淥鼎記

營業中

休息中

禮拜五第一次同八個朋友一齊去食鹿鼎記，發現原來食嘢嘅時間可以好長，可以由5:30食到11:00pm,如果for朋友傾計都唔錯，同埋我哋滿8人，生日嗰個就可以免費，都係抵食嘅.食物質素就普普通通，有前菜，雞煲，酸菜魚，魚生，之後再打邊爐，有海鮮，牛，仲有普通嘅嘅任食的，最後每人一杯雪糕，飽就係好飽肚，但魚生麻麻地，只係無得任食嘅牛肉就唔錯，志在一邊傾計一邊可以等埋遲來嘅朋友一齊食，都係一個幾唔錯嘅選擇

今日放假，同屋企2位老人家飲茶。雖然要手機落單，但可以問佢拎點心紙比老人家睇，非常貼心。點心好味，黎到全部都仲係熱。蘿蔔糕表面好脆，裏面軟熟。脆皮鳳梨义燒包，好食。蒸飯個人覺得馬馬地。

難得平日搵食 緊係去飲茶之前已經好想試 一路無機會終於上到嚟試見到佢一壺水加茶包真心覺得有頭有腦孖寶抵呀 一盅飯加一個點心我地兩個人叫左兩份孖寶米網腸一路我都好鐘意食所以見到即刻心心眼😍粉紅色好吸睛最後幾飽都叫個甜品薑汁千層糕薑味超濃

應友人邀約嚟觀塘「淥鼎記」飲茶。印象中餐廳主打高質火鍋放題，原來早午市有手作點心供應，據說水準不俗，有酒店級數，而且價錢非常大眾化，性價比極高。店舖面積很大，佔據 8/F全層，裝潢以紅灰藍為主調，天花嘅吊燈很有特色，配上卡位旁邊嘅大玻璃窗，環境十分開揚，視覺上非常舒服。孖寶：北菇滑雞蒸飯、蟹籽龍皇燒賣 ($48)，雞件好嫩滑，肉厚又充滿油脂；北菇香滑富口感。米飯選用日本珍珠米，飯粒飽滿，口感黏稠，食落綿密有米香。燒賣非常大粒，啖啖肉又惹味，好正！蠔皇叉燒包 ($26) 叉燒包好軟熟，「爆口位」做得唔錯，叉燒餡薄切成粒，份量不多不少，蜜汁味道好香甜。五年陳皮牛肉球 ($28)  牛肉球口感好嫩滑，熱辣辣又大粒，入面有馬蹄、蔥花同芫茜，咬落有牛肉味之餘仲有肉汁，配上面頭嘅陳皮絲，更添風味。香芋天鵝酥 ($36)  天鵝酥造型別致美觀，入面包住芋蓉同肉碎，鵝身食落好有層次感，鬆化軟糯，不油不膩，令人回味無窮。芝麻肉鬆米網腸 ($38)  腸粉好滑，夢幻嘅粉紅色，加上炸至酥脆嘅米網、鮮蝦、木耳絲同唐芹，餡料滿滿，配埋面層嘅肉鬆、芝麻同紫菜，口感豐盈，超讚！千層薑汁糕 ($24)  薑汁糕嘅薑味

淥鼎記簡直係任食火鍋既天花板!!今次食呢個餐個知覺得真係超抵俾多幾十蚊已經可以無限時慢慢食就算限時間既套餐，都比一般時間長，足足有120分鐘前菜刺身雞煲其餘食物都係一般肥牛/蔬菜/各式丸類但淨係食以上幾樣再加火鍋都已經回哂本真係要再ENCORE 多幾次先試得哂佢所有湯底呀

想食依間（淥鼎記）好耐，早前wlaikin冇位，所以今次做好準備，好早book定位。老壇酸菜魚🐠/重慶雞🐔煲/香辣烤魚🐟/水煮牛肉🐂/🥥椰子雞🐔。必點，川菜經典菜式,香香脆脆的很好食酸菜魚，我無諗過咁大碟份量都好充足，視覺震撼，魚好滑酸菜味道剛好唔會太酸。食完已經有一半飽。◇店內環境:整潔大方充滿了空間設計感，裝修幾靚，而且一d都唔焗促。。 餐廳設計靈感源於 中國功夫及武術“醒獅設計”。身臨其中很有檔次, 打卡自拍好多食客都有咁做，乾煸牛肉絲 牛肉不會柴還有點香嫩,麻麻辣辣的配上米飯，好好吃，好送飯辣子雞分量很多,味道超級香,口感吃起來酥酥脆脆

最近外地工幹完番香港🇭🇰其中一樣好掛住嘅嘢係飲茶 於是去咗觀塘淥鼎記飲返夠本 一解思鄉情懷 酒樓以酒紅為主調 以清朝建築物為主題 擺設好時尚有品味 新舊交融 座位寬敞 亦比一般茶樓更為舒適 點心款式亦好有特色同精緻 食得又影得📸-🍲滑雞蒸飯(孖寶價：$48）滑雞蒸飯係用咗珍珠米 格外軟熟同有口感 雞肉亦好新鮮 -😯蟹籽龍皇燒賣 (孖寶價：$48）大大粒嘅豬肉燒賣 非常足料 一啖都食唔曬-🦐黃金蝦餃皇 $19蝦肉好新鮮又彈口 個蝦餃皮厚度亦恰到好處 正一皮薄餡靚-🥧8頭鮑魚和牛酥 $388頭鮑魚好足料好肥美 特別之處係個底加左層和牛酥 望落去好似酥皮蛋撻 食落去都好鬆脆-😋黑松露赤螺三文魚酥 $36黑松露香氣濃郁 酥皮炸得好鬆化脆口 赤螺同三文鮮都幾新鮮有嚼勁 味道唔錯-🥮海苔芋絲糕 $26賣相好靚好似層層疊 外皮酥脆 咬落去啖啖熱辣辣嘅芋絲肉 -🍮粟蓉西米焗布甸 $32新鮮出爐嘅焗布甸 質地好滑幾豐富 味道濃郁 仲有微微嘅焦糖味 鋪係布甸面嘅粟米蓉亦有嚼勁

鍾意黎淥鼎記飲茶，因為佢每次黎到嘅點心都係熱辣辣蝦餃燒賣係2粒一籠啱哂2個人黎飲茶時份量唔會太多座位夠鬆動，可以坐得舒舒服服佢地仲有提供咖啡檸茶橙茶🤩🤩蝦餃燒賣都係肥嘟嘟，蝦肉彈牙鳳爪好淋身夠入味，輕輕一咬就會骨肉分離好鍾意食佢地個炒粉絲，用料好足，蝦乾帶子好大隻炒得夠乾身，唔會食到成口油立立甜品同樣做得出色呀👅👅今次嗌左芝麻卷，煙靭又夠芝麻香味，紅棗糕鋪滿杞子，好好味喔🫶🏻🫶🏻淥鼎記食物質素好，而且價錢好抵食，係值得一直支持嘅食店喔

這店最出名的就是打邊爐，但原來一盅兩件同樣都是那麼出色，上菜快之如，最滿意的就是每樣點心上枱都總是熱辣辣的，份量也算大件，難怪這麼多客人前來等位，所以下次可以預先訂好坐位，這樣就不會等候太久🦁① 黃金鮮蝦餃(2件)內裡足料，滿滿大蝦，皮簿餡靚，還添上一條金色橫線做點綴 🍤② 醬汁鳳爪醬汁燶味，鳳爪大大隻，不會瘦蜢蜢🐓③ 蟹籽龍皇燒賣(2件)燒賣大大粒，咬落不會太實的的🥟④ 高橋蘿蔔糕(6件)與別一般的蘿蔔糕，用了輕微脆炸方式烹調，邊位脆身，內裡軟軟 🥕⑤ 桂花紫薯湯丸一打開蓋子，就聞到陣陣桂花香味，糖水味剛好，唯一湯丸皮就比較厚身🍡⑥ 金鉑芝麻卷(3件)很少地方售賣的芝麻卷，竟然在這裡品嘗到，舖上金鉑的芝麻卷，有淡淡的芝麻味，不太硬，不太甜🎞️𖤥  淥鼎記觀塘觀塘道414號1亞太中心8樓

初初因為想食雞煲所以book左佢，但佢個日full booking無無限時，只可以食限時120分鐘火鍋放題🥹照book左去到先知原來限時放題得邊爐無雞煲架⚠️不過唔緊要，個邊爐都係正嘅🤭🍲堂主套餐120分鐘火鍋放題($268 + 10% /星期六日假期價）120分鐘放題餐都有兩款，我地呢隻係有海鮮🦐無海鮮的話再平$30😬湯底我地揀左鴛鴦鍋（花膠美人湯+鴨血麻辣鍋），花膠清清地，碌菜岩哂☺️麻辣鍋味都有啲辣，辣過10小啲啲，但幾香😋🥩肉方面有安格斯肥牛，牛板翼，黑毛豬肉，羊肉片，肉方面絕對唔差🤩一黎到已經見到雪花好靚，重點係由第一碟到最後一碟都維持到質素，唔會得番啲肥肉🤣肉味都好香，羊肉就偏騷，鍾意食羊嘅應該岩哂😚🦐海鮮都好滿意！有沙白，脆肉鯇，蝦，帆立貝，廣島蠔🦪樣樣味道質感都新鮮，沙白無沙，蠔唔算大隻但鮮甜，我地都不停encore沙白同蠔🤭🥬肉同海鮮QR code落，其他就要出去自助區拎，出面都好多款式，水魷、鵝腸、牛柏葉、豬皮、鴨血、丸、西洋菜（👧🏻：加分！）、響鈴、魚皮、餃等，款式都算多🥰🥤飲品除左普通汽水果汁茶，最欣賞佢有自家制竹蓆茅根，打邊爐清熱又甜甜地，岩哂☺️總括黎講，係質素幾

通常我午市就會嚟呢一間度食嘢，午市嘅時候主要係食點心，佢嘅點心質素相當之高，連馬拉糕都有太極嘅標誌，非常之可愛而且亦都會有特別嘅網紅飲品，例如有一隻熊仔坐喺度，別具心思但係價錢真係相當之貴，例如一籠燒賣同蝦餃剩係得兩粒，但係價錢就同出邊4粒嘅差唔多一樣

今日同班同事又黎飲茶，😅原本諗住只叫點心，但最後都忍唔到叫左兩個雞煲，一個椰子雞煲，一個辣雞煲！椰子雞煲啲湯好好飲，D雞點沙薑即刻野味哂！點心只係叫左春卷，鳳爪，同埋腸粉！都唔錯今次焦點，熊仔奶茶同埋檸蜜茶，真係好特別呢！

香港探店｜觀塘｜任食火鍋｜淥鼎記如果你問我，在香港二百多元能吃到一個怎樣的火鍋，我告訴你淥鼎記肯定是這個價位的 #天花板！先上了一份錦繡前菜！裏面包括炸雞、香辣無骨鳳爪、手拍青瓜等等，特別開胃！店家還可以讓我們選擇酸菜魚或者雞煲，我們揀了酸菜魚，真的沒有後悔！ ！ ！巨辣巨麻，吃落去就像是到了四川一樣，真的10分地道，魚肉十分爽滑、沒有丁點的腥味，而且他們家的酸菜也是挺好吃的！到了主菜火鍋！琳琅滿目的火鍋鍋底選擇真的讓我們眼花撩亂，我們最後選擇了麻辣鴨血鍋底，也是不錯的選擇！紅得不見底的麻辣火鍋裏面有滿滿的鴨血！他們家的牛肉也是挺好吃，薄薄的、牛味足夠，不會很快讓你撐飽我覺得你一定要來吃吃，他們自家製的墨魚丸、蝦丸、和鯪魚肉魚，手打的丸子，真是10分爽彈，驚艷到我！——————為食分界線——————📍 淥鼎記 (觀塘)觀塘觀塘道414號1亞太中心8樓人均消費： $250#mariofatfat #foodie #hkdoodie #hkrestaurant #topcitybiteshk #topcitybites #hongkongfood #hk #hongkong #hkfoo

今日同成班同事過咗觀塘呢一邊食下午飯，同事就提議不如去飲茶，我哋成班八個人就去咗飲茶，去到茶樓都要等成20分鐘先入到去，不過姐姐都非常好態度，好快安排咗我哋入去餐廳嘅位置都寬闊，唔會話有好迫既感覺 比較推薦嘅點心有蝦餃，蝦餃餡料非常多，每一隻蝦亦都非常爽口彈牙，皮亦都做得好薄，食落去啖啖蝦肉，超級滿足！煎蘿蔔糕亦都非常唔錯，蘿蔔糕外皮煎得燶燶哋，非常香口。表面亦都有瑤柱絲同埋蝦乾，配搭得非常好我哋八個人叫咗廿個點心，每人大概$100

入到lift已經聞到打邊爐嘅香味！淥鼎記呢一間火鍋店直至到尋日先第一次幫襯，見到個餐牌有好幾個套餐選擇，今日同朋友揀咗呢個十分之抵食嘅小寶套餐。 首先會來四小碟小食，有鹽酥雞、拍青瓜、豬肚、同埋鳳爪。個鹽酥雞十分之出色，香口之餘仲要非常之脆！套餐包一個酸菜魚或雞煲或椰子雞，三選一。因為成日食雞煲嘅關係，我哋今次就揀咗酸菜魚，而火鍋湯底就揀咗麻辣！酸菜魚10分出色，魚肉非常嫩滑， 一條骨都冇，好適合我呢啲從來唔喜歡食魚嘅人。而酸菜魚呢個味道唔會十分之辣， 但就幾麻， 臨尾嘅時候食到粒花椒，口部麻痹長達成分鐘咁耐。跟住就打邊爐，麻辣湯底我哋揀咗小辣，我就覺得一啲都唔辣，鍾意食辣嘅朋友可以揀中辣或以上。 而打邊爐嘅配料都同其他火鍋店相若，肥牛，豬肉，雞肉，各類丸類等等！ 平心而論，而家坊間有好多同類嘅火鍋店放題選擇，而呢間餐廳呢一個小寶套餐嘅價錢只係二百幾蚊，有咁多嘢食，實在十分之抵食， 性價比易高！