湊湊火鍋‧茶憩 (MOKO新世紀廣場)

營業中

休息中

新世紀依間人氣台式火鍋, 次次經過都排哂隊, 又見到佢門口成個山水畫咁, 重點係依度賣點係鴨血豆腐任加! 勁有興趣, 今晚終於黎排隊試下。坐低店員就奉上鐵觀音, 枱上已放有湊湊圍裙, 我地即刻叫個勵志鍋(鴨血豆腐鍋)先, 期待緊既時候就出去自助bar拎調味, 入場已包左每人19蚊既自助bar費用, 我想講係物超所值, 有多款特式調味, 中華沙律, 香飯同水果, 而且店員keep住refill, 水果包保新鮮鍋底十分香濃, 入面d鴨血同豆腐入哂味超好食, 而辣度我地揀左少辣, staff都有再問我地夠唔夠辣如果唔夠係可以加辣, 不過我地覺得少辣已好ok好香! 食到咁上下staff主動黎加鴨血同豆腐, 唔洗開口叫, 佢地毫不留情咁倒入鍋度, 我地都毫不留手咁食哂, 加左兩三round, 真係堅好食入味, 忍唔住食唔停, 食豆腐鴨血都飽左一半😂茶葉蛋 $9去親台灣都必去便利店食茶葉蛋, 依度竟然有得食~ 叫兩隻黎食下先! 睇個色水已經知夠哂入味, 茶味勁濃, 蛋黃好大粒好綿, 出色蛋餃 $28蛋香厚薄適中, 入面有香肉碎, 只係28蚊, 必叫。日本和牛牛肉粒 $98份量好足, 拎出泥都係冰冰

湊湊鍋嚟咗香港咁耐，我都未去試，因為之前我哋試過覺得麻麻地，但見旺角分店經常大排長龍，今日見條路唔係太誇張，所以就唔試吓點解會咁多人食。佢個裝修風格都好有主題，感覺好古典，係我喜歡嘅格調。係你等緊嘅時候佢仲會有一大盤地瓜圓俾你食住等，又有茶水俾你自由斟，認真周到。湊湊鍋最特別嘅地方就係任食鴨血不用錢，所以一定要嗌佢嘅台式麻辣鍋。因為男朋友唔係好食得辣，所以另外一個就嗌左雜菇鍋。打邊爐一定要有牛，所以就嗌咗個牛肩肉， 夠瘦，唔肥，但一啲都硬，好嫩。喺門口排緊隊嘅時候，有個婆婆抱住個BB，見我食緊地瓜圓就同我傾計，佢話呢度黑毛豬好好食，所以我都叫嚟試吓。肉質又真係好嫩好冧，唔錯，同牛肉有得揮。海鮮方面我就嗌左個扇貝，雖然細粒咗少少，但係勝在夠新鮮。另外點少得啖啖肉嘅沙巴魚片，不過佢呢隻肉質就林左小小，比較似平時食嘅龍利柳口感。另外我仲食咗個海鮮滑，佢係由蝦，墨魚同菇菇混合而成，味道好鮮甜，同個菇湯好夾。蔬菜方面我就買咗皇帝菜同埋蘿蔔，講起蔬菜類真係不得了，因為當蔬菜吸左菇菇湯嘅精華，真係鮮甜到冇得頂。呢度嘅皇帝菜同其他打邊爐嘅地方食到嘅唔同，佢呢個菜種好似精緻啲同埋味道濃啲，同埋冇咁容易變

今晚誤打誤撞走左去試🤣其實行過門口已經比佢吸引了，好中式既裝潢。由於無訂位，最後排左成個鐘先有位，不過果然係台式火鍋，貫徹台灣朋友既貼心，等位期間佢會有啲新鮮熱辣既炸芋丸請大家試食，而且任食唔嬲😁👍🏼另外仲會請你試飲台式飲品，唔洗餓住等😁👍🏼👍🏼👍🏼👍🏼👍🏼一坐低就比佢本超大餐牌吸引住，即時左揭右揭，最後叫左雙拼鍋（四川麻辣+花膠雞湯底）、海鮮拼盤、牛小排、肥牛、蝦滑、雜菜盆、排骨酥。另外，仲會送你一小杯沙冰同甜品，我地仲一人叫左一大杯台式飲品🥤花膠雞湯一啲都無欺場，啖啖都充滿骨膠原😍一定要先飲為快蝦滑雜菜拼盆先嚇一跳🤣份量真係唔少兩款牛肉都唔錯😁👍🏼而且墊底既菜都唔少，其實可以唔洗叫雜菜拼盆添海鮮拼盤，個帶子最吸引，其他就中規中矩喇！佢啲墊底菜都好新鮮㗎！排骨酥😁略嫌啲骨大左少少🤣翡翠檸檬茶😊食完麻辣飲一啖，爽呀！不得不讚，除左現場任叫鴨血外，每位客人仲可以帶走一份鴨血+豆腐😍👍🏼👍🏼👍🏼👍🏼👍🏼甜品亦係完美既句號，烏龍茶果凍，裏面仲有一粒梅，果凍充滿烏龍茶味，加上梅汁，味道令人難忘😍

衝擊！係一杯可以帶俾我強烈衝擊嘅奶茶！話說之前已經有好多朋友向我推介湊湊嘅奶茶。終於湊湊開到香港，仲有外帶部，即使是一個人行下街都可以買。叫左大紅袍珍珠奶茶，盛惠三十三蚊，唔算平，但絕對值得！！勁重茶香，感覺像是精心混合了多種茶葉。奶味柔滑，茶同奶混合得好好。見到之前嘅點評話似朱古力，因為呢杯奶茶嘅濃郁感覺確實如此。愛茶人士必試！

門口有茶及小食供等位人士享用，不得不推介波波麻薯，不但新鮮熱辣，而且不會太油膩同時口感十足，足足吃了幾個！有自助醬料區、前菜、白飯及水果。由於想試兩款湯底所以選了鴛鴦鍋，辛酸菜魚鍋$99及紅顏花膠雞窩鍋$138。湯底非常足料，建議花膠鍋可以先飲湯，因為有不少花膠關係真係好漿口，好好飲亦好養身。據為台式火鍋店，店員的服務也十分體貼，不時會幫你放食物進鍋中，也會主動詢問是否需要添加鴨血豆腐，因為是可以無限量免費追加的。當然亦不可缺少台式飲品，點了大杯烏龍珍珠奶茶，抵飲又大杯$27有660CC，不但香氣醇厚，仲係木薯粉珍珠，勁彈牙！推介火鍋配料:美國特選牛小排 $198聖子$68扇貝$68最後會免費送上沙冰及甜品。

是日晚上黎到新世紀廣場4樓的「湊湊火鍋」吃晚餐，裝修充滿古色古香風情，別具韻味，座位寬敞舒適，最啱家庭用餐或朋友聚會店內特別設有自助醬料及水果區域紅顏花膠雞鍋火鍋湯底選擇極多，揀左呢個比較適合女仔嘅「紅顏花膠雞鍋」🍲豐富配料有花膠、雞肉、鮑魚、花菇等等，湯底嘅質感都幾厚實濃稠，骨膠原感覺豐富，啖啖鮮雞湯精華日本和牛前胸和牛肉就食得多，和牛前胸真係未食過，肥瘦適中，雪花分布均勻，陣陣鮮牛肉味道伊比利亞黑豬肉來自伊比利亞的黑毛豬肉，豬肉味特別香濃，入口香軟肥美，好juicy！丸類拼盤呢個拼盤有三款丸類，蝦丸、台式貢丸及魚丸，魚蛋同蝦丸爽口彈牙，貢丸有好濃郁嘅豬肉味，好好食呢飛魚籽墨魚滑圖渾渾的墨魚滑加入左大量飛魚籽，使得外表呈鮮橙色，幾特別。滿有墨魚香，口感好爽彈，飛魚籽再增添左彈牙口感時蔬拼盤我地揀咗呢個大size的時蔬拼盤，一上枱時大家都嚇一下，份量係意想不到的大，應該足夠6-8人享用。七彩繽紛嘅蔬菜款式勁多，有山藥、南瓜、粟米、生菜、薯仔片等等，營養豐富，感覺健康，蔬菜都吸收晒火鍋湯底嘅精華鐵觀音珍珠奶茶牛奶同鐵觀音沖製成嘅奶茶味道特別，兩者比例剛好，品嚐到陣陣鮮牛奶味之餘，亦體現到

新世紀廣場MOKO最近新開左間「湊湊火鍋•茶憩」，主打台式火鍋。餐廳裝修幽暗富格調，帶有神秘感餐牌設計精美，色彩豐富，圖文並茂，非常清晰，猶如一本雜誌餐廳設有醬料及水果專區，10多款火鍋醬料及醬油任君選擇紅顏花膠雞鍋鍋內主要配料有雞肉、花膠、野米、鮑魚、花菇等等，好足料！湯底質感頗濃稠，滿滿的膠質，感覺厚實日本和牛前胸油脂分佈均勻的日本和牛前胸，灼至大約七成熟，入口頗香軟，帶有濃郁嘅牛肉味，都幾高質素精選羔羊肉冬天梗係要食羊肉暖暖身，精選羔羊肉脂肪豐富，薄切一大塊，口感腍滑，羊肉味好香濃，有羊羶香但唔會太羶，正海鮮棒棒糖賣相造型好特別的海鮮棒棒糖，口感彈牙，味道有少少似墨魚丸同魚蛋～丸類拼盤拼盤分別有：精製台式貢丸、蝦丸、魚丸。全部都係新鮮手打而成，用料十足，口感特別彈牙！魚肉同蝦肉嘅味道都好突出，好鮮味時蔬拼盤蔬菜拼盤可以選擇大或小，呢個係大size的，陣容鼎盛，份量十足！時蔬嘅種類非常豐富，有白蘿蔔、甜粟米、皇帝菜、紫薯、紅蘿蔔、油麥菜、冬瓜、菠菜、大白菜等等，全部蔬菜都好新鮮碧綠又爽脆，健康又好味梅子茶凍 及 益力多沙冰最尾每位都會免費獲贈益力多沙冰及梅子茶凍。沙冰酸酸甜甜，味道

好台式火鍋今日同男朋友去到旺角新世紀廣場，食呢間台式火鍋，係k11食過一次。裝修靚，店員在台式，個個都普通話～都sweet簡介下餐廳野食，有圍裙俾我地，咁食個陣就安心唔驚彈到件衫。因為我地喜歡食鴨血，店員話勵志鍋夾鴨血，辣度可以接受，小小麻辣香，湯底的鴨血同豆腐更加可以免費任加呀～火鍋料我們點了把美國肥牛、飛魚籽墨魚滑、牛板腱、巴沙魚同蝦丸。整體來說食物都很有新鮮，男朋友特別喜歡飛魚籽墨魚滑同巴沙魚，墨魚滑彈牙，仲有魚籽，咬落帶鮮。巴沙魚佢就話完全冇骨，啖啖魚肉。我喜歡蝦丸，非一般加工丸，食得出手工打，加上有真蝦蓉，所以好食。餐廳有埋台式茶飲可以order，叫左杯大紅袍奶茶飲，中段時間仲有沙冰飲，可以解一解膩，好貼心。服務黎講呢間餐廳嘅員工都好有禮貌同友善，鐘意佢地既服務！

第一次嚟到食火鍋 真係比我預期中好好多以為係一般嘅台式打邊爐？門面嘅裝修好靚 見到佢個大紅袍珍珠奶茶覺得好吸引我帶埋仔仔去食 我問佢有冇兒童餐具 除了一份兒童餐之外 還有一份兒童餐免費提供 有好可愛的奶黃包 ！另外仲有一啲脆脆嘅甜番薯 ，真係好貼心叫咗個麻辣火鍋湯底 你都叫咗個蔬菜拼盤 仲有一份牛肉 兩個人食 都真係食唔晒 啲蔬菜要打包走。個湯底真係好好味好足料，好大份，豆腐和鴨血可以任添，但基本上係鍋裏面嘅份量都好夠。另外仲帶咗一杯大杯嘅冬瓜檸檬，真係好大杯！解辣一流。自助吧除了可以自己去配搭調味料，還有可以隨便添飯，飯係珍珠飯，好有咬口好有彈性。另外仲有中華沙律、西瓜哈密隨意添加。仲有多個surprise，佢送咗一個益力多冰沙，仲有一個梅子茶凍，兩個都係配搭打邊爐的確很不錯👍🏻。兩個人食咗500多元，再多一個驚喜，就係可以送你每人一份豆腐鴨血可以帶走。這份細心，從未感受過。等你可以回家再回味一下，又或者給其他家人分享。

這次是第二次去湊湊旺角店，這次去感覺店員服務水準更上一層樓，店員無論加單追單都很及時跟進，加上服務員態度熱誠。食物新鮮；海鮮籃，豆干鴨血，牛肉都是上好的。煱底有特色多選擇👍。惟一提醒是要早點訂位，這店日日爆滿！

我家大少突然話出街打邊爐，平時我哋係自己買海鮮喺屋企打，所以我就諗到呢間台式邊爐。佢哋要去到scan QR code攞枱，但我諗如果老人家黎而又無智能電話會點算登記完話二人枱下張到我喎當時係5:40分！咁等左好耐，等嘅時候櫃台有食物同茶供應我見入面有兩張二人枱係吉嘅，問職員點解二人枱話下張到我都未有？個講國語嘅職員回答：你前面有兩張三人枱等緊，要比左佢哋先我同另一個職員講，佢好有禮貌話會幫我睇吓，之後唔駛一分鐘就有枱，禮貌職員帶我地入去時同我講唔好意思，佢都唔明點解出面同事唔比二人枱我地當時已經6:40！叫左鴛鴦鍋一辣一唔辣黑豚豬，鴨腸，墨魚滑，油炸鬼，蛋餃，菜.... 鴨血同豆腐係無限refill仲有水果任食喎佢哋會比一杯細沙冰話解辣解油，真係幫到手最後又有茶味有粒鮮梅jelly 做甜品兩個人食到好飽我哋發現呢度打邊爐唔會好口渴，我第一次唔駛叫汽水而只係飲茶証明佢唔係味精王

爸爸生日，之前喺出面試過飲佢啲台式飲品，今次決定嚟試吓呢個台式火鍋。湊湊叫三個湯底可以坐包廂，咁我就今次嗌咗三個湯底，分別係龍蝦湯底、麻辣湯底、花膠雞湯底。最好食反而係一個好似西湯嘅龍蝦湯底，味道好甜，花膠雞湯底好稠，入面有幾粒鮑魚仔，麻辣湯底就冇乜特別，但係可以無限添加豆腐同埋鴨血。依杯係新出嘅草莓冰，味道係屬於甜嘅，入面有淡淡的茶味，唔錯。依杯類似酸梅湯，咸咸甜甜。湊湊既珍珠奶茶好好飲，茶底好香。鴨腸、豬豚肉好味，好爽。蛋餃要好快撈返上嚟，唔係會散晒。新鮮好味。牛肉一般。大既蔬菜籃，其實都唔使嗌咁大個，好多肉類嘅底都有好多菜。依個係牛嘅大動脈，都幾好食。湊湊會送一個sorbet俾你解辣。另外叫咗個魷魚鬚，有啲硬，可能炸得太耐。我覺得台式飲品幾好飲，黎試吓新野係OK，埋單$1500。

看見菜牌介紹食妝鍋已很想試，加了幾次水仲有花膠味，試此鍋預左多搞湯底，以免黏底。點選肥牛，我個人覺得普通。值得一試大紅袍珍珠奶茶，甜度岩哂我，真是微微甜。香梅紅茶真是好好味，酸酸甜，不錯。

天氣突然轉涼，又挑起我打邊爐的心癮。最近行街發現旺角Moko新世紀商場開了一間台式火鍋，叫湊湊火鍋.茶憩，就一於放工後立刻起行。湊湊火鍋.茶憩位於旺角Moko新世紀商場，地點絕對方便，搭東鐵又得，行去地鐵太子站/旺角站又得，到巴士總站搭巴士又得。店舖設計好高雅，好像高級台灣火鍋店的設計，枱與枱之間闊落，每幾張枱就有屏風間格，感覺好有私隱。坐下不久店員便送上熱茶，在用餐途中也不時送上免費小食及為鍋底添加麻辣鴨血豆腐，服務實在太貼心。餐點選擇好多元化，鍋底方面無論選擇什麼鍋底（台式麻辣鍋、紅顏花膠雞鍋、番茄牛膝骨鍋、珍鮮菌菇鍋、老四川風味麻辣鍋、還是燕麥龍蝦鍋），鍋料都是非常豐富。配料有不同的肉類、海鮮類、丸類、蔬菜類等選擇，飲品除了一般飲品外，還有珍珠奶茶等的台式飲品，真係睇見都流口水。大紅袍珍珠奶茶(大杯)、觀音珍珠奶茶(大杯)珍珠奶茶方面算是好正宗，奶茶不過甜，珍珠煙韌得來帶軟淋。大紅袍奶茶的茶味比較濃烈，而鐵觀音奶茶的茶相對淡一些，奶香味比較多。而一邊嘆著台式邊爐、一邊飲著珍珠奶茶，絕對覺得自己去了台灣一趟。麻辣鍋拼燕麥龍蝦鍋台式火鍋的靈魂在於鍋底，今次選擇了台式麻辣鍋及燕麥龍蝦鍋

知道MOKO有間台式火鍋開左冇幾耐，一路都想黎試下!呢晚終於有機會啦!!! 一入座店員都布提到用餐時間有兩個鐘,同埋店員仲有好好咁簡介下D乾、濕紙巾、牙簽既位置! 同埋放底埋圍裙俾我地,咁食個陣就安心唔驚彈到件衫!!!! 我地睇左餐牌好耐諗緊揀咩湯底~~~店員好細心提我地落好左個湯底再慢慢揀食咩,因為個湯底都要D 時間去準備!我地最後揀左紅顏花膠雞鍋! 呢個湯真係不得了!上個陣杰杰地,店員叫我地飲番兩碗先加湯! 湯底有好多雞粒、鮑魚仔、菇、當然唔少得就係有花膠啦!!! 我地飲左兩碗,真係好正好重雞味!唔係出面D味精湯底!我地制止住自己唔好再飲第3碗,因為再飲唔駛食!!! 因為個湯比較杰既關係,我地又唔係即刻加湯,店員都好好係隔離幫我地搞住個湯底等佢唔好痴底! 我地就慢慢嘆個湯! 服務真係超好!!! 跟住到醬料方面, 餐廳入面有個自助醬料區，牆上都貼左唔同野食可以混唔同既醬再夾既野食既味道!醬料有超多選擇!!! 見到都想混多幾款再拎番去!!! 店員見到我混左兩款之後主動幫我拎埋番位等我再繼續拎其他野食,真係細心到我都有D唔好意思~~~拎醬料既位置仲有生果可以拎~分別有蕃茄仔、西瓜同哈蜜瓜