湊湊火鍋‧茶憩 (如心廣場二期)

營業中

休息中

食物質素同環境都是很好的，可惜唔夠時間，都未食完就要離坐了😖😖😖😖如果你們是一班人聚餐聚舊就千祈唔好嚟🙅‍♀️🙅‍♀️🙅‍♀️🙅‍♀️，因為只有2小時用餐，你係唔會夠時間的，雖然環境好靚好適合打卡，但一入坐就計時都冇咩時間，揀下野食攞下醬料影下相，時間就剩噃個幾鐘了🙄我地叫了4人餐$1288+龍蝦+4杯飲品，埋單$1700，2個鐘好快就過左去，好似發左場夢咁，所以雖然好好味，但好後悔叫4人餐和追加龍蝦，因為好多野食2個鐘唔夠時間，我地啲野未食晒就被要求離開😡😡😡😡所以建議大家，如果想慢慢食傾下計，就唔好叫咁多野食

8月我就正式閉關一個月，仲要開始控制飲食（Join左PT呀🤪），要襯最後機會食多幾餐好吃的🤓，其中一間我嘅Top選就係湊湊🤩🤩🤩適逢7月係湊湊進駐香港五周年，而家佢做緊「5週年‧生日祭」，有全新產品，有優惠🤩！！抵🤤🥘第N次回訪湊湊，我最愛的鍋底始終是台式麻辣湯底和酸菜白肉湯底，麻辣鴨血豆腐和酸菜都可以無限續！！真係食湯底都飽1/3🤣，台式麻辣比較溫和，食極都唔厭，鴨血和豆腐都好好味；酸菜湯底都好高質，酸菜又好好味！🐂 🦞今次特別推出海陸盛宴，我揀左日本A4和牛三角胸小排🥹🥹🥹（會員換購價$98/非會員換購價$118），質素幾好，份量又多！超抵🤤🤤🤤🤤🤤（做到31/7/24） 。🤩今次仲食咗牛黃喉（灼15秒Ok! ）、鮮魷魚、新鮮即剪豆苗、和企鵝丸（墨魚漿製），點企鵝丸可以叫店院幫手set場玩企鵝跳水😂令用餐體驗更加有趣！肉肉蛋糕就最啱生日慶祝！個福袋入面係八爪魚，誠意滿分 。另外調料自助區有小食、生果、飯：小食有筍片、涼拌魚皮、炸地瓜丸；水果方面，今次見到除了西瓜、哈密瓜、還有芭樂和柑果肉，比之前更豐富🤤；最屈機係仲有肉燥飯放題，重點是全部高質，仲要每枱都送左菠蘿沙冰（每人一小杯）和

見到湊湊5週年做緊，免費做會員即享$168換購西澳曼杜拉龍蝦，真係超抵。一於訂位試吓係咪咁正先。我哋7:30pm入座已經好多人，建議先訂枱穩陣啲。今次叫咗新鮮白鱔片、爽口牛黃喉、仲有招牌菜90%鮮蝦肉製人氣蝦滑，當然仲有主角西澳龍蝦喇。湯底叫鴛鴦鍋，試吓佢哋嘅新湯底椰子雞同埋南洋叻沙鍋。椰子雞湯都幾清嘅，淡淡嘅椰子味同埋雞味，另外嗰個叻沙就非常惹味，用咗新鮮嘅海鮮熬製，有鮮蝦同帶子仔係湯入面，椰汁嘅香濃比例，甜、鹹、辣兼而有之。其實淥個麵都已經好好食。食材方面，白鱔片好新鮮，仲保持到脆口彈牙。牛黃喉就真正爽脆。蝦滑先犀利，𥚃面有一粒粒大大隻嘅蝦肉，相當爽口。主角龍蝦就唔洗多講，爽彈鮮甜齊晒。食完肉之後，佢哋仲會幫你剪開個龍蝦頭，呢部份仲好食。另外出邊吧枱都有啲小食同埋生果，唔夠飽仲有滷肉飯添。食到中間，佢會俾一杯仔鳳梨黃桃沙冰清一清味蕾，之後又可以繼續作戰。我鍾意呢度嘅原因就係可以叫埋佢嘅茶飲，個大紅袍奶茶真係好好飲，一邊打邊爐，跟住飲番啲凍嘢就啱。食完仲有甜品送，係紅豆豆腐花。好正。佢哋個龍蝦優惠做到月尾，想食就要快啲去，因為原價係$498，真係慳好多。

今日同朋友黎呢間台式火鍋，湯底都幾多選擇，我地叫咗鴛鴦湯底酸菜白肉湯底＆台式麻辣湯底，2款湯底都幾特色，味道相當唔錯，麻辣香味勁香，好惹味，仲要無限加鴨血同豆腐，而白肉酸菜個味道好濃郁，好有特色。出面仲有滷肉飯＆台式炸物滷肉嘅味道都幾正，滷肉唔會太肥，香芋地瓜球，炸到好香脆，入面d芋泥唔算太甜，啱啱好。日本A5和牛三角胸小排牛肉勁靚嘅雪花紋，食落入口即溶，唔會太肥，完全冇肥膩嘅感覺，好香牛脂嘅味道，勁正。新鮮鱔片份量都幾多，片片都爽滑彈牙，非常新鮮。爽口牛黃喉放落麻辣湯底，吸收晒d麻辣香味，好惹味，食落勁爽口，唔錯。鮮活豆苗上枱時真係連埋根，所以真係好新鮮，又幾特別，店員即趁幫手剪豆苗，豆苗食落好嫩，好fresh。企鵝丸隻隻都勁得意，食落好彈牙，好重墨魚香味。大紅袍珍珠奶茶個茶底好濃，唔算太甜，珍珠好煙韌。鳳梨沙冰飲落酸酸甜甜，好開胃。紅豆豆乳布丁豆乳味好重，配埋大大粒嘅紅豆，非常夾。

湊湊火鍋是有特色的臺式火鍋店，環境充滿東方美學元素，吊燈散發溫暖的橙黃光，落地玻璃窗透入自然光，形成亮暗交織的視覺效果，增添氛圍感。木製餐桌和椅子，兩旁裝有竹子格柵，突顯東方風格，打造雅致、舒適的用餐體驗。喇沙湯底及清涼椰子雞(鴛鴦鍋)鴛鴦融合了香辣和清爽的口感，喇沙湯底奶白，加入濃厚的椰奶，湯中的大蝦肉質爽彈，吸收了湯底精華，洋溢椰奶幽香，微辣惹味。另一半則是清香的椰子雞湯，雞肉以椰子水烹制，入口清爽怡人，兩種湯底交織，形成了濃郁與清淡並存的平衡。澳洲西岸曼杜拉龍蝦龍蝦肉已完全剝殼，肉質爽口彈牙，鮮味十足，龍蝦頭內還有細滑蝦肉及蝦膏，放入湯中熬製，更完美提鮮，令人意猶未盡。90%鮮蝦肉製手工蝦滑手工蝦滑帶嚼勁，吃到粒粒蝦肉，綿彈誘人，口感細膩，濃郁的蝦味在口中爆發，非常鮮美。新鮮白鱔片白鱔肉質飽滿，嫰滑而富彈性，咬一口，慢慢沁出惹味鱔香，非常滋味。爽口牛黃喉牛黃喉富含膠原蛋白，厚切口感，爽脆中帶嚼勁，非常入味，令人意猶未盡。油麥菜放在湯中吸嗦湯底，添加一絲爽嫰氣息，質感變得軟糯，清新味覺。

店內環境古色古香設有自助區，除了醬料之外，還有前菜及生果，記得要食埋滷肉飯及香芋地瓜球😋🥢🥘1️⃣鴛鴦鍋$276: 喇沙湯底用椰汁及海鮮熬製而成，甜咸辣兼備，特別惹味。椰子雞湯：湯底足滿陣陣椰子味🥥加了粟米及椰子肉，份外有清香味道👅2️⃣手工蝦滑$68: 食到有好多蝦肉，口感好彈牙🤩3️⃣白鱔片$78: 打邊爐不能少的一味！輕輕一焯就食得，夠哂爽脆肥美😋4️⃣牛栢葉$68: 最好放落去喇沙湯底吸晒湯汁，入哂味又爽口！5️⃣油麥菜$38: 清甜爽口，份量都唔少。6️⃣澳洲西岸曼杜拉龍蝦$168: 註冊會員後就可以用優惠價order😍大大隻，好厚肉勁抵食！上菜時勁仙氣🌬️而且龍蝦頭比你影完相後，會再將龍蝦頭開邊，入面好多膏✨飲品🍸雲朵絲絨大紅袍$32: 茶味香濃，記得攪勻嚟飲，底層係有芝士！最後送紅豆豆花及菠蘿沙冰，非常滿足😌

🍽️餐飲： 💮二人餐包括兩份肉（選了不同部位的牛肉），菜盤，企鵝丸，一份烏冬，甜品💮鴛鴦鍋蕃茄牛膝鍋+ 椰子雞鍋，蕃茄鍋有蕃茄味，椰子雞鍋有椰子雞味（廢話）🤣裡面有很多料，不要浪費，因為都很好食😋💮牛肉是牛肩肉及牛小排口感不一樣，但都很好食，牛肩肉有口感，牛小排味道濃，比起其他任食的火鍋店，湊湊的牛肉實在好太多！太多！💮企鵝丸其實是墨魚丸，味道正常，但造型真的好可愛，打卡不錯喔💮菜盤跟烏冬正常發揮💮甜品是清淡茶凍，有茶香，裡面還有果肉，吃了那麼多肉後吃個茶凍剛好💮沙冰應該每一枱客人都會有一小杯沙冰吧🤔🤔又是解膩好幫手，食完熱辣辣的火鍋，喝一點沙冰，完美！🎄環境： 環境很寬敞，可惜枱不夠大，放了一個大鍋，已經沒多少位放其他東西了😓😓🎎服務：不錯，上菜快，收碟都快㊗️結論：食物質素來說真的得大推！但價錢當然會比仼食的火鍋店貴，有時想食高質一點的火鍋，不妨食一食湊湊喔～

黎到如心廣場，咁岩見到一大間湊湊火鍋見到都坐得好滿下就諗住試吓啦咁啱8:30pm左右先到望到個牌9pm後有八折宵夜時段黎，仲可以坐到1am而家黎講，商場食肆開到咁夜都好少見入到去之後簡左個雙拼湯底，花膠湯好濃好足料，我地一行人直接分左黎飲，好味之後再有特色，就係呢個企鵝丸仔幾cute

好耐無食台式火鍋想食啲高質、特色湯底湊湊都係一個唔錯選擇特別鍾意佢個菌湯勁香濃可以balance返麻辣湯嘅辣火鍋配料又新鮮不過最like都係自助小食又滷肉飯、水果、麻辣魚皮等款式雖然唔多 勝在好味😋

對上一次洗已經係一年前，以前食都覺得好高質，而家食呢次真係sorry 無下次，簡直係大失所望，勵志鍋湯底太淡、肉質差劣、服務態度差到爆。火鍋既湯底實在是太過淡。鴨血豆腐完全冇味，咁既湯底徹底破壞左成個用餐體驗，食到個湯底已經想埋單走人餐廳供應既肉類質量都極度失望。牛肉同羊肉都係好柴，亦都冇肉味，內臟方面以前食係粉紅色鵝腸，而家係街市既腥臭鵝腸，本身個湯底已經夠淡，落埋個腥臭鵝腸同牛柏葉真係搞不掂。Staff既態度非常差劣，問我加唔加湯，講左唔使，個staff 照幫你加左一大煲湯，個湯本身已經夠晒淡，仲要再淡化佢，真係唔知食緊乜。D staff都真係hea 你，叫完埋單都唔應，3條友企係counter傾計，最後係自己拎單出去埋。總的嚟講,今次火鍋體驗簡直係一災難。由淡而無味的湯底,到難自信既肉質,再到垃圾的服務態度,無一樣野係有半分滿意。以前都食過好多次，但係真係冇下次了🤢🤢🤢

收工見到門口無咩人排隊，即興入來食晚餐。環境裝修算不錯👍🏻火鍋餐廳通常都有自助醬料吧+前菜，水果🍉。前菜是魚皮及菇片，我覺得菇片好吃，不辣，甜甜的。然後魚片很爽，我都不知不覺中 吃了一小碗湯底叫了椰子雞鍋+台式鴨血豆腐辣辣鍋，以我食譚仔四小辣的級數嚟講，這個辣辣鍋完全唔辣🤣🤣 越食越香，最正嘅係鴨血及豆腐無限添加 椰子雞鍋用了椰子，椰皇，海底椰整成嘅湯底，非常清甜，愈煲愈甜，呢個大推墨魚仔好爽甜，午餐肉正正常常，牛柏葉好好味，爽口又新鮮，我覺得最好味嘅係鮮蝦雲吞，大粒而料足。食到最後，店員俾了菠蘿沙冰+仙桃紅茶啫喱，我估應該每一台都有，好好味😋值得一提，大紅袍珍珠奶茶買一送一，有驚喜🤣🤣👍🏻

點了一個2人餐環境舒服. 服務都不錯. 食物質數合格. 沒有太大驚喜. 最大問題是以這個價錢都要限時. 實在太美中不足. 最值得提是「烏雞肉卷」肉質非常嫩滑！另外, 「老四川風味麻辣鍋」辣味好恰當. 不太辣. 但又有辣味.

一向對湊湊好評！是日帶埋太后出門試試！一落單就開始比服務員罵！先點湯鍋再轉套餐，原來好麻煩😣⋯⋯要資深服務員教導！辛苦晒🥲再點飲品更複雜🙄食到一平送上沙冰，資深服員再喝令是否5人！便放下兩杯沙冰更在旁打爛整盆沙冰杯！😡😡😡總括來說，這一晚與別不同，同行家人都感尷尬不滿❌❌

約左朋友食晚餐，5位職員話我地坐房，咁就比左張8人台我地有D奇怪不過唔緊要職員話坐房冇低消 不過一定要叫$588既湯底😮‍💨我地叫左三拼湯底：1 牛油果花椒呢個好好食有好特別的鮮辣味，驚喜既係D牛油果都好好味，煮菜煮肉都好刺激有麻辣鮮甜既味道 都幾衝擊味蕾 2 椰子雞湯好鮮好清香，裡面也加了蘋果， 很美味，適合煮蔬菜類，也十分驚喜的清甜味3 勵志鍋（紅油鴨血）好麻辣，鴨血好嫩滑湯底好高分啦，點知我地叫既幾款美國牛肉都好老好鞋，質素比那些日本放題火鍋店的牛肉差很多，而且價錢不低。 肉類有少少誇張地難食，湯底幾高分都冇用啦，D肉真係好難才咬開- 這店應該全部美國牛都不太好食，肯吃貴D的話，這裏的和牛應該才OK。 蝦滑味道OK，裡面的蟹子好脆，味道幾好。章魚福袋也不錯，軟軟的外皮包了很鮮甜的章魚餡。鵝腸都新鮮爽口。

台灣火鍋簡單來說就是一種以多種食材和湯底為基礎的料理。它的特點是湯底多樣化，有麻辣、酸菜、豆腐等口味可選。食材方面可以包括肉類、海鮮、蔬菜、豆腐等各種食材，根據個人喜好搭配。在用餐時，將食材放入湯底中煮熟後，可以沾上各種醬料享用。台灣火鍋的美味在於湯底的濃郁和食材的鮮嫩，讓人可以品嚐到各種不同口味的滋味。無論是冬天取暖還是和朋友聚餐，台灣火鍋都是一道受歡迎的美食選擇。