淥鼎記

營業中

休息中

入到lift已經聞到打邊爐嘅香味！淥鼎記呢一間火鍋店直至到尋日先第一次幫襯，見到個餐牌有好幾個套餐選擇，今日同朋友揀咗呢個十分之抵食嘅小寶套餐。 首先會來四小碟小食，有鹽酥雞、拍青瓜、豬肚、同埋鳳爪。個鹽酥雞十分之出色，香口之餘仲要非常之脆！套餐包一個酸菜魚或雞煲或椰子雞，三選一。因為成日食雞煲嘅關係，我哋今次就揀咗酸菜魚，而火鍋湯底就揀咗麻辣！酸菜魚10分出色，魚肉非常嫩滑， 一條骨都冇，好適合我呢啲從來唔喜歡食魚嘅人。而酸菜魚呢個味道唔會十分之辣， 但就幾麻， 臨尾嘅時候食到粒花椒，口部麻痹長達成分鐘咁耐。跟住就打邊爐，麻辣湯底我哋揀咗小辣，我就覺得一啲都唔辣，鍾意食辣嘅朋友可以揀中辣或以上。 而打邊爐嘅配料都同其他火鍋店相若，肥牛，豬肉，雞肉，各類丸類等等！ 平心而論，而家坊間有好多同類嘅火鍋店放題選擇，而呢間餐廳呢一個小寶套餐嘅價錢只係二百幾蚊，有咁多嘢食，實在十分之抵食， 性價比易高！