開心🥳雞樅菌第一次食爽爽地好香企鵝丸油條有啲似麵包質感唔係太吸湯仲有鱸魚片唔記得影魚片好滑啖啖肉最後仲有鳯梨沙冰同水蜜桃茶凍食到飽飽好滿足😌跟餐仲有兩杯手瑤飲品🥳

最鐘意飲呢間d 大紅袍奶茶，茶底好飲每次黎附近食晚飯都會買杯黎飲下，今次有意外驚喜，熱飲買一送一🤩有個意外驚喜好開心❤️大紅袍奶茶比我飲其他台式奶茶個茶味唔同，好飲又唔太甜，價得推介👍

尋晚同好友去荃灣呢間湊湊火鍋食晚餐，已經係第四次去！ 今次我哋在open rice 訂枱，唔洗等位！每次都覺得食物有水準，服務有質素！今次介紹朋友去，原來大家之前都未嚟過，我哋6時入席，因為係平日，人客唔多，我哋上咗湯底後，職員好有禮貌嘅提示我哋要先飲個花膠湯底，如果唔係燶咗就唔好味啦！我哋五個人，叫咗個二人餐再散叫！職員好有趣，幫我哋整咗個「企鵝跳水」！ 佢哋亦好細心，會成日留意我哋枱面有冇用完嘅碟，盡快幫我哋清走，又會幫我哋不停加熱水入茶壺，還會幫我哋嘅菜剪細，方便食用！今晚特別感謝一位女職員，佢風趣幽默又熱情！經常主動詢問我哋嘅需要！令我哋有賓至如歸嘅感覺！全枱的朋友都對她贊嘆不已！話下次一定會再來食晚飯❤️以表示支持！

🧋暖笠笠既茶米茶💕 呢兩日凍到得5-6度，最岩就係飲熱飲。而湊湊火鍋既茶米茶，最近做緊promotion，只要當日低於18度，任何熱飲都係買一送一，超級抵飲。在凍冰冰嘅日子，飲番杯暖笠笠既珍珠奶茶，一邊暖手，一邊飲珍珠奶茶🧋因為平日放學時間去買，人流唔算好多，落單後大概等5至10分鐘後，兩杯暖笠笠的珍珠奶茶就到手❤️ 🥢經典珍珠奶茶經典珍珠奶茶，奶味同茶味十分平衡，入口順滑，甜度亦控制得啱啱好，我叫正常甜度都唔算好甜，係一杯高質的奶茶。不過美中不足就係珍珠太軟，不夠軟糯煙靭，比較失望😞🥢茉香珍珠奶綠茉香珍珠奶綠，同樣茶底香濃，入口順滑，非常欣賞。不過珍珠就較為失色，下次可以只叫奶茶☕️優惠期間十分抵飲，平均$15左右就有一杯茶味香濃的珍珠奶茶，下次有機會我都仲想再試其他茶底的奶茶，因為見佢仲有大紅袍奶茶，美人烏龍奶茶等等，有機會再試埋先😋

當大家都係聖誕節北上消費，我依然留港消費。其實係香港依然可以搵到平靚正食店。舊時，一到大時大節，香港食店都會大大提價，最少貴平日2-3成，仲要唔愁無客，要排長龍，但當香港人北上成自然，香港食店都要諗下計留客。事前就打去湊湊火鍋，睇下聖誕期間仲有無平時二人餐可以叫，以為無提供之際，要散叫，估唔到係有提供，但改名叫聖誕套餐，而個價錢就比平時貴左$100，但就送多左兩杯飲品。因為我老婆係火鍋控，見聖誕無乜加價，就即刻網上訂位，本身個套餐，我地兩個都食唔晒，咁點可以將個套餐再超值化，提高性價比，就係叫埋外甥女一齊食，費用都只係加多幾十。湊湊火鍋吸引我老婆之處，有好幾個1.      叫臺式麻辣鍋，可以無限添加鴨血同豆腐，真係唔飽都可以食到你飽，仲要質素唔錯。2.      設有小食區，可以任夾魚皮、炸番薯球、生果。3.      另外，個肉燥飯可以任裝，質素唔差得過係台灣。基於以上原因，我同我老婆時不時都會黎食。但今次有個比較失望一樣野，就係平時食開紅顏花膠雞鍋無晒，但我地個日係八點鐘入席，已經咁早賣晒，失望之下唯有被迫試下另一個湯底，番茄牛膝骨鍋，雖然味道還可以，但更加令我覺得紅顏花膠雞鍋係

好幾年無試過連凍咁多日，早幾日仲去到5度諗食飯第一時間一定係打邊爐啦烚下烚下成個人暖晒。有老有嫩揀間坐得舒服D諗起之前同朋友嚟過呢間湊湊，上網即日仲訂到位就GO GO GO四大一小畀張4人檯，好在都算闊落睇餐牌花多眼亂，唔想煩直接叫4人餐仲免咗每位19蚊醬料費呢度D湯底好濃厚，特別係花膠雞鍋一上檯叫我地先一人一碗，飲完加湯打邊爐勁濃郁仲好多花膠添肉揀咗牛小排&黑豬肉份量合理，牛小排肉味濃烚耐少少俾小朋友都完全唔會UN企鵝丸外型可愛，小章魚福袋好味海鮮揀咗鮑魚&帶子，好鮮甜﹗擺盤好靚勁大碗冰，顯得份量有點少最後落埋響鈴冬粉索汁出面仲有小食拎，薯波好食，但2個鐘見得1次。。。補得快啲就好了

預早book位同公司同事食飯因為我地有7人可以book到間房叫咗個鴛鴦湯底500幾蚊佢前菜有魚皮同地瓜球任拎另外送咗一碟生果盤埋單仲有糖水送叫咗兩碟海陸拼盤7人埋單$2871👍🏼

呢間台式火鍋店裝修別緻，燈光略略昏暗，坐位闊落舒服，惟全部座位都沒有軟墊另外店員服務呢度要讚，個個都好有禮貌，唔會大大聲講野，我地坐低左見到另一張卡位調位，店員服務態度都好好，入座提示用餐時間2個鐘，半個鐘前店員滿臉笑容走埋黎溫馨提示，店員服務呢度都幾好星期日既晚上，我地好早六點零唔駛等，再晏少少就見到等位既人潮，好少黎呢區，附近咁多食肆又唔算好就腳，呢間都幾多人等呢度火鍋湯底唔平，我地叫左花膠雞湯，係好好飲😋如果小朋友就略略重胡椒味，我地大人飲左兩三碗先開始打邊爐😂湯係好飲既，花膠就似普通魚肚多啲，同埋有都幾多細細既雞肉粒呢度每人加$19可以任食小小bar枱食物同醬料，有台式魯肉飯同地瓜球，好食既，仲有三款水果，當日有哈密瓜、西瓜同番石榴，食物都不斷會出，仲有細細杯沙冰，同埋茶凍送俾你，茶凍好香濃唔太甜好好味！整體感覺好好，坐得優靜舒服，可以回頭！

近年多左好多店式火鍋，競爭十分激烈湊湊價錢唔平，但食物質素確是比其他台式火鍋差少少麻辣湯底唔夠香，醬油太甜，牛肉比想像中差左幾個檔次，可讚的是蜆都幾新鮮飲品方面個檸檬茶真係麻麻，似係手渣檸檬茶/爆檸？

湊湊火鍋環境幽雅，空間感舒適，聚餐好地方！設有小食專區，當中魚皮爽口酸辣，炸番薯球非常美味，煙韌軟糯又香甜，滋味令人一試愛上😍✨清涼椰子雞鍋 雞肉🍗和椰子🥥令湯底馥香互相融合，相得益彰，非常鮮香，清甜解膩，嫩口的椰肉和雞肉根本就是一道菜餚！必點湯底👑⭐️飛魚籽墨魚滑一球黃澄澄上枱，玩得又食得🤣大小自由控制！爽彈墨魚肉伴隨滿滿的魚籽，每一口都有粒粒亂跳，增添口感！✨日本和牛肩胛眼肉華麗的擺盤，令人眼前一亮，呈現大理石花紋的日本和牛肉，果然無令人失望，入口鮮嫩無比，回味無窮！！我食唔返普通牛肉了🥹美國特選級牛小排其實都相當牛味香濃，但對比和牛⋯⋯真是無對比無傷害！⭐️時蔬湊湊（小份）一啲都唔細份，夠哂兩個人食，包羅萬有：粟米🌽、蕃茄🍅、紫薯、南瓜、冬瓜、金針菇、雲耳等的蔬菜🥬新鮮清爽！竹苼就是造型獨特，食落味道完全無特別😂可以打卡一用！餐廳：湊湊火鍋‧茶憩 地址：荃灣大河道98號如心廣場二期1樓121號舖

一大班人一齊食飯，打邊爐係其中一個好選擇不過，如果係帶長輩出去打邊爐🍲但係環境、食物質素普遍啲啲🤏🏻都有機會俾人話：「返屋企打好過啦」所以搵間fancy啱打卡嘅火鍋店就啱晒呢類型嘅長輩而湊湊就係我其中一間帶媽咪encore嘅火鍋店！湊湊嘅環境比起其他大型連鎖火鍋店精緻流水造景、乾冰效果同暗暗嘅環境好有氣氛！自助配料小食bar亦都好整齊乾淨我地嗌咗三個鍋底，分別係：台式麻辣鍋、紅顏花膠雞鍋同酸菜魚鍋我最鍾意就係花膠雞鍋😋湯味好濃，頭一轉可以先飲湯飲夠再加湯打邊爐🍲媽咪就最鍾意麻辣鍋🌶️除咗因為辣味足料之外仲因為鴨血可以無限添食兼外帶慳家長輩就最鍾意啦而食物擺盤方面都好靚好精緻需要份量亦都比較精緻不過小食bar有肉燥飯、麻辣鮮皮、蕃薯麻糬波任食當然仲有唔少得台式飲品啦完全唔怕食完會唔飽肚！我地當日有先叫套餐再散叫幾份食品6個人人均500蚊，比一般連鎖火鍋店貴少少不過環境氣氛同食物都值回票價最重要係長輩們食得開心🥳

之前成日經過呢間火鍋，睇幾有feel，前排決定去試一試叫左一個鴛鴦鍋，一邊係珍菌菇鍋，一邊係花膠雞鍋，花膠雞鍋唔錯，真係有雞同花膠，同埋佢既質感係有少少黏，另一個湯底就無特別火鍋配料方面試左牛肉，丸類個啲，個人覺得個啲就普通，無咩特別另外有試到蝦滑同企鵝丸，比佢個外型吸引到，不過就係為打卡，食落都係普通，企鵝丸其實就係墨魚漿，不過唔算彈牙雖然佢啲配料唔係任食，但係出面有滷肉飯同地瓜球可以自己拎，地瓜球係熱既，同埋脆，食左幾粒，滷肉飯都係屬於正常總結黎講，個人覺得可以一試，特別係花膠雞湯，不過CP值唔算高

自助區除左有豐富嘅醬料之外仲有中華沙律 海蜇 肉燥飯等冷熱盤前菜🧆餐廳提供左間大房比我地 大圓枱坐晒10個人 一個大鍋搞掂 唔洗分鍋 圍爐開餐 非常方便😇任性鍋 - 黃金奔馳鍋🥘 $588胡椒豬肚雞鍋 相當足料 豬肚彈牙 但胡椒味唔夠出臺式麻辣火鍋 香辣惹味 豆腐 鴨血係無限refill🤩珍鮮菌菇鍋 比較清甜嘅湯底 菇菌都十分充足呢次點左好多火鍋料都比較出色:美國特選級牛板腱 牛肩胛肉眼 牛肩胛 牛後胸🥩精選羊肉 無骨雞腿肉 毛肚企鵝丸(墨魚漿製) 手工蝦滑 飛魚籽墨魚滑🦑另外餐廳都有好多唔同款色嘅台式手搖🧋配料都非常特別 份量大杯 味度都好出色 不輸出邊嘅手搖 😋雲朵絲絨苿香茶+燕麥粒燕麥奶茶+苿莉茶凍仲送甜品鮮桃果凍🍮