淥鼎記

營業中

休息中

今日同朋友聚餐， 發現大驚喜， 🥳🥳有四川烤魚又有超級海鮮火鍋， 仲有極品刺身拼盤， 喺呢度真係包你滿足 。🤩🤩爵爺火鍋套餐 ，包咗一個川式麻辣烤大羅非魚 ，🐳再加超級魚生拼盆，🍱 跟住就係超級海鮮火鍋 ，🔥未計自助點嘅菜式，淨係指定嘅餐已經夠曬大份量 ，全部都係最新鮮嘅食材 ，火鍋材料嘅鮑魚係識喐嘅 ，👀真係驚喜無限。💥💥💥💥💥 爵爺尊貴套餐 --藤椒烤大羅非魚， 條魚超大條超新鮮 ，上面鋪滿各種川式配料， 新鮮花椒 ，青椒，芹菜，蔥蒜， 個底鋪滿嫩滑豆腐同芋絲， 一路煲一路食， 片片雪白爽滑嘅魚肉， 在麻香鮮辣嘅湯汁入面， 發出陣陣誘惑嘅香味 ，從未食過咁好味嘅魚， 條魚好大， 少骨多肉 ，四個人都夠食。💥💥💥💥💥 超級新鮮刺身拼盤 ，一盤七彩繽紛嘅刺身 ，有鮮鮑魚， 海貝片， 大牡丹蝦， 肥美三文魚， 巨型新鮮帶子， 在黃菊花，🌼綠紫蘇葉，🌿紫蘭花💐既配襯下閃亮登場， 最新鮮嘅海產， 就算不用wasabi 醬油， 都是滿口甘香鮮甜， 美味無比， 令人回味無窮。👍👍👍👍👍 頂級手切牛肉， 一大盆新鮮雪花牛肉， 🐮好似個小火山咁 ，♨️☄️🔥鮮色嘅牛肉 ，脂肪均勻， 紅白相間 ，切得厚厚

旺角創興實在太多晚餐放題火鍋選擇，今晚黎左間個名幾有型既「淥鼎記」，淥一淥佢。我地係晚市最早時段5:30入場，個陣都有幾枱客一齊等入。食到7:30時已經9成爆滿左了。環境好衛生開揚，燈火通明，有裝飾，冷氣足，抽風足，食完唔會有一陣火鍋味呢！欣賞！我地人少少，點左個小寶套餐。佢呢度可以點左主菜先，食完就上埋火鍋任食。性價比超高，因為每人$300有找！首先我地點左個bb辣酸菜魚，可能我平時食開辣，bb辣根本無辣，不過朋友仔話已經好夠辣啦😂呢個魚肉質比想像中出狗地有爽口有肉感，唔會散開或「膠」感，其他配料亦份量十足，我地最後都食唔哂呢！然後要打大佬，食埋個火鍋先。放埋一齊場面實在太勁啦，一定要紀錄一下呢！其實兩個人已經食到6成飽啦，但係有任食火鍋當然唔可以停手。呢度既火鍋食材主要分QR code落order 或 到食材區自選，鮮肉類🥩（即牛、雞、豬、羊肉）就要電話掃code, 其他一律可自己按心意夾合適份量同款式，醬汁都非常大陣仗，有超過15款以上選擇呀！我地試過幾轉，肉類都好新鮮，唔會比啲好流既肉你架😁呢間火鍋絕對係好抵食呢！

都好耐無食放題啦，創興廣場都好多選擇。今次翻牌-淥鼎記。環境：個場好大，裝修唔錯，位置闊落，坐得舒適。食物：都有好幾個set可以揀，豐儉由人啦，我地揀左小寶餐。小食毛豆十分好味，可惜好似唔可以添。主菜6選一，有烤魚，酸菜魚，清湯腩等等可選。我地揀的是酸菜魚，味道十分唔錯，用料都好多，魚肉爽滑，正啊。個人最鐘意裡面的花生芽，食落好脆，口感比豆芽好。主菜好大份，真系細食少少，後面放題都可以免。主菜完就可以揀湯底，加料肥牛啦。肥牛都有好幾款，牛板翼肉質更多，少油脂，唔需要淥太耐，否則可能會韌。個人更鐘意肥牛，肥瘦適中，口感飽滿。其他仲有黑毛豬，雞肉可以任叫。距地勁多餃子，各種口味都有。丸子腸仔都梗系唔少得，而且衛生工作做得好好，讃。其他放題食物都應有盡有，蔬菜夠新鮮，飲料夠凍，值得encore。服務：上得夠快，收得及時，讃。

淥鼎記 旺角好耐之前試過旺角呢間淥鼎記嘅點心同酸菜魚都好有水準。前排知道佢夜晚會有火鍋放題之後即刻book咗位嚟試，結果係好有驚喜所有嘢都勁高質👍🏻👍🏻👍🏻當晚我哋試咗最平嘅小寶套餐，限時兩個鐘，7:30pm前離座每人$238除咗火鍋之外，仲可以係六個主菜入面揀一個。要注意嘅係椰子雞，烤魚同埋牛腩都要有6位以上先可以揀。如果少過六位嘅都可以每位再加$28揀。因為之前試過呢度嘅酸菜魚好好味，所以我哋今次依然都係揀咗酸菜魚，估唔到嚟到同散嗌一樣咁大盆，魚肉完全唔會腥，肉質超級滑，同之前一樣咁高質，好食過好多川菜餐廳，推薦大家一定要試！！另外每台都會有兩碟前菜包括毛豆同埋蝦，本身對呢啲前菜都冇乜期望，但估唔到個蝦好好食，煮法類似麻辣香鍋，辣味好香，蝦嘅肉質都唔差。同行朋友唔食蝦，最後我自己一個食晒😋😋🤣鍋底方面都有六款選擇，我哋嗌咗海皇海鮮鍋，鍋底一嚟到好香蝦味，入面都放左唔少蝦食物選擇方面肉類同部分丸類就可以scan QR code落單。有齊豬牛羊雞蝦丸等等。肉類一嚟到賣相就超級靚，一睇就知啲肉係高質嘅，絕對唔係平時出面放題食到嘅質素，甚至我覺得好食過某啲散嗌嘅火鍋店。所有肉肉味道好出口感

上次同爸爸喺「淥鼎記」飲過茶，點心真係幾有質素，今次帶埋媽咪嚟試裝修帶點復古懷舊風，全為卡位座，舒適闊落；小館人手充足，店員態度殷勤親切又有禮==========🔹北菇滑雞蒸日本珍珠飯 $38早晨孖寶超值系列雞肉雪白嫩滑帶淡淡雞味；冬菇肉厚爽滑有彈性，菇味濃郁珍珠米份量充足，粒粒分明帶點煙韌推介指數：8.5/10==========🔹甜菜芯叉燒腸粉 +$10 (原價 $32)早晨孖寶超值系列腸粉皮細滑不黏口；叉燒瘦而不乾柴，肉香不錯；內餡加入生菜及梅菜，增加口感層次推介指數：8.5/10==========🔹8頭鮑魚和牛酥 (件)原隻鮑魚大隻厚身，口感嫩滑彈牙，鮑魚味濃；和牛份量豐富，肉質軟嫩而牛香突出，部份有入口即溶感覺酥底鬆脆香口，牛油味道不重，油膩感不高推介指數：9/10==========🔹黃金鮮蝦餃 (2件) $19賣相精緻得體，以金萡點綴蝦餃皮軟硬及乾濕度適中而不黏牙，皮薄煙韌；蝦肉爽鮮彈牙，調味恰好推介指數：8.5/10==========🔹蟹籽龍皇燒賣 (2件) $19燒賣大粒賣相佳蟹籽鮮味多汁；蝦肉新鮮爽口；切肉肥瘦適中有肉香推介指數：8.5/10==========

同朋友食飯，一邊淥吓淥吓，一邊吹水，就最好。我們選了「淥鼎記」任食火鍋，因為它一次過可以滿足我哋三個要求，1.裝修靚環境舒適；2.可以任食火鍋；3.還可以選一個主菜。我們選了「堂主套餐」，套餐可以叫一個主菜，有六款可以選擇，我們選了老壇酸菜魚，酸酸辣辣，魚肉爽口，配料都很多，好好味😋湯底選了美人花膠鍋，花膠都幾厚肉，咬落好有質感。至於任食火鍋🍲方面，有各種肉類，豬、牛、羊、魚…海鮮方面，蝦、蠔、沙白、魚卜…都任叫任食。還有自助吧，各式丸類蔬菜🥬自助任你攞。飲品方面，各式汽水、涼茶、凍茶任君選擇。餐廳還提供兩個小食，真的非常豐富。整體嚟講食物新鮮，款式多樣，真係冇選擇錯。老壇酸菜魚小食小食美人花膠鍋各式肉類海鮮大大隻魚卜蔬菜🥬

今日同朋友旺角行街，夜晚搵嘢食，當然去始創中心睇吓啦，見到呢間火鍋放題，就想去試試。上到去見到餐廳嘅中式裝修，又帶點現代感，環境很不錯。在睇到個餐牌，除了火鍋放題之外，還可以叫一個主菜，實在太吸引了。立即決定主菜食酸菜魚，然後叫個堂主套餐。堂主套餐$268主菜方面可以六選一，我和朋友決定選酸菜魚。這就酸菜魚配料有很多，有蓮藕、大豆芽、萵筍、薯粉，酸酸辣辣的味道之外，再加上菊花瓣，除咗賣相好靚，還有淡淡的菊花香味。湯底選了花膠美人鍋，材料有花膠、杞子紅棗。花膠真係好好味。然後還有兩款前菜。放題可選嘅食物有豬、牛、羊、脆肉鯇、廣島蠔、蝦、沙白、水魷等……全部都好新鮮。醬料嘅款式好多好多，都係自助。還有一個自助飾物櫃，可以選自己喜歡嘅食物，丸類，蔬菜類可以隨便選擇。除咗火鍋放題之外，餐廳仲有好多其他特色嘅食物，今次真係食唔到咁多，留返下次再食過。

今日黎到旺角呢間淥鼎記打邊爐呀🤩 好耐之前食過觀塘嗰間 旺角開咗一直都好想試吓 今日終於黎食啦～ 今次揀咗小寶套餐 早食1930前離座 $238任食兩個鐘 正呀😬坐低先揀主菜 有三樣係要六個人以上先可以揀 我哋兩個人就可以揀重慶雞煲、老壇酸菜魚、同埋干鍋海鮮什錦 咁我哋就揀咗酸菜魚啦～～ 揀好主菜 有兩款小食就已經上枱啦～ 再出去拎嘢飲 好多選擇🤣 揀咗竹蔗茅根 同埋茉莉茶 自家製嘅竹蔗茅根唔會太甜 打邊爐清熱啱晒～茉莉茶 見到佢係原個茶包 好濃茶味👍🏻 老壇酸菜魚 大大碟好香熱辣辣咁上枱 魚肉分量超多 全部都係無骨啖啖肉 酸菜好食唔太酸～ 配菜方面有蓮藕、萵筍、豆芽、薯粉等等好足料👍🏻 完全同出面食嘅份量一模一樣 如果食晒都應該飽左一半🤣 酸菜魚食到一半就叫咗個湯底 今次揀咗花膠美人鍋 好快就上到嚟啦 估唔到都有成8塊花膠🤩 仲有啲杞子紅棗 真係好養生 好啱女士🫢 二話不說飲咗個湯先😌 花膠彈牙有咬口 好味😋 紐西蘭羊肉片：肉質鮮嫩 羊羶味唔算重 安格斯極佳级精修肥牛：有牛味 脂肪較多 肉質就腍啲安格斯牛板翼：牛味濃啲 脂肪分布平均啲 肉質比較有咬口 個人比較推薦呢一隻😋全部肉類

之前同朋友食過一次覺得好好食，所以今次就再幫襯🤪 今次同朋友叫咗小寶套餐，一坐低店員都好細心咁講解套餐包咗啲咩，同埋可以係邊度攞醬料同飲品👍🏻 -出面都幾多嘢飲同醬料可以揀，我同朋友就分別揀咗茉莉綠妍茶同自家製嘅竹蔗茅根，兩杯都好清涼解渴，幾好飲😋喺食主菜之前，店員仲送上咗前菜炸魷魚鬚，魷魚鬚炸得好酥脆，而且炸粉薄薄一層，唔會太厚，加埋面頭嘅七味粉，整體好開胃唔會漏😆-淥鼎記同其他火鍋放題最唔同嘅地方，就係除咗打邊爐仲有一個主菜，今次就同朋友試咗老壇酸菜魚，因為我哋本身驚會太辣食唔到，所以就嗌咗小辣小麻，但喺譚仔食開五少辣嘅我就覺得冇乜辣味😂 如果唔太食得辣嘅話，揀小辣或者bb辣應該都啱食🤪-打邊爐嘅湯底我哋就揀咗蕃茄牛肋條鍋🍅 湯底好清甜，裏面仲有成個蕃茄🤣 牛肋條份量都唔少，建議可以滾耐啲等佢淋啲再食😋 肉類就全部都係任食嘅，牛肉肥瘦啱啱好，識落唔會太嚡或者太肥👍🏻-整體來講呢間嘅食物水準平均都好高，尤其是個酸菜魚，好有驚喜😆 店員服務態度都好好，除咗好細心講解之外，仲會間唔中過嚟加湯。之後有時間會再嚟食！-味道: 8.5/10服務: 9/10環境: 8/10回頭率: 9/10總評

近年好少食任食邊爐，因為年紀大左，追求質素多於份量。今次朋友介紹呢間任食邊爐，集質素和份量於一身既港式任食邊爐。首先會有一次性提供既六選一主菜，今次我地選左 #老壇酸菜魚 ，同時亦會送上 #日本直送時令刺身 酸菜魚魚片好嫩滑，配料有蓮藕，萵筍，大豆芽，辣味和酸味恰到好處。刺身拼盤，刺身非常新鮮，有三文魚腩，帶子，鮑魚，大蝦。食完以上後，就可選湯底打邊爐我地選了#花膠美人鍋 可先飲湯再打邊爐，湯底是香濃雞湯，配上大大塊花膠，幾清甜。送上湯底後，同時送上一次性提供既 #頂級手切牛 和 #豪華海鮮拼盤 ，呢碟牛肉質素拍得住普通散叫火鍋店 二至三百蚊既手切牛頸脊，油脂分佈均勻。海鮮拼盤好新鮮 有扇貝 ，鮑魚 ，花甲 ，魷魚 ，蝦滑 ，花膠 ，墨魚滑，梅菜豬肉 如果你唔係正值發育時期 或者 大胃王，食完以上應該都有5-7成飽。佢另外仲有火鍋生料和飲品係任飲任食，分別在自助吧 和 手機Apps 任攞任點。

咁岩要去旺角又好耐無食火煱，見到淥鼎記又有雞煲、酸菜魚，咩都有咁～餐廳環境好中國風好岩飲茶食點心，店員話真係有點心食不過係中午時份，下次有機會黎試下先。叫左個爵爺套餐首先有2款小食係花螺同魚皮，味道不過不失，之後就六選一主菜，因為近排食左烤魚就揀雞煲食，醬汁唔會太濃但夠惹味，雞肉肉質嫩滑，份量岩岩好，太多就食唔到火鍋，上左雞煲同時有一盤刺身入面有三文魚、帶子、鮑魚、牡丹蝦等等，質素都唔差，牡丹蝦同帶子都夠大隻。火鍋湯底六選一就揀左清清地既豬骨湯，入面包左豪華海鮮拼盤又係有蝦、鮑魚、沙白、墨魚仔、墨魚滑、蝦滑，想講唔洗再另外order 拎野食都好夠份量，仲有頂級手切牛同牛丸，手切牛，脂肪雪花狀分布平均。火鍋配料都有好多款感覺衛生，每樣食物都有膠盒封好而飲品雪櫃入面除了各式各樣的汽水、茶飲之外，最欣賞有涼茶（竹蔗茅根）飲真係好貼心食到最後仲有甜品，4款口味Haagen-Dazs雪糕選擇，只可以講性價比高！

好耐之前試過喺呢間打邊爐（另一間分店）不錯，早兩日喺網上有人介紹呢間有得食特色點心，好想試吓，於是今日決定食個中午飯，基本上中午唔使等位就入座了，到點嘢食嘅時候，發現點心選擇不太多，咁都點下啲蝦餃燒賣啦，個樣好似好靚以及嗌咗其他點心，點心先後嚟到，個樣就真係好靚喇，不過食落去淨係感覺填飽咗個肚，冇好味嘅味道，蝦餃冇蝦味，腸粉剩係得粉皮嘅味（我要點余均益先食到落口），咁多樣點心剩係得鳳爪有醬汁味因為感覺食得不太愉快，所以對用餐要求都好似相對提高，就算點心食完，啲碟擺咗好耐都冇人收走。點咗8個點心（圖示六個，唔記得影燒賣同碟菜），埋單盛惠$300，同老公行出門口嘅時候，同一感受表示，凡是不能只看外表題外話，本來係透過OpenRice book 咗三位（連埋朋友）最後因朋友臨時來不到，去到餐廳同門口職員講返嘅時候，佢話因為我唔夠人數，要取消我OpenRice Booking，當我沒有出席⋯（事實上我的確出席了）

上個禮拜其實先嚟呢度打個邊爐，先知道原來佢哋午餐時間有做點心，既然係咁，今日做返個孝順仔，帶老媽子來飲茶。🥴蝦餃🦐，燒賣🐷。蝦餃皮薄餡大，蝦肉鮮嫩，入口即化。燒賣的皮也很薄，餡料豐富，口感十分鮮美。脆網腸粉♨️，網腸粉皮薄如紙，纖維狀的內餡口感豐富，而且配上炸得酥脆的脆網，口感更佳。鳳爪排骨飯，🍚鳳爪和排骨都煮得非常入味，肉質鮮嫩多汁，而且呢度係用日本珍珠米來做，所以更加有特色。酸菜魚米線🐟，這道菜的魚肉切得非常薄，煮得剛好入味，配上酸菜和米線一起煮，令人停不下口。黑椒蒸金錢肚🥩，肉質鮮嫩，配上黑椒醬汁，口感豐富。鴨腳扎🦆。鴨腳煮得入味，撕起來肉質鮮美，配上而且裏面有各種配料，每樣都恰到好處。淥鼎記的美食是一種極致的享受, 除了美食之外，餐廳的服務也很出色，讓我們感受到了香港人的熱情和好客。如果你想品嚐正宗的廣東美食，淥鼎記是一個不容錯過的好地方。

同同事吔飯…大家話想打邊爐又唔想無頂睇…好彩而家多左好多高級dd打邊爐任食…一般開頭都會提供雞煲…熟食…刺身等等…之後就有d靚d一次性火鍋配料。食完就有d基本火鍋配料任食。今次揀左淥鼎記旺角分店。我地個餐首先就有一盤刺身有三文魚…帶子…鮑魚…蝦…等等食完就到熟食頭盤…呢度頭盤選擇都幾多…可以6揀2…而我地就點左酸菜魚…同椰子雞…酸菜魚好大盤…味道都可以。呢味野都係big6食正d。椰子雞d雞就無食…不過個湯加左奶就好好飲之後就再揀火鍋湯底打邊爐…呢度就好過出面就咁加水就算。我地要左麻辣鴨血同美人鍋(花膠湯)火鍋配料有盤海鮮包括聖子…鮑魚…蝦…再黎多碟牛肉同牛丸海鮮好新鮮…見到鮑魚仲郁郁下。牛肉都ok…牛丸反而幾好…之後再係自助區攞d丸同菜就俾KO左整體食物質素唔錯唔錯…價錢合理又封頂…唔驚穿頭落樓🤣🤣

食左貴個個餐，$388加一每位開頭黎嘅嘢都好靚但只係「送」，即係只係得一轉，冇得再叫先黎一份刺身，每人每款各一塊質素係ok唔錯嘅個啲餐前四款凍小食就無謂講，食放題唔會花容量係呢度🤣跟住就食雞煲，呢度有少少失望我地黎到見到隔離台有店員幫手炒雞煲黎到，個位後生女又冇講要唔要炒，要煮幾耐先食得，擺低就咁走左去然後我地猶豫左好耐，最終打開已經燶底🥲🥲覺得食呢個價錢唔應該係咁食完佢就執嘢幫你換，我地叫左花膠湯執嘢個位哥哥就好友善，抵讚之後呢兩份都係只有一轉，有靚牛靚海鮮其他就手機嗌同出去羅手機主要嗌肉類、海鮮等出去羅就係羅菜、丸、餃子、飲品、醬料個啲有可樂同無糖可樂值得一讚但自製飲料就都係咁上下丸類、鴨血都十分麻麻，食左一次就唔想再羅值得一提嘅係，食物種類太少睇到好多但其實好多都睇得出唔係靚嘢呢個價錢，除左上面影個三盤嘢，其他嘢都唔值呢個價錢P.s. 佢有平啲嘅餐，我冇試，因為復活節假期卜台佢話只可以嗌呢個價錢