湊湊火鍋‧茶憩 (如心廣場二期)

營業中

休息中

食物質素新鮮，擺盤花盡心思。企鵝丸精緻彈牙。各式湯底任君選擇，豬牛肉肥瘦適中。環境舒適，坐位寛敞。唯獨前菜及水菓類選擇不多。人手方面似有缺乏，網上下單也有漏單情況出現。下次仍會考慮此餐廳。

夜晚行完街有啲口渴想買嘢飲，見冇人等就去買兩杯嘢飲啦，點知等咗20分鐘都冇嘢出，但係佢個吧枱裏面有四個人不停地整嘢飲比餐廳嘅人。到啲Number卒之郁啦，出外賣嘅Number又唔係順序個喎，咁就繼續等啦，等咗半個鐘去問其中一個女仔，佢望你一眼應都唔應就走咗去，咁又問另一個睇落高級啲㗎啦， 粒聲唔出響櫃面攞兩杯嘢出嚟俾我。我叫嗰兩杯係沙冰，到攞得嘅時候已經變晒水。即係杯嘢整咗響度好耐，但一路都冇出過Number。間嘢啲態度好差（完全當你空氣），永無下次！

平時都係食火鍋多 前排經過見有午市見到有啱食 人又唔多所以入咗去試套餐有齊前菜 時蔬 鴨血豆腐當然有埋茶飲 最鍾意燕麥系列☺️༯ 老壇酸菜魚$𝟖𝟖好大碗😳份量好多而且配料都好足湯底合我心意 酸酸微甜帶辣辣度慢慢滲出 有少少後勁🤤湯睇落偏油但飲落食落係可接受記得食埋酸菜 佢都算係半個主角魚片多幾厚肉 肉質確係嫩滑唔易散入味之餘亦不失魚鮮甜無泥味刀削麵底軟硬適中有咬口整體來講以此份量 質素同價錢食得過👍🏻◡̈ 以上食評乃個人意見僅供參考◡̈ 價錢僅供參考一切以餐廳為準

#chuchu食在荃灣📍 湊湊火鍋‧茶憩 同🐷👧🏻經過湊湊見到出咗lunch set即刻入去食！本身都覺得湊湊嘅邊爐好好食！有邊爐又唔洗點等位，仲唔會成身邊爐味！💡午市套餐$78起，仲包埋自助吧！—————————————————————❣️ 寶島慢煮番茄牛肉小火鍋 $88湯底好濃蕃茄味，啖啖番茄蓉，鮮甜得嚟好開胃，牛肉好淋好入味！.❣️ 老壇酸菜魚小火鍋 $88酸菜魚小小辣，好惹味！酸菜味都好舊，魚片大大舊，無骨啖啖肉，好食✨兩款set都包麻辣鴨血豆腐同肉燥菜配炸蛋！個鍋會放喺嗰爐上面，熱辣辣！.❣️ 大紅袍珍珠奶茶 +$16.5❣️ 美人烏龍珍珠奶茶 +$16.5用左大紅袍同美人鳥龍，茶香好厚，加埋奶同珍珠，更上層樓！✨ 飯麵套餐茶飲5折.❣️ 紅豆豆腐奶凍 （跟set）最後呢個都好好味！豆腐味好濃，好滑！.💬 lunch set仲包左自助吧有涼菜、醬料、仲有任食滷肉飯，同炸芋頭波（好好味(⁎⁍̴̛ᴗ⁍̴̛⁎)）—————————————————————不專業評分👅好味指數: 9/10 💰性價比: 8/10👍🏻推薦: 9/10 —————————————————————🏡地址: 湊湊火鍋‧茶憩 (如

火鍋店座位寬敞，柔和的燈光讓人感到優雅舒適。台式半自助午市套餐 寶島慢煮番茄牛肉小火鍋 蕃茄湯底味道濃郁，牛肉份量十足，而且軟腍入味。老壇酸菜魚小火鍋 魚肉肉質鮮嫩，湯汁鮮香味濃，酸辣開胃。每份套餐都可選飯或烏冬，還有麻辣鴨血豆腐和娃娃菜。另外，可半價加購茶飲。冬瓜檸檬 味道酸酸甜甜，清新解渴。大紅袍珍珠奶茶味道甘醇，珍珠口感煙韌。火鍋店設有自助吧，有各式各樣的醬油、水果~哈密瓜、西瓜和番石榴、前菜~香辣魚皮和菌菇，還有滷肉飯和炸番薯波，可以免費享用。

平時成日經過都無食過，今日見到有個lunch set ，好似幾吸引，忍唔住入去試下😆！⭐️老壇酸菜魚小火鍋有兩款前菜，麻辣鴨血好滑好惹味😋😋另一款係雜菌娃娃菜，清爽👍🏻主菜酸菜魚，唔算好辣，我唔食得辣都食到！魚大大舊，無骨啖啖肉，好食😋😋可以揀滷肉飯或烏冬，自助吧可以任食滷肉飯，所以揀烏冬就可以食晒兩款👍🏻👍🏻自助吧有生果，小食同炸紫薯波，仲有各款調味料，實夠晒飽肚😆😆環境偏暗，優雅清幽，服務都好好，會再回頭！👍🏻👍🏻

見到有set lunch梗係要試試，難得今日平日放假。蕃茄牛肉煱配左烏冬:全部已煮熟，但出到來是微暖的。你要要求服務員加火鍋底座才會給你上的，不要求是不會上。蕃茄湯底很濃，牛肉好淋。配菜有鴨血豆腐、半只蛋及一份疏菜。胡椒雞肚套餐也是配烏冬也是微暖，配菜都是一樣的。雞肉不夠嫩滑，豬肚不夠軟淋，味道很一般沒有什麼胡椒的味道，清淡到不得了。這一個餐對我們來說真的不夠，好在做會員後能在出面取生果，小食及魯肉飯。還有紅豆豆腐花做甜品，一個餐一份，豆腐花很嫩滑。

：最近湊湊火鍋新推出左一SET 台式既午巿套餐宜家做呷哺呷哺既會員仲可以免費升級做半自助餐食埋佢地既水果, 肉燥飯同埋前菜添款式都唔少架. 我地Order左佢既酸菜魚同埋花膠雞定食老壇酸菜魚小火鍋$88一嚟到見到個湯底滾到卜卜咁都好吸引啦份量唔算太多 啲魚啖啖肉 好滑同好厚食酸菜魚真係要食埋啲配菜配埋彈牙烏冬 好滿足 經典紅顏花膠雞小火鍋$88湯底好濃 夠哂入味 忍唔住要飲個頭啖湯先呢個份量多呀 有好多件雞同埋花膠配埋烏冬JAM住哂個口 讚整體嚟講 我地都幾鐘意佢有煲住嚟食既感覺.夠哂熱. 同埋佢既套餐都有配埋小食有炸滷蛋肉燥娃娃菜同埋 湊湊火鍋皇牌麻辣鴨血同埋滷水豆腐鴨血真係入哂味都幾豐盛架~👍🏻

呢間台式火鍋嘅裝修係走型格嘅路線 我每次行過深木色嘅舖面 都有種深不可測嘅感覺😂 呢日午餐就入咗去一探究竟經典紅顏花膠雞小火鍋餐牌話係人氣之選喎 當然要嗌返一份嚟食啦🐥 花膠雞鍋嘅膠質好重 所以啲湯𢳂起上嚟都有啲稠杰🫢 入面嘅配料除咗有花膠同埋無骨雞件 仲有冬菇 我哋揀咗配烏冬 食落口好彈牙啊🍜 係一個好養生嘅小火鍋寶島慢煮番茄牛肉小火鍋呢個係廚師推介嘅菜式 番茄香氣撲鼻 鍋入面有高質素嘅牛肉🐮 牛肉好似牛腩一樣 食落口炆得軟腍 入面仲有紅蘿蔔同埋番茄🍅主食方面 我哋揀咗米飯🍚 仲喺自助吧𢳂咗一啲肉燥嚟送飯套餐小火鍋嘅套餐 仲包括咗前菜 蔬菜同埋甜品 前菜係麻辣鴨血同埋豆腐 鴨血好嫩滑🦆 蔬菜方面 就係娃娃菜 紅蘿蔔 金菇 仲加咗少少肉燥吊味🥬 最後甜品係一個豆腐布甸 加埋少少紅豆蓉 味道清清地仲有啲餘韻自助吧除咗有火鍋用嘅醬料之外 呢度嘅自助吧仲有精緻前菜同埋時令水果🍉 呢日嘅前菜有涼拌魚皮同埋香辣菇菌🍄‍🟫 涼拌魚皮好爽口 仲見到店員好努力refill 而水果就有西瓜 哈密瓜 柑仔同埋番石榴 食完小火鍋再食就啱晒🤩 喺自助吧嘅後方仲有滷肉飯任食添呀 呢個台灣嘅肉燥食落口唔會太肥膩

📍 湊湊火鍋•茶憩（荃灣）@coucouhotpothk湊湊真心不得不讚仼食滷肉飯🍚🐷呢個滷肉飯啲豬肉碎得黎又入味🐷醬汁用台灣既秘製醬汁做成～重點係～仼食仼食🥰一個火鍋🍲唔夠食🔥唔緊要，食滷肉飯對我黎講都好滿足😌另外仲有半自助餐既生果仼食🍉西瓜，番石榴，哈密瓜都好鮮甜🫶🏻✨ 經典紅顏花膠雞小火鍋雞肉夠滑，啖啖肉好幸福☺️花膠既份量都唔少。由於有爐煲住，所以會越煮越入味，雞湯夠晒鮮，而且冇味精，對我嚟講，湯底先係精粹，鍾意雞湯＋花膠煮過既腍口感覺～✨ 寶島慢煮番茄牛肉小火鍋牛肉嫩滑入味，湯底真材實料勁濃郁，個番茄湯底啖啖番茄蓉，鮮甜得嚟好開胃🤤🍅✨ 美人烏龍珍珠奶茶✨ 大紅袍珍珠奶茶用左特選嘅大紅袍/美人鳥龍，茶葉香氣醇厚，化身為珍珠奶茶，將經典滋味加倍升級，體味馥鬱潤甜～

🍲同幾個朋友打邊爐，想開開心心自己有一個小天地，荃灣如心廣場二期的凑凑可以算是好的選擇。因為booking 只有6點或8點15分兩個時段, 考慮到大家都係想盡興而返🤣 ，而且想有VIP房， 所以最終選了八點三的時段。🉐️VIP房只須要叫大湯底, $588/個. 無minimum charge，確實係抵玩。食材就ok啦，以呢個價錢其實可以更好。自己帶茅台清酒，配上麻辣湯底，vip房有個唔好處，就係要叫夥記會有點叫天不應叫地不聞的感覺， 最後要用品或點菜都要走出去外面，如果房內可以加一個叫鐘就更好🤣🥇

早兩個月同朋友提起湊湊火鍋，朋友說非常好吃。今日day off去左荃灣行街，遇到大雨去左如心廣場行人天橋避雨，剛到行到湊湊火鍋荃灣區既分店係如心廣場二期1樓用餐。現在免費登記做會員，惠顧午餐套餐仲可以享用埋半自助吧先講午市套餐高雄鮮蝦牛肉八寶黑輪麵台北燉排骨慢煮蕃茄牛肉小火鍋九份鹽酥雞飯台橋黑橋香腸肉燥飯老壇酸菜魚經典紅顏花膠雞小火鍋我揀花膠雞花膠雞濃湯非常濃花膠有4至5塊，好厚身雞肉係瘦肉，肉質好嫰原隻鮑魚咬落彈牙每啖湯都係精華配烏冬係醬料吧加入醬料我加左花生碎，葱，豉油同麻醬自制麻醬伴烏冬烏冬好彈牙肉燥蔬菜麻辣豆腐鴨血辣得過癮半自助吧是日前菜 魚皮微辣，鮑片非常爽口是日水果 芭樂，西瓜，哈蜜瓜小食 炸香芋地瓜球熱辣辣炸起金黃飲品可以半價加購我選左大紅袍珍珠奶茶茶味香珍珠夠彈牙中午時間唔洗排隊食物用品製作

❣️人氣知名台式火鍋🍲，主打高質食材🌟，環境服務一流，午市同晚市都有抵食套餐，（雙人餐、四人餐）💁🏻‍♀️， 自助bar有齊多種醬料🥄、涼拌🥗、時令水果🍉🍈 仲有手調台式飲品🧋  🌟 雙人餐 /四人餐 $698/ $1288 鴛鴦鍋底🍲，8款足料湯底選擇✅，推薦台式麻辣鍋🌶️鴨血豆腐食完可以再加，胡椒豬肚雞鍋🐣味道濃郁，😋，套餐有齊兩款肉類🥩、招牌特色企鵝丸🐧、海鮮🦐、蔬菜🥬及粉麵🍜 ，食飽仲會送水果沙冰🍧✨，推薦套餐再加散叫單品，全部食物新鮮，份量超足👍🏻  🌟 美國特選級牛肉雙拼 $248  🌟 竹笙 $88

旺角分店，訂位時已了解營業時間到晚上11點至12點，最後9點幾收吧，未到10點趕客，價錢一流，產品垃圾，低價雪藏牛肉砌到幾靚有咩用？入口便知龍與鳳！今日帶幾個老外到場，結果顏面盡失！香港有呢d舖頭點會唔hihi吖！

同好友 Me Time 緊係要搵間座得舒服有質素的火鍋，因要一邊吹水一邊食，湊湊火鍋絕對符合我嘅需要。好友推介要食呢到最出名的臺式麻辣鍋配酸菜白肉鍋， 鴨血豆腐和酸菜可以叫侍應不斷加的😍😍😍佢呢到的麻辣唔會死辣，係越滾越正， 而酸菜那邊湯頭醇厚中帶有鮮美甘甜。我就叫左以下幾款火鍋配料⬇️⬇️⬇️💟 日本和牛三角胸小排💟 肉肉蛋糕💟 企鵝丸💟 鮮活豆苗💟 原隻鮮魷魚💟 毛肚💟 冰鮮白鱔片食材新鮮美味， 特別係和牛輕輕滾幾秒直送入口軟綿綿係口中融化，喜歡爽口質感一定要叫毛肚，鮮魷魚夠彈牙。出名小食區的滷肉飯我都忍唔住食左兩小碗， 水果鮮甜清涼，食完火鍋的重口味，食返個西瓜平衡下幾嘆。🍹 冰黃金桔茶大杯🍹 冰翡翠檸檬茶大杯飲品夠哂大杯濃郁，用來解辣一流。