湊湊火鍋‧茶憩 (MOKO新世紀廣場)

營業中

休息中

八月尾到訪當時剛開不久的湊湊台式火鍋，6點多到達等位，門口有同事派小杯免費的台式奶茶試試和香芋丸食，而且還有茶可以免費飲，服務不錯的。門口放置的水池不時冒煙，似仙境般，打卡影相幾靚。四人座位比較狹窄，如果係比較健碩，應該坐不下的。有自助醬料區和小食區，小食是中華沙律和小蕃茄，另外還有白飯提供。火鍋點了花膠雞湯和台式麻辣湯。花膠雞湯味道濃郁痴口，可先喝湯，後火鍋。台式麻辣湯有住添鴨血和豆腐，湯底麻辣味十足，美中不足的是鴨血和豆腐比較實，而且煮久不太入味，可惜可惜。牛肉片油花比較少，但入口亦不錯，肉質不會柴。玫瑰花豬頸肉賣相靚，豬頸肉片味道正常，不過不失。綜合蔬菜盤份量都多，而且種類多。湊湊火鍋提供台式火鍋，但其實是國內店，裝修服務同形式和台式很接近，而且有些菜式賣相都似，可惜口味味道有點失望。

早前同朋友食飯，基於他最愛打邊爐🍲，每次約食飯都只會打邊爐。而今次去台式火鍋店—湊湊火鍋．茶憩 。1️⃣超多湯底可以選，我地求其選了兩款不辣的。📍紅顏花膠雞鍋🐓 (單鍋: $198；鴛鴦鍋: $138)：好痴底！食到花膠，不過冇花膠味道，好似煲緊膠水。📍珍鮮菌菇鍋🍄 (單鍋: $198；鴛鴦鍋: $138)：又係冇乜味，好似飄浮幾粒菇嘅清湯。/2️⃣入面可以叫品牌主打的台式手搖茶飲茶憩既飲品，分別叫左2款。📍招牌人氣大紅袍珍珠奶茶（$24/小），幾好飲，香濃茶味🍵📍鐵觀音珍珠奶茶（$20/小），朋友飲，唔知咩味。📍翡翠檸檬茶（$26/大），普通凍檸茶🍹，下次可以揀其他。/3️⃣好多不同火鍋配料，我哋叫了：📍丸類拼盤（$108），個人認為最好食😋，新鮮手打！📍特級牛板腱（$118），普通肥牛。📍蟶子（$68）📍蔬菜拼盤（$68/小）📍半生烏冬（$28）。4️⃣餐廳還有多款台式食品可供選擇，例如：📍排骨酥（$68），調味濃郁，酥脆可口，外脆內嫩，不錯！5️⃣📍自助醬料區（$19/位），極度多醬料可選，仲有西瓜🍉，小番茄🍅等⋯⋯

一行三人都係火鍋控，一直想試呢間，但奈何交通受阻，遲遲未入到口... 今日終於有機...三個人叫了鴛鴦鍋，花膠鍋拼招牌台式鍋，再點左雙拼棒棒糖（其實係丸黎）仲有肥牛、萵筍等等... 出邊自助漿料區不錯， 10幾款調味料，仲有幾款水果，仲有白飯任裝... 值得嘉許嘅係，豆腐同鴨血無限添加，隔15分鐘就問你一次，真係好落力想加比你🤣總括來講，呢間鋪頭會再回頭，地點又就腳，服務都好好，嘢食非常新鮮！臨走嘅時候佢仲包左一盒嘅鴨血同豆腐送俾我，不過當晚因為走嗰時好狼狽，所以最後都冇拎到😆

本身都無諗住特登買黎飲，但經過時有位職員派試飲，試飲既係茉香奶綠，點知一飲，嘩，所有野都好完美地平衡。奶，茶，茉香，互相和平共處地發揮一試完，就馬上忍唔住買左兩杯珍奶黎飲一杯大紅袍珍奶 & 珍珠奶綠，熱，微糖，分別係 $30 & $25 前者都非常好飲，散發住一陣朱古力醇香既味，奶味重，好香濃既味。珍珠係偏細粒既，質地軟軟地，少少煙韌。員工既態度都好好，有笑容，做飲品速度都好快，有效率。下次有機會要入座試埋佢既火鍋先得！

下午朋友請食飯，到旺角moko試食呢間新火鍋湊湊火鍋，餐廳環境比較中式，有很多盆栽擺設物，詩情畫意的裝修忘記自己在吃火鍋，Book咗房，房間景觀開揚，侍應細心介紹食品及湯底，五個人叫了一個三種湯底大鍋，超大個喎，分別有台式麻辣湯、膠原蛋白湯、菌菇湯，我們先飲一啖湯，麻辣湯有藥材味好好飲，膠原蛋白湯好濃，過菌菇湯就比較清甜，我們點了和牛雪花分布均勻入口即溶，還有豚肉及羊肉片，侍應推介我們點聖子，果然冇介紹錯非常新鮮，接着是海鮮棒棒糖，即刻蝦滑魚滑，賣相將棒棒糖，還有什菇拼盤，火鍋店還提供大紅袍珍珠奶茶，茶底非常濃勁大杯好抵飲，中途侍應還提供烏梅茶味啫喱冰，作用是讓客人青青味蕾再品嚐美食，非常細心。雖然價錢比深圳貴，但食物質素比深圳還要高，環境及衛生也比較好，絕對值得再試。

大家都以為佢來自台灣 但湊湊火鍋其實係大陸集團開。所以只可以叫 台式火鍋 不過見香港新開店 都想試下係唔係真係好好食 去到超多人排隊 最少排2個鐘 入到去先知 原來要包廂先可以叫任性鍋不過唔緊要啦 麻辣同雞湯都好食麻辣唔辣咁制 因為佢餐牌都寫左係溫柔辣...岩晒食唔到辣既人既其他食物都唔錯-丸類 比較硬身 -鴨血入味 幾好食 無限refill-牛肉 正常水平-蝦滑 好食 仲送冰沙同果凍👍🏻 不過可惜無響鈴叫 同竹笙都賣晒 只好下次再食整體黎講 唔算太貴 但排隊實在太耐 唔需要排隊會再幫襯

最近終於開始有點秋意, 令人都想認真打下邊爐。同朋友傾開, 又未試過台式麻辣煱，所以大家就提意黎試下這間凑凑煱。位於商場入面, 其實好少經過, 但去到見到又好企理整潔。 就門口既裝置就夠吸引, 值得一影。今次我地成7個人, 佢比左間廂房我地, 冇諗過佢地方幾大。我地叫左個3格煱，有:花膠美人湯, 龍蝦海鮮煱，麻辣煱。 真係值得一讚，好足料。 一坐底大家急不及待飲湯先。 每個湯都好鮮味，花膠, 龍蝦好抵食不特止, 麻辣湯既配料鴨血同凍豆腐仲可以任加, 真係齋食個煱都抵。當然，更係有再叫餸。 牛肉好新鮮, 丸冇膠感, 好好食, 仲有好新鮮既蔬菜, 好乾淨又大棵。 大家食得飽飽又好滿意。 最後仲有青梅果凍，真係令成餐飯好完滿。仲有抵讚係佢中間時會送一些沙冰比客人送下口既味再食, 真係好貼心。

朋友想食火鍋，周圍搵有咩選擇，知道呢間係深圳好出名嘅台式火鍋黎左，即管試試。門口有「仙氣」，有煙，係幾吸引人影相同video。朋友6點半就到拎位，佢會留你電話，就黎有位會打俾你。門口有茶同小食招待下，又幾貼心，知道大家會餓。出面睇以為好細，入到去係好靚。少暗嘅環境，營造一種高檔次嘅感覺。每人指定係要另加19元係醬油白飯生果區，有啲味道都幾特別，可以試下。叫左鴛鴦鍋，紅顏同花膠湯底，可以免費追加鴨血、豆腐，佢寫可以拎回家呢。因為我地食過台灣火鍋，都喜歡台灣個種豆腐，呢度嘅豆腐係皺啲，無咁好味，豬紅還可以，不過唔會有想狂追加嘅情況。先試湯底，花膠湯底係足料，味道偏濃，店員提我地要經常攪下，以免痴底。而麻辣湯底，唔算死麻，算係溫和。先上嘅係加拿大松板肉，98元，上枱個陣大家都覺得好靚，肉夠簿，唔駛等好耐食得，記得落湯後要主動整散佢，佢都幾實，如果唔係有啲位會唔熟。肉唔錯，有啲似豬頸肉。牛板腱，118元，佢看似整舊都係，其實下面係菜，唔算好多，類似係超市買一盒。味道還好，牛肉唔算重。蝦滑，68元，呢個唔錯，攪得均匀，味道吸左小小湯夠味。店員好好，幫我地整。呢個時蔬拼盤，138元，真係好大盤，上

約左朋友7:00食台式打邊爐，冇定位嘅情況下等左5分鐘到，員工服務態度殷切，環境都幾特別。一嚟就點左個鴛鴦鍋，麻辣鍋嘅鴨血同豆腐可以任添，食到好飽，豆腐好入味。另外選了辣味和雜菌湯底，帶出食物美味。食物很好，環境不錯，員工服務態度殷切，送了很多甜品，牛肉鮮味，食得出台灣風味。飛魚籽墨魚滑正！呢個賣相可愛，味道就冇乜特別。芝士魚豆腐好味最後經理好好人咁樣送多咗個甜品比我哋食，埋單一人三百幾，算係可以接受嘅價錢。

好難先約到嘅一期一會晚餐，試下係香港食台式火鍋先~有朋友幫手攞位，嚟到即刻有得食🧡識食就梗係嗌台式麻辣湯底加雜菌湯底，就下啲唔食辣嘅人，又可以食辣同任加豆腐同鴨血，好開心（加左五六round 經理再送左兩盒打包)牛小排好新鮮，肉味好甜；鯡魚子墨魚滑都好爽脆；最驚喜係個甜品，梅子茶凍，好好味😋😋😋超開心，above expectations嘅一餐非常飽，因為真係食左好多鴨血，同係台灣食嘅一模一樣！要再嚟食過~

朋友聚會都鍾意揀打邊爐，得悉有間新嘅台式火鍋喺旺角開咗就諗住去試吓啦，唔使再上大陸都可以食到正宗麻辣火鍋，當日我哋去嘅時候應該開業一星期到所以人流非常多，而且係星期五晚餐廳亦唔提供訂座服務，所以一定要親身嚟拎票，最後都估唔到要等左兩個鐘先至有位🤦🏻‍♀️等到呢個時刻大家都肚餓啦，叫咗鴛鴦湯底，分別係花膠雞同埋麻辣湯，花膠雞湯非常足料，記住一定要飲咗湯先開始打邊爐！材料整體都幾新鮮，印象最深刻係鴨腸因為唔係度度有得食，但係感覺其實同鵝腸差唔多🤔打邊爐梗係要叫埋凍飲啦，一於就試埋佢哋嘅珍珠奶茶，叫咗杯標準Size嚟到我哋都覺得好surprise，因為都幾大杯😮其實如果佢有得訂座唔使等咁耐嘅話我覺得可以再返嚟食！

中午想吃火鍋！旺角那麼多選擇，但有哪一間可以一去再去呢？.看到這在旺角MOKO新世紀廣場的新店，網上查一查，原來是 深圳人氣台式火鍋店「湊湊火鍋‧茶憩」。.「湊湊火鍋‧茶憩」主打各款特色火鍋，其大紅袍珍珠奶茶也是招牌飲品之一，餐廳裝修採用詩情畫意的中國風，而且菜式擺盤也精美，在內地也是大排長龍。.湊湊火鍋湯底特別，可以把口味和趣味結合，如有五色芙蓉鍋、台式勵志鍋、番茄牛膝骨鍋以及菌菇鍋等。這次挑了勵志(麻辣)拼蕃茄鍋！.吃後感，這是有特色的火鍋，推薦鴨血、臭豆腐、貢丸。可以再來的，但建議多人時一起來，享用晚餐時段，比較化算。

朋友見到新屎坑，七點去到旺角，門口擺左啲奶綠比人試飲，正要留電話攞位，職員話要等1.5-2小時果下好o咀，諗住放棄唔食 四圍搵野食時 電話就打黎話有位台式火鍋，一入去就收左每人$19，有個醬油自助吧，有少少生果同中華沙律任食叫左個鴛鴦鍋，任揀既，一黎到叫我地飲左個花膠湯先，話比較足料，但飲落唔“lim”口，無咩膠質，似溝左生粉水，試過另一啲花膠鍋好食啲另一湯底好勁麻香味，可以任添鴨血同豆腐不錯佢係散叫，唔係任食既，食食下會有杯好似益力多沙冰咁既比你，細細杯，但好過癮食食下熱同辣既野食杯凍凍地既甜野。不得不讚佢啲野飲，係唔錯 叫左大紅袍珍珠奶茶同唔知咩青檸柑桔 兩樣都好飲

收工行過新開試下，裝潢環境舒適，坐位舒服，今次簡左龍蝦湯底（全隻）$198 ，龍蝦🦞湯味濃郁！其實有多款湯底，可以值得一試，待應服務態度有禮👍🏻大經炮奶茶值得一試

今日係朋友生日，由於之前行過已經比佢個好靚嘅門口吸引，所以就諗住過來試下我地叫左個鴛鴦湯底，每邊$135左邊係老四川麻辣鍋，由於佢係台式火鍋店，所以都唔洗怕會太辣，但對於鍾意食開麻辣嘅我就覺得唔夠辣唔夠麻如果可以落多少少花椒油會更好，但係佢湯式裹的豆腐同鴨肉係可以無限添加的，如果大家鍾意食可以叫店員加多D個店員仲同我地講，如果鍾意可以每人比一盒我地拎番屋企都得右邊係花膠鍋呢個非常好飲，D野食未上已經比我地飲左一半飲得出好足料，好重骨膠原，好適合需要養顏嘅女士芝士魚腐幾多芝士，幾好食飛魚籽墨魚滑比起平時一般食開的墨魚滑特別，有種日式嘅風味加拿大豬頸肉唔好睇佢得兩舊花好似好少咁，但我地三個人食極都仲有好多， 所以算係幾抵食的由於係新開張，佢仲另外送左D甜品比我地，但呢款味道就一般，另外佢仲有個沙冰，個款就幾開胃幾好味服務黎講呢間餐廳嘅員工都好有禮貌同友善，但人手有點不足，經常搵唔到人