添好運點心專門店 (已結業)

之前成日經過旺角總店，每次都好想試下佢出名o既脆皮叉燒包，但係每次都比條人龍嚇走。星期六咁o岩12點經過北角，知道附近有佢o既分店，即刻openrice搵佢o既位置，諗住去碰下運氣，點之無人排隊(可能個場頗大，人流快)，就入去試下。點心種類都有約30多款，價錢好合理。 本來好想試佢o既盅頭牛肉飯(隔離食緊覺得好靚，只係廿幾蚊)，但係得兩個人，想試多幾款點心，實在容不下佢。 點左5樣點心，除左鹹水角餡料太重豬油味，樣樣都有水準，連茶位都係93蚊，都係超值，下次帶埋大食仔仔去，可以食多幾樣就開心好多喇。

添好運，可以說是近年香港飲食界傳奇之一，三年多前才在旺角廣華街的小小舖位開始其事業，一年後，已經成為米芝蓮一星食店，成功的結果就是擴充，分店開完一間又一間，深水埗開到去中環IFC，成功升呢，其後深水埗更步總店的後塵，拿下一星榮譽。從此，添好運的名字，揚名海外，大陸台灣東南亞，甚至連歐美遊客也慕名而來。當初添好運的成功，主理人培哥曾說過，怎樣也不會開分店，說難以保持質素，不會開分店，結果，還不是狠狠推翻自己的言論，今天，第四間分店，進駐在北角和富道。分店一間比一間大，所以，這個晚上與女友來晚飯，根本無須等位。月前曾經與一班甜心男女，到過深水埗店吃該店才有的私房點心，款式較平常吃到的精緻，價錢亦比較貴，但味道實在不甚了了。基本上，大多人到添好運，也是吃指定幾款點心，雪山叉燒包是鐵膽，外表如墨西哥包，香甜鬆化，內裡的叉燒堆得滿滿，味道濃惹中帶蜜香，不敢去說是否由添好運，去把雪山叉燒包，流落至民間點心店，但是由添好運去發揚光大，這是無可否認。喜愛吃鳳爪排骨飯，我也在文章之中，讚美過土瓜灣明珍排骨飯不下數十次。添好運的鳳爪質素佳，非常入味，可是飯底與排骨完全未融入，同床異夢的愛侶一樣，兩者背對背

早陣子聽到朋友說在北角開了一間 添好運點心專門店據說這間 添好運點心專門店 的點心是蠻有名的, 故親身來一嘗.酥皮焗叉燒包: 這個絕對得一試, 香味脆熱! 咬落有點像墨西哥包, 內裡卻是像叉燒焗餐包的味道. 最重要是夠熱煎蛋牛肉盅飯: 好懷舊, 份量亦好大, 一個人真的吃不完, 儘管吃了一盅, 也不能再食其他了. 味道一般, 但流出來的蛋汁可使蒸飯沒有那麼單調乏味. 不過不失.懷舊馬拉糕: 本人較喜歡這種傳統,甘香鬆軟, 熱呼呼的馬拉糕.....近年市面多以出售奶皇馬拉糕為多, 可是本人覺奶皇馬拉糕始終有點味道太濃,奶香卻乾喉的感覺......反觀這種懷舊馬拉糕卻可口得多....而添好運卻做到甘香鬆軟, 熱呼呼的....值得一讚!!!南瓜沙翁: 這個反觀有點失望. 雖則熱鬧鬧, 但太油膩......傳統的沙翁好吃得多.....還有它表面的是椰絲, 而不是沙糖...名稱吸引, 卻口感味道較為遜色....整體來說味道不俗, 食物等侯時間不長, 價錢尚可, 店內食客以內地人居多, 環境較嘈及擠逼

聽聞「添好運」係北角開咗分店, 另一半好雀躍, 要第一時間去試下...10點幾去到, 唔使等位, 直入... 門外有一排櫈比排隊嘅人坐, 我地今次用唔著...快餐店格局, 光潔鮮明, 招牌開放式廚房, 坐得近嘅客, 唔知會唔會覺得好熱嘅呢... 座位都相當迷你, 叫多幾個點心都放唔落...酥皮焗叉燒包 -- 必吃招牌菜!!! 脆脆嘅外皮, 包住甜美嘅叉燒餡料, Yummy~ 可惜餡料太少, 薄薄的一層, 有點美中不足...香滑馬拉糕 -- 招牌菜, 味道甘甜, 鬆化可口, 正!!!潮州蒸粉果 -- 招牌菜, 同出面d酒樓比較, 呢個點心嘅分別最明顯, 能夠明顯食得出切成方塊狀嘅白蘿蔔西芹花生, 真真正正有芹菜味, 餡料唔係一舊糊咁, 好味!!! 比個讚你!!!鮮蝦燒賣皇 -- 招牌菜, 蝦肉爽口, 豬肉鮮味, 以杞子點綴, 感覺好養生, 好味~黃沙豬潤腸 -- 同樣係招牌菜, 比之前幾款失色好多, 豬潤很少, 硬而無味... 好記得上次係深水埗包VIP房食私房點心, 一嚐佢嘅招牌菜黃沙豬潤腸, 非常美味, 質數拍得住西苑... 可惜今日滋味不再~問到職員呢度有冇提供私房點心嘅VIP房

知道北角開了分店好想去試吓,結果一個月後才去因為之前日日排長龍,企係街上等位我最怕.今次3:30二人無須等位,叫了四樣點心等了分別六至＋分鐘,招牌酥皮叉燒包不過不失,咸水角一般(本人至愛所以每間洒樓也會叫).反之蘿蔔糕及陳皮牛肉球有驚喜.只可惜,真可惜那盞鐵壺茶令人非常失望.....原來冇得揀茶種,希望店主會改善.埋單也不到一百元,可以接受,有機會會再去

小伙子下午要回校補課，中午問我吃甚麼，我建議到新近在北角插旗的「添好運」吃點心。約等了五分鐘，被安排了一個窄窄的位，相信來「添好運」的人都不會是來歎茶，目的都是來吃其有星的點心，吃飽就走。為免小伙子遲到，我快速地選了些點心，叉燒腸粉，蝦餃，酥皮焗叉燒包，又怕他發育時期，不可無飯到肚，加一個煎蛋牛肉飯給他。點心是即叫即蒸，最先送來的是蒸飯，用不鏽鋼盅原盅蒸好的牛肉餅飯，上面有一隻煎蛋，我著小伙子先吃，他試了一口，嫌牛肉餅調味很淡，加了點豉油，誰知豉油也很淡，一點鹹味都沒有，難道加了水？小伙子吃了大半盅，不忘叫我也吃些大家分享。說也奇怪，我自從懂事以來，最怕與人「分享」，如一罐汽水，你飲一啖我飲一啖，或是一碗麵，你吃一箸我吃一箸，就算我在兒時，就算很肚餓，爸媽吃過給我吃，我也不會吃，但是當我兩個孩子來到這世界，我竟然接受到他們吃過的食物，人大了會改變，也許這就是做了父親後，其中的一樣轉變。牛肉餅是牛肉球的版本，腍腍的，有些芫茜，幾香，也有些馬蹄粒，若是鹹些少會較好。蝦餃是小伙子喜愛的食物之一，這店也做得不錯，餃皮少少煙韌，蝦肉爽口。叉燒腸粉，又是豉油不夠鹹，腸粉拉得不太厚，有水準，皮也不算

酒樓飲茶吃點心吃多了, 試試這個城中熱門點心店, 旺角店和深水埗店都拿了米芝蓮, 但都未試過, 近一點試這開業兩月左右的北角店, 吃過兩次, 感覺未算太大驚喜, 不過也有些好味"點":酥皮焗叉燒包: 招牌點心, 熱騰騰的叉燒餡汁流出來, 上次餡汁不夠, 今回好得多了, 必吃之選!煎釀虎皮尖椒: 個人最喜歡的一道點心, 尖椒香辣，魚肉夠味，一碟3 只有辣有唔太辣，有點像玩俄羅斯輪盤, 看你運氣如何.韮黃鮮蝦腸: 腸粉皮滑溜，蝦亦新鮮，感覺清怡香滑馬拉糕: 接近傳統風味, 質地綿滑，不太甜，好味!古法糯米雞: 大大隻的糯米雞, 一打開陣陣荷香撲鼻, 饀料亦足，難怪不消一會, 就吃完了其他的晶瑩鮮蝦餃、美味鮑汁鳳爪、煎牛肉餅、雜菜蝦春卷，也算不錯。大伙兒"柴娃娃"吃點心, 一輪沖鋒當然高興。若以價錢和品質來比對, 算是中等, 但是沒有令我一試難忘的感覺，會不會旺角店和深水埗店好吃一點呢? 茶餐廳的格局當然不會期望坐得很舒服，不過這時反為想起多年來服務below average、價錢貴了但依然人多的檀島蛋撻。

6月24日, 平民米芝蓮港式點心添好運真係好巴閉~ 預咗起碼要等一個鐘以上先食到, 但試過拜會旺角總店卻於下午4點已經宣佈派晒籌, 連等位嘅資格都無! 自此之後每次經過佢門口都無不被那大批人潮嚇親… 深水埗同中環店都唔就腳… 等呀等卒之等到北角店開張~ 決定要神心地約埋媽媽同妹妹一行四人嚟排隊飛! 今次, 終於等到喇!::: 酥皮焗叉燒包 ::: $17嚟呢度唔食過佢嘅鎮店名物酥皮焗叉燒包真係唔好話食過添好運! 基本上每枱食客都一定會叫一客, 亦因為咁所以店方一早嚴陣以待, 酥皮叉包供貨量極之充足, 可謂長叫長有, 源源不絕新鮮出爐~ 不過可能製作模式已經太系統化而忽略品質檢定, 有d包個酥皮都未上好色, 白雪雪咁都照上碟, 賣相扣咗少少分. 不過新鮮出爐, 豈有難食之理? 面層酥皮焗得香脆, 包身鬆軟, 叉燒餡肉汁豐腴, 鹹香有致甜度適中, 認真皮薄餡靚~ 果然名不虛傳!::: 晶瑩鮮蝦餃 ::: $22蝦餃都幾細粒, 但皮夠薄, 除咗望落夠晶瑩透出粉紅蝦肉外, 亦意味餡料亦不孤寒~ 煙韌粉皮內係粒粒爽口彈牙嘅鮮蝦! 成粒食一口咬下爆出鮮蝦肉汁, 真係好食!::: 陳皮牛肉球 ::

北角店新開張時去過一次, 平心而論,食物是o.k.的. 但服務真是差勁. 店員歧視單身食客, 當你表明是一個人時, 他會叫你坐在全店最差位置-近門口, 啲人出出入入的地方, 你說有沒有其他位置, 因看見店內有其他空位, 店員竟說這是給2人的, 單身人仕是坐這些位的, 宜情是趕客. 又不是免費的. 真是氣憤

係附近搵野食，原來有間米芝蓮點心鋪好彩唔係好多人，我同朋友仔只係等左廿分鐘就有位了可以係等位既時候剔下想食既order，不過選擇唔多應該係剛剛出爐，熱辣辣~~ 一咬落去好香脆，個皮仲好乾爽!!~晶瑩剔透，但叉燒反而唔多，而且個腸粉皮有d 鞋口呢唔會好甜既馬拉糕，唔知係咪黑糖做既呢?!鬆軟可口，入口即融的喔服務態度就唔係太好，個樓面幾惡不過d 野食真係幾抵，又唔加一，唔錯唔錯

早有聽聞在和富中心附近，有兩家米芝蓮食堂，趁今晚路過北角，便躍躍欲試。然而，星期日晚，那家潮州小店正排著長長的隊。沒有太多耐性的我，只好轉移目標，走進了這家同是米芝蓮二星食府的北角分店一試。酥皮叉燒包第一道上的就是酥皮叉燒包。這裡標榜「即叫即做」，看來連酥皮叉燒包也是剛剛出爐不久的。包拿上手是熱得發盪的，其外皮咬下去口感香脆乾爽，沒有叉燒餐飽的膩。內裡包著的不是過甜的叉燒醬，而是含有半肥瘦的肉碎的叉燒醬。配合起上來挺有層次感，很不錯。　黃沙豬潤腸粉單論腸粉是很不錯的，因為這裡把腸粉做得又滑、又有彈性。用的豬潤不差，起碼質感柔軟，有豬潤的香味。但豬潤的份量卻大不如前，「偷工減料」了，每條腸粉只剩下幾塊小得可憐的豬潤，完全不足以配搭腸粉，使我甚至懷疑自己在吃素腸粉！杞子鮮蝦燒賣我不明白為甚麼要強調「杞子」，因為只在上面放上一顆，只是作裝飾，並嚐不出味道跟平時有什麼分別。不過，也許燒賣用的豬肉也許是半肥瘦甚至偏肥的，加上又蒸得恰到好處，所以整顆燒賣香軟幼滑，口感豐滿。喜歡吃酒樓燒賣的，定要試試！小結：結帳時，發現價錢比屋邨茶樓還要便宜，但點心卻有高檔酒樓的質素。雖然這家米芝蓮二星食府的分店，

自己真的頗喜歡吃點心當正餐.向來對要排隊的食店也盡量迴避,故旺角店一次也未曾光顧過.年多前某次路經深水埗分店遇上剛好有位便入內一試....結果是喊臉收場!這天下午來到北角,看見原來也有一家分店在這裡,同樣是有大量坐位供應而門外又可泊車....點心的選擇好像比以前少了,不知食物的味道可有所提升?古法糯米雞----近年吃到很多酒樓或點心店的的珍珠雞或糯米雞內裡也是乾得可憐!這裡的打開一看其實餡料不怎麼古法!至少沒有(鵪春蛋及豬肚粒)裡面是有不少的汁料但味道甚淡,吃起來只是濕潤但無味.潮州粉果----吃一口差點以為是素粉果!外皮不太厚帶點韌度,但花生,沙葛及唐芹佔了餡料的九成,感覺很齋!叉燒腸粉----薄薄的腸粉皮帶點黏叉燒質感粗糙有渣,豉油的調味亦過甜.鹹水角----皮厚不太脆吃起來頗油膩,但內裡餡料卻是做得不差調味亦不俗.比早前在深水埗的吃到為佳,但始終與自己好吃的定義是有一段距離!

其實已經黎過一次試佢地既招牌點心, 叉燒包, 馬拉糕嗰D, 但我覺得好普通, 今日經過又心思思想試其他。枱好迫, 一坐低枱面已有壺茶, 點知係凍既....好彩後尾都換過熱既俾我地。鳯爪排骨飯: 排骨同飯普普通通, 隻鳯爪睇落唔好食, 點知食落軟糯黏口, 好肯定唔係同D飯一齊蒸, 可能係用蠔油另外炆潮州粉果: 味道豐富, 馬蹄, 葱花, 芹菜, 花生加埋少少豬肉, 蒸得啱啱好, 好味!免治牛肉腸粉: 果皮切得唔夠碎, 食到一啖好大舊果皮, lur都lur 唔切虎皮尖椒: 一煎起即上枱, 少辣, 唔錯 金蒜鮮蝦莧菜: 以為好清淡, 原來好多蒜蓉, 好濃味食咗兩次我都係覺得普通, 唔知總店會唔會好食D?

較早前經過, 知道剛剛開了間米芝蓮點心餐廳, 當然要試試之前去過中環分店, 那邊比較細, 客源主要是旅客/Office, 等位較耐,北角的比較大, 兩人等位都是幾分鐘, 主要是附近居民最初打算飲早茶, 可惜這家開十點, 朋友未試過米芝蓮, 所以就特登等到十一點左右去到時, 已經有很多人排隊了, 外面的椅都坐滿, 不過我們兩人很快便有位一有位便點食, 我們都餓得很,當然有蝦餃, 燒賣, 豬潤腸粉, 雪山叉燒包...平時至愛食蝦餃, 不過望落好似細粒左D由於太肚餓, 好快就食哂, 冇影到相, 食飽埋單先記得野食黎得好快, 未食完一碟就黎幾籠, 桌又不是大, 很快便擺得滿滿,有不少服務員都很生手, 相信是新手,整體感覺不是太迫, 但很多人行來行去很繁忙,所以食完都快快走了~食物質素勝在夠新鮮, 味道不是想像中的好味, 只可說是above average可能專注做好現有菜式, 所以選擇不多

曾經聽說添好運的點心很好味，但這北角和富道就不敢恭維了。蝦腸啲蝦唔新鮮，古法馬拉榚十分乾，蒸飯啲飯又唔靚，座位又坐得唔舒服，啲茶又唔好飲，牛肉球就過得去。佢啲價錢都唔係平。