影片
更多
2023-06-19
282 瀏覽
第一次黎到淥鼎記，位於旺角分店，交通非常方便。我地揀左小寶套餐，7點半前離座只需$238，價錢好實惠。套餐可以係重慶雞煲，老壇酸菜魚同干鍋海鮮雜錦當中揀一個主菜，之後再揀湯底打邊爐。首先係餐前小食：枝豆同椒鹽魷魚。跟著係小辣重慶雞煲，煮大概8分鐘就可以食得，其間侍應會幫手攪拌雞煲，以防煮燶，服務好細心呀。講番雞煲先，份量都唔少，配料十足，花椒，八角，洋蔥樣樣齊，夠惹味。雞肉厚身，但唔會嚡口，麻味比辣味重，舌尖都麻哂，但愈食愈開胃。食得差唔多，就可以用QR code order湯底打邊爐啦。海皇海鮮鍋，有蝦味同蟹味，幾鮮甜，連淥嘅食物帶有鮮味，相當唔錯嘅湯底呀。QR code落單嘅安格斯肥牛同牛板翼，牛味唔錯。仲有豬肋條，啖啖肉又唔韌，淥耐左都唔怕。自助區食物選擇多，一盒盒整齊排列，乾淨衛生。有鴨血，水魷，牛栢葉，炸魚皮，韮菜餃......樣樣都想試，要小心眼闊肚窄呀另外，自助醬料區有10幾種選擇，飲品都有好多選擇，我特別推薦自家竹䉀矛根，足料又夠甜，啱哂打邊爐。旺角區有呢間價錢實惠，服務用心嘅頂級雞煲火鍋，真係要再encore呀
我地揀左小寶套餐，7點半前離座只需$238，價錢好實惠。套餐可以係重慶雞煲，老壇酸菜魚同干鍋海鮮雜錦當中揀一個主菜，之後再揀湯底打邊爐。
首先係餐前小食：枝豆同椒鹽魷魚。
跟著係小辣重慶雞煲，煮大概8分鐘就可以食得，其間侍應會幫手攪拌雞煲，以防煮燶，服務好細心呀。講番雞煲先，份量都唔少，配料十足，花椒，八角，洋蔥樣樣齊，夠惹味。雞肉厚身，但唔會嚡口，麻味比辣味重，舌尖都麻哂，但愈食愈開胃。
食得差唔多，就可以用QR code order湯底打邊爐啦。海皇海鮮鍋，有蝦味同蟹味，幾鮮甜，連淥嘅食物帶有鮮味，相當唔錯嘅湯底呀。
QR code落單嘅安格斯肥牛同牛板翼，牛味唔錯。仲有豬肋條，啖啖肉又唔韌，淥耐左都唔怕。
自助區食物選擇多，一盒盒整齊排列，乾淨衛生。有鴨血，水魷，牛栢葉，炸魚皮，韮菜餃......樣樣都想試，要小心眼闊肚窄呀
另外，自助醬料區有10幾種選擇，飲品都有好多選擇，我特別推薦自家竹䉀矛根，足料又夠甜，啱哂打邊爐。
旺角區有呢間價錢實惠，服務用心嘅頂級雞煲火鍋，真係要再encore呀
張貼
