影片
更多
2020-01-22
4152 瀏覽
湊湊鍋嚟咗香港咁耐，我都未去試，因為之前我哋試過覺得麻麻地，但見旺角分店經常大排長龍，今日見條路唔係太誇張，所以就唔試吓點解會咁多人食。佢個裝修風格都好有主題，感覺好古典，係我喜歡嘅格調。係你等緊嘅時候佢仲會有一大盤地瓜圓俾你食住等，又有茶水俾你自由斟，認真周到。湊湊鍋最特別嘅地方就係任食鴨血不用錢，所以一定要嗌佢嘅台式麻辣鍋。因為男朋友唔係好食得辣，所以另外一個就嗌左雜菇鍋。打邊爐一定要有牛，所以就嗌咗個牛肩肉， 夠瘦，唔肥，但一啲都硬，好嫩。喺門口排緊隊嘅時候，有個婆婆抱住個BB，見我食緊地瓜圓就同我傾計，佢話呢度黑毛豬好好食，所以我都叫嚟試吓。肉質又真係好嫩好冧，唔錯，同牛肉有得揮。海鮮方面我就嗌左個扇貝，雖然細粒咗少少，但係勝在夠新鮮。另外點少得啖啖肉嘅沙巴魚片，不過佢呢隻肉質就林左小小，比較似平時食嘅龍利柳口感。另外我仲食咗個海鮮滑，佢係由蝦，墨魚同菇菇混合而成，味道好鮮甜，同個菇湯好夾。蔬菜方面我就買咗皇帝菜同埋蘿蔔，講起蔬菜類真係不得了，因為當蔬菜吸左菇菇湯嘅精華，真係鮮甜到冇得頂。呢度嘅皇帝菜同其他打邊爐嘅地方食到嘅唔同，佢呢個菜種好似精緻啲同埋味道濃啲，同埋冇咁容易變
佢個裝修風格都好有主題，感覺好古典，係我喜歡嘅格調。係你等緊嘅時候佢仲會有一大盤地瓜圓俾你食住等，又有茶水俾你自由斟，認真周到。
湊湊鍋最特別嘅地方就係任食鴨血不用錢，所以一定要嗌佢嘅台式麻辣鍋。因為男朋友唔係好食得辣，所以另外一個就嗌左雜菇鍋。
打邊爐一定要有牛，所以就嗌咗個牛肩肉， 夠瘦，唔肥，但一啲都硬，好嫩。
喺門口排緊隊嘅時候，有個婆婆抱住個BB，見我食緊地瓜圓就同我傾計，佢話呢度黑毛豬好好食，所以我都叫嚟試吓。肉質又真係好嫩好冧，唔錯，同牛肉有得揮。
海鮮方面我就嗌左個扇貝，雖然細粒咗少少，但係勝在夠新鮮。
另外點少得啖啖肉嘅沙巴魚片，不過佢呢隻肉質就林左小小，比較似平時食嘅龍利柳口感。
另外我仲食咗個海鮮滑，佢係由蝦，墨魚同菇菇混合而成，味道好鮮甜，同個菇湯好夾。
蔬菜方面我就買咗皇帝菜同埋蘿蔔，講起蔬菜類真係不得了，因為當蔬菜吸左菇菇湯嘅精華，真係鮮甜到冇得頂。呢度嘅皇帝菜同其他打邊爐嘅地方食到嘅唔同，佢呢個菜種好似精緻啲同埋味道濃啲，同埋冇咁容易變林，好好食。
食到中途，職員會比杯乳酪沙冰你，俾你解下辣，降降溫。
食到最尾又會俾埋個青梅茶凍你做甜品，我查到味道好香，好濃茶味，絕對係幫你僻一僻口氣同解一解膩。
不過我覺得呢度仲有一樣好出色嘅嘢，就係佢哋嘅台式飲品， 佢哋呢度咁好飲過出邊任何一間專賣店，佢哋用啲茶好香，男朋友就嗌咗個珍珠奶茶，佢啲珍珠係迷你珍珠，如果奶茶都好清香嘅茶味，有層次，唔會話得個甜字。而我自己就嗌咗個檸檬冬瓜茶，加入左檸檬可以幫你解膩，係唔錯嘅選擇。
其實我最欣賞嘅係呢度嘅服務，啲職員全部都好有禮貌好主動，無論係加加鴨血定上甜品，全部都係自動波。所以今次試完，無論係食材定係服務，都令我對呢間湊湊鍋刮目相看。然後當你食飽，佢仲會打包一份麻辣湯連鴨血豆腐俾你拎返屋企，真係又食又拎。
張貼
