影片
更多
2023-05-16
1009 瀏覽
應友人邀約嚟觀塘「淥鼎記」飲茶。印象中餐廳主打高質火鍋放題，原來早午市有手作點心供應，據說水準不俗，有酒店級數，而且價錢非常大眾化，性價比極高。店舖面積很大，佔據 8/F全層，裝潢以紅灰藍為主調，天花嘅吊燈很有特色，配上卡位旁邊嘅大玻璃窗，環境十分開揚，視覺上非常舒服。孖寶：北菇滑雞蒸飯、蟹籽龍皇燒賣 ($48)，雞件好嫩滑，肉厚又充滿油脂；北菇香滑富口感。米飯選用日本珍珠米，飯粒飽滿，口感黏稠，食落綿密有米香。燒賣非常大粒，啖啖肉又惹味，好正！蠔皇叉燒包 ($26) 叉燒包好軟熟，「爆口位」做得唔錯，叉燒餡薄切成粒，份量不多不少，蜜汁味道好香甜。五年陳皮牛肉球 ($28) 牛肉球口感好嫩滑，熱辣辣又大粒，入面有馬蹄、蔥花同芫茜，咬落有牛肉味之餘仲有肉汁，配上面頭嘅陳皮絲，更添風味。香芋天鵝酥 ($36) 天鵝酥造型別致美觀，入面包住芋蓉同肉碎，鵝身食落好有層次感，鬆化軟糯，不油不膩，令人回味無窮。芝麻肉鬆米網腸 ($38) 腸粉好滑，夢幻嘅粉紅色，加上炸至酥脆嘅米網、鮮蝦、木耳絲同唐芹，餡料滿滿，配埋面層嘅肉鬆、芝麻同紫菜，口感豐盈，超讚！千層薑汁糕 ($24) 薑汁糕嘅薑味
應友人邀約嚟觀塘「淥鼎記」飲茶。印象中餐廳主打高質火鍋放題，原來早午市有手作點心供應，據說水準不俗，有酒店級數，而且價錢非常大眾化，性價比極高。
店舖面積很大，佔據 8/F全層，裝潢以紅灰藍為主調，天花嘅吊燈很有特色，配上卡位旁邊嘅大玻璃窗，環境十分開揚，視覺上非常舒服。
孖寶：北菇滑雞蒸飯、蟹籽龍皇燒賣 ($48)，雞件好嫩滑，肉厚又充滿油脂；北菇香滑富口感。米飯選用日本珍珠米，飯粒飽滿，口感黏稠，食落綿密有米香。燒賣非常大粒，啖啖肉又惹味，好正！
蠔皇叉燒包 ($26) 叉燒包好軟熟，「爆口位」做得唔錯，叉燒餡薄切成粒，份量不多不少，蜜汁味道好香甜。
五年陳皮牛肉球 ($28) 牛肉球口感好嫩滑，熱辣辣又大粒，入面有馬蹄、蔥花同芫茜，咬落有牛肉味之餘仲有肉汁，配上面頭嘅陳皮絲，更添風味。
香芋天鵝酥 ($36) 天鵝酥造型別致美觀，入面包住芋蓉同肉碎，鵝身食落好有層次感，鬆化軟糯，不油不膩，令人回味無窮。
芝麻肉鬆米網腸 ($38) 腸粉好滑，夢幻嘅粉紅色，加上炸至酥脆嘅米網、鮮蝦、木耳絲同唐芹，餡料滿滿，配埋面層嘅肉鬆、芝麻同紫菜，口感豐盈，超讚！
千層薑汁糕 ($24) 薑汁糕嘅薑味控制得恰到好處，唔會過嗆，而且口感Q彈，煙韌有嚼勁，薑香暖胃、甜潤心頭。
埋單有驚喜，原來12點前結帳離座，免茶芥免加一，非常經濟實惠！
張貼
